✍️ 35 yillik taraqqiyot: “Yagona Vatan, yagona xalq bo‘lib, yangi hayot va kelajak yaratamiz!”

❗️O‘zbekiston Respublikasi Bank-moliya akademiyasida O‘zbekiston Respublikasi Davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” mavzusida tadbir o‘tkazildi. Unda akademiyaning professor-o‘qituvchilari, olimlar, Oliy Majlis Qonunchilik palatasi deputatlari, tinglovchilar va OAV vakillari ishtirok etdi.

🔰 Tadbir O‘zbekiston Respublikasi Davlat madhiyasi ijrosi bilan boshlandi. Shundan so‘ng tadbirni O‘zbekiston Respublikasi Bank-moliya akademiyasi rektori Elmurod Hoshimov ochib berdi. O‘z nutqida rektor mustaqillik xalqimiz uchun eng ulug‘ va bebaho ne’mat ekanini ta’kidlab, yurtimizning milliy davlatchilik asoslarini mustahkamlash, iqtisodiy va ijtimoiy salohiyatini yuksaltirish, xalqning munosib hayot kechirishi uchun zarur sharoitlarni yaratish borasida amalga oshirilgan ishlarga alohida to‘xtaldi. Qayd etilganidek, mustaqillik yillarida O‘zbekiston o‘z milliy taraqqiyot yo‘lini belgilab, davlat va jamiyat hayotining barcha sohalarida bosqichma-bosqich va izchil islohotlarni amalga oshirib kelmoqda.

🇺🇿 Oliy Majlis Qonunchilik palatasi deputati Firdavs Sharipov bugungi yangilanishlar mohiyati faqat iqtisodiy ko‘rsatkichlar yoki infratuzilmadagi o‘zgarishlar bilan emas, avvalo, insonning dunyoqarashi, jamiyatdagi o‘rni, huquq va manfaatlariga bo‘lgan munosabatning o‘zgarishi bilan belgilanishini qayd etdi.

🌙 Tadbir doirasida “Mustaqillik zafarlari” nomli videorolik namoyish etildi. Unda O‘zbekistonning 35 yillik taraqqiyot yo‘li, mustaqillik yillarida mamlakat hayotining turli sohalarida amalga oshirilgan o‘zgarishlar, iqtisodiy va ijtimoiy yangilanishlar, zamonaviy infratuzilma va inson kapitali rivoji bilan bog‘liq jarayonlar aks ettirildi.

♻️ Tadbir yakunida “Yagona Vatan, yagona xalq bo‘lib, yangi hayot va kelajak yaratamiz!” g‘oyasi mamlakatimiz taraqqiyotining bugungi ruhi va kelajakka intilishlarini mujassam etuvchi umumiy xulosa sifatida yangradi.

✍️ 35 йиллик тараққиёт: “Ягона Ватан, ягона халқ бўлиб, янги ҳаёт ва келажак яратамиз!”

❗️ Ўзбекистон Республикаси Банк-молия академиясида Ўзбекистон Республикаси Давлат мустақиллигининг 35 йиллиги муносабати билан “Ягона Ватан, ягона халқ бўлиб, янги ҳаёт ва келажак яратамиз!” мавзусида тадбир ўтказилди. Унда академиянинг профессор-ўқитувчилари, олимлар, Олий Мажлис Қонунчилик палатаси депутатлари, тингловчилар ва ОАВ вакиллари иштирок этди.

🔰 Тадбир Ўзбекистон Республикаси Давлат мадҳияси ижроси билан бошланди. Шундан сўнг тадбирни Ўзбекистон Республикаси Банк-молия академияси ректори Элмурод Ҳошимов очиб берди. Ўз нутқида ректор мустақиллик халқимиз учун энг улуғ ва бебаҳо неъмат эканини таъкидлаб, юртимизнинг миллий давлатчилик асосларини мустаҳкамлаш, иқтисодий ва ижтимоий салоҳиятини юксалтириш, халқнинг муносиб ҳаёт кечириши учун зарур шароитларни яратиш борасида амалга оширилган ишларга алоҳида тўхталди. Қайд этилганидек, мустақиллик йилларида Ўзбекистон ўз миллий тараққиёт йўлини белгилаб, давлат ва жамият ҳаётининг барча соҳаларида босқичма-босқич ва изчил ислоҳотларни амалга ошириб келмоқда.

🇺🇿 Олий Мажлис Қонунчилик палатаси депутати Фирдавс Шарипов бугунги янгиланишлар моҳияти фақат иқтисодий кўрсаткичлар ёки инфратузилмадаги ўзгаришлар билан эмас, аввало, инсоннинг дунёқараши, жамиятдаги ўрни, ҳуқуқ ва манфаатларига бўлган муносабатнинг ўзгариши билан белгиланишини қайд этди.

🌙 Тадбир доирасида “Мустақиллик зафарлари” номли видеоролик намойиш этилди. Унда Ўзбекистоннинг 35 йиллик тараққиёт йўли, мустақиллик йилларида мамлакат ҳаётининг турли соҳаларида амалга оширилган ўзгаришлар, иқтисодий ва ижтимоий янгиланишлар, замонавий инфратузилма ва инсон капитали ривожи билан боғлиқ жараёнлар акс эттирилди.

♻️ Тадбир якунида “Ягона Ватан, ягона халқ бўлиб, янги ҳаёт ва келажак яратамиз!” ғояси мамлакатимиз тараққиётининг бугунги руҳи ва келажакка интилишларини мужассам этувчи умумий хулоса сифатида янгради.

www.bfa.uz | Telegram | Facebook | Instagram | Youtube | Linked in

⭕️ LIVE

🎓 Bank-moliya akademiyasi magistraturasiga qabul bo‘yicha test sinovlari o‘tkazilmoqda

❗️Ayni paytda O‘zbekiston Respublikasi Bank-moliya akademiyasining magistratura mutaxassisliklariga o‘qishga qabul qilish bo‘yicha test sinovlari respublika bo‘ylab belgilangan hududlarda o‘tkazilmoqda.

📖 Test sinovlari Qoraqalpog‘iston Respublikasi, Toshkent shahri hamda barcha viloyatlardagi Bilim va malakalarni baholash agentligining hududiy bo‘limlari va oliy ta’lim tashkilotlari binolarida tashkil etilgan.

📚 Imtihon jarayonlarida ishtirokchilar uchun zarur tashkiliy shart-sharoitlar yaratilgan bo‘lib, nomzodlarning bilim va ko‘nikmalarini xolis baholash, test sinovlarining ochiqligi va shaffofligini ta’minlashga alohida e’tibor qaratilmoqda.

📈 Test sinovlarida magistratura mutaxassisliklari bo‘yicha hujjat topshirgan talabgorlar ishtirok etib, o‘z bilim va tayyorgarlik darajalarini namoyon etmoqda.

📌 Imtihon jarayonlari belgilangan tartib va talablar asosida tashkil etildi.

🎓 Банк-молия академияси магистратурасига қабул бўйича тест синовлари ўтказилмоқда

📋 Айни пайтда Ўзбекистон Республикаси Банк-молия академиясининг магистратура мутахассисликларига ўқишга қабул қилиш бўйича тест синовлари республика бўйлаб белгиланган ҳудудларда ўтказилмоқда.

📖 Тест синовлари Қорақалпоғистон Республикаси, Тошкент шаҳри ҳамда барча вилоятлардаги Билим ва малакаларни баҳолаш агентлигининг ҳудудий бўлимлари ва олий таълим ташкилотлари биноларида ташкил этилган.

📚 Имтиҳон жараёнларида иштирокчилар учун зарур ташкилий шарт-шароитлар яратилган бўлиб, номзодларнинг билим ва кўникмаларини холис баҳолаш, тест синовларининг очиқлиги ва шаффофлигини таъминлашга алоҳида эътибор қаратилмоқда.

📈 Тест синовларида магистратура мутахассисликлари бўйича ҳужжат топширган талабгорлар иштирок этиб, ўз билим ва тайёргарлик даражаларини намоён этмоқда.

📌 Имтиҳон жараёнлари белгиланган тартиб ва талаблар асосида ташкил этилди.

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in