#Sõragan_edingiz

70 fozilik ustama o‘qituvchining oylik maoshidan kelib chiqib to‘lanadimi?


Savol

Bu yil 70 foizlik ustamani qo‘lga kiritgandim. Undan tashqari vazir ustamasini hamda milliy sertifikat uchun yana 50 foizlik ustama ham olaman, 30 soat dars ham olmoqchiman.

Ammo “zavuch” aytyaptiki, 70 foizlik ustama faqat 20 soat darsingiz uchun to‘lanadi, shuningdek bu ustamani olsangiz, milliy sertifikat uchun 50 foizlik ustama berilmaydi, chunki sizning ustamangiz 120 foiz bo‘lib ketyapti, shunga faqat bittasini to‘laymiz, deyapti.

O‘zi 70 foizlik ustama qanday hisoblanadi va bu ustamani oladiganlar boshqa ustamalardan mahrum bo‘ladimi?

Javob — https://xalqtaliminfo.uz/post/1294

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

Mana shu kinoni koʻrganmisiz?

Shu kinoning qahramoni Ron Klark “The Essential 55” degan kitob yozgan. U maktabdagi eng muhim 55 qoidani oʻz ichiga oladi. Bu qoidalar asosan oʻquvchilar uchun. Oʻqituvchilar shu qoidalarni oʻz oʻquvchilariga oʻrgata olsa, oʻsha maktab eng zoʻr maktab boʻladi (taʼlim samaradorligi oʻrtacha boʻlsa ham)

15-qoida. Hech narsani mukofot uchun qilmang.
Klark oʻquvchilarga moddiy mukofotlar emas, balki shaxsiy qoniqish uchun ish bajarishni o‘rgatish orqali ichki motivatsiyaning asl qiymatini singdirgan. Agar o‘quvchilar “Buni tugatganimiz uchun nima olamiz?” deb so‘rasa, Klark ularga doim qoʻldan kelgancha harakat qilishning o‘zi mukofot bo‘lishi kerakligini eslatgan.

23-qoida. Maktab xodimlarining ismlarini eslab qoling
O‘quvchilar nafaqat o‘qituvchilarning, balki yordamchilar, oshxona xodimlari va boshqa ishchilarning ham ismlarini yodda tutishga uqtirilgan. Klarkning fikricha, bu shaxslarni e’tirof etish ular qilayotgan ish uchun hurmat va minnatdorchilikni anglatadi. Masalan, omborchiga “Xayrli tong, janob Jons” deb aytilsa, ular o‘zining qadrli ekanini his qiladi.

Toʻliq bu yerda oʻqishingiz mumkin.

@birgap

Bu yildan birinchi marta sof shogirdlar oldik. Ularga bir yil davomida oʻzimizning faoliyatimizdagi hamma narsani oʻrgatmoqchimiz.

Menimcha, bu bizga ham, shogirdga ham, juda yaxshi tajriba boʻladi. Agar bu tizim sinovdan yaxshi oʻtsa, doimiy yoʻlga qoʻymoqchimiz.

@birgap

Nima deb oʻylaysizlar, Oʻzbekistondagi umumiy oʻrta taʼlim maktablarining missiyasi nima? Hech bu haqida gapirilganini eshitganmisiz?

Masalan, Prezident maktablarining missiyasi taxminan bunday:
ta’lim jarayonida ilg‘or texnologiyalarni qo‘llash orqali iqtidorli bolalarni aniqlash va o‘qitish tizimini shakllantirish, shuningdek, iqtidorli yoshlarni qo‘llab-quvvatlash va rag‘batlantirish, ma’naviy boy va intellektual rivojlangan avlodni tarbiyalash kafolatlarini ta’minlash

@birgap

Tanqid qilganlarni amalda hech narsa qilmaysan deyishdan oldin, oʻzimiz ularga imkon berdikmi? Ularning biror gapini eshitib, tahlil qilib, chuqurroq oʻylab koʻrdikmi deyish ham kerakmikin-a? Nima deysizlar?

@birgap

Mayer prinsiplari deb taqdimot, videodars, onlayn kurs, dars uchun material tayyorlayotgan vaqtda amal qilish kerak boʻlgan 12 tutumga aytiladi.

Mayerning "Multimedia learning" kitobi Kembrij universitetida qoʻllanma sifatida tavsiya etiladi.

Bugun maktabda ana shu qoʻllanmadagi tutumlar orasidan maktab oʻqituvchisiga keraklilarini tanlab, oʻrgandik.

Sizlarga ham tavsiya qilaman, oʻrganib qoʻyish zarar emas.

@birgap

Yangi oʻquv yili barchamizga samarali va barakali kelsin!

@birgap

📢 Milliy Sertifikat imtihoniga tayyorgarlik uchun maxsus ONLINE INTENSIVE KURS!

📅 Boshlanish sanasi: 4-sentabr
🎯 Maqsad: Noyabrda bo‘lib o‘tadigan ona tili va adabiyot fanidan Milliy sertifikat imtihonida yuqori natija (kamida B+, A yoki A+) olish!


✅ Kurs afzalliklari:

Darslar haftada 7 kun, intensiv tarzda olib boriladi.

Har bir kun uchun alohida yo‘nalish:

Dushanba – Grammatik mavzu (videodars + topshiriq)

Seshanba – Jonli videochat: savol-javob va topshiriqlar tahlili

Chorshanba – Grammatik mavzu (videodars + mustaqil topshiriq)

Payshanba – Esse nazariyasi va amaliyoti

Juma – 44 talik diagnostik test + batafsil videotahlil

Shanba – Adabiyot nazariyasi va g‘azal matni ustida ishlash

Yakshanba – Badiiy asar yuzasidan savol-javob


💡 Nega aynan bizning kurs?

✔️ Intensive dastur – qisqa vaqt ichida maksimal tayyorgarlik
✔️ Videodars + jonli muloqot uyg‘unligi
✔️ Imtihon formati bo‘yicha amaliy mashqlar
✔️ Hamyonbop narx

💰 Kurs narxi:  bir oyga 200 ming so‘m


📌 Dastlab o‘rningizni band qilish uchun 50 ming so‘m to‘laysiz.
📌 3-darsgacha kursni sinab ko‘rib, keyin davom etishga qat’iy qaror qilganingizda qolgan summani to‘laysiz.


🎓 2 oyda kuchli natijaga erishing va Milliy Sertifikat imtihonida yuqori ball oling!
📲 O‘zingizga joy band qilish uchun hoziroq  admin bilan bog‘laning➡️ @Z_Zokirxonqizi

Bizning natijalar va avvalgi kurslarimiz haqidagi fikrlar⬇️⬇️
t.me/Zulfiya_Zokirxonqizi

Adolat Vazirovna oʻtib qolibdi! Afsusdaman.

@birgap

Interaktiv metodlarga, oʻyinlarga toʻla dars – yaxshi dars degan tushuncha xato.

Koʻp darslarim oʻyinlarsiz ham samarali boʻlayotganini kuzataman.

Oʻzgartirildi (10:46)
P.S. izohlarda istilohiy xato qilganim haqida yozishgan ekan. Toʻgʻrilab qoʻydim.

@birgap

Pedagogikadan attestatsiyaga tayyorlash kursini oʻtarkanman, yana bir marta Xoliqovning "Pedagogik mahorat" darsligini oʻqiyapman.

Yana oʻsha savol girdobidaman:
Nega bu attestatsiya uchun tanlab olindi?

Axir kitobning yarmidan koʻpi suv gaplardan iborat. Pedagog uchun yordam beradigan na nazariy, na amaliy biror nima koʻrmayman.

P.S. muallifga zarracha shaxsiy adovatim yoʻq.

@birgap

Tarix ustozlari taslim qilingan edi, bugun ona tili ustozlari ham sudda yutqazdi.

Nima boʻlganda ham ustozlarga rahmat, koʻp narsani oydinlashtirib berishdi.

Attestatsiya jarayonlari xalqaro baholash tamoyillariga zid oʻtkazilayotgani haqida fikrimda sobitman. Buni baholash boʻyicha kurs oʻqigan istalgan odam tushuna oladi aslida.

Pedagogik mahorat va xalqaro baholash markazining kompetensiyasi haqida esa biror nima deyishim shart emas.

@birgap

Shu guruhda adolat posbonlari yo'qmikan.Ikkalamizni muammomizni yechib bersa.Yoki shunchaki devorga o'xshab eshitib turishadi bor-yo'g'i shumi.

Kanal izohlarida shunday yozibdi bittasi.

Qiziq, kimni devor deyapti, nimaga bunaqa munosabat qilishim mumkin deb hisoblayapti?

Bu sizga yurist maslahatxonasimi? Yoz sizga toʻlanmayotgan ustamani shu kanaldagi kimdir borib olib bersinmi? Oʻzingizning duxingiz yetmagach bu yerdagilar gijgijlayapsizmi?

Odamga sal uyat ham kerak. Men yoki kanalning boshqa aʼzolari sizning ustamangizni undirib berishni boʻynimizga olmaganmiz. Shunday ekan, devorsan deb iddao qilishdan oldin sal oʻylab oling.

Toʻgʻri, gaplarim achchiq, tashqaridan qarasa bir oʻqituvchining boshqa oʻqituvchiga yordam bermayotganidek koʻrinadi. Ammo yordam yoki maslahat bunaqa soʻralmaydi. Bunaqa soʻraldimi, yordam ham berilmaydi.

@birgap

Nahot jannatning ham o‘z o‘ti bordir
Ne bu yuragimda adashgan javzo
Nega buncha og‘ir, oh, buncha og‘ir
Gunohsizlik uchun berilgan jazo.

Shu parchada nechta yuklama bor?

Uchta deyishyapti. Men yoʻq, 2 ta deyapman.

@birgap

Yangi tanlov eʼlon qilindi

Vazirlar Mahkamasining Davlat tilini rivojlantirish departamenti va Oʻzbek tilini rivojlantirish jamgʻarmasi “Jonajon oʻzbek tilim” tanlovini e’lon qildi.

Tanlov quyidagi yo‘nalishlarda o‘tkaziladi:

• oʻzbek tilining oʻziga xos xususiyatlari, muammo va yechimlari yoritilgan eng yaxshi ilmiy tadqiqot;

• oʻzbek tilini raqamlashtirishga qaratilgan eng yaxshi dasturiy mahsulot;

• oʻzbek tilining boy imkoniyatlari tarannum etilgan eng yaxshi badiiy-ijodiy asar;

• davlat tili boʻyicha ommaviy axborot vositalarida eʼlon qilingan eng yaxshi material;

• oʻzbek tili targʻibotiga bagʻishlangan eng yaxshi videorolik;

• oʻzbek tilini xalqaro miqyosida ommalashtirishga xizmat qilayotgan eng yaxshi amaliy ish;

• oʻzbek tilining xorijlik doʻstlari tomonidan yaratilgan eng yaxshi ilmiy-ijodiy ish.

Tanlovda ishtirok etuvchi nomzodlar o‘zi haqidagi ma’lumotlarni (ismi, otaismi, familiyasi, ish joyi, o‘qish joyi) ilmiy-ijodiy ishining elektron nusxasini ilova qilgan holda 5-oktyabrgacha yuborishlari lozim. Hujjatlar quyidagi manzillarda qabul qilinadi:

• Oʻzbek tilini rivojlantirish jamgʻarmasi

• uz_tili_jamgarma@umail.uz elektron pochtasi

• @Jonajontilim_bot telegram boti

G‘oliblar bazaviy hisoblash miqdorining 50 baravari miqdoridagi pul mukofoti, diplom va esdalik sovg‘alari bilan taqdirlanadi.

Mukofotlar 21-oktyabr – O‘zbek tili bayrami kuni arafasida topshiriladi.

@oriftolib | Boshqa sahifalarimiz

"Kassandra tamgʻasi" asarini oʻqib tugatdim. Asarning bunday nomlanishi mifologiyaga borib taqaladi. Kassandra ismli ayol boʻladi, u kelajakni oldindan koʻra oladi. Ammo unga hech kim ishonmaydi.

Asarda ham Felofey va Borkka hech kim ishonmaydi.

Asarni oʻqir ekanman, ayrim ixtiro va yangiliklarga insoniyatni tayyor emasligi haqidagi gaplar rost ekaniga amin boʻldim.

Biror narsa yaratar ekanmiz, uning axloqiy tomonlari haqida chuqurroq oʻylashimiz kerakligini tushundim. Aytmatov ilm-fan yutuqlari axloq bilan uyg‘unlashmasa, halokatga olib kelishi mumkinligi aytmoqchi boʻlgandek.

@birgap