"Dunyo hayoti sizlarni aldab qo'ymasin!"


Hasan Basriy rahimahulloh ko‘p bora shunday der edilar:

"Ey Odam farzandi! Kecha bir tomchi nutfa eding, ertaga esa chirigan jasad bo‘lasan. Ana shu ikki holat orasida esa seni yemirilish kutmoqda. Go‘yo bu gap senga emas, boshqa birovga tegishlidek yashayapsan!"

"Haqiqiy sog‘lom inson — gunohlar uni kasal qilmagan kishidir.
Haqiqiy pok inson — gunohlar uni bulg‘amagan kishidir.
Orangizda oxiratni eng ko‘p eslaydigan kishi — dunyoni eng kam eslaydigandir.
Oxiratni eng ko‘p unutadigan kishi esa — dunyoni eng ko‘p eslaydigandir.

Haqiqiy ibodat ahli — o‘z nafsini yomonlikdan tiygan kishidir.
Haqiqiy ziyrak inson — haromni ko‘rib, unga yaqinlashmagan kishidir.
Haqiqiy aqlli inson — Qiyomat kunini eslab, hisob-kitobni unutmagan kishidir".

Zuhd Kabir, Bayhaqiy, 68-bet.