❇️ Uchrashuv davomida ikki oliy ta’lim muassasasi o‘rtasidagi hamkorlik aloqalarini mustahkamlash, ta’lim va ilmiy tadqiqotlar sifatini oshirish, xalqaro tajriba almashish hamda zamonaviy bilim va ko‘nikmalarga ega mutaxassislar tayyorlash masalalari muhokama qilindi. Muloqotning muhim natijasi sifatida Bank-moliya akademiyasi va Airlangga universiteti Iqtisodiyot va biznes fakulteti o‘rtasida Hamkorlik to‘g‘risidagi memorandum (MOA) imzolandi.

📖 Mazkur hujjat ikki muassasa o‘rtasidagi akademik aloqalarni yangi bosqichga olib chiqish, o‘zaro manfaatli tashabbuslarni amalga oshirish va ta’lim sohasidagi xalqaro hamkorlik ko‘lamini kengaytirish uchun huquqiy asos yaratadi. Memorandumga muvofiq, talabalar va professor-o‘qituvchilar almashinuvini tashkil etish, ilmiy seminar va konferensiyalar o‘tkazish, qo‘shma tadqiqotlarni amalga oshirish, professor-o‘qituvchilarning kasbiy malakasini oshirish hamda mehmon professorlar ishtirokida akademik dasturlarni yo‘lga qo‘yish ko‘zda tutilgan. Shuningdek, Islom iqtisodiyoti, iqtisodiyot, buxgalteriya hisobi va menejment yo‘nalishlarida hamkorlikni rivojlantirishga alohida e’tibor qaratiladi.

❗️Tomonlar ilmiy salohiyatni birlashtirish, ilg‘or ta’lim tajribalarini o‘rganish va o‘quv jarayoniga zamonaviy yondashuvlarni joriy etish orqali ta’lim sifatini oshirishni maqsad qilgan. Bu esa talabalarga xalqaro akademik muhitda bilim va tajriba orttirish, professor-o‘qituvchilarga esa ilmiy izlanishlar olib borish hamda kasbiy rivojlanish imkoniyatlarini kengaytirish uchun zamin yaratadi.

✔️ Mashg‘ulotlar davomida islom moliyasi sohasida to‘plangan boy xalqaro tajriba, zamonaviy ta’lim standartlari, moliyaviy instrumentlarni amaliyotda qo‘llash mexanizmlari hamda ushbu yo‘nalishni O‘zbekistonning iqtisodiy va huquqiy sharoitiga moslashtirish masalalariga e’tibor qaratildi.

⭐️ Qayd etilganidek, Islom moliyasi faqat muayyan moliyaviy xizmatlar majmui emas, balki iqtisodiy munosabatlarga o‘ziga xos yondashuvni ham ifodalaydi. Unda moliyaviy operatsiyalarning real aktivlar va iqtisodiy faoliyat bilan bog‘liq bo‘lishi, asossiz noaniqlik va sudxo‘rlik xususiyatiga ega operatsiyalardan tiyilish, shuningdek, tomonlarning o‘zaro mas’uliyati muhim o‘rin tutadi.

📍 Mashg‘ulotlarda jahon amaliyotida islom moliyasi bank xizmatlari, investisiya, tadbirkorlikni moliyalashtirish va kapital bozori, murobaha, mushoraka, muzoraba va sukuk kabi moliyaviy instrumentlar kabi yo‘nalishlarda batafsil ko‘nikmalar berildi.

🤩 Ўзбекистон Республикаси Банк-молия академиясида Индонезиянинг Аирлангга университети (Университас Аирлангга) профессорлари иштирокида ўтказилган дарс машғулотлари ислом молияси соҳасидаги илғор халқаро тажрибани ўрганиш, халқаро таълим стандартларини ўзлаштириш ва мазкур йўналишни Ўзбекистон шароитида татбиқ этиш имкониятларини муҳокама қилишга бағишланди.

✔️ Машғулотлар давомида ислом молияси соҳасида тўпланган бой халқаро тажриба, замонавий таълим стандартлари, молиявий инструментларни амалиётда қўллаш механизмлари ҳамда ушбу йўналишни Ўзбекистоннинг иқтисодий ва ҳуқуқий шароитига мослаштириш масалаларига эътибор қаратилди.

⭐️ Қайд этилганидек, Ислом молияси фақат муайян молиявий хизматлар мажмуи эмас, балки иқтисодий муносабатларга ўзига хос ёндашувни ҳам ифодалайди. Унда молиявий операцияларнинг реал активлар ва иқтисодий фаолият билан боғлиқ бўлиши, асоссиз ноаниқлик ва судхўрлик хусусиятига эга операциялардан тийилиш, шунингдек, томонларнинг ўзаро масъулияти муҳим ўрин тутади.

📍 Машғулотларда жаҳон амалиётида ислом молияси банк хизматлари, инвестисия, тадбиркорликни молиялаштириш ва капитал бозори, муробаҳа, мушорака, музораба ва сукук каби молиявий инструментлар каби йўналишларда батафсил кўникмалар берилди.

⭐️ Профессор-ўқитувчиларнинг халқаро тажрибага асосланган ёндашувлари орқали ислом молиясининг назарий асосларини амалий билимлар билан уйғунлаштириш, соҳадаги замонавий тенденсияларни таҳлил қилиш ва улардан таълим жараёнида самарали фойдаланиш масалалари ёритилди.