✍️BANK-MOLIYA AKADEMIYASIDA USTOZ VA MURABBIYLAR SHARAFLANADI

📍O‘zbekiston Respublikasi Bank-moliya akademiyasida 1 oktyabr — Ustoz va murabbiylar kuni munosabati bilan professor-o‘qituvchilar va ustozlarni sharaflashga bag‘ishlangan tantanali tadbir o‘tkaziladi.

🖍 Ustoz — ta’lim va tarbiyaning, ilm-fan va ma’rifatning asosiy tayanchi. Zamonaviy bilim va ko‘nikmalarga ega, yuksak salohiyatli mutaxassislarni tayyorlashda professor-o‘qituvchilarning fidokorona mehnati alohida ahamiyat kasb etadi. Akademiyada mazkur bayram ustozlarning ko‘p yillik mehnati, ilmiy-pedagogik faoliyati va ta’lim sohasi rivojiga qo‘shayotgan hissasini e’tirof etishning muhim an’anasiga aylangan.

❗️Tantanali marosim O‘zbekiston Respublikasi Davlat madhiyasi bilan boshlanadi. Tadbirda Bank-moliya akademiyasi rektori Elmurod Hoshimov ustoz va murabbiylarni kasb bayrami bilan tabrikladi.

⚠️ Tantanali tadbir doirasida ustozlarga bag‘ishlangan maxsus videorolik namoyish etildi. Shuningdek, mehmonlar tomonidan ta’lim va tarbiya sohasida ustozlarning o‘rni, yosh avlodni kamolga yetkazishdagi mas’uliyati va fidoyiligi haqida fikrlar bildirildi.

🔰 Bayram tadbirida Respublika Ma’naviyat va ma’rifat markazi huzuridagi “Ma’rifat” targ‘ibotchilar jamiyati a’zosi, xalqaro toifadagi spiker, “Mehnat shuhrati” ordeni sohibi, O‘zbekistonda xizmat ko‘rsatgan yoshlar murabbiysi, falsafa fanlari doktori, professor Jamila Shermuxamedova hamda Tarmoq kasaba uyushmasi Toshkent shahar birlashgan qo‘mitasi raisi Dilfuza Ismoilova ishtirok etib, bayram tabriklarini yo‘llaydi.

💢 Tadbirning muhim qismida Akademiyaning ilmiy va pedagogik faoliyatida yuqori natijalarga erishgan professor-o‘qituvchilari munosib taqdirlanadi. Bu e’tirof ta’lim sifatini yuksaltirish, ilmiy izlanishlarni qo‘llab-quvvatlash va ustozlik an’analarini yanada mustahkamlashga qaratilgan.

Davomi....👇

👉Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

❗️Bayram tadbiri davomida O‘zbekistonda xizmat ko‘rsatgan yoshlar murabbiy, falsafa fanlari doktori, professor Jamila Shermuhamedova tomonidan ustoz va murabbiylarning yosh avlodni Vatanga muhabbat, yurtga sadoqat va yuksak ma’naviy qadriyatlar ruhida tarbiyalashdagi muhim o‘rniga bag‘ishlangan interfaol mashg‘ulotlar o‘tkazildi. Mashg‘ulotlar davomida ishtirokchilar bilan ochiq muloqot va fikr almashuvlar tashkil etilib, ustozlik kasbining sharafi, mas’uliyati hamda jamiyat taraqqiyotidagi o‘rni haqida fikrlar bildirildi.

🔰 Bayram tadbirida Bank-moliya akademiyasida ko‘p yillar davomida samarali va namunali mehnat qilib kelayotgan bir guruh xodimlarga Tarmoq kasaba uyushmasi Toshkent shahar birlashgan qo‘mitasi tomonidan bayram sovg‘alari topshirildi. Ushbu e’tibor Akademiya jamoasida mehnat qilayotgan xodimlarning fidokorona faoliyatiga bildirilgan hurmat va ehtiromning amaliy ifodasi bo‘ldi.

💢 Shuningdek, Akademiyada ilmiy-pedagogik faoliyat olib borib, ta’lim sifatini yuksaltirish, ilmiy salohiyatni oshirish va yosh mutaxassislar tayyorlashga munosib hissa qo‘shib kelayotgan professor-o‘qituvchilar rektor tomonidan Faxriy yorliq va esdalik sovg‘alari bilan taqdirlandi. Ustozlarning ko‘p yillik samarali mehnati, kasbiy mahorati va ta’lim-tarbiya yo‘lidagi fidoyiligi alohida e’tirof etildi.  Tadbirda Bank-moliya akademiyasida mehnat qilayotgan barcha xodimlarga bayram munosabati bilan Akademiyaning esdalik sovg‘alari topshirildi. 

📍Bayram dasturining badiiy qismi ham ishtirokchilarda katta taassurot qoldirdi. Xususan, taniqli o‘zbek qiziqchisi, hajvchi va aktyor Zokir Ochildiyev o‘zining o‘ziga xos hazil-mutoyibalari, hayotiy hajviy chiqishlari bilan tadbirga ko‘tarinki ruh bag‘ishladi. Kulgu ustasining samimiy va ta’sirchan sahna chiqishlari ishtirokchilarga xush kayfiyat ulashib, zalda samimiy kulgu va ko‘tarinki muhitni yuzaga keltirdi.

👉Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

Yuksak e’tirof!

❗️O‘zbekiston Respublikasi Bank-moliya akademiyasida ta’lim va ilm-fan sohasida faoliyat yuritayotgan professor-o‘qituvchilarning samarali mehnati, ilmiy izlanishlari va ta’lim jarayonini rivojlantirishga qo‘shayotgan munosib hissasi munosib e’tirof etilmoqda.

🔰 Akademiya rektori Xoshimov Elmurod Abdusattorovich hamda Akademiya professori, iqtisodiyot fanlari doktori Alimardonov Ilhom Muzrabshoxovich O‘zbekiston Respublikasi Oliy ta’lim, fan va innovatsiyalar vazirining «Oliy ta’lim a’lochisi» ko‘krak nishoni bilan taqdirlandi.

💢Ushbu yuksak e’tirof ta’lim tizimidagi fidokorona mehnat, yuksak kasbiy mahorat va ilmiy-pedagogik faoliyatdagi samarali natijalarning munosib bahosidir. Ayniqsa, bugungi kunda oliy ta’lim tizimi oldiga qo‘yilayotgan muhim vazifalar — ta’lim sifatini oshirish, zamonaviy bilim va ko‘nikmalarga ega raqobatbardosh mutaxassislar tayyorlash, ilmiy tadqiqotlarni amaliyot bilan uyg‘unlashtirish borasida Akademiya jamoasining faol ishtiroki alohida ahamiyat kasb etmoqda.

🌠 «Oliy ta’lim a’lochisi» ko‘krak nishonining topshirilishi ham ana shu ezgu maqsadlar yo‘lidagi mehnat va izlanishlarning e’tirofi sifatida ahamiyatlidir. Mazkur yuksak mukofot Akademiya jamoasini yangi ilmiy izlanishlar, ta’lim sohasidagi yangi tashabbuslar va yanada yuqori natijalar sari ruhlantirishi shubhasiz.

❗️Bank-moliya akademiyasi jamoasi nomidan ushbu yuksak e’tirof bilan chin qalbdan muborakbod etamiz!
Ularga mustahkam sog‘lik, oilaviy xotirjamlik, ilmiy-pedagogik faoliyatida ulkan muvaffaqiyatlar, yangi yutuq va zafarlar tilaymiz!

👉Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ BANK-MOLIYA AKADEMIYASI KENGASHINING NAVBATDAGI MAJLISI O‘TKAZILDI

❗️O‘zbekiston Respublikasi Bank-moliya akademiyasi Kengashining 2-son majlisi bo‘lib o‘tdi. Majlisda Akademiyaning 2026/2027 o‘quv yilidagi ta’lim jarayonini samarali tashkil etish, magistraturaga qabul natijalari, o‘quv dasturlari sifati, zamonaviy raqamli ta’lim texnologiyalaridan foydalanish, ilmiy-tadqiqot ishlarini rivojlantirish hamda hududlarda ilmiy-amaliy faoliyatni kuchaytirish bilan bog‘liq muhim masalalar muhokama qilindi.

✨ Kengash majlisida 2026/2027 o‘quv yili uchun Akademiya magistratura mutaxassisliklariga yozgi qabul natijalari, abituriyentlarning tanlovdagi ishtiroki, belgilangan talablar asosida qabulni tashkil etish hamda yangi o‘quv yili uchun tinglovchilar kontingentini shakllantirish masalalari yuzasidan fikr-mulohazalar bildirildi.

📍Qabul jarayonida shaffoflik, ochiqlik va belgilangan tartib-talablarga rioya etish Akademiyada sifatli kadrlar tayyorlashning muhim omili ekani ta’kidlandi. Kengashda 2026/2027 o‘quv yilida fanlar bo‘yicha o‘quv dasturlarining sifati, ularning zamonaviy ta’lim talablari asosida shakllantirilganligi hamda o‘quv jarayonini LMS tizimi orqali samarali tashkil etish holati ham atroflicha ko‘rib chiqildi. Bunda o‘quv dasturlarining mazmunan yangilanishi, ta’lim jarayoniga raqamli texnologiyalarni keng joriy etish, tinglovchilarning mustaqil ta’lim olish imkoniyatlarini kengaytirish va ta’lim sifatini muntazam monitoring qilib borish masalalariga alohida e’tibor qaratildi.

⚠️ Yig‘ilishda 2026 yil IV choragi uchun qabul qilingan mustaqil izlanuvchilar — PhD va DSc tadqiqotchilarining yakka tartibdagi ish rejalari hamda nazariy-metodologik asoslarini tasdiqlash masalasi ham ko‘rib chiqildi. Mazkur rejalar ilmiy izlanishlarni aniq maqsad va vazifalar asosida tashkil etish, tadqiqotlarning nazariy va amaliy ahamiyatini oshirish, ilmiy natijalarni amaliyotga tatbiq etish hamda yuqori malakali ilmiy kadrlar tayyorlash samaradorligini ta’minlashga qaratilgan.

🔰 Kun tartibi asosida Akademiya tomonidan «Aql markazi» sifatida biriktirilgan hududlar va sohalarda amalga oshirilayotgan ishlar to‘g‘risida ham axborot berildi. Xususan, Namangan viloyatida olib borilayotgan ishlar, hududning ijtimoiy-iqtisodiy rivojlanishi bilan bog‘liq masalalarni ilmiy yondashuv asosida o‘rganish, mavjud muammolarga tahliliy va amaliy yechimlar ishlab chiqish, ilmiy-tadqiqot salohiyatidan samarali foydalanish bo‘yicha amalga oshirilayotgan ishlar muhokama qilindi.

♻️ Akademiyaning «Aql markazi» sifatidagi faoliyatini yanada kuchaytirish, ilm-fan va amaliyot uyg‘unligini ta’minlash hamda hududlar rivojiga ekspertlik ko‘magi ko‘rsatish muhim vazifalardan biri sifatida qayd etildi.

 ⚠️ Kengash majlisida muhokama qilingan barcha masalalar yuzasidan tegishli qarorlar qabul qilinib, belgilangan vazifalar ijrosini ta’minlash bo‘yicha mas’ullarga aniq topshiriqlar berildi.

👉Telegram kanalimizga aʼzo bo‘ling !

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in