✍️ Yangi o‘quv yili: sifat va zamonaviy yondashuv — ustuvor vazifa

🎓 O‘zbekiston Respublikasi Bank-moliya akademiyasida 2026/2027 o‘quv yilini samarali tashkil etish, ta’lim sifatini yanada oshirish va o‘quv jarayonini zamonaviy talablar asosida yo‘lga qo‘yish masalalariga bag‘ishlangan yig‘ilish o‘tkazildi.

❗️Yig‘ilishda Akademiya rektori Elmurod Hoshimov ta’lim jarayonini bosqichma-bosqich transformatsiya qilish, sun’iy intellekt imkoniyatlaridan samarali foydalanish, innovasion va raqamli texnologiyalarni keng joriy etish, professor-o‘qituvchilarning kasbiy va raqamli ko‘nikmalarini rivojlantirish zarurligini ta’kidladi. Shuningdek, Akademiyaning xalqaro akkreditatsiya jarayonlariga tayyorgarligini jadallashtirish, ilg‘or xorijiy tajribani o‘rganish va benchmarking asosida samarali amaliyotlarni joriy etish masalalari muhokama qilindi.

🔰 Yig‘ilishda professor-o‘qituvchilarning kasbiy salohiyati, dars o‘tish uslubi, kiyinish madaniyati va kasbiy etikasiga ham alohida e’tibor qaratildi. Kun tartibidagi masalalar yuzasidan mas’ullarga aniq vazifalar yuklatilib, ularning sifatli va o‘z vaqtida ijro etilishini ta’minlash bo‘yicha tegishli topshiriqlar berildi. Yangi o‘quv yilida ta’lim sifati, mas’uliyat, intizom va professional yondashuvni yangi bosqichga olib chiqish Akademiya jamoasining ustuvor vazifasi etib belgilandi.

✍️ Янги ўқув йили: сифат ва замонавий ёндашув — устувор вазифа

🎓 Ўзбекистон Республикаси Банк-молия академиясида 2026/2027 ўқув йилини самарали ташкил этиш, таълим сифатини янада ошириш ва ўқув жараёнини замонавий талаблар асосида йўлга қўйиш масалаларига бағишланган йиғилиш ўтказилди.

❗️Йиғилишда Академия ректори Элмурод Ҳошимов таълим жараёнини босқичма-босқич трансформация қилиш, сунъий интеллект имкониятларидан самарали фойдаланиш, инновацион ва рақамли технологияларни кенг жорий этиш, профессор-ўқитувчиларнинг касбий ва рақамли кўникмаларини ривожлантириш зарурлигини таъкидлади. Шунингдек, Академиянинг халқаро аккредитация жараёнларига тайёргарлигини жадаллаштириш, илғор хорижий тажрибани ўрганиш ва бенчмаркинг асосида самарали амалиётларни жорий этиш масалалари муҳокама қилинди.

🔰Йиғилишда профессор-ўқитувчиларнинг касбий салоҳияти, дарс ўтиш услуби, кийиниш маданияти ва касбий этикасига ҳам алоҳида эътибор қаратилди. Кун тартибидаги масалалар юзасидан масъулларга аниқ вазифалар юклатилиб, уларнинг сифатли ва ўз вақтида ижро этилишини таъминлаш бўйича тегишли топшириқлар берилди. Янги ўқув йилида таълим сифати, масъулият, интизом ва профессионал ёндашувни янги босқичга олиб чиқиш Академия жамоасининг устувор вазифаси этиб белгиланди.

👉Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Yangi o‘quv yili: Bank-moliya akademiyasi oldida qanday vazifalar turibdi?

🎓 Bank-moliya akademiyasi Kengashining 1-sonli majlisida 2026/2027 o‘quv yilida ta’lim, ilm-fan va ilmiy kadrlar tayyorlash sohasidagi strategik ustuvor yo‘nalishlar belgilab olindi.

❗️ Kengash majlisida Akademiyaning 2026/2027 o‘quv yili uchun ish rejasi, yangi o‘quv yiliga tayyorgarlik holati, ta’lim jarayonini samarali tashkil etish, ilmiy-tadqiqot faoliyatini rivojlantirish hamda yuqori malakali ilmiy kadrlar tayyorlash bilan bog‘liq qator muhim masalalar muhokama qilindi.

📚 Bugungi kunda bank-moliya tizimi jadal o‘zgarib, sohada yangi bilim, zamonaviy yondashuv va ilmiy salohiyatga ega mutaxassislarga bo‘lgan ehtiyoj tobora ortib bormoqda. Shu jihatdan, Akademiyada ilmiy-tadqiqot faoliyatini kuchaytirish, doktorantura va mustaqil izlanuvchilik tizimini takomillashtirish strategik ahamiyat kasb etadi.

📍 Majlisda 2026-yil IV choragi uchun PhD va DSc bo‘yicha mustaqil izlanuvchilikka qabul, doktorantura, tayanch doktorantura va mustaqil izlanuvchilikka kirish imtihonlari dasturlarini tasdiqlash, shuningdek, ilmiy izlanuvchilarning dissertatsiya mavzularini o‘zbek, rus va ingliz tillarida tasdiqlash masalalari ko‘rib chiqildi.

✅ Akademiyada ilmiy muhitni yanada rivojlantirish maqsadida ilmiy seminarlarni tashkil etish tartibini tasdiqlash masalasi ham kun tartibidan o‘rin oldi. Bu, o‘z navbatida, ilmiy fikr va tajriba almashinuvini kuchaytirish, tadqiqotlarning amaliy ahamiyatini oshirish hamda ilmiy maktablar o‘rtasidagi hamkorlikni kengaytirish uchun muhim zamin yaratadi.

🏛 Majlisda davlat xaridlarini samarali tashkil etish, xarid jarayonlarida qonuniylik, shaffoflik va ochiqlikni ta’minlash, shuningdek, belgilangan talab va tartiblarga qat’iy rioya qilish masalalari yuzasidan ham fikr-mulohazalar bildirildi.

⚠️ Kengash majlisi yakunida Akademiyaning kelgusi faoliyati uchun aniq maqsadlar, ustuvor yo‘nalishlar va mas’uliyatli vazifalar belgilab olindi.

✍️ Янги ўқув йили: Банк-молия академияси олдида қандай вазифалар турибди?

🎓 Банк-молия академияси Кенгашининг 1-сонли мажлисида 2026/2027 ўқув йилида таълим, илм-фан ва илмий кадрлар тайёрлаш соҳасидаги стратегик устувор йўналишлар белгилаб олинди.

❗️ Кенгаш мажлисида Академиянинг 2026/2027 ўқув йили учун иш режаси, янги ўқув йилига тайёргарлик ҳолати, таълим жараёнини самарали ташкил этиш, илмий-тадқиқот фаолиятини ривожлантириш ҳамда юқори малакали илмий кадрлар тайёрлаш билан боғлиқ қатор муҳим масалалар муҳокама қилинди.

📚 Бугунги кунда банк-молия тизими жадал ўзгариб, соҳада янги билим, замонавий ёндашув ва илмий салоҳиятга эга мутахассисларга бўлган эҳтиёж тобора ортиб бормоқда. Шу жиҳатдан, Академияда илмий-тадқиқот фаолиятини кучайтириш, докторантура ва мустақил изланувчилик тизимини такомиллаштириш стратегик аҳамият касб этади.

📍 Мажлисда 2026 йил IV чораги учун PhD ва DSc бўйича мустақил изланувчиликка қабул, докторантура, таянч докторантура ва мустақил изланувчиликка кириш имтиҳонлари дастурларини тасдиқлаш, шунингдек, илмий изланувчиларнинг диссертация мавзуларини ўзбек, рус ва инглиз тилларида тасдиқлаш масалалари кўриб чиқилди.

✅ Академияда илмий муҳитни янадв ривожлантириш мақсадида семинарларни ташкил этиш тартибини тасдиқлаш масаласи ҳам кун тартибидан ўрин олди. Бу, ўз навбатида, илмий фикр ва тажриба алмашинувини кучайтириш, тадқиқотларнинг амалий аҳамиятини ошириш ҳамда илмий мактаблар ўртасидаги ҳамкорликни кенгайтириш учун муҳим замин яратади.

🏛 Мажлисда давлат харидларини самарали ташкил этиш, харид жараёнларида қонунийлик, шаффофлик ва очиқликни таъминлаш, шунингдек, белгиланган талаб ва тартибларга қатъий риоя қилиш масалалари юзасидан ҳам фикр-мулоҳазалар билдирилди.

⚠️ Кенгаш мажлиси якунида Академиянинг келгуси фаолияти учун аниқ мақсадлар, устувор йўналишлар ва масъулиятли вазифалар белгилаб олинди.


🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in