"Bu dunyodagi vazifamiz — oxirat safariga doimo shay turishdir!”

Ijtimoiy tarmoqlar — haqiqat ko‘zgusimi?

Ijtimoiy tarmoqlar jamiyatning ko‘zgusi, ammo bu ko‘zgu haqiqatni doim ham boricha ko‘rsatmaydi. Ba’zan katta voqealar e’tiborsiz qoladi, arzimas narsalar esa shov-shuvga aylanadi. Birgina hodisa turli talqinlar bilan taqdim etilib, odamlarning fikri va qarashlariga ta’sir o‘tkazadi.

Afsuski, ko‘pchilik ko‘rgan narsasini haqiqat deb qabul qiladi. Vaholanki, har bir xabarning ortida biz bilmagan tafsilotlar, ko‘rmagan tomonlar va yashirin maqsadlar bo‘lishi mumkin.

Shu bois ijtimoiy tarmoqlarda ko‘rgan har bir narsamizga ishonishdan oldin o‘ylashimiz, har bir xabarni tarqatishdan oldin tekshirishimiz kerak.