Seyyid Mirza Ali

Şah İsmail

https://t.me/seyyid_ali_1

Əmirəl möminin Xanım Zəhra ilə vidalaşır-İmam Xamenei (əyyami Fatimiyyə)

Əziz müsəlman bacı və qardaşlarım.
Şəhid İmam Xameneinin bu çıxışını mütləq dinləyin, mütaliə edin və paylaşın:

✊ Qapının arxasına gəlib dayanmaq barədə eşitdiyiniz bu hadisə həmin mübarizənin başlanğıcıdır. Qapının arxasına gəlib dayansın, bəs hansı yad adamlarla üz-üzə?

O qeyrətli ərəb, öz xanımına, öz namusuna ən kiçik bir hörmətsizliyin belə edilməsinə razı olmayan insan; İslamın təlim və tərbiyəsi ilə qeyrəti ən yüksək həddə çatan bir müsəlman ərəb, özü də Əmirəl-möminin kimi bir müsəlman, razı olarmı ki, onun gənc həyat yoldaşı gəlib qapının arxasında dayansın, bir dəstə qoçu gəlib qapının arxasına yığışsın və Həzrət Zəhra onlarla üz-üzə gəlib mübahisə etsin, onların qarşısında dayanıb söz desin?
Bu, adi bir hadisədirmi? Bu məsələ adi, təsadüfi bir hadisədir, yoxsa (Xanım Zəhra tərəfindən) əvvəlcədən hesablanmış bir işdir?
⬇️⬇️⬇️Davamı🔻🔻🔻

🔺🔺🔺
Ey pak Zəhra! Ey Peyğəmbərin abırlı qızı! Öz mövqeyindən istifadə et. İndi ki hakimiyyət naəhillərin əlinə keçmək üzrədir, sən qabağa düş. Bu zərif qadın qollarını sipər elə, qoyma hakimiyyət qəsbkarların, layiq olmayanların əlinə keçsin və tarixdə əbədi olaraq belə bir həqiqəti yazdır: İslam budur!

Qadın canını fəda edir ki, hakimiyyət ona layiq olmayan birinin əlinə keçməsin. Elə həmin mübarizə də qapının arxasına gəlməklə başlayır. Təhdidlər ona təsir göstərmir. Demir ki, indi hamiləyəm, bu vəziyyətdə getmək məsləhət deyil; bir neçə gün gözləyim, bəlkə onların qəzəbi soyuyar. Gözləyim, bəlkə uşaq dünyaya gəlsin, sonra gedib onların qarşısında dayanaram. Xeyr! Məsələnin gözəlliyi də elə bundadır ki, ən ağır şəraitdə ən böyük vəzifələr yerinə yetirilsin, bədənə və ruha ən ağır zərbələr də elə həmin vaxt dəysin.

Buna görə də mübarizəyə başladı: qapının arxasına gəlib dayandı; altı aylıq Möhsin düşdü; qolunda zərbənin təsirindən şiş və göyərmə yarandı; o böyük müqaviməti göstərdi və nəticədə Peyğəmbərin qızını döydülər.

Bir qadını kim döyər? Nə üçün döyərlər? O zaman ki, həmin qadın ayağa qalxıb müqavimət göstərir.

Onlar bu həssas vəziyyətdə öz məqsədlərini həyata keçirə bilmirdilər. Bunun üçün gərək bu tikanı yoldan götürəydilər. Bu qadın yollarına tikan olmuşdu, bütün planlarını puç edirdi. Mühacir və ənsarın kişiləri, ağsaqqalları, böyükləri hamısı təslim oldu. Bəziləri aldandı, bəziləri səhlənkarlıq etdi. Amma bu qadın nə aldanırdı, nə süstlük edirdi, nə də heç bir qiymətə razı olurdu. Elə buna görə də vurdular.

Onu döydükdən sonra huşunu itirdi. Özünə gələndə gördü ki, məsələ, deyəsən, artıq başa çatmaq üzrədir. Amma demədi ki, xəstəyəm, gedə bilmərəm. Əsa götürüb, yaxud bir nəfərin qoluna söykənərək məscidə getdi. Ağlamaqla kifayətlənmədi.

Zəhranın məqamını xütbə söyləməkdən ibarət olan mübarizəsini sadəcə mərsiyə və növhə oxumağa çevirən dil kəsilsin! Əgər Zəhranın xütbəsini danışmamısansa, onun ağlamağının mənası da aydın olmaz. Əgər Zəhranın orada necə danışdığını anlamamısansa, onun ağlamağının nə məna daşıdığını da anlaya bilməzsən.

O, məscidə gedir, ayağa qalxır və orada olanların heyrət dolu baxışları qarşısında möhtəşəm bir xütbə söyləməyə başlayır. Məncə, adi bir insan həmin xütbəni oxumaq və ya öz sözləri ilə ifadə etmək istəsə, yarım saatdan çox danışmalı olar. Xütbə heyrətamiz fikirlər və məzmunla doludur.

Beləliklə, işin bu mərhələsi də yerinə yetirilir: insanların düşüncələri hazırlanır. Amma o, bununla da kifayətlənmir.

Deyilənə görə, qırx gecə boyunca müntəzəm olaraq bu kişinin evinə, o tanınmış şəxsin evinə, digər nüfuzlu adamların qapısına gedir. Onlara deyir: «Gəlin, hərəkətə keçin! Təşkilatlanın, bir-birinizlə əlbir olun, həmrəy olun! Vaxtında düzgün bir addım atın, bir-birinizə dayaq olun! Hələ gec deyil! Hələ iş əldən çıxmayıb!»

Qırx gecə boyunca bu məqsəd uğrunda çalışır. Bəs kim? O qadın ki, bətnindəki uşağı həmin şəkildə salmışdı; o qadın ki, zərbə almış, yaralanmış və bədəni zərər görmüşdü.

Görün, bu hadisə əslində nə deməkdir! Bunları siz, Allaha and olsun, eşitməmisiniz? Axı bunlar haqqında çox danışılır. Amma bilin ki, bütün bu işlər başdan-başa fasiləsiz bir mübarizənin müxtəlif mərhələləri və təzahürləridir.

Bu, müxtəlif formalarda aparılan bir mübarizə idi: müsbət mübarizə; bədənlə aparılan mübarizə — əgər əlində qılınc olsaydı, bəlkə onunla da vuruşardı; dillə aparılan mübarizə; gizli və gecəyarısı həyata keçirilən səylərlə aparılan mübarizə; qadınlarla söhbət etmək yolu ilə aparılan mübarizə.
Fatimə Zəhranın ənsar qadınları ilə söhbəti həqiqətən heyrətamizdir.

Şeyx Tohid İbrahimbəyli
2023

Şeyx Tohid İbrahimbəyli
2023

Şeyx Tohid İbrahimbəyli.
2023

✊ALLAH NİZAM SAHİBİDİR‼️

Hicab və təhsil Allahın əmridir

2024

🚨 Düşmən istəmir ki, Əhli-beyt davamçıları bu mövzular haqqında məlumatlansın.
Şeyx Tohid İbrahimbəyli.

Allah müqavimətin içində olan münafiqlərə lə'nət eləsin inşallah.