BFAUZ

✍ Talaba Expo–2026: Yoshlar, ish beruvchilar va biznes imkoniyatlarini birlashtirgan maydon

📍 Tadbirning ikkinchi kunida talaba-yoshlar va bitiruvchilarga “Kelajakka qadam” dasturi doirasidagi tadbirkorlikni qo‘llab-quvvatlash mexanizmlari, biznes loyihalarini moliyalashtirish imkoniyatlari, imtiyozli moliyaviy xizmatlar hamda dasturda ishtirok etish tartibi haqida batafsil ma’lumotlar berildi.

❗️Tadbir doirasida o‘z biznes g‘oyalarini hayotga tatbiq etish va tadbirkorlik faoliyatini yo‘lga qo‘yish istagidagi bitiruvchi yoshlar rag‘batlantirilib, biznes loyihalarini moliyalashtirish uchun maxsus vaucherlar bilan taqdirlandilar. Ushbu qo‘llab-quvvatlash choralari yoshlarning innovatsion tashabbuslarini ro‘yobga chiqarish, yangi ish o‘rinlarini yaratish va ularning iqtisodiy faolligini oshirishga xizmat qilishi ta’kidlandi.

📈 Shuningdek, ko‘rgazma davomida bitiruvchi talabalar va ish beruvchi tashkilotlar vakillari o‘rtasida samarali muloqotlar va uchrashuvlar tashkil etildi.

📖 Mazkur suhbatlar yakunida ishga qabul qilish bo‘yicha kelishuvlarga erishilgan bitiruvchilarga bandlikni tasdiqlovchi sertifikatlar topshirildi.

✍ Талаба Экспо–2026: Ёшлар, иш берувчилар ва бизнес имкониятларини бирлаштирган майдон

📍 Taдбирнинг иккинчи кунида талаба-ёшлар ва битирувчиларга “Келажакка қадам” дастури доирасидаги тадбиркорликни қўллаб-қувватлаш механизмлари, бизнес лойиҳаларини молиялаштириш имкониятлари, имтиёзли молиявий хизматлар ҳамда дастурда иштирок этиш тартиби ҳақида батафсил маълумотлар берилди.

❗️Тадбир доирасида ўз бизнес ғояларини ҳаётга татбиқ этиш ва тадбиркорлик фаолиятини йўлга қўйиш истагидаги битирувчи ёшлар рағбатлантирилиб, бизнес лойиҳаларини молиялаштириш учун махсус ваучерлар билан тақдирландилар. Ушбу қўллаб-қувватлаш чоралари ёшларнинг инновацион ташаббусларини рўёбга чиқариш, янги иш ўринларини яратиш ва уларнинг иқтисодий фаоллигини оширишга хизмат қилиши таъкидланди.

📈 Шунингдек, кўргазма давомида битирувчи талабалар ва иш берувчи ташкилотлар вакиллари ўртасида самарали мулоқотлар ва учрашувлар ташкил этилди.

📖 Мазкур суҳбатлар якунида ишга қабул қилиш бўйича келишувларга эришилган битирувчиларга бандликни тасдиқловчи сертификатлар топширилди.