Аллоҳим, танимизга офият, қалбимизга хотиржамлик бер ва тилимизни саловотдан айирма.

🌱 Жума айёмингиз муборак бўлсин!

😀 @BintuSodiq

🟢 Танлов ғолиблари аниқланди!

Мавлид ойи муносабати билан қалбларимизда Расулуллоҳ соллаллоҳу алайҳи васалламга бўлган муҳаббат ва соғинчни яна бир бор уйғотган «Расулуллоҳ соллаллоҳу алайҳи васаллам билан бир дақиқа» танлов-марафонимиз ўз ниҳоясига етди.

Танловнинг ҳар икки босқичида иштирок этган мухлисаларимиз ўзларининг энг нозик кечинмалари, Расулуллоҳ соллаллоҳу алайҳи васалламга бўлган муҳаббат ва соғинчларини, эзгу орзулари ва дардларини қоғозга туширдилар. Мақолаларни саралаб, ҳар бир босқичдан биттадан мухлисамизни ғолиб қилдик.

🌷 Танлов ғолибалари билан танишинг:

1. Одинахон Саидумаралиева, Тошкент шаҳри
2. Ҳанифахон Таджибекова, Андижон вилояти

Ғолибаларимизни чин қалбдан муборакбод этамиз!

🤲 Аллоҳ таоло қалбларингиздаги гўзал муҳаббатни зиёда қилсин, қаламингиздан чиққан ҳар бир эзгу сўзни хайрли ва манфаатли қилсин. Барчамизни Расулуллоҳ соллаллоҳу алайҳи васалламнинг суннатларига эргашувчи, у зотни чин дилдан севувчи ва шафоатларига мушарраф бўлувчилардан қилсин.

❤️ @BintuSodiq

Умр — инсонга берилган энг қиммат омонат. Уни нималарга сарфлаётганимиз эса энг катта саволларимиздан биридир.

📚 «Уламолар наздида вақтнинг қадри»

#vaqt_qadri
🌱 @BintuSodiq

Қуръон тиловатидаги ҳаловат сири

Кўпчилигимиз Қуръон ўқиймиз, лекин нима сабабдан унинг ҳақиқий лаззатини ҳис қила олмаймиз?

Ушбу суҳбатда:
⭐️Ўнг тараф эгаларининг тиловатдаги ҳолати;
⭐️Каломда Мутакаллимнинг сифатларини кўриш даражаси;
⭐️Тафаккур қуввати ва оч қоринга тиловат қилиш ҳикмати.

«Агар қалбларимиз пок бўлса, Роббимизнинг каломидан тўймайди» — Ҳазрати Усмон розияллоҳу анҳу.

🌱 Анвар Аҳмад
📹 Шайх Муҳаммад Содиқ Муҳаммад Юсуфнинг «Руҳий тарбия» асари шарҳидан

🌱 @BintuSodiq

🌱 «Мен ҳам олима бўламан» | Одинахон Муҳаммад Содиқ билан...

Суҳбатда:

🌱Илм йўлидаги синовлар ва сабр;
🌱Машаққатлар қаршисида собит қолиш;
🌱Олималик сари илк қадамлар.

Қалбида «Мен ҳам олима бўламан» деган нияти бор ҳар бир қиз учун муҳим суҳбат.

🫶 BintuSodiq

Аёлга ишонч беринг

Аёл кишига аслида кўп нарса керак эмас.

Уни қўллаб-қувватлаш, унга ишониш ва имкон бериш керак.

Шунда у ўз йўлини, ўз ўрнини топади. Ўзини ривожлантириб, оиласига ҳам, атрофидаги инсонларга ҳам фойдаси тегадиган инсон бўла олади.

🌿“Садафдаги дур” кўрсатуви

🌱 @BintuSodiq

Яхшиликни ўргатувчи зотлар

Абу Умома Боҳилий розияллоҳу анҳудан ривоят қилинади:

Набий соллаллоҳу алайҳи васаллам айтдилар:
«Албатта, Аллоҳ, фаришталари ва осмонлару ер аҳли, ҳатто инидаги чумоли ҳам инсонларга яхшилик таълим берувчиларга салавот айтади»
(Имом Термизий ривояти)

Аллоҳим, бизга яхшилик таълимини берган устозларимиздан Ўзинг рози бўл! Бизларни инсонларга яхшилик ўргатувчилар гуруҳида қилгин!

Салмон Абдулфаттоҳ Абу Ғудда

🌷Азиз Устозим, байрамингиз муборак бўлсин!

🌱 @BintuSodiq

Биз — устоз тутган, устозни улуғлаган халқмиз

Устозларнинг энг буюги — инсониятга муаллим этиб юборилган севимли Пайғамбаримиз Муҳаммад соллаллоҳу алайҳи васалламдирлар. Мураббийларнинг энг улуғига саловоту саломларимиз бўлсин.

Устозларимиздан ўтганларини Аллоҳ раҳматига олсин, ҳаёт бўлганларининг умрларига ва илмларига барака берсин.

Олима, устоз Одинахон Муҳаммад Содиқ барча азиз устоз ва мураббийларни байрам билан самимий муборакбод этадилар.

Илм йўлида қилаётган меҳнатларингиз, тарбиялаган шогирдларингиз ва улашаётган зиёларингиз икки дунё саодатига сабаб бўлсин.

🌸 Азиз устозлар, байрамингиз муборак бўлсин!

🫶 @BintuSodiq

Азиз устозим, касб байрамингиз муборак бўлсин!

🌿 Аллоҳ таоло илмингизга илм, умрингизга барака, қалбингизга хотиржамлик ато этсин. Бизга берган ҳар бир сабоғингиз ва меҳрингиз учун миннатдормиз.

🌿 Аллоҳим, устозларимизни доимо Ўз паноҳингда асрагин,
Умрларини узоқ, тану жонини сиҳат-саломат қилгин!

🌱 @BintuSodiq

🌱 У кичик қўллари билан тангаларини бирма-бир йиғди. Чунки устозига гул совға қилгиси келди…

Атиги бир дона гул. Аммо унга боланинг меҳри, ҳурмати ва энг самимий туйғулари қўшилган.

Ахир устоз учун совғанинг катта-кичиги эмас, уни узатаётган қалбнинг меҳри қадрли.

Азиз устозлар, сизга тутилган ҳар бир гулда бир шогирднинг меҳри бор.

🌱 Байрамингиз муборак бўлсин!

❤️ @BintuSodiq