Loyihaning asosiy maqsadi — aholi va keng jamoatchilikni iqtisodiy va moliyaviy mavzular bo‘yicha ishonchli, dolzarb va ilmiy asoslangan ma’lumotlar bilan ta’minlash, ularni qiziqtirgan savollarga soha mutaxassislari ishtirokida javob berish hamda moliyaviy savodxonlikni oshirishdan iborat.

📌 Loyiha doirasida mamlakatimiz iqtisodiyoti, bank-moliya tizimi, islom moliyasi va iqtisodiyoti, soliq siyosati, soliq imtiyozlari, xalqaro tajriba, shuningdek, Bank-moliya akademiyasining ta’lim, ilm-fan va ilmiy izlanishlar sohasidagi faoliyatiga oid dolzarb mavzular yoritib boriladi. Murakkab iqtisodiy va moliyaviy masalalar sodda, ravon va tushunarli tarzda izohlanadi.

💬 Sizning fikringiz muhim, savolingiz esa yangi bilimlar uchun asos!

Loyiha mavzulari auditoriyaning qiziqishlari va murojaatlari asosida shakllantiriladi. Siz o‘z savollaringizni yo‘llash orqali qaysi masalalarga oydinlik kiritish, qanday mavzularni mutaxassislar bilan muhokama qilish zarurligini belgilashda ishtirok etishingiz mumkin.

🔎 “FIKR BANK” loyihasining ilk soni O‘zbekistonning soliq tizimiga bag‘ishlanadi. Unda soliq turlari, soliq imtiyozlari, soliqlarni hisoblash va to‘lash tartibi hamda soliq qonunchiligiga oid masalalar yuzasidan ma’lumotlar taqdim etiladi.

❓ Soliqlar bo‘yicha sizda ham savollar bormi? Qaysi jihatlar sizga tushunarsiz yoki qo‘shimcha ma’lumot olishni istaysiz?

👇 Savollaringizni izohlarda qoldiring! Ular asosida dolzarb mavzularni tanlab, mutaxassislar fikri va tushuntirishlarini taqdim etib boramiz.

📌 Akademiyada ta’lim jarayoni faqat nazariy bilimlarni berish bilan cheklanmaydi. Uning asosiy maqsadi — tinglovchilarda mustaqil fikrlash, tahliliy yondashuv, murakkab vaziyatlarda to‘g‘ri qaror qabul qilish va jamoani samarali boshqarish ko‘nikmalarini shakllantirishdir. Shu maqsadda interfaol ta’lim usullari, amaliy topshiriqlar, muammoli vaziyatlar tahlili va o‘zaro fikr almashishga asoslangan mashg‘ulotlardan keng foydalanilmoqda.

📍Akademiyaning «O‘rgan, o‘zgartir, yetakchi bo‘l!» shiori ta’lim jarayonining mazmun-mohiyatini o‘zida mujassam etadi. Zero, bugungi rahbar nafaqat bilimli mutaxassis, balki yangicha fikrlaydigan, o‘zgarishlarni boshqara oladigan va jamoani umumiy maqsad sari safarbar etadigan yetakchi bo‘lishi lozim.

📚 Taqdim etilayotgan tasvirlarda MBA GENERAL mutaxassisligi bo‘yicha tahsil olayotgan magistrantlarning mashg‘ulotlari aks etgan. Ularda o‘qituvchi va tinglovchilar o‘rtasidagi faol muloqot, fikrlar almashinuvi va har bir ishtirokchining ta’lim jarayonidagi ishtirokiga alohida e’tibor qaratilganini ko‘rish mumkin.

📕Bunday yondashuv har bir tinglovchining individual salohiyatini namoyon etish, mavjud bilimlarini amaliyot bilan bog‘lash hamda kasbiy kompetensiyalarini rivojlantirishga xizmat qiladi.

"Yangi Toshkent zamonaviy biznes, ta’lim, tibbiyot, turizm va xizmatlarni o‘ziga tortadigan mustaqil iqtisodiy markazga aylanishi zarur".

«Новый Ташкент должен стать самостоятельным экономическим центром, притягивающим современный бизнес, образование, медицину, туризм и сферу услуг».

Iqtisodiyot bo‘yicha Nobel mukofoti amerikalik olimlarga iqtisodiyotni barqarorlashtirish mexanizmlari bo‘yicha tadqiqotlari uchun berildi. Bu haqda Nobel qo‘mitasi xabar berdi.