#kitobtavsiya
Barcha oʻqishi shart boʻlgan asarlar qaysi? – deyishsa, roʻyxatimda shu asar boʻladi. Qaysi oʻrinda boʻlishini bilmayman, ammo boʻladi.

Tavsiya qilaman. Oʻquvchi boʻlsangiz – oʻqing. Farzandingiz, nabirangiz boʻlsa – oʻqing. Bu siz uchun.

P.S. asar Mutolaa ilovasida bor. Ham matn, ham audio shaklda.

@birgap

Masʼuliyatingiz bor!

Auditoriyangiz kattami-kichikmi, bu — boshqa masala. Ijtimoiy tarmoqlarda sahifa yuritsangiz, bu gaplar aynan siz uchun.

Kuzatuvchingiz siz qilayotgan xatolarni aytar darajada til bilimiga ega emasdir, lekin har qanday odam turli xatolardan xoli matnga ishonch bilan qaraydi, garchi buni ongli ravishda e’tirof etmasa-da.

Bundan tashqari, siz ma’lum insonlarni o‘z atrofingizda yig‘gan ekansiz, ijtimoiy mas’uliyatingiz ham bor. Tilshunos olim Humboldt aytganidek, til — millat ruhi. Shunday ekan, siz o‘z auditoriyangizga xatolarga to‘la matn taqdim etishingiz — noto‘g‘ri. Sahifangiz nima haqida — buning farqi yoʻq.

Ha, baribir xatolar bo‘lishi mumkin. Lekin matn bilan ishlashda imkon qadar uning bexato bo‘lishiga harakat qiling. Sizga bo‘lgan ishonchni va mas’uliyatingizni yo‘qotmang.

Tahrirchi xizmatlari orqali sizda bunday imkoniyat paydo bo‘ladi. Xususan, Telegram ijtimoiy tarmog‘idagi sahifangiz uchun Tahrirchi bot bevosita yordamchi bo‘la oladi.

Telegram | Instagram | Facebook

Bir necha kun oldin Pedagogik mahorat va xalqaro baholash ilmiy-amaliy markazi tomonidan ishlab chiqilgan CHSB testlarini tanqid qilgan edim. Markaz xodimlaridan biri kanalimda yozganlarimni hech kim koʻrmasligini aytib markazga murojaat qilishni soʻragan edi. Men markazning telegram kanalida koʻrsatilgan murojaatlar botiga 19-may kuni xabar yubordim. Shundan beri na qabul qilingani, na koʻrib chiqilayotgani haqida xabar oldim. Javobni-ku umuman kutmayapman.

Agar markaz bu murojaat botidan foydalanmayotgan boʻlsa bu haqida xabar berib qoʻyishi lozim. Men ertaga maqolalarni jamlab, murojaat.gov.uz portali orqali ham munosabat talab qilmoqchiman. Ana shu qadamlardan keyin bemalol tanqid qilaversam boʻladi, menimcha.

@birgap

Murojaat yuborildi.

P.S. botdan hamon xabar yoʻq. Yo botni ishlatishmaydi, yo savollar ogʻir kelgan.

@birgap

Shu postning ikkinchi xatboshisi, "Davlat idoralariga sizning xorijda" deb boshlanuvchi nuqtasiga oʻzim ham guvoh boʻlganman.

@birgap

Bugun oʻquvchilarim kamida oʻmrov suyagi qaysi ekanini bilib ketyapti.

P.S.: men bir darsga juda koʻp bilim yoki koʻnikma tiqishtirish tarafdori emasman. Bu haqida alohida yozarlarim bor.

@birgap

Hurmatli taʼlim ishtirokchilari, ustozlar va ota-onalar,

🗂 Ayni kunlarda umumiy oʻrta taʼlimda baholash jarayonining joriy holati va mavjud muammolarni oʻrganish hamda davlat taʼlim standartlari talablarini bajarilishiga erishish, bunda taʼlim oluvchilar va taʼlim beruvchilarning hisobdorligini oshirish maqsadida amaliyotchi oʻqituvchilar, soha mutaxassislari va ota-onalar fikri oʻrganilmoqda.

❇️ Endilikda Siz ham umumiy oʻrta taʼlimda baholash talablarini takomillashtirish boʻyicha takliflaringizni taqdim etishingiz mumkin. 

📤 Buning uchun soʻrovnomada ishtirok etib, takliflaringizni yuborishingizni soʻraymiz.

✅ So‘rovnomada ishtirok etish uchun havola: https://forms.gle/NxieaCJBrmA5GKXT9

📌 Har bir murojaat mutaxassislar va olimlar tomonidan oʻrganib chiqiladi va baholash tizimini takomillashtirishda foydalaniladi.

Sizning fikringiz biz uchun muhim!

Kanalga ulanish:👇
https://t.me/trm_metodika

Oʻzbek asarlarida ham choʻponlarning nay chalganini koʻp koʻramiz. Jahon adabiyotida ham bu motiv juda koʻp uchraydi.

Nima deb oʻylaysiz, choʻponlarning nay chalishi bizga qayerdan (qanday) yuqqan? Nega bizning choʻponlar nay chalishi kerakmi? "Ha", boʻlsa, nega? "Yoʻq", boʻlsa ham, nega?

@birgap

Nima deb oʻylaysiz, qaysi biri toʻgʻri? Nimaga shunday oʻylaysiz?

@birgap

“Yandex” Oʻzbekistonga kirganiga ancha boʻldi. “Yandex Plus”, “Yandex Go”, “Yandex Eats” (va men bilmagan boshqa) xizmatlarni koʻrsatib kelmoqda.

Lekin bugun “Yandex Plus” oferta shartlari bilan tanishmoqchi edim, na Oʻzbekiston, na oʻzbekcha degan qaydni topdim. Shimoldagi qoʻshnilarimiz uchun ham ruscha, ham qozoqcha tushuntirmalar bor. Biz, Markaziy Osiyoning asosiy aholisi yashaydigan, eng koʻp qismini oʻzbeklar tashkil qiladigan yurt uchun oʻzbekcha xizmat yoʻlga qoʻyilmagan. Yoki loyiq koʻrilmagan. Yoki...

©️ M. S.

@birgap

Zidlov bogʻlovchilaridan birini qoʻllab gap tuzish kerak. Oʻquvchim tuzgan gap:

Men bugun besh oldim, lekin bu ota-onamga qiziq emas.

@birgap

Kimdir sezdimi, yoʻqmi bilmadim-u bu yil bitiruvchi sinf oʻquvchilarini yakuniy davlat attestatsiyasidan oʻtkazishda baholash mezonlari biroz (menimcha, katta) oʻzgarishga uchradi. Bitiruvchi sinf oʻquvchilarini yakuniy davlat attestatsiyasidan oʻtkazishga doir talablar, metodik tavsiya va materiallar bilan tanishsangiz bir qiziq holatga duch kelasiz. Yakuniy davlat attestatsiya sinovlarida oʻquvchilar 100 ballik tizimda baholanishi belgilangan. Bunga koʻra, ballni bahoga aylantirish quyidagi tartibda boʻlishi qayd etilmoqda:

86–100 ball – “aʼlo” baho;
66–85 ball – “yaxshi” baho;
30–65 ball – “qoniqarli” baho;
0 – 29 ball – “qoniqarsiz” baho.

Maktabdagi bilimlari sifatini nazorat qilishning reyting tizimi huquqiy-normativ jihatdan belgilangan. Bu Oʻzbekiston Respublikasi Xalq taʼlimi vazirligi (hozirgi Maktabgacha va maktab taʼlim vazirligi)ning hamda Oʻzbekiston Respublikasi Vazirlar Mahkamasi huzuridagi Davlat test markazi (hozirgi Bilim va malakalarni baholash agentligi) 2010-yil 25-iyunda roʻyxatdan oʻtkazilgan 2117-son qoʻshma qarorida esa quyidagi mazmundagi tartib belgilangan:

86 -100 ball— “5” baho;
71 -85 ball —“4” baho;
56 -70 ball — “3” baho;
55 va undan past ball qayd etganlar talabni bajarmagan sifatida qayd etilishi belgilangan.

Koʻrinadiki, vazirlik yangi tartib bilan “qoniqarli” darajani keskin pasaytirgan. Avval 56 boʻlsa, endi 30. 26 balga kamaytirgan, Karl! Sof vijdon bilan ayting-chi, mezonning 50 foizini ham bajara olmagan oʻquvchi qanday qilib “qoniqarli” baho olishi kerak. Berilganlarning yarmini ham oʻzlashtirmagan oʻquvchiga shahodatnoma berish qanchalik toʻgʻri?

Qiziq, mana shu tartib sabab nechta “qoniqarsiz” oʻquvchi “qoniqarli” darajaga oʻtgan ekan.

Bu bilan vazirlik “qoniqarli”lar sonini sunʼiy oshirmoqchimi yoki buning qandaydir ilmiy asosi bormi, bilmadim. Vazirlik javob bersa yaxshi bu savolga.

Oʻzi qaysi davlatda berilganining 30 foizinigina olgan oʻquvchi “qoniqarli” hisoblanadi? Sogʻlom aqlga xos emas-ku bu. Agar biror davlatda shu tizim joriy etilgan boʻlsa ham, bu toʻgʻri degani emas-ku!

@birgap

Fikr yaratuvchilarni yetishtiruvchilar oʻqituvchilardir. Ammo oʻzlari birorta muhim voqeaga, qarorga, harakatga aytarli fikr bildirmaydilar. Yoki bildirtirishmaydi.

Aksar holda oʻzlari jim turishni maʼqul koʻrishadi.

© Hoshimjon Ayoziy

@birgap