BFAUZ

✍️Navbatdagi qisqa muddatli o‘quv kursi yakunladi

📚 Xabaringiz bor, O‘zbekiston Respublikasi Bank-moliya akademiyasi hamda Sanoat kooperatsiyasi va davlat xaridlari agentligi hamkorligida “Investitsion loyihalarni boshqarishda mahalliylashtirish va milliy iqtisodiyotda qo‘shiladigan qiymatni rivojlantirish” mavzusidagi qisqa muddatli malaka oshirish o‘quv kursi o‘tkazilmoqda.

❗️Ushbu qisqa muddatli o‘quv kursining navbatdagi tinglovchilari muvaffaqiyatli tamomladi. Mazkur o‘quv dasturi Davlatimiz rahbari tomonidan belgilangan investitsiya siyosati samaradorligini oshirish, importga qaramlikni qisqartirish, mahalliylashtirish jarayonlarini jadallashtirish hamda yuqori qo‘shilgan qiymatga ega mahsulotlar ishlab chiqarishni kengaytirish bo‘yicha strategik vazifalarni amalga oshirishga xizmat qiladi.

📍 Kurs davomida tinglovchilar investitsion loyihalarni ishlab chiqish va boshqarishning zamonaviy mexanizmlari, mahalliylashtirish dasturlarini shakllantirish va amalga oshirishning samarali usullari, davlat xaridlari tizimidagi ilg‘or yondashuvlar hamda milliy ishlab chiqarish zanjirlarini rivojlantirish bo‘yicha muhim nazariy bilim va amaliy ko‘nikmalarni egalladilar.

📄Tadbir so‘ngida o‘quv dasturini muvaffaqiyatli tamomlagan tinglovchilarga belgilangan namunadagi sertifikatlar tantanali ravishda topshirildi.

✍Навбатдаги қисқа муддатли ўқув курси якунлади

📚 Хабарингиз бор, Ўзбекистон Республикаси Банк-молия академияси ҳамда Саноат кооперацияси ва давлат харидлари агентлиги ҳамкорлигида “Инвестицион лойиҳаларни бошқаришда маҳаллийлаштириш ва миллий иқтисодиётда қўшиладиган қийматни ривожлантириш” мавзусидаги қисқа муддатли малака ошириш ўқув курси ўтказилмоқда.

❗️Ушбу қисқа муддатли ўқув курсининг навбатдаги тингловчилари муваффақиятли тамомлади. Мазкур ўқув дастури Давлатимиз раҳбари томонидан белгиланган инвестиция сиёсати самарадорлигини ошириш, импортга қарамликни қисқартириш, маҳаллийлаштириш жараёнларини жадаллаштириш ҳамда юқори қўшилган қийматга эга маҳсулотлар ишлаб чиқаришни кенгайтириш бўйича стратегик вазифаларни амалга оширишга хизмат қилади.

📍 Курс давомида тингловчилар инвестицион лойиҳаларни ишлаб чиқиш ва бошқаришнинг замонавий механизмлари, маҳаллийлаштириш дастурларини шакллантириш ва амалга оширишнинг самарали усуллари, давлат харидлари тизимидаги илғор ёндашувлар ҳамда миллий ишлаб чиқариш занжирларини ривожлантириш бўйича муҳим назарий билим ва амалий кўникмаларни эгалладилар.

📄Тадбир сўнгида ўқув дастурини муваффақиятли тамомлаган тингловчиларга белгиланган намунадаги сертификатлар тантанали равишда топширилди.

Please open Telegram to view this post

VIEW IN TELEGRAM

Please open Telegram to view this post

VIEW IN TELEGRAM

👍6❤5

5.92K views14:21

BFAUZ

DAYJEST: 15-IYUN — 22-IYUN

👉 Haftaning eng muhim yangiliklari!

1. Moliyaviy savodxonlik — farovon kelajak kaliti. Batafsil

2. Rossiyaning yirik moliya institutlaridan biri — Gazprombank delegatsiyasi bilan uchrashuv bo‘lib o‘tdi. Batafsil

3. Moliyaviy savodxonlik. Pulni boshqarish — moliyaviy erkinlik sari muhim qadam. Batafsil

4. Bank-moliya akademiyasi tinglovchiligiga tavsiya etilgan nomzodlar uchun to‘lov-kontrakt shartnomalari shartnoma.edu.uz axborot tizimi orqali rasmiylashtiriladi. Batafsil

5. Jahon chepionatida O‘zbekiston terma jamoasi ishtirokchisi video rolik. Batafsil

6. O‘zbekiston Respublikasi Prezidenti Shavkat Mirziyoyevning beshinchi Toshkent xalqaro investitsiya forumidagi nutqi. Batafsil

7. Bank-moliya akademiyasi jamoasi O‘zbekiston terma jamoasini qo‘llab-quvvatlamoqda. Batafsil

8. Prezidentimiz terma jamoamizning ruhini ko‘tardi. Batafsil

9. O‘zbekiston24 telekanalining Studiya tok shou24da Bank-moliya akademisi masʼullari ishtirok etdi. Batafsil

10. Xalqaro miqyosdagi ekspert, “O‘zmilliybank” AJ Kuzatuv kengashi a’zosi, BAAdagi ADCB bankining strategik maslahatchisi Adnan Mirzoyevdan Mahorat darsi. Batafsil

11. Navbatdagi qisqa muddatli o‘quv kursi yakunladi. Batafsil

👉Telegram kanalimizga aʼzo bo‘ling!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

Please open Telegram to view this post

VIEW IN TELEGRAM

❤7👍3

4.99K views03:12

BFAUZ

#kun_hikmati

"Har qanday sohada muvaffaqiyatga erishish uchun eng kamida uzluksiz o‘qish va izlanish lozim".

Denis Uyeytli

🕊

Please open Telegram to view this post

VIEW IN TELEGRAM

👍16❤5👏3

4.97K views06:08

BFAUZ

0:18

This media is not supported in your browser

VIEW IN TELEGRAM

✍️ Bank-moliya akademiyasida doktorantlar va mustaqil izlanuvchilar faoliyati monitoring qilindi

👨‍🎓 O‘zbekiston Respublikasi Bank-moliya akademiyasi tomonidan ilm-fanni rivojlantirish, yuqori malakali kadrlarni tayyorlashga qaratilgan tizimli islohotlar izchil davom etmoqda. Bu jarayonda doktorantlar va mustaqil izlanuvchilarning ilmiy faoliyati samaradorligini ta’minlash, ularning tadqiqot ishlarini muntazam monitoring qilib borish alohida ahamiyat kasb etadi.

🌏 Shu maqsadda O‘zbekiston Respublikasi Bank-moliya akademiyasi Ilmiy tadqiqot va ilmiy-pedagog kadrlar tayyorlash bo‘limi tomonidan tayanch doktorantura (PhD), doktorantura (DSc) hamda mustaqil izlanuvchilarning yakka tartibdagi ish rejalari ijrosi va ilmiy-tadqiqot faoliyati holati yuzasidan navbatdagi monitoring o‘tkazildi.

📈 Monitoring jarayonida izlanuvchilarning tasdiqlangan individual rejalari, dissertatsiya mavzulari doirasida amalga oshirilayotgan tadqiqot ishlari, ilmiy maqolalar tayyorlash va chop etish holati atroflicha tahlil qilindi. Shuningdek, ularning respublika va xalqaro miqyosdagi ilmiy jurnallar hamda konferensiyalardagi ishtiroki, ilmiy rahbarlar bilan hamkorlik darajasi o‘rganildi.

❇️ Tahlillar davomida belgilangan kalendar rejasi asosida bajarilgan ishlar, olingan ilmiy natijalarning dolzarbligi, ilmiy yangiligi va amaliy ahamiyatiga alohida e’tibor qaratildi. Aniqlangan ayrim kamchilik va kechikishlar bo‘yicha tegishli tavsiyalar berilib, tadqiqot faoliyatini yanada jadallashtirish, belgilangan muddatlarga qat’iy rioya etish hamda ilmiy ishlar sifatini oshirish yuzasidan vazifalar belgilab olindi.

📈 Monitoring yakunlariga ko‘ra, O‘zbekiston Respublikasi Bank-moliya akademiyasi doktorantlari va mustaqil izlanuvchilariga ilmiy-tadqiqot faoliyatini samarali tashkil etish, ilmiy maqolalarni nufuzli nashrlarda e’lon qilish, dissertatsiya ishlarini belgilangan muddatlarda sifatli yakunlash bo‘yicha amaliy va uslubiy ko‘mak ko‘rsatildi.

✍️ Банк-молия академиясида докторантлар ва мустақил изланувчилар фаолияти мониторинг қилинди

👨‍🎓Ўзбекистон Республикаси Банк-молия академияси томонидан илм-фанни ривожлантириш, юқори малакали кадрларни тайёрлашга қаратилган тизимли ислоҳотлар изчил давом этмоқда. Бу жараёнда докторантлар ва мустақил изланувчиларнинг илмий фаолияти самарадорлигини таъминлаш, уларнинг тадқиқот ишларини мунтазам мониторинг қилиб бориш алоҳида аҳамият касб этади.

🌏 Шу мақсадда Ўзбекистон Республикаси Банк-молия академияси Илмий тадқиқот ва илмий-педагог кадрлар тайёрлаш бўлими томонидан таянч докторантура (ПҳД), докторантура (ДСc) ҳамда мустақил изланувчиларнинг якка тартибдаги иш режалари ижроси ва илмий-тадқиқот фаолияти ҳолати юзасидан навбатдаги мониторинг ўтказилди.

📈 Мониторинг жараёнида изланувчиларнинг тасдиқланган индивидуал режалари, диссертация мавзулари доирасида амалга оширилаётган тадқиқот ишлари, илмий мақолалар тайёрлаш ва чоп этиш ҳолати атрофлича таҳлил қилинди. Шунингдек, уларнинг республика ва халқаро миқёсдаги илмий журналлар ҳамда конференциялардаги иштироки, илмий раҳбарлар билан ҳамкорлик даражаси ўрганилди.

❇️ Таҳлиллар давомида белгиланган календарь режаси асосида бажарилган ишлар, олинган илмий натижаларнинг долзарблиги, илмий янгилиги ва амалий аҳамиятига алоҳида эътибор қаратилди. Аниқланган айрим камчилик ва кечикишлар бўйича тегишли тавсиялар берилиб, тадқиқот фаолиятини янада жадаллаштириш, белгиланган муддатларга қатъий риоя этиш ҳамда илмий ишлар сифатини ошириш юзасидан вазифалар белгилаб олинди.

📈 Мониторинг якунларига кўра, Ўзбекистон Республикаси Банк-молия академияси докторантлари ва мустақил изланувчиларига илмий-тадқиқот фаолиятини самарали ташкил этиш, илмий мақолаларни нуфузли нашрларда эълон қилиш, диссертация ишларини белгиланган муддатларда сифатли якунлаш бўйича амалий ва услубий кўмак кўрсатилди.

Please open Telegram to view this post

VIEW IN TELEGRAM

❤8👍6👏2

5.06K viewsedited 11:23

✍️ Xalqaro hamkorlik samarasi: qo‘shma ta’lim dasturining ilk bitiruvchilari muvaffaqiyatli himoya qildi

🌏 Xabaringiz bor, 2024-yilda O‘zbekiston Respublikasi Bank-moliya akademiyasi hamda Rossiya Federatsiyasi huzuridagi “Oliy iqtisodiyot maktabi” Milliy tadqiqot universiteti o‘rtasida hamkorlikda 70410501 – “Moliya” magistratura mutaxassisligi bo‘yicha qo‘shma ta’lim dasturi yo‘lga qo‘yilgan edi. Mazkur dastur zamonaviy moliya sohasi uchun xalqaro tajribaga ega, yuqori malakali mutaxassislarni tayyorlashga qaratilgani bilan ahamiyatlidir.

♻️ Bugun O‘zbekiston Respublikasi Bank-moliya akademiyasida ushbu qo‘shma ta’lim dasturining ilk bitiruvchilari magistrlik dissertatsiyalarini muvaffaqiyatli himoya qilib, dasturning amaliy samaradorligini namoyon etdi. Himoya jarayonlarida Bank-moliya akademiyasi professor-o‘qituvchilari bilan bir qatorda Rossiya Federatsiyasi huzuridagi “Oliy iqtisodiyot maktabi” Milliy tadqiqot universiteti va sohaning yetakchi amaliyotchi mutaxassislari ishtirok etdi. Bu esa baholash jarayonlarining xolisligi, ochiqligi va xalqaro mezonlar asosida tashkil etilganini ta’minladi.

🎓 Magistrlik dissertatsiyalarida investitsiyalar, kapital bozorlari, raqamli iqtisodiyot, moliyaviy texnologiyalar, byudjet siyosati va barqaror iqtisodiy rivojlanishning dolzarb masalalari ilmiy jihatdan tadqiq etildi. Tadqiqotlar zamonaviy ilmiy yondashuvlar, amaliy tahlillar hamda xalqaro tajribalar asosida tayyorlangani bilan ahamiyatli bo‘ldi. Shuningdek, dissertatsiya ishlari Akademiyaning antiplagiat tizimi orqali tekshirilib, belgilangan tartib va qoidalarga qat’iy rioya etilgan holda baholandi.

❇️Har bir bitiruvchining ilmiy ishiga mahalliy va xorijiy ilmiy rahbarlar tomonidan xulosalar taqdim etildi, soha mutaxassislarining tashqi taqrizlari olindi.

❗️Qo‘shma ta’lim dasturining ilk bitiruvchilari tomonidan erishilgan ushbu natijalar Bank-moliya akademiyasida xalqaro hamkorlik asosida tashkil etilgan ta’lim jarayonining yuqori samaradorligini yana bir bor tasdiqladi.

✍️ Халқаро ҳамкорлик самараси: қўшма таълим дастурининг илк битирувчилари муваффақиятли ҳимоя қилди

🌏 Хабарингиз бор, 2024-йилда Ўзбекистон Республикаси Банк-молия академияси ҳамда Россия Федерацияси ҳузуридаги “Олий иқтисодиёт мактаби” Миллий тадқиқот университети ўртасида ҳамкорликда 70410501 – “Молия” магистратура мутахассислиги бўйича қўшма таълим дастури йўлга қўйилган эди. Мазкур дастур замонавий молия соҳаси учун халқаро тажрибага эга, юқори малакали мутахассисларни тайёрлашга қаратилгани билан аҳамиятлидир.

♻️ Бугун Ўзбекистон Республикаси Банк-молия академиясида ушбу қўшма таълим дастурининг илк битирувчилари магистрлик диссертацияларини муваффақиятли ҳимоя қилиб, дастурнинг амалий самарадорлигини намоён этди. Ҳимоя жараёнларида Банк-молия академияси профессор-ўқитувчилари билан бир қаторда Россия Федерацияси ҳузуридаги “Олий иқтисодиёт мактаби” Миллий тадқиқот университети ва соҳанинг етакчи амалиётчи мутахассислари иштирок этди. Бу эса баҳолаш жараёнларининг холислиги, очиқлиги ва халқаро мезонлар асосида ташкил этилганини таъминлади.

🎓 Магистрлик диссертацияларида инвестициялар, капитал бозорлари, рақамли иқтисодиёт, молиявий технологиялар, бюджет сиёсати ва барқарор иқтисодий ривожланишнинг долзарб масалалари илмий жиҳатдан тадқиқ этилди. Тадқиқотлар замонавий илмий ёндашувлар, амалий таҳлиллар ҳамда халқаро тажрибалар асосида тайёрлангани билан аҳамиятли бўлди. Шунингдек, диссертация ишлари Академиянинг антиплагиат тизими орқали текширилиб, белгиланган тартиб ва қоидаларга қатъий риоя этилган ҳолда баҳоланди.

❇️ Ҳар бир битирувчининг илмий ишига маҳаллий ва хорижий илмий раҳбарлар томонидан хулосалар тақдим этилди, соҳа мутахассисларининг ташқи тақризлари олинди.

❗️Қўшма таълим дастурининг илк битирувчилари томонидан эришилган ушбу натижалар Банк-молия академиясида халқаро ҳамкорлик асосида ташкил этилган таълим жараёнининг юқори самарадорлигини яна бир бор тасдиқлади.

Please open Telegram to view this post

VIEW IN TELEGRAM

❤4👍1

5.18K viewsedited 12:42

BFAUZ

🇺🇿

Hurmatli tinglovchilar!

🗓 2026 yil 6-iyun kuni o‘tkazilgan kirish imtihonlari natijalariga ko‘ra, O‘zbekiston Respublikasi Bank-moliya akademiyasiga o‘qishga tavsiya etilgan tinglovchilar uchun ta’lim yo‘nalishlari va o‘qish shakllari kesimida rasmiy Telegram guruhlari tashkil etildi.

🕊Mazkur guruhlar orqali o‘quv jarayoniga oid muhim ma’lumotlar, tashkiliy masalalar, hujjatlarni rasmiylashtirish tartibi hamda dekanat e’lonlari tezkor ravishda yetkazib boriladi.

🕊 Shu munosabat bilan, Bank-moliya akademiyasiga o‘qishga tavsiya etilgan barcha tinglovchilardan o‘z yo‘nalishi va ta’lim shakliga mos rasmiy Telegram guruhiga a’zo bo‘lishlari so‘raladi.

Moliya va moliyaviy texnologiyalar fakulteti

• Kechki ta’lim (SKB, KMQQB, SST, Moliya, LB):
Telegram guruh

• Kunduzgi ta’lim (SKB, KMQQB, SST, Moliya, LB):
Telegram guruh

• Masofaviy ta’lim (SKB, KMQQB, SST, Moliya, LB):
Telegram guruh

Xalqaro bank ishi fakulteti

• Kunduzgi ta’lim (DMNA, BI, IMTS):
Telegram guruhi

• Masofaviy ta’lim (DMNA, BI, IMTS):
Telegram guruhi

• Kechki ta’lim (DMNA, BI):
Telegram guruhi

Qo‘shimcha savollar yuzasidan tegishli dekanatlarga murojaat qilishingiz mumkin.

🕊

Please open Telegram to view this post

VIEW IN TELEGRAM

❤18👍8

6.65K views15:16

BFAUZ

#kun_hikmati

✍️ Har kuni ishla. Bir kun yoki bir necha kun oldin nima sodir bo‘lganining ahamiyati yo‘q. O‘rningdan tur va harakatni boshla.

Ernest Xeminguey

🕊

Please open Telegram to view this post

VIEW IN TELEGRAM

❤19👍12👏2

5.12K viewsedited 05:59

BFAUZ

Ta’lim sohasi mutaxassislari Malayziyada malaka oshirmoqda

O‘zbekiston 15 ta oliygohining ta’lim sifatini ta’minlash yo‘nalishiga mas’ul mutaxassislari Malayziya Malaka agentligi (MQA) tomonidan tashkil etilgan “MQA Internship Programme 2026” xalqaro malaka oshirish dasturida ishtirok etmoqda.

Dastur tinglovchilarning akademik boshqaruv, ichki sifat ta’minoti, xalqaro akkreditatsiya hamda ta’lim dasturlarini baholash borasidagi bilim va ko‘nikmalarini ilg‘or xalqaro tajribalar asosida rivojlantirishga qaratilgan.

Malaka oshirish doirasida tinglovchilar Malayziyaning yetakchi oliygohlari – University of Malaya (QS reytingida 56-o‘rin) va Taylor’s University (QS reytingida 272-o‘rin) universitetlariga tashrif buyurib, ularda sifatni ta’minlash bo‘yicha yo‘lga qo‘yilgan ilg‘or amaliyotlar bilan yaqindan tanishish imkoniyatiga ega bo‘ladilar.

Dasturda quyidagi oliygohlarning ta’lim sifatini ta’minlash yo‘nalishiga mas’ul mutaxassislari qatnashmoqda:

1. Andijon davlat pedagogika instituti;
2. Andijon davlat universiteti;
3. Bank-moliya akademiyasi;
4. Buxoro davlat universiteti;
5. Central Asian Universitety;
6. “Ipak yo‘li” turizm va madaniy meros xalqaro universiteti;
7. O‘zbekiston davlat jahon tillari universiteti;
8. Qo‘qon davlat universiteti;
9. Samarqand davlat pedagogika instituti;
10. Sambram universiteti;
11. Shahrisabz davlat pedagogika instituti;
12. Toshkent davlat tibbiyot universitetining Chirchiq filiali;
13. Toshkent davlat transport universiteti;
14. Toshkent farmatsevtika instituti;
15. Samarqand iqtisodiyot va servis instituti.

❤7

4.95K views14:23

BFAUZ

❤8👏2

4.37K views16:51

BFAUZ

🇺🇿 Bugun maydonda nafaqat futbol, balki millat sha’ni ham himoya qilinadi!
Jahon chempionati doirasida Portugaliyaga qarshi bahsda O‘zbekiston milliy terma jamoasiga yurtdoshlarimiz nomidan ulkan omad tilaymiz.

Bugun maydonga chiqqan har bir futbolchi ortida millionlab o‘zbekistonlik muxlislar, Vatan ishonchi va xalqimiz orzu-umidlari turibdi.

Qat’iyat, jasorat va vatanparvarlik ruhi bilan maydonga tushgan jamoamizdan munosib o‘yin kutib qolamiz. Bugungi uchrashuv O‘zbekiston futbolining xalqaro maydondagi nufuzini yanada yuksaltirish uchun muhim imkoniyatdir.

Bir millat, bir jamoa, bir maqsad — g‘alaba sari!

O‘zbekiston bayrog‘i yanada balandlarda hilpirashi uchun barcha yurtdoshlarimiz milliy terma jamoamizni qo‘llab-quvvatlaymiz!

🇺🇿 Olg‘a, O‘zbekiston! Gʻalaba seniki bo‘lsin!

🇺🇿 Бугун майдонда нафақат футбол, балки миллат шаъни ҳам ҳимоя қилинади!
Жаҳон чемпионати доирасида Португалияга қарши баҳсда Ўзбекистон миллий терма жамоасига юртдошларимиз номидан улкан омад тилаймиз.
Бугун майдонга чиқадиган ҳар бир футболчи ортида миллионлаб ўзбекистонлик мухлислар, Ватан ишончи ва халқимиз орзу-умидлари турибди.

Қатъият, жасорат ва ватанпарварлик руҳи билан майдонга тушган жамоамиздан муносиб ўйин кутиб қоламиз. Бугунги учрашув Ўзбекистон футболининг халқаро майдондаги нуфузини янада юксалтириш учун муҳим имкониятдир.

Бир миллат, бир жамоа, бир мақсад — ғалаба сари!

Ўзбекистон байроғи янада баландларда ҳилпираши учун барча юртдошларимиз миллий терма жамоамизни қўллаб-қувватлаймиз!

🇺🇿 Олға, Ўзбекистон! Ғалаба сеники бўлсин! 🇺🇿

👏10❤7👍3

4.72K views17:04

#BFA_BMA_30_yoshda

“O‘rgan, o‘zgartir va yetakchi bo‘l!” — Bank-moliya akademiyasi: zamonaviy kadrlar maskani

🎓 1996 yil 2-may kuni tashkil etilgan O‘zbekiston Respublikasi Bank-moliya akademiyasi qariyb 30 yil davomida moliya-bank sohasi uchun yuqori malakali rahbar va mutaxassislarni tayyorlab kelmoqda. Bugunga qadar 6 391 nafar tinglovchi ta’lim olib, davlat va xususiy sektorda samarali faoliyat yuritmoqda.

Bugungi kunda Bank-moliya akademiyasida 1280 nafar tinglovchi mavjud.

Moliya va moliyaviy texnologiyalar fakultetida - 1041 nafar;

Xalqaro bank ishi fakultetida - 694 nafar;

Biznes va menejment fakultetida - 317 nafar tinglovchi mavjud.

📚 Akademiyada 4 ta fakultet, 7 ta kafedra faoliyat yuritadi. Magistraturaning MBA (Master of Business Administration) ва MSc (Master of Science) dasturlari, shuningdek, xalqaro qo‘shma ta’lim yo‘nalishlari yo‘lga qo‘yilgan.

🌍 Yaponiya, Malayziya, AQSH, Buyuk Britaniya, Germaniya, Koreya Respublikasi va boshqa davlatlarning yetakchi universitetlari hamda ilmiy markazlari bilan hamkorlik o‘rnatilgan. 1 600 nafardan ortiq tinglovchi xorijda malaka oshirgan.

🌟 Zamonaviy ta’lim texnologiyalari, ilmiy tadqiqotlar va xalqaro tajriba uyg‘unligi Akademiyani mamlakat moliya tizimining intellektual tayanchiga aylantirmoqda.

❗️ Shior: «O‘rgan, o‘zgartir va yetakchi bo‘l!»

****

“Ўрган, ўзгартир ва етакчи бўл!” — Банк-молия академияси: замонавий кадрлар маскани

🎓 1996 йил 2- май куни ташкил этилган Ўзбекистон Республикаси Банк-молия академияси қарийб 30 йил давомида молия-банк соҳаси учун юқори малакали раҳбар ва мутахассисларни тайёрлаб келмоқда. Бугунга қадар 6 391 нафар тингловчи таълим олиб, давлат ва хусусий секторда самарали фаолият юритмоқда.

Бугунги кунда Банк-молия академиясида 1280 нафар тингловчи мавжуд.

Молия ва молиявий технологиялар факултетида - 1041 нафар;

Халқаро банк иши факултетида - 694 нафар;

Бизнес ва менежмент факултетида - 317 нафар тингловчи мавжуд.

📚 Академияда 4 та факультет, 7 та кафедра фаолият юритади. Магистратуранинг MBA (Master of Business Administration) ва MSc (Master of Science) дастурлари, шунингдек, халқаро қўшма таълим йўналишлари йўлга қўйилган.

🌍 Япония, Малайзия, АҚШ, Буюк Британия, Германия, Корея Республикаси ва бошқа давлатларнинг етакчи университетлари ҳамда илмий марказлари билан ҳамкорлик ўрнатилган. 1 600 нафардан ортиқ тингловчи хорижда малака оширган.

🌟 Замонавий таълим технологиялари, илмий тадқиқотлар ва халқаро тажриба уйғунлиги Академияни мамлакат молия тизимининг интеллектуал таянчига айлантирмоқда.