Şokir Tursun qaraşlari
5.47K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
Agar davlat siyosatiga dushman deb eʼtirof etilgan hokim buvalarning "Mehnat shuhrati" ordeni bilan taqdirlanganini eshitsangiz, demak, Oʻzbekistondasiz🤦‍♂

Kanalga ulanish: @birgap
Shu kunlarda menga talabalar tomonidan eng ko'p berilayotgan savollarga javoblar:

Darslar qay paytdan boshlanadi?
Hamma ertalab 9-00 dan darslarga keladi.

Nechtadan fan o'tilarkan?
Bu yildan fanlar modullar tarzida o'qitiladi. Har bor kursda 7 ta modul mavjud. Bir modul bir necha fanni qamrab olishi va bir necha semestr davom etishi mumkin. Ya'ni bu yildan boshlab fanlar soni qisqaradi.

Majburiy forma mavjudmi?
Yo'q. Majburiy forma yo'q. Lekin qizlarga tizzadan bir enlik pastda turadigan yubka, ichi ko'rinmaydigan oq yoki och havorang kofta, yigitlarga oq ko'ylak va klassik shim kiyib kelish TAVSIYA ETILADI. (Majbur qilinmaydi tavsiya etiladi)

Ro'mol o'rash mumkinmi?
Ha. Faqat vazirlik talabiga ko'ra universitet hududida ro'molni soch va quloqni yopadigan qilib o'rab olish, bo'yinni yopish uchun esa tik yoqali koftadan foydalanish tavsiya etiladi. Iyakka tushirib o'rash hozircha mumkin emas.

Soqol qo'yish mumkinmi?
Agar pasportingizda ham shunday soqolli tushgan bo'lsangiz mumkin.

Bir kunda necha paradan o'qiymiz?
Bir kunda 3 paradan o'qiladi. Lekin darslar ketma-ket kelmasligi mumkin, masalan, birinchi para 9-00da ikkinchi para 15-00da bo'lishi ham mumkin.

Yotoqxonaga arizalar qachondan olinadi va qachondan boshlab yotoqxona beriladi?
Arizalar olish boshlangan 6-sentabrgacha davom etadi. 9-10-sentabr kunlari yotoqxona berish bo'yicha komissiya xulosasi e'lon qilinadi.

Bu yil qabul qilingan talabalar hujjatlarni o'qish boshlangach olib borsa ham bo'ladimi?
Ha, bo'ladi.

Yotoqxona masalasida kimga murojaat qilish kerak?
Fakultetingiz ma'naviy-ma'rifiy ishlar boʻyicha dekan o'rinbosariga.

Tematik lug'atlar natijasi nima bo'ldi?
O'zgarishlar bor, ilmiy bo'limga uchrashing.

O'qish qachondan?
4-sentabrdan

Kvartira bormi?
Yo'q, shaxsan menda yo'q.

Kanalga ulanish: @birgap
Muhrim aytganidek,
qiyinchiliklar bor, chidaymiz, adolatsizliklar bor, chidaymiz, toʻsiqlar, cheklashlar koʻp, chidaymiz, chunki Vatan ozod. Muammolarni esa hal etish mumkin.

Menimcha, hammasi ozodlikdan boshlansa kerak...

Mustaqillik bayramimiz qutlugʻ boʻlsin!

Kanalga ulanish: @birgap
Samsung kompaniyasining 50-yilligi munosabati bilan, shu yilning 14-sentabr kuni Toshkent shahridagi Ecoparkda O'zbekiston tarixida bo'lmagan bayram tadbiri, ya'ni Innovatsiyalar Pikniki o'tkaziladi! Sizni ajoyib dam olish maydonlari, "jonli" bolalar rasmlari, yoga-maydoni, ochiq osmon ostida kinozal, oshpazlik bo'yicha master-klass, bolalar uchun ilmiy tajribalar va futbol maydoniga teng bo'lgan o'yingohlar kutmoqda.

Do'stlaringizni olib keling, yaqinlaringizni taklif qiling - Innovatsiyalar Piknikida barchangizni ko'rishdan mamnun bo'lamiz.

Piknik uchun biletlarni bizning telegram botimiz orqali olishingiz mumkin @samsungpicnicbot

Batafsilroq @samsunguzbekistan ijtimoiy tarmoqlardagi sahifalarimizda va @samsungmobile_uz Telegram-kanalida tanishing

Kanalga ulanish: @birgap
Alisher Navoiy nomidagi Toshkent davlat o'zbek tili va adabiyoti universiteti talabalari uchun TTJ (Talabalar turar joyi) berish komissiyasi kun tartibi:

O'zbek-ingliz tarjima nazariyasi va amaliyoti fakulteti - 05.09.2019 soat 14-00 dan boshlab;
O'zbek tili va adabiyotini o'qitish fakulteti - 06.09.2019 soat 14-00dan boshlab;
Filologiya va tillarni o'qitish: o'zbek tili fakulteti - 06.09.2019 soat 16-30 dan boshlab.

Eslatib o'tamiz TTJ ning bir oylik narxi 167.000 so'm

Kanalga ulanish: @birgap
ESLATMA!

O'zbek tili va adabiyoti fakulteti nomi O'zbek tili va adabiyotini o'qitishga o'zgartirildi.

Kanalga ulanish:@birgap
Oʻzbek tili va adabiyotini oʻqitish fakulteti talabalari uchun yotoqxona berish yigʻilishi soatlari oʻzgardi. (Arizalar koʻpligi sabab)

Vaqti: 12-30
Joyi: 308-xona (2-bino katta maʼruzalar zali)

Kanalga ulanish: @birgap
Koʻpchilik stipendiyalarning yangicha koʻrinishi haqida soʻrayapti.

Rasmiy bayonot berilmaguncha bir narsa deya olmayman. Hukumatdan har neni kutish mumkin.

Kanalga ulanish: @birgap
Ayronchi qizlarning aytishicha, endi hamma bir xil stipendiya oladi. Yagona narx 400 000 soʻm.

Shartnoma pulini ham ikki xil toʻlash mumkin: stipendiyali, stipendiyasiz

Stipendiya olmasangiz 400 000 ni 12 ga koʻpaytirib, shartnoma pulingizdan ayirib yuborishadi.

Baʼzilarni tabriklayman, baʼzilarga hamdardman.

Kanalga ulanish: @birgap
HOʻAT (hozirgi oʻzbek adabiy tili) darsidan chiqdik. Mavzu sodda gap sintaksisi. Juda koʻp tasniflashlarni oʻrgandik.

Xulosam, sodda gaplar faqat ikki xil boʻlarkan:

Tayinli gaplar
Betayin gaplar

Kanalga ulanish: @birgap
ATM rahbari Botir Elov talabalar oʻrtasida soʻrov oʻtkazishimni iltimos qildi. Savol quyidagicha:

Siz universitetning qaysi hududlarida Wi-fi ishlashi kerak deb hisoblaysiz?

Javoblarni @shokiryuldash manziliga yuboring.

Oʻsha hudud rasmini yuborsangiz ham yaxshi boʻlardi.

Maqsadimiz talabalar va oʻqituvchilarga yanada qulaylik yaratish deydi Botir Elov.

Eslatib oʻtaman, universitetning eng muhim hududlarida hozir ham Wi-fi mavjud.

Kanalga ulanish: @birgap
Oʼzbekiston Respublikasi Prezidenti Shavkat Mirziyoev 6 sentabr kuni “Professional taʼlim tizimini yanada takomillashtirishga doir qoʼshimcha chora-tadbirlar toʼgʼrisida”gi farmonni imzoladi.

Farmonga muvofiq, 2020/2021 oʼquv yilidan boshlab Oʼzbekistonda Taʼlimning xalqaro standart tasniflagichi darajalari bilan uygʼunlashgan yangi boshlangʼich, oʼrta va oʼrta maxsus professional taʼlim tizimi hamda tabaqalashtirilgan taʼlim dasturlari joriy etiladigan taʼlim muassasalari tashkil etilib, mazkur dasturlar asosida tegishli kadrlar tayyorlaydigan taʼlim muassasalari roʼyxatlari tasdiqlandi.

Bundan tashqari, Farmonga koʼra jami 388 ta kasb-hunar kollejlari binolari tegishli roʼyxatga asosan maktab sifatida foydalanilishi belgilandi.

Boshlangʼich, oʼrta va oʼrta maxsus professional taʼlim tizimida tegishli taʼlim dasturlari joriy etilgan kasb-hunar maktablari, kollejlar va texnikumlardan iborat professional taʼlim muassasalari tarmogʼi tashkil etiladi.

Bunda:
a) kasb-hunar maktablarida:

• maktablarning 9-sinf bitiruvchilariga 2 yillik kunduzgi taʼlim beriladi;
• taʼlim olayotgan oʼquvchilar Davlat byudjeti hisobidan bazaviy hisoblash miqdorining bir baravari miqdorida oylik stipendiya hamda uch mahal ovqat bilan taʼminlanadi.


b) kollejlarda:

• kamida umumiy oʼrta maʼlumotga ega boʼlgan shaxslarga kasblar va mutaxassisliklarning murakkabligidan kelib chiqqan holda 2 yilgacha muddatda kunduzgi, kechki va sirtqi taʼlim shakllarida davlat buyurtmasi hamda toʼlov-kontrakt asosida taʼlim beriladi.

v) texnikumlarda:

• umumiy oʼrta maʼlumotga ega boʼlgan shaxslarga kasblar va mutaxassisliklarning murakkabligidan kelib chiqqan holda 2 yildan kam boʼlmagan muddatda kunduzgi, kechki va sirtqi taʼlim shakllarida davlat buyurtmasi hamda toʼlov-kontrakt asosida taʼlim beriladi;
• texnikumlarni tamomlagan bitiruvchilar oʼz sohasiga mos bakalavriat taʼlim yoʼnalishlari boʼyicha kirish imtihonlarisiz yakka tartibdagi suhbat orqali oliy taʼlim muassasalarida 2-kursdan oʼqishini davom ettirish huquqiga ega boʼladi.


Kanalga ulanish: @birgap
👍1
Barchamiz foydalanadigan Google atamasining asosi gugol so'ziga borib taqaladi. Gugol — bu yuzinchi darajadagi oʻn soni, yaʼni 1 raqamidan keyin yuzta nol bor.

Kanalga ulanish: @birgap
Oliy va o'rta maxsus ta'lim vazirligining qovunchilariga ishonsak, bu yildan kontraktlarni oyma-oy bo'lib to'lash imkoni yaratilar ekan.

Oshirgandan keyin shunaqa qilasizlaram-da!

Kanalga ulanish: @birgap
Oʻzbekiston OTMlarida oʻqimaslik kerak ekan.

Hukumatdagilar xalqdan pul olishni, ularning hisobidan tejab qolishni istaydi, ammo buni notoʻgʻri yoʻldan yurib bajarishadi.

Mana oddiy misol, oylikning oshishi ortidan hamma narsa qimmatlashdi. Oylik 10%ga oshgan boʻlsa kontrakt 18%ga oshdi. Mantiqni kuchliligini qarang. Undan koʻra, OTMlarga kirish imtihonlarini bekor qilib, istagan odamni qabul qilish kerak, faqat kontraktga, kontrakt narxi esa 800-900$ dan oshmasligi kerak. Chunki sifat bundan ortigʻiga javob bermaydi. Shu bilan birga oʻqish davrini qiyinlashtirish, amaliyot bilan uygʻunlashtirib real kasb egalarini tayyorlasak, hamma oʻz ishini oʻzi topib ketaveradi.

Odamlar kirishni emas, bitirib oliy maʼlumotli degan diplomni olish mashaqqatini oʻylab yashasin.

Xullas oʻsha gap, pulingizga yarasha sharoit va sifatni istasangiz Germaniya, Amerika, Buyuk Britaniya, Polsha, Kanada universitetlarini taklif etaman. Ha aytganday Germaniyada OTMlar bepul.

Agar bizda ham kvotalar koʻpaytirilib kontrakt narxi pasaytirilsa, chetga shunchaki diplom uchun ketayotganlarning pulini ham oʻzimizda olib qolamiz.

Kanalga ulanish: @birgap
Bu o'quv yilidan boshlab hammaning (a'lo va qoniqarli o'qigan) stipendiyasi bir xil narx qilindi. Xo'sh endi a'lo bahoga o'qiydiganlarni qanday imtiyozlar kutmoqda. O'tgan yillardagi tajribamni bo'lishishga qaror qildim.

1. Rektor stipendiyasi. Har bir universitetning rektori o'z xohishiga ko'ra iqtidorli deb bilgan talabasiga stipendiyaga qo'shimcha 200 000 so'm miqdorda rektor stipendiyasini berishi mumkin. Yil davomida beriladi.

2. Yoshlar Ittifoqining to'lov-shartnoma miqdorining 35%ini to'lab berishi. O'tgan ikki semestrda (birinchi kurslar uchun 1-semestrda) hamma fandan a'lo baho olgan talabalar (umumiy hisobda 86% dan yuqori ball to'plaganlar) Yoshlar Ittifoqidan to'lov-shartnomaning 35%lik qiymatida mablag'ni yutib olishi mumkin. Odatda fevral-mart oylarida bo'lib o'tadi. O'z talablari va nizomiga ega. Yoshlar yetakchisidan olib shu nizom asosida semestrni o'tkazsangiz bu ham katta yordam. Shaxsan o'zim ikki marta oldim. Buni iloji bor. Yilda bir marta beriladi.

3. Yil talabasi tanlovi. Yil talabasi tanlovida qatnashishda baholar inobatga olinmaydi. Yo'nalishlarga mos kelsangiz bas. tanlov fakultet, universitet va Respublika bosqichlarida bo'lib o'tadi. Universietet bosqichida o'z yo'nalishida 1-, 2-, 3-o'rinlarni olganlar pul mukofoti bilan taqdirlanadi. 1-o'rin eng kam ish haqining 7 barobari, 2-o'rin eng kam ish haqining 6 barobari, 3-o'rin eng kam ish haqining 5 barobari miqdoridagi pulga ega chiqadi. Bunda universitetda 2-o'rinni olganman. Buni ham iloji bor. Yilda bir marta beriladi.

4. Yoshlar Ittifoqi stipendiyasi. O'z nizomiga ega bo'lgan faol yoshlarga beriladi. Qatnashib ko'rmaganim uchun aniq ma'lumotlarga ega emasman. Lekin eshitishim bo'yicha stipendiyaning 50% miqdorida pul mablag'i beriladigan tanlov. har oy beriladi yoki hammasi bir qilinib bir martada to'lab beriladi. Bir talaba faqat bir marta olish huquqiga ega.

5. Nomdor stipendiyalar. Olingan baholarga bog'liq bo'lgan yana bir imtiyoz. Qancha pul mablag'iga egaligidan xabarim yo'q ammo magistraturaga grant asosida qabul qilinish uchun imtiyoz beradi. Bir talabaga faqat bir marta beriladi. 3-, 4-kursdan qatnashish mumkin.

6. Prezident stipendiyasi. Nomdor stipendiyalar bilan bir xil.

Xullas, yaxshi o'qigan talaba hech qachon e'tiborsiz qolmaydi. Asosiysi yaxshi o'qish, chin dildan o'qish kerak.

Kanalga ulanish: @birgap
Yaqin kunlardan boshlab O'zbekistonda ilmiy konferensiyalarga start beriladi. Ularda qanday qatnashish mumkin? Maqola yoki tezis qanday yoziladi? Ilmiy tezis yoki maqola yozish uchun qanday tayyorgarlik ko'riladi? Shular haqida qisqacha o'z tajribamni o'rtoqlashmoqchiman.

1. Mavzuni tanlab olish. O'zingiz qiziqadigan, muammo bor deb hisoblaydigan sohadan ilmiy rahbaringiz yoki o'sha sohadan xabardor ustozdan qaysi mavzuni tanlash haqida fikr almashib oling va o'z mavzuyingizni aniqlang. Kattaroq mavzularni tanlashni va maqolalarni izchillik bilan yozib borishni tavsiya etaman.

2. Mavzu yuzasidan materiallarni to'plash. O'zingiz tanlagan mavzu yuzasidan avval kimdur ish qilganmi, kitoblarda nima deyilgan, ishlar qanday shakllantirilgan mana shular haqida o'qituvchingiz va internet orqali ma'lumotlar to'plang. Ularni sinchiklab o'rganing. Agar siz tanlagan mavzu yuzasidan deyarli hamma ish qilib bo'lingan bo'lsa, va maqolangiz yangilik hisoblanmasa yaxshisi mavzuni almashtirgan ma'qul. Ilmiy jurnallarni ham o'qib chiqishni maslahat beraman. Milliy kutubxona fondidan foydalansangiz bu ish ancha oson bitadi.

3. Materiallarni saralash. Internetda ham, jurnallarda har doim to'g'ri material bo'lavermaydi, hamma ham adashishi mumkin. Shuning uchun to'plagan materiallaringizni kerak nokerakka ajratib oling. Bunda ham sizga o'qituvchining maslahati asqotadi.

4. Maqola yozishni boshlash. Hamma ma'lumotlarni yig'ib bo'lgach, maqolaning qoralamasi ustida ish boshlasangiz bo'ladi. Avvalo mavzuning aynan qaysi jihatini ko'proq yoritmoqchi ekaningizni o'zingiz uchun aniqlab oling.

5. Avvalgi qilingan ishlardan misollar olish. Bu hech qanday ko'chirishga kirmaydi. Siz ayni mavzu yuzasidan sizdan oldin qilingan ishlarni o'rganib ularni o'z maqolangizda muallifini ko'rsatgan holda keltirib o'tib ularga o'z xulosangizni berishingiz mumkin.

6. Maqolaning qismlari. Har qanday ilmiy tezis yoki maqola quyidagi qismlardan iborat bo'ladi:
Annotatsiya - ishning nima haqida ekanini anglatuvchi qisqa bayon
Kalit so'zlar - ishni o'rganishda zarur bo'ladigan kalit so'zlar, asosiy tushunchalar. (Ayni mana shu kalit so'zlar orqali sizning maqolangiz internet olamida ham topilishi mumkin)
Kirish - avvalo mavzuga qisqa kirish qilib olgan ma'qul. Bu qismda asosan kimlar bu ishni o'rgangani, bu maqolaning avvalgilardan nimasi bilan farq qilishi, muammoning o'rtaga tashlanishi keltiriladi.
Asosiy qism - ana bu maqolaning yuragi hisoblanadi. Bu qismda siz kirish qismida qo'yilgan masalaga javoblar keltirasiz. Yuqorida aytganimday sizdan oldingilardan iqtiboslar olish mumkin. Lekin mustaqil qarashingizni ham, albatta, keltiring.
Xulosa - o'rtaga tashlangan masalaning siz tomoningizdan berilgan yechimini qisqa xulosalaysiz.

Maqola yoki tezis yozish ham insho yozishga o'xshaydi, lekin bu ilmiy bo'ladi. Aynan bir masala ko'tariladi, unga yechim izlanadi va topilgan yechimlar o'quvchiga havola qilinadi.

7. Qanday qilib konferensiyalarda ishtirok etish mumkin? Bu juda oson. Universitet ilmiy bo'limi bilan doimiy aloqada bo'lib turing. O'zbekistonda o'tadigan har qanday konferensiyaning axborot xati ayni shu bo'limga keladi. Axborot xati bilan tanishib unda qatnasha olishingizga ko'zingiz yetgach, qatnashish shartlarini bajaring. Qarabsizki, konferensiyaga yo'llanma cho'ntagingizda.

8.Talabalar ham qatnashishi mumkin bo'lgan ilmiy konferensiyalar juda ham ko'p emas, shuning uchun imkoniyatlarni qo'ldan berib qo'ymaslikka urining. Agar siz talaba qatnashishi mumkin bo'lmagan konferensiyada qatnashishni juda ham istasangiz unda maqolani ilmiy rahbaringiz bilan hamkorlikda yozing.

Hozircha mana shu umumiy qoidalar mavjud. Maqola yoki tezis yozish jarayoni murakkabroq jarayon. Universitetlar bu haqida seminarlar tashkil qilib turadi. Ularni o'tkazib yubormang.

Eng asosiysi foydali mavzuni tanlang va oldi qochdilardan yiroq bo'ling. Shundagina ilmiy muhitda o'z o'rningizni topa borasiz.

Kanalga ulanish: @birgap
Agar siz Alisher Navoiy nomidagi Toshkent davlat o'zbek tili va adabiyoti universiteti talabasi bo'lsangiz marhamat, innovatsiya bo'limiga murojaat qiling (1-bino 4-qavat). Agar talab bo'lsa albatta maqola va tezis yozish haqida amaliy seminar tashkil etib beramiz.

Kanalga ulanish: @birgap
IIBBning bayonotiga koʻra qizlarga gap otish ruhan zoʻravonlik qilish boʻlarkan.

Adashmasam kimgadir maʼnaviy-ruhiy zarar yetkazish 15 kun qamoq bilan jazolanadi.

Kanalga ulanish: @birgap
Ayronchi qizga endi senga gap otmayman desam, otavering IIBga arz qilmayman deydi🙈.

Qizlar sizlarga gap otishsa yoqadimi? Faqat rostini ayting. Anonim boʻlgani uchun kimligingiz bilinmaydi.

👍 Ha
👎 Yoʻq
😏 Eʼtibor bermayman

Kanalga ulanish: @birgap