✍🏻 Xalqaro ekspert Respublika Bank-moliya akademiyasida mahorat darsi o‘tdi

🌟 Bugun O‘zbekiston Respublikasi Bank-moliya akademiyasida xalqaro bank tizimida kechayotgan zamonaviy o‘zgarishlar, raqamli transformatsiya jarayonlari va moliya sohasining istiqbolli rivojlanish tendensiyalariga bag‘ishlangan mahorat darsi bo‘lib o‘tdi.

👨‍🎓 «Xalqaro banklar faoliyati va transformatsiyasi» mavzusida tashkil etilgan tadbirda xalqaro miqyosdagi ekspert, “O‘zmilliybank” AJ Kuzatuv kengashi a’zosi, Birlashgan Arab Amirliklaridagi ADCB bankining strategik maslahatchisi Adnan Mirzoyev spiker sifatida ishtirok etdi.

✨ Mahorat darsida O‘zbekiston Respublikasi Bank-moliya akademiyasi rektori Elmurod Hoshimov ishtirok etib, Akademiyada ta’lim jarayonlarini zamon talablari asosida takomillashtirish, xalqaro standartlarga mos kadrlar tayyorlash hamda nufuzli xorijiy ta’lim va moliya muassasalari bilan hamkorlikni kengaytirish yo‘nalishida amalga oshirilayotgan islohotlar xususida fikr bildirdi.

✨ Akademiya rektori Elmurod Hoshimov o‘z so‘zida, bugungi global iqtisodiy sharoitda bank-moliya sohasi uchun yuqori malakali, strategik fikrlaydigan va innovatsion yondashuvlarga ega mutaxassislarni tayyorlash ustuvor vazifalardan biri ekanini ta’kidladi. Shuningdek, xalqaro ekspertlar ishtirokida tashkil etilayotgan mahorat darslari tinglovchilarning amaliy ko‘nikmalarini mustahkamlash, ularni jahon moliya bozorlaridagi ilg‘or tajribalar bilan tanishtirishda muhim ahamiyat kasb etishi qayd etildi.

✅ Adnan Mirzoyev o‘z ma’ruzasida, jahon bank tizimida yuz berayotgan tub o‘zgarishlar, raqamli texnologiyalarning bank xizmatlariga keng joriy etilishi, mijozlarga yo‘naltirilgan boshqaruv modellari hamda xalqaro banklarning transformatsiya strategiyalari haqida atroflicha to‘xtaldi. Shuningdek, tadbir ishtirokchilari xalqaro banklarning korporativ boshqaruv tajribasi, innovatsion yechimlardan foydalanish imkoniyatlari va moliya sektorining kelgusi rivojlanish yo‘nalishlari bo‘yicha ekspertdan muhim tavsiya va amaliy maslahatlar oldilar.

✍🏻 Халқаро эксперт Банк-молия академиясида маҳорат дарси ўтди

🌟Бугун Ўзбекистон Республикаси Банк-молия академиясида халқаро банк тизимида кечаётган замонавий ўзгаришлар, рақамли трансформация жараёнлари ва молия соҳасининг истиқболли ривожланиш тенденцияларига бағишланган маҳорат дарси бўлиб ўтди.

👨‍🎓 «Халқаро банклар фаолияти ва трансформацияси» мавзусида ташкил этилган тадбирда халқаро миқёсдаги эксперт, “Ўзмиллийбанк” АЖ Кузатув кенгаши аъзоси, Бирлашган Араб Амирликларидаги АДCБ банкининг стратегик маслаҳатчиси Аднан Мирзоев спикер сифатида иштирок этди.

✨ Маҳорат дарсида Ўзбекистон Республикаси Банк-молия академияси ректори Элмурод Ҳошимов иштирок этиб, Академияда таълим жараёнларини замон талаблари асосида такомиллаштириш, халқаро стандартларга мос кадрлар тайёрлаш ҳамда нуфузли хорижий таълим ва молия муассасалари билан ҳамкорликни кенгайтириш йўналишида амалга оширилаётган ислоҳотлар хусусида фикр билдирди.

✨ Академия ректори Элмурод Ҳошимов ўз сўзида, бугунги глобал иқтисодий шароитда банк-молия соҳаси учун юқори малакали, стратегик фикрлайдиган ва инновацион ёндашувларга эга мутахассисларни тайёрлаш устувор вазифалардан бири эканини таъкидлади. Шунингдек, халқаро экспертлар иштирокида ташкил этилаётган маҳорат дарслари тингловчиларнинг амалий кўникмаларини мустаҳкамлаш, уларни жаҳон молия бозорларидаги илғор тажрибалар билан таништиришда муҳим аҳамият касб этиши қайд этилди.

✅ Аднан Мирзоев ўз маърузасида, жаҳон банк тизимида юз бераётган туб ўзгаришлар, рақамли технологияларнинг банк хизматларига кенг жорий этилиши, мижозларга йўналтирилган бошқарув моделлари ҳамда халқаро банкларнинг трансформация стратегиялари ҳақида атрофлича тўхталди. Шунингдек, тадбир иштирокчилари халқаро банкларнинг корпоратив бошқарув тажрибаси, инновацион ечимлардан фойдаланиш имкониятлари ва молия секторининг келгуси ривожланиш йўналишлари бўйича экспертдан муҳим тавсия ва амалий маслаҳатлар олдилар.

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

DAYJEST:  15-IYUN — 22-IYUN

👉 Haftaning eng muhim yangiliklari!

1. Moliyaviy savodxonlik — farovon kelajak kaliti. Batafsil

2. Rossiyaning yirik moliya institutlaridan biri — Gazprombank delegatsiyasi bilan uchrashuv bo‘lib o‘tdi. Batafsil

3. Moliyaviy savodxonlik. Pulni boshqarish — moliyaviy erkinlik sari muhim qadam. Batafsil

4. Bank-moliya akademiyasi tinglovchiligiga tavsiya etilgan nomzodlar uchun to‘lov-kontrakt shartnomalari shartnoma.edu.uz axborot tizimi orqali rasmiylashtiriladi. Batafsil

5. Jahon chepionatida O‘zbekiston terma jamoasi ishtirokchisi video rolik. Batafsil

6. O‘zbekiston Respublikasi Prezidenti Shavkat Mirziyoyevning beshinchi Toshkent xalqaro investitsiya forumidagi nutqi. Batafsil

7. Bank-moliya akademiyasi jamoasi O‘zbekiston terma jamoasini qo‘llab-quvvatlamoqda. Batafsil

8. Prezidentimiz terma jamoamizning ruhini ko‘tardi. Batafsil

9. O‘zbekiston24 telekanalining Studiya tok shou24da Bank-moliya akademisi masʼullari ishtirok etdi. Batafsil

10. Xalqaro miqyosdagi ekspert, “O‘zmilliybank” AJ Kuzatuv kengashi a’zosi, BAAdagi ADCB bankining strategik maslahatchisi Adnan Mirzoyevdan Mahorat darsi. Batafsil

11. Navbatdagi qisqa muddatli o‘quv kursi yakunladi. Batafsil

👉Telegram kanalimizga aʼzo bo‘ling!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

#kun_hikmati

"Har qanday sohada muvaffaqiyatga erishish uchun eng kamida uzluksiz o‘qish va izlanish lozim".

Denis Uyeytli

🕊Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasida doktorantlar va mustaqil izlanuvchilar faoliyati monitoring qilindi

👨‍🎓 O‘zbekiston Respublikasi Bank-moliya akademiyasi tomonidan ilm-fanni rivojlantirish, yuqori malakali kadrlarni tayyorlashga qaratilgan tizimli islohotlar izchil davom etmoqda. Bu jarayonda doktorantlar va mustaqil izlanuvchilarning ilmiy faoliyati samaradorligini ta’minlash, ularning tadqiqot ishlarini muntazam monitoring qilib borish alohida ahamiyat kasb etadi.

🌏 Shu maqsadda O‘zbekiston Respublikasi Bank-moliya akademiyasi Ilmiy tadqiqot va ilmiy-pedagog kadrlar tayyorlash bo‘limi tomonidan tayanch doktorantura (PhD), doktorantura (DSc) hamda mustaqil izlanuvchilarning yakka tartibdagi ish rejalari ijrosi va ilmiy-tadqiqot faoliyati holati yuzasidan navbatdagi monitoring o‘tkazildi.

📈 Monitoring jarayonida izlanuvchilarning tasdiqlangan individual rejalari, dissertatsiya mavzulari doirasida amalga oshirilayotgan tadqiqot ishlari, ilmiy maqolalar tayyorlash va chop etish holati atroflicha tahlil qilindi. Shuningdek, ularning respublika va xalqaro miqyosdagi ilmiy jurnallar hamda konferensiyalardagi ishtiroki, ilmiy rahbarlar bilan hamkorlik darajasi o‘rganildi.

❇️ Tahlillar davomida belgilangan kalendar rejasi asosida bajarilgan ishlar, olingan ilmiy natijalarning dolzarbligi, ilmiy yangiligi va amaliy ahamiyatiga alohida e’tibor qaratildi. Aniqlangan ayrim kamchilik va kechikishlar bo‘yicha tegishli tavsiyalar berilib, tadqiqot faoliyatini yanada jadallashtirish, belgilangan muddatlarga qat’iy rioya etish hamda ilmiy ishlar sifatini oshirish yuzasidan vazifalar belgilab olindi.

📈 Monitoring yakunlariga ko‘ra, O‘zbekiston Respublikasi Bank-moliya akademiyasi doktorantlari va mustaqil izlanuvchilariga ilmiy-tadqiqot faoliyatini samarali tashkil etish, ilmiy maqolalarni nufuzli nashrlarda e’lon qilish, dissertatsiya ishlarini belgilangan muddatlarda sifatli yakunlash bo‘yicha amaliy va uslubiy ko‘mak ko‘rsatildi.

✍️ Банк-молия академиясида докторантлар ва мустақил изланувчилар фаолияти мониторинг қилинди

👨‍🎓Ўзбекистон Республикаси Банк-молия академияси томонидан илм-фанни ривожлантириш, юқори малакали кадрларни тайёрлашга қаратилган тизимли ислоҳотлар изчил давом этмоқда. Бу жараёнда докторантлар ва мустақил изланувчиларнинг илмий фаолияти самарадорлигини таъминлаш, уларнинг тадқиқот ишларини мунтазам мониторинг қилиб бориш алоҳида аҳамият касб этади.

🌏 Шу мақсадда Ўзбекистон Республикаси Банк-молия академияси Илмий тадқиқот ва илмий-педагог кадрлар тайёрлаш бўлими томонидан таянч докторантура (ПҳД), докторантура (ДСc) ҳамда мустақил изланувчиларнинг якка тартибдаги иш режалари ижроси ва илмий-тадқиқот фаолияти ҳолати юзасидан навбатдаги мониторинг ўтказилди.

📈 Мониторинг жараёнида изланувчиларнинг тасдиқланган индивидуал режалари, диссертация мавзулари доирасида амалга оширилаётган тадқиқот ишлари, илмий мақолалар тайёрлаш ва чоп этиш ҳолати атрофлича таҳлил қилинди. Шунингдек, уларнинг республика ва халқаро миқёсдаги илмий журналлар ҳамда конференциялардаги иштироки, илмий раҳбарлар билан ҳамкорлик даражаси ўрганилди.

❇️ Таҳлиллар давомида белгиланган календарь режаси асосида бажарилган ишлар, олинган илмий натижаларнинг долзарблиги, илмий янгилиги ва амалий аҳамиятига алоҳида эътибор қаратилди. Аниқланган айрим камчилик ва кечикишлар бўйича тегишли тавсиялар берилиб, тадқиқот фаолиятини янада жадаллаштириш, белгиланган муддатларга қатъий риоя этиш ҳамда илмий ишлар сифатини ошириш юзасидан вазифалар белгилаб олинди.

📈 Мониторинг якунларига кўра, Ўзбекистон Республикаси Банк-молия академияси докторантлари ва мустақил изланувчиларига илмий-тадқиқот фаолиятини самарали ташкил этиш, илмий мақолаларни нуфузли нашрларда эълон қилиш, диссертация ишларини белгиланган муддатларда сифатли якунлаш бўйича амалий ва услубий кўмак кўрсатилди.

🕊Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Xalqaro hamkorlik samarasi: qo‘shma ta’lim dasturining ilk bitiruvchilari muvaffaqiyatli himoya qildi

🌏 Xabaringiz bor, 2024-yilda O‘zbekiston Respublikasi Bank-moliya akademiyasi hamda Rossiya Federatsiyasi huzuridagi “Oliy iqtisodiyot maktabi” Milliy tadqiqot universiteti o‘rtasida hamkorlikda 70410501 – “Moliya” magistratura mutaxassisligi bo‘yicha qo‘shma ta’lim dasturi yo‘lga qo‘yilgan edi. Mazkur dastur zamonaviy moliya sohasi uchun xalqaro tajribaga ega, yuqori malakali mutaxassislarni tayyorlashga qaratilgani bilan ahamiyatlidir.

♻️ Bugun O‘zbekiston Respublikasi Bank-moliya akademiyasida ushbu qo‘shma ta’lim dasturining ilk bitiruvchilari magistrlik dissertatsiyalarini muvaffaqiyatli himoya qilib, dasturning amaliy samaradorligini namoyon etdi. Himoya jarayonlarida Bank-moliya akademiyasi professor-o‘qituvchilari bilan bir qatorda Rossiya Federatsiyasi huzuridagi “Oliy iqtisodiyot maktabi” Milliy tadqiqot universiteti va sohaning yetakchi amaliyotchi mutaxassislari ishtirok etdi. Bu esa baholash jarayonlarining xolisligi, ochiqligi va xalqaro mezonlar asosida tashkil etilganini ta’minladi.

🎓 Magistrlik dissertatsiyalarida investitsiyalar, kapital bozorlari, raqamli iqtisodiyot, moliyaviy texnologiyalar, byudjet siyosati va barqaror iqtisodiy rivojlanishning dolzarb masalalari ilmiy jihatdan tadqiq etildi. Tadqiqotlar zamonaviy ilmiy yondashuvlar, amaliy tahlillar hamda xalqaro tajribalar asosida tayyorlangani bilan ahamiyatli bo‘ldi. Shuningdek, dissertatsiya ishlari Akademiyaning antiplagiat tizimi orqali tekshirilib, belgilangan tartib va qoidalarga qat’iy rioya etilgan holda baholandi.

❇️Har bir bitiruvchining ilmiy ishiga mahalliy va xorijiy ilmiy rahbarlar tomonidan xulosalar taqdim etildi, soha mutaxassislarining tashqi taqrizlari olindi.

❗️Qo‘shma ta’lim dasturining ilk bitiruvchilari tomonidan erishilgan ushbu natijalar Bank-moliya akademiyasida xalqaro hamkorlik asosida tashkil etilgan ta’lim jarayonining yuqori samaradorligini yana bir bor tasdiqladi.

✍️ Халқаро ҳамкорлик самараси: қўшма таълим дастурининг илк битирувчилари муваффақиятли ҳимоя қилди

🌏 Хабарингиз бор, 2024-йилда Ўзбекистон Республикаси Банк-молия академияси ҳамда Россия Федерацияси ҳузуридаги “Олий иқтисодиёт мактаби” Миллий тадқиқот университети ўртасида ҳамкорликда 70410501 – “Молия” магистратура мутахассислиги бўйича қўшма таълим дастури йўлга қўйилган эди. Мазкур дастур замонавий молия соҳаси учун халқаро тажрибага эга, юқори малакали мутахассисларни тайёрлашга қаратилгани билан аҳамиятлидир.

♻️ Бугун Ўзбекистон Республикаси Банк-молия академиясида ушбу қўшма таълим дастурининг илк битирувчилари магистрлик диссертацияларини муваффақиятли ҳимоя қилиб, дастурнинг амалий самарадорлигини намоён этди. Ҳимоя жараёнларида Банк-молия академияси профессор-ўқитувчилари билан бир қаторда Россия Федерацияси ҳузуридаги “Олий иқтисодиёт мактаби” Миллий тадқиқот университети ва соҳанинг етакчи амалиётчи мутахассислари иштирок этди. Бу эса баҳолаш жараёнларининг холислиги, очиқлиги ва халқаро мезонлар асосида ташкил этилганини таъминлади.

🎓 Магистрлик диссертацияларида инвестициялар, капитал бозорлари, рақамли иқтисодиёт, молиявий технологиялар, бюджет сиёсати ва барқарор иқтисодий ривожланишнинг долзарб масалалари илмий жиҳатдан тадқиқ этилди. Тадқиқотлар замонавий илмий ёндашувлар, амалий таҳлиллар ҳамда халқаро тажрибалар асосида тайёрлангани билан аҳамиятли бўлди. Шунингдек, диссертация ишлари Академиянинг антиплагиат тизими орқали текширилиб, белгиланган тартиб ва қоидаларга қатъий риоя этилган ҳолда баҳоланди.

❇️ Ҳар бир битирувчининг илмий ишига маҳаллий ва хорижий илмий раҳбарлар томонидан хулосалар тақдим этилди, соҳа мутахассисларининг ташқи тақризлари олинди.

❗️Қўшма таълим дастурининг илк битирувчилари томонидан эришилган ушбу натижалар Банк-молия академиясида халқаро ҳамкорлик асосида ташкил этилган таълим жараёнининг юқори самарадорлигини яна бир бор тасдиқлади.

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿🇺🇿🇺🇿🇺🇿

Hurmatli tinglovchilar!

🗓 2026 yil 6-iyun kuni o‘tkazilgan kirish imtihonlari natijalariga ko‘ra, O‘zbekiston Respublikasi Bank-moliya akademiyasiga o‘qishga tavsiya etilgan tinglovchilar uchun ta’lim yo‘nalishlari va o‘qish shakllari kesimida rasmiy Telegram guruhlari tashkil etildi.

🕊Mazkur guruhlar orqali o‘quv jarayoniga oid muhim ma’lumotlar, tashkiliy masalalar, hujjatlarni rasmiylashtirish tartibi hamda dekanat e’lonlari tezkor ravishda yetkazib boriladi.

🕊 Shu munosabat bilan, Bank-moliya akademiyasiga o‘qishga tavsiya etilgan barcha tinglovchilardan o‘z yo‘nalishi va ta’lim shakliga mos rasmiy Telegram guruhiga a’zo bo‘lishlari so‘raladi.

Moliya va moliyaviy texnologiyalar fakulteti

• Kechki ta’lim (SKB, KMQQB, SST, Moliya, LB):
Telegram guruh

• Kunduzgi ta’lim (SKB, KMQQB, SST, Moliya, LB):
Telegram guruh

• Masofaviy ta’lim (SKB, KMQQB, SST, Moliya, LB):
Telegram guruh

Xalqaro bank ishi fakulteti

• Kunduzgi ta’lim (DMNA, BI, IMTS):
Telegram guruhi

• Masofaviy ta’lim (DMNA, BI, IMTS):
Telegram guruhi

• Kechki ta’lim (DMNA, BI):
Telegram guruhi

Qo‘shimcha savollar yuzasidan tegishli dekanatlarga murojaat qilishingiz mumkin.

🕊Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

#kun_hikmati

✍️ Har kuni ishla. Bir kun yoki bir necha kun oldin nima sodir bo‘lganining ahamiyati yo‘q. O‘rningdan tur va harakatni boshla.

Ernest Xeminguey

🕊Telegram kanalimizga aʼzo bo‘ling!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in