Qurbon hayiti qutlugʻ boʻlsin!

Yaxshiliklar va yaxshilar yor boʻlsin!

Alloh ilmingizni ziyoda qilib, kasbingizga baraka bersin!

@birgap

O'qituvchilarga Respublika ta'lim markazi va Avloniy instituti nomidan sertifikatlar pullanmoqda

"Xalq ta'limi info" nashrining yozishicha, pedagoglarga Maktabgacha va maktab ta'limi vazirligi hamda uning huzuridagi Respublika ta'lim markazi va Avloniy nomidagi milliy tadqiqot instituti nomidan "Ilg'or tajriba (metodik ish) ommalashtirilganligi" to'g'risidagi sertifikatlar sotilmoqda. Nashrning yozishicha, sertifikatlarga Respublika ta’lim markazi v.v.b direktori (ayni paytda Oʻquv jarayonini metodik jihatdan ta’minlash va darsliklar boshqarmasi boshlig‘i) D.Norboyeva hamda A. Avloniy nomidagi pedagogik mahorat milliy instituti rektori A.Ismailovning elektron QR-kod shaklidagi muhri tushirilgan. Sertifikat uchun to‘lovlar esa “Startup-Invest” MCHJ hisob raqamiga o‘tkazilgan. Mazkur MCHJ ta'sischilari - Respublika ta’lim markazi xodimi (bo‘lim boshlig‘i) Dilshod Boboqulov va “FALCON HOLDINGS” MCHJ.

"Xalq ta'limi info" nashri o'zi aniqlagan bir qancha holatlar bo'yicha rasmiylardan izoh so'ramoqda. Nashrning iddao qilishicha:

1. Pedagoglarga sertifikat olish taklifi haqidagi SMS xabarlar pedagoglarning ommalashtirish.uz rasmiy platformasidan ro‘yxatdan o‘tgan telefon raqamlariga yuborilgan.

2. Respublika ta’lim markazi hamda A. Avloniy nomidagi institutga tegishli bo‘lgan rasmiy bot orqali ham pedagoglarga sertifikatni to'lov evaziga yuklab olish taklifi haqidagi reklama matnlari yuborilgan.

3. Keyingi bosqichda pedagoglar maxsus norasmiy botga yo‘naltirilgan va aynan ana shu bot orqali pedagoglarga sertifikatlar pullangan. To'lovlar RTM xodimi hammuassisligidagi MCHJga tushirilgan.

4. Pullangan sertfikatlar ommalashtirish.uz platformasida generatsiya qilingan, ularga RTM direktori v.v.b (ayni paytda vazirlikda boshqarma boshlig'i) D.Norboyeva hamda A. Avloniy nomidagi institut rektori A.Ismailovning elektron QR-kod shaklidagi muhri tushirilgan.

5. Pullangan sertifikatdagi QR-kod skaner qilinganda, ular vazirlikning rasmiy ommalashtirish.uz platformasida ham mavjudligini ko‘rish mumkin.

Nashrning yozishicha, bu amaliyot noqonuniy, chunki maktab miqyosida ommalashtirilgan ish uchun Maktabgacha va maktab ta’limi vazirining 2025-yil 17-martdagi 89-sonli buyrug‘i bilan tasdiqlangan yo‘riqnomada maktab miqyosida ommalashtirilgan ish uchun sertifikat berimasligi aniq yozib qo‘yilgan, pullik sertifikatlar haqida esa gap bo‘lishi ham mumkin emas. Qolaversa, sertifikatlar uchun to'lovlarni qabul qilayotgan xususiy firmaning ta'sischilaridan biri ommalashtirishga mas'ul davlat tashkilotlaridan biri - Respublika ta'lim markazi xodimi ekanligi bu jarayonda "Manfaatlar to'qnashuvi to'g'risida"gi va "Davlat fuqarolik xizmati to'g'risida"gi qonunlar buzilayotgan bo'lishi mumkinligini ko'rsatmoqda.

Shartnoma imzolanarkan. Ixtiyoriy deb suvdan chiqmochi boʻlishlari mumkin.

Ammo...

Bu vaziyatda Maktabgacha va maktab taʼlimi vazirligi kamida oʻqituvchilarning shaxsiy maʼlumotlarini uchinchi tomonga ruxsatsiz "sotgani" uchun javob berishi kerak.

Uzr emas, shaxsiy maʼlumotlarni sotgan xodimlar maʼmuriy javobgarlikka tortilishi lozim.

@birgap

"Dolzarb 90 kun" qanday oʻtyapti?

Boshlandimi oʻzi?

Dardingizni shu yerga yozsangiz boʻladi, anonimlik saqlanadi: @shtursunreklama_bot

@birgap

DIQQAT E'LON

📢 ONA TILI VA ADABIYOT fanidan quyidagi ONLAYN guruhlarga qabul boshlandi.🎞

1⃣ Kuzgi Attestatsiya imtihoni

👉 Kurs rejasi va ma'lumoti👈

💵 Kurs narxi 4yarim oylik 73 ta dars uchun umumiy 499 ming. 2 ga bo'lib to'lash mumkin💵

2⃣ Kuzgi Milliy sertifikat imtihoni🏆

👉Kurs rejasi va ma'lumoti👈

💵 Kurs narxi: 4 yarim oylik jami 79 ta jonli dars uchun umumiy 1mln. 2/3 ga bo'lib  to'lash mumkin.

🛑 Kursga kimlar qabul qilinadi:
📌 Pedagoglar
📌 Abituriyentlar
📌 Talabalar

👩‍💻Ikkala kursda ham darslar "0" dan boshlab o'tiladi. Bonus👉 Kurs oxirida talabgorlarning 8ta essesi esse bali 65dan yuqori ekspertlar tomonidan tahlil qilinib, baholanadi.

📀 Darslar telegramdagi yopiq guruhda videochat va audiochat shaklida olib boriladi.

👩‍🏫 Darslarni 4 yillik tajribaga va A 💯 darajali sertifikatga ega Durdona Axtamova olib boradi.

👉Namuna darslar uchun kanal

💯Natijalar va dars haqida fikrlar💯

📲Murojaat uchun: 939918555
           @Durdona_Axtamova

👇 To'lov uchun karta raqam👇
5614680515003347(Axtamova Durdona)

Har doimgiday bitta ham imloni biladigan odam boʻlmagan. Koʻrsatib olishga gʻururlari yoʻl qoʻymagan boʻlsa kerak.

@birgap

Nega bizda bir familiyali avlod yaratish imkoni cheklanganiga qiziqaman.

Masalan, men oʻz familiyamni sulola familiyasiga aylatirishni istasam buni qila olmayman. Qonunchilikni oʻqib tushunganim shu.

Yoki men xato tushundimmikan?

@birgap

Davlatning turli xil alohida maktablar ochishi (Prezident maktablari, ijod maktablari, agentlik huzuridagi ixtisoslashgan maktablar, "Harvardchilar maktabi" kabi) haqida gap ketganda koʻpchilik shu ham yoʻq edi-yu. Mayli hech yoʻq 1000 ta yaxshi oʻquvchi yaxshi sharoitda oʻqisin deganday gap qilishadi.

Men ularning bu fikrini xato demayman, ammo davlatning bora-bora mana shu elit maktablar rejimiga "oʻtirib qolish" xavfi bor. Mana Oʻzbekiston shu yoʻlga oʻtib oldi-ku.

Oxirgi 4-5 yilda oddiy maktablarni rivojlantirish, ulardagi taʼlim samarasini oshirish uchun qilingan konkret harakatni eslay olasizmi? Men aniq eslay olmayman, borlari ham juda samarasiz (masalan, ingliz tili uchun chet ellik oʻqituvchilarni chaqirish). Aksincha, ulardagi bor sifatni ham buzadigan harakatlar boʻldi.

Davlat mana shunday elit maktablarga "oʻtirib qolib", reallikdan butkul uzilib qoladi. Taʼlimda illuziya yaraladi. Oddiy maktablar esa nazardan chetda qolaveradi. Bu kambagʻal aholi farzandlarini yomonroq, eʼtibor qilinmaydiganroq taʼlimga mahkum qilinishi deganidir.

@birgap

Ming bor uzr, ovoz berishni qayta joylayman

@birgap

Mana bu xushxabarni oʻqib xursand boʻlishni endi boshlagandim.

Nahotki, Nizomiy TOP-1000 talikka kiribdimi deb. Keyin qarasam, bu umumiy reyting emas, impakt reyting ekan.

U BMTning Barqaror Rivojlanish Maqsadlari (SDG’lar) yo‘nalishidagi faoliyatini baholaydi. Universitetlarning jamiyat va ekologiyaga ijobiy hissa qo‘shishini kuzatib boradi.

Yaʼni taʼlim sifati va samarasi borasida hech qanday masala koʻrib chiqilmaydi.

Oʻzbekistondagi umumiy reytigda rasmdagi universitetlar bor xolos, qolganlar umumiy reytingda mavjud emas.

@birgap

Masalan, oʻzim oʻqigan universitet SDG boʻyicha reytingga kirganini ochiq aytgan. Tarqatilgan maʼlumotni koʻrib bemalol bu umumiy reyting emasligini tushunish mumkin.

Qolgan universitetlar ham shu yoʻlni tutishsa, yaxshi boʻlardi.

@birgap

Bugun biz maʼlumotlarga toʻyingan, ammo fikrlashda haminqadarmiz.

Farid Zakariyo “Erkin taʼlim himoyasida” kitobini yuqoridagi fikr ustiga quradi. Bu fikr erkin (liberal) taʼlimning asosiy maqsadini ochib bera oladi – faqat maʼlumot emas, balki, donolik, fikrlash, tanqidiy yondashuvni oʻstirish.

Muallif texnologiyalar va amaliy ko‘nikmalar davrida unutilib borayotgan liberal ta’limni himoya qiladi. Bu – falsafa, tarix, adabiyot, san’at, muloqot, yozish, tanqidiy fikrlashga asoslangan ta’lim tizimi. U nafaqat bilim beradi, balki inson sifatida o‘sishga, jamiyatda o‘z yo‘lingizni topishga xizmat qiladi.

Zakariyo qarashicha, fikrlash koʻnikmamizni charxlashdan koʻra foydaliroq narsa yoʻq. Har qanday sohada muvaffaqiyat – bu raqamlar emas, balki muammoni tahlil qilish va o‘z fikringni ravon ifoda eta olishdan boshlanadi.

Muallif ushbu kitobda bugungi taʼlimni nimalar “buzilib” qolganini, qanday qilib universitetlarda “Sharqiy Afrika sheʼriyatida transgenderlik roli” kabi kurslar paydo boʻlganini tushuntirib beradi. Suqrotdan Harvardgacha boʻlgan taʼlim tarixini ham tahlil qiladi. Amerika ta’limini chuqur tahlil qilib, uning sir-asrorlarini aniq faktlar bilan bo’lishadi. Amerika yoshlari nega bunchalik novator? Amerika global yetakchiligi sababi nimada edi?

Xullas, taʼlimga qiziqqan, u nima uchun kerakligini aniqlamoqchi boʻlgan, tafakkur qilishni yoqtiradigan hammaga kerakli kitob.

Bu kitobning parchasini bir yilcha oldin oʻqigandim. Endi u sevimli “Mutolaa” ilovamizda chiqibdi.

Hoziroq kitobni marketdan 30% chegirma narxi bilan (30-iyungacha) xarid qiling:

🎧 Audio kitob: 30.000 so‘m / 21.000 so‘m
📚 Elektron kitob: 20.000 so‘m / 14.000 so‘m

Mutolaani android uchun mana bu yerda, ios uchun mana bu yerdan yuklab olsangiz boʻladi.

@birgap

Maktabimizda darslar tugadi.

Endi yozga rejalangan ishlarga koʻproq vaqt ajratishni boshlash mumkin.

Sizlar (kanalim aʼzolari) uchun nima qilsam ekan?

@birgap

Firibgarlikning yangi turi urchiyapti.

Sizga qoʻngʻiroq qilib, telefon raqamingizni shartnoma muddati tugayotganini, yangilash kerakligini, aks holda raqamingiz oʻchib ketishini aytishadi.

Bunday holda ular bilan aloqani uzish kerak. Bu firibgarlik. Ular shu yoʻl bilan sizning maʼlumotlaringizni oʻgʻirlab olishni reja qilishadi.

Unutmang, telefon raqamlarning shartnoma muddati boʻlmaydi. Undan tashqari bu turdagi maʼlumotlarni kompaniya qoʻngʻiroq qilib emas, SMS orqali aytadi.

@birgap

Oʻtgan yilgi eng talabchan ustoz statusini saqlab qololmadim

Bugun maktabimizda bitiruv oqshomi oʻtkazildi. Unda meni Yil oʻqituvchisi deya eʼtirof etishdi. Eng zoʻr ustozlar yigʻilgan jamoada bunday taqdirlanish odamni boshqacha quvontiradi.

Eʼtirof va sovgʻa uchun maktab maʼmuriyatiga rahmat.

@birgap

Davlatning pulli sinflar joriy qilishidagi xavflar haqida Kun.uz'da suhbatlashdik.

Qarama-qarshiliklar bor. Menimcha, qiziq suhbat boʻldi.

@birgap

Shu odam toʻgʻri aytyapti. Qoʻlimdan keladigan ish. Qilsam boʻladi.