#BFA_BMA_30_yoshda

✍️ Sun'iy intellekt, Fintex va barqaror moliya masalalari muhokama qilindi

🔰O‘zbekistonda moliya-bank tizimini yangi bosqichga olib chiqishga qaratilgan islohotlar izchil davom etayotgan bir paytda, Respublika Bank-moliya akademiyasining 30 yilligi doirasida o‘tkazilgan “Fintex va sun’iy intellekt davrida barqaror moliya” mavzusidagi xalqaro konferensiya muhim siyosiy-iqtisodiy ahamiyat kasb etdi.

Xalqaro konferensiyani Respublika Bank-moliya akademiyasi rektori Elmurod Hoshimov kirish so‘zi bilan ochib,ta’lim tizimini modernizatsiya qilish, ilmiy tadqiqotlarni real sektor ehtiyojlari bilan uyg‘unlashtirish va xalqaro hamkorlikni kengaytirish bugungi kunning ustuvor vazifasi ekanini alohida ta’kidladi.

📍Konferensiyada xorijiy va mahalliy ekspertlar, nufuzli olimlar va xalqaro tashkilotlar vakillari ishtirok etib, global iqtisodiy jarayonlar sharoitida moliya tizimini transformatsiya qilish, raqamli iqtisodiyotni rivojlantirish va barqaror o‘sishni ta’minlash masalalari yuzasidan atroflicha fikr almashdilar. Xususan, Indoneziya, Rossiya, Koreya, Malayziya, Turkiya kabi davlatlardan tashrif buyurgan ekspertlar tomonidan ilgari surilgan yondashuvlar zamonaviy moliyaviy siyosatni shakllantirishda muhim ahamiyatga ega ekani qayd etildi.
Muloqotlar davomida raqamli moliya xizmatlarining aholi farovonligiga ta’siri, fintex orqali moliyaviy inklyuzivlikni kengaytirish, ta’lim va ilm-fan integratsiyasi, innovatsion boshqaruv va zamonaviy marketing strategiyalari, shuningdek xalqaro moliya bozorlaridagi tendensiyalar va islom moliyasining o‘rni kabi masalalar dolzarb siyosiy-iqtisodiy masala sifatida baholandi.

👉Konferensiya doirasida imzolangan xalqaro memorandumlar va ilgari surilgan tashabbuslar O‘zbekistonning global moliyaviy makondagi o‘rnini mustahkamlash, raqamli bank xizmatlarini kengaytirish va fintex ekotizimini rivojlantirishga xizmat qiladi. Bu esa, o‘z navbatida, mamlakat iqtisodiyotining ochiqligi, raqobatbardoshligi va barqarorligini ta’minlashga qaratilgan strategik qadam sifatida namoyon bo‘lmoqda.

✍️ Сунъий интеллект, Финтех ва барқарор молия масалалари муҳокама қилинди

🔰Ўзбекистонда молия-банк тизимини янги босқичга олиб чиқишга қаратилган ислоҳотлар изчил давом этаётган бир пайтда, Банк-молия академиясининг 30 йиллиги доирасида ўтказилган “Финтех ва сунъий интеллект даврида барқарор молия” мавзусидаги халқаро конференция муҳим сиёсий-иқтисодий аҳамият касб этди.

Халқаро конференцияни Репсблика Банк-молия академияси ректори Элмурод Ҳошимов кириш сўзи билан очиб,таълим тизимини модернизация қилиш, илмий тадқиқотларни реал сектор эҳтиёжлари билан уйғунлаштириш ва халқаро ҳамкорликни кенгайтириш бугунги куннинг устувор вазифаси эканини алоҳида таъкидлади.

📍Конференцияда хорижий ва маҳаллий экспертлар, нуфузли олимлар ва халқаро ташкилотлар вакиллари иштирок этиб, глобал иқтисодий жараёнлар шароитида молия тизимини трансформация қилиш, рақамли иқтисодиётни ривожлантириш ва барқарор ўсишни таъминлаш масалалари юзасидан атрофлича фикр алмашдилар. Хусусан, Индонезия, Россия, Корея, Малайзия, Туркия каби давлатлардан ташриф буюрган экспертлар томонидан илгари сурилган ёндашувлар замонавий молиявий сиёсатни шакллантиришда муҳим аҳамиятга эга экани қайд этилди.

Мулоқотлар давомида рақамли молия хизматларининг аҳоли фаровонлигига таъсири, финтех орқали молиявий инклюзивликни кенгайтириш, таълим ва илм-фан интеграцияси, инновацион бошқарув ва замонавий маркетинг стратегиялари, шунингдек халқаро молия бозорларидаги тенденциялар ва ислом молиясининг ўрни каби масалалар долзарб сиёсий-иқтисодий масала сифатида баҳоланди.

👉Конференция доирасида имзоланган халқаро меморандумлар ва илгари сурилган ташаббуслар Ўзбекистоннинг глобал молиявий макондаги ўрнини мустаҳкамлаш, рақамли банк хизматларини кенгайтириш ва финтех экотизимини ривожлантиришга хизмат қилади. Бу эса, ўз навбатида, мамлакат иқтисодиётининг очиқлиги, рақобатбардошлигини таъминлашга қаратилган стратегик қадам сифатида намоён бўлмоқда.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

#BFA_BMA_30_yoshda

🏛 Bank-moliya akademiyasi — 30 yil: faxriylar bilan samimiy uchrashuv

Respublika Bank-moliya akademiyasining 30 yilligi munosabati bilan tashkil etilgan yubiley tadbirlari mamlakat moliya-bank tizimidagi muhim voqelik sifatida keng nishonlanmoqda. Dastur doirasida xalqaro konferensiya, ilmiy muloqotlar hamda soha mutaxassislari va faxriylar ishtirokida qator uchrashuvlar o‘tkazilmoqda.

Faxriylar bilan samimiy uchrashuvda Akademiyaning turli yillarda samarali faoliyat yuritgan ustozlari, faxriy professor-o‘qituvchilar, moliya-bank tizimida uzoq yillik tajribaga ega amaliyotchi mutaxassislar hamda sohaning hurmatli faxriylari ishtirokida samimiy muloqot tashkil etildi.

Tadbirning kirish qismida Akademiya rektori Elmurod Hoshimov Respublika Bank-moliya akademiyasi tashkil etilganligining 30 yilligi munosabati bilan barcha faxriy ustozlar va professor-o‘qituvchilarni samimiy muborakbod etib, ularning soha rivojiga qo‘shgan beqiyos hissasini alohida e’tirof etdi. Muloqot davomida Akademiyaning bosib o‘tgan sharafli yo‘li, shakllangan ilmiy maktablari, yuqori malakali kadrlar tayyorlashdagi boy tajribasi hamda mamlakat moliya tizimida amalga oshirilgan islohotlarga qo‘shgan munosib hissasi xotiralar, tahlillar va samimiy dil izhorlari orqali yana bir bor yodga olindi.

📍Faxriylar o‘z chiqishlarida ushbu dargohning tashkil topish davri, ilk qadamlari va uning mustahkam poydevorini yaratgan fidoyi ustozlar haqida to‘lqinlanib so‘z yuritdilar. Shu bilan birga, Akademiyaning bugungi yuksalish bosqichi, erishilgan yutuqlar va istiqboldagi vazifalar yuzasidan qimmatli fikr va takliflarini bildirdi. Ularning boy hayotiy tajribasi, ilmiy merosi va ustozlik maktabi bugungi yosh tadqiqotchilar hamda tinglovchilar uchun haqiqiy mahorat darsi sifatida namoyon bo‘ldi.
Tadbir yakunida uzoq yillik samarali faoliyati va sohani rivojlantirishga qo‘shgan hissasi uchun faxriylarga esdalik sovg‘alari hamda faxriy yorliqlar tantanali ravishda topshirildi.

🏛 Банк-молия академияси — 30 йил: фахрийлар билан самимий учрашув

Республика Банк-молия академиясининг 30 йиллиги муносабати билан ташкил этилган юбилей тадбирлари мамлакат молия-банк тизимидаги муҳим воқелик сифатида кенг нишонланмоқда. Дастур доирасида халқаро конференция, илмий мулоқотлар ҳамда соҳа мутахассислари ва фахрийлар иштирокида қатор учрашувлар ўтказилмоқда.

Фахрийлар билан самимий учрашувда Академиянинг турли йилларда самарали фаолият юритган устозлари, фахрий профессор-ўқитувчилар, молия-банк тизимида узоқ йиллик тажрибага эга амалиётчи мутахассислар ҳамда соҳанинг ҳурматли фахрийлари иштирокида самимий мулоқот ташкил этилди.

Тадбирнинг кириш қисмида Академия ректори Элмурод Ҳошимов Республика Банк-молия академияси ташкил этилганлигининг 30 йиллиги муносабати билан барча фахрий устозлар ва профессор-ўқитувчиларни самимий муборакбод этиб, уларнинг соҳа ривожига қўшган беқиёс ҳиссасини алоҳида эътироф этди. Мазкур мулоқот давомида Академиянинг босиб ўтган шарафли йўли, шаклланган илмий мактаблари, юқори малакали кадрлар тайёрлашдаги бой тажрибаси ҳамда мамлакат молия тизимида амалга оширилган ислоҳотларга қўшган муносиб ҳиссаси хотиралар, таҳлиллар ва самимий дил изҳорлари орқали яна бир бор ёдга олинди.

Фахрийлар ўз чиқишларида ушбу даргоҳнинг ташкил топиш даври, илк қадамлари ва унинг мустаҳкам пойдеворини яратган фидойи устозлар ҳақида тўлқинланиб сўз юритдилар. Шу билан бирга, Академиянинг бугунги юксалиш босқичи, эришилган ютуқлар ва истиқболдаги вазифалар юзасидан қимматли фикр ва таклифларини билдирди. Уларнинг бой ҳаётий тажрибаси, илмий мероси ва устозлик мактаби бугунги ёш тадқиқотчилар ҳамда тингловчилар учун ҳақиқий маҳорат дарси сифатида намоён бўлди.

Тадбир якунида узоқ йиллик самарали фаолияти ва соҳани ривожлантиришга қўшган ҳиссаси учун фахрийларга эсдалик совғалари ҳамда фахрий ёрлиқлар топширилди.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in