💻 Балаңыздың мектептеги баҳаларын my.gov.uz арқалы билип алың

☑️ Енди ата-аналар перзентиниң өзлестириўин, пәнлерден алған баҳалары ҳәм орташа көрсеткишлерин мектепке бармастан, my.gov.uz порталы ямаса MyGov қосымшасы арқалы бақлап барыўы мүмкин.

📊 Сондай-ақ, билимлендириў мәкемесиниң мәнзили, муғаллимлер ҳәм оқыўшылардың улыўма саны және класстағы баҳалар статистикасы менен танысыў имканияты бар.

↘️ Хызметтен пайдаланыў тәртиби:

• my.gov.uz порталына ямаса MyGov қосымшасына кириң;
• жеке кабинетиңиздеги «Мениң шаңарағым» бөлимин ашың;
• перзентиңиздиң мағлыўматларының жанындағы «Мектеп мағлыўматлары» түймесин басың.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

⚡️ Ҳүрметли педагоглар!

💻 «Педагог» платформасында 2026-жыл гүзги мәўсимде өткерилип атырған қәнигелик тест сынақлары нәтийжеси менен танысыўыңыз мүмкин.

👇 Нәтийжелерди көриў ушын төмендеги басқышларды орынлаң:

➖ «Педагог» платформасына кириң;
➖ Тийисли мүрәжатыңызды ашың;
➖ «Нәтийжелер» бөлимине өтиң;
➖ «Толық» түймесин басың.

☝️ Еслетпе:

✅ Дурыс жуўаплар — жасыл реңде;
❌ Қәте жуўаплар — қызыл ренде;
🔵 Кәсиплик стандарт сораўлары — дөңгелек формада.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

️⚡️Ендиги жылдан баслап илимий дәреже алыўда қойылған айырым талаплар бийкар етиледи

❗️Президенттиң 26.05.2026-жылдағы ПП–98-санлы Пәрманы менен, 2027-жыл 1-январьдан баслап илимий дәрежелер бериўде төмендеги тәртиплер бийкар етиледи:

🔹 шет тили пәнинен қәнигелик имтихан тапсырыў (ғәрезсиз излениўшилер буған кирмейди);

🔹 Жоқары аттестация комиссиясы (ЖАК) тәрепинен диссертация темаларын дизимнен өткериў ҳәм диссертация қорғаўы ҳаққында дағаза бериў;

🔹 диссертацияны жетекши шөлкемде талқылаўдан өткериў;

🔹 жәмийетлик-гуманитарлық пәнлер тараўлары бойынша илим докторы (DSc) илимий дәрежеси ушын таярланған диссертация нәтийжелери бойынша монография жәриялаў;

🔹 диссертация авторефератын басып шығарыў;

🔹 диссертация илимий нәтийжеси әмелиятқа енгизилгенлиги ҳаққында жуўмақ алыў;

🔹 ЖАКтың пән тармақлары бойынша эксперт кеңеси тәрепинен диссертацияны илимий экспертизадан өткериў;

🔹 қорғалған диссертация бойынша илимий кеңестиң қарарын ЖАК тәрепинен тастыйықлаў;

🔹билимлендириў ҳәм илимий-изертлеў жумысы ушын тартылған сырт ел пуқарасының сырт елде алған илимий дәрежеси ҳаққындағы ҳүжжетлерин нострификациялаў. Онда илимий дәреже ҳаққындағы ҳүжжет оның Өзбекстандағы жумысы даўамында тиккелей тән алынады.

️✅ 2027-жыл 1-январьға шекем ЖАК тәрепинен диссертация қорғаўы ҳаққында дағаза берилген ҳәм диссертация қорғаўын өткерген излениўшилерге илимий дәрежелер усы пәрман күшке киргенге шекем әмелде болған тәртипке муўапық бериледи.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар

⚡️ Миллий сертификат имтиханы нәтийжелери жәрияланды

🗓 2026-жыл 26-29-сентябрь ҳәм 2-4-октябрь күнлери өткерилген биология, химия, физика ҳәм математика пәнлеринен миллий сертификат имтиханларының нәтийжелери жәрияланды.

️👨‍💻 Талабанлар өз нәтийжелерин my.gov.uz сайтының «Мениң арзаларым» бөлими арқалы билиўи ҳәм сертификатты электрон түрде жүклеп алыўы мүмкин.

✅ Тест нәтийжелери халықаралық методика — Раш модели тийкарында есапланған болып, талабанларға топлаған балы тийкарында төмендегише сертификат усынылады:

🔹 70 баллдан жоқары балл — А+ дәреже;
🔹 65 — 69,9 балл — А дәреже;
🔹 60 — 64,9 балл — В+ дәреже;
🔹 55 — 59,9 балл — В дәреже;
🔹 50 — 54,9 балл — С+ дәреже;
🔹 46 — 49,9 балл — С дәреже.

📤 Постты жақынларыңызға тарқатың.

👩‍🏫 @bilimlendiriw_uz — билимлендириў тараўына байланыслы әҳмийетли хабарлар