Şokir Tursun qaraşlari
5.49K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
Forwarded from .
Tengdoshlarimga, o‘zim tengi yoki o‘smirlik bo‘sag‘asida turgan aka-uka, opa-singillar, do‘stlarga yangi nashrni tavsiya qilmoqchiman.
Bugun yaxshi bir kitob tavsiya qilish, yaxshi yegulik tavsiya qilishdan, yaxshi kiyim tavsiya qilishdan ancha qiyin bo‘lib qoldi, nazarimda.
Adabiyot insonni tarbiyalashiga shubha yo‘q, biroq bugun adabiyot ham qaysidir ma’naoda odamlar ko‘magiga muhtojdek… Chin adabiyotning qadrlanishi va yuksalishi, uni e’zoz topishi esa yaqinlarimizning tanlovda adashmasligi bilan ham bog‘liqmikan deb o‘ylab qolaman…
Yaqinda shoir Nodir Jonuzoqning “So‘z chamani” nomli kitobi nashrdan chiqdi.
She’rlarining muhibi va kitobxon sifatida yangi “farzand” ning dunyoga kelganligi bilan tabriklayman… do‘stlarimga, tengqurlarimga va chin she’r va she’riyat shaydolariga tavsiya qilaman…
Nodir akani men “Yoshlik” ning Bosh muharriri paytlaridan bilaman, taniman.
Ijodi haqida har tugul bir so‘z aytishga ilmi yetmaydi, ammo shaxsiyati haqida ancha-muncha so‘z yozishim mumkin…
Forwarded from .
Ammo, Yozuvchilar uyushmasining birinchi o‘rinbosari bo‘lib turgan bir inson haqida yosh bir adabiyotga qiziqadigan yigitning maqtovdan boshqa so‘z bo‘lmagan fikrlari ham maqtaluvchiga, ham maqtayotgan odamga yaxshi tassurot olib kelmas holdamiz deb o‘ylayman va muxtasarlikni maqbul ko‘raman…
Kitobdan o‘rin olgan she’rlar bilan tanishib chiqdim, misralarni ovoz chiqarib, pafoslangacha o‘qiyman-u, ruhim allanayotganligini, tuyg‘ular qo‘zga‘alishi yoki shun kabi lirik holdan keyin Hazrat Navoiyning “Hayrat-ul abror” dostonida yozilgan “O‘zi rostning so‘zi rost” misralarni kitobning hoshiyasiga yozib qo‘ydim.
Bejiiz bu misrani eslamadim. Kitobdan o‘rin olgan she’rlar shoirning o‘zidek: samimiy, pok niyatlar bilan sug‘orilgan, yasamalik va zo‘rakilik yo‘q. Mehr izlasangiz mehr topasiz, sevgiga oshuftalik izlasangiz, ishq ohanglariga duch kelasiz, sog‘inch izlasangiz, visol ulashiladi… Kitob shunday… Samimiy deb aytdim-ku…
She’rlar pok va samimiy, tushuntira olmayapman, biroz…
Nodir Jonuzoqni kimdir yaxshi shoir deb tanir, kimdir yaxshi inson deb bilar… Bugunning yoshlari esa u insonni yaxshi aka deb bilishi va ayqin olishi ham bor…
Nasiba bilan, oxirgi yillarda har safar Zomin yosh ijodkorlar seminariga borish nasib qiladi.
Yulduzlar osmonni egallagan payt ko‘shkda suhbat va mulohazalar boshlanadi…Erkin A’zam, Mahmud Toir, Isajon Sulton, Qo‘chqor Norqobil, Sirojiddin Sayyid, Iqbol Mirzo, Bahodir Karim, Nurboy Jabborov…
Va men… She’r aytiladi, adabiyot haqida yuraklar butun tana bo‘lib gapiriladi va men…
Suhbatlar tong yaqinlashgunicha bo‘ladi… Mana shu suhbatlar Nodir akani menga ham inson ham aka sifatida yaxshi tanitganini aniq eslayman.
Yaxshi kitob tavsiya etish ham bugun masalaga aylandi. Did jiddiylik kasb eta boshladi. Odamlarning adabiyotga nafi zarur va ehtiyojga aylanayotgandek.
Filandiyada cho‘kayotgan odamning kitobga yopishayotgan suratini ko‘pimiz bilamiz… Cho’kayotgan insonni kitob qutqarishi bor gap, ammo har qanday kitoblar endi qutqara olmaydi, har qanday she’rlar yurakni zabt eta olmaydi. Yana gap didga va tanlovga borib qadalyapti.
Alisher Navoiydan ikki misra shu joyiga:
To topibon xush takallum tuzay,
So‘z chamani ichra Navo ko‘rguzay…
Shoirni so‘z chamani ichra mohirona navo yarata olganligi bilan, hayot go‘zalligini qalb go‘zalligi orqali so‘z musavviri yanlig‘ mohir chiza olganligi bilan tabriklayman.
Adabiyot eliga, chin she’r muxlislariga, she’riyatga shaydolarga, ma’rifat va ma’naviyat jonkuyarlariga yana bir yangi nashr muborak bo‘lsin!
@SohibjonHotamov
👍1
Keyingi oʻquv yilidan boshlangʻich sinflardagi "Ona tili" va "Oʻqish" fanlari birlashtirilib yagona fan sifatida oʻqitiladigan boʻldi. Endi bu fanga nom masalasi mualliflarni oʻylantirb turibdi. Sizningcha, yangi fanga qanday nom qoʻygan ma'qul.
Anonymous Poll
63%
Ona tili va oʻqish savodxonligi
18%
Til san'ati
10%
Mutolaa
17%
Nutq san'ati
Media is too big
VIEW IN TELEGRAM
📣📣STesting loyihasining uchinchi video mahsuloti

🎬#_STesting_Digest_3

“BOSHQARILUVCHI KO‘ZOYNAK”

Qadrli о‘quvchilar! Kreativ fikrlash mahsuli bо‘lgan innovatsion texnologiyalarning inson hayotidagi ahamiyati va roli haqida PISA tadqiqotininng “Boshqariluvchi ko‘zoynak” nomli topshiriqlar guruhi bilan tanishish orqali bilib olasiz.

❗️Bu topshiriq zamonaviy texnologiyalar sohasidagi yutuqlar tо‘g‘risida ma’lumot berish bilan birgalikda hayotingizda uchraydigan kо‘rish bilan bog‘liq bо‘lgan muammolarni hal etishga qaratilgan.

💥Keling, ilm – fan olamiga sayohatimizni davom ettiramiz!

A.Avloniy nomidagi ilmiy-tadqiqot institutining rasmiy sahifalarini kuzatib boring

Telegram |Facebook |Website
Hurmatli maktab oʻqituvchilari va ota-onalar! Oʻquvchingiz/farzandingizning PISA xalqaro tadqiqotlariga tayyorgarligini yana bir karra samarali qilishni istasangiz quyidagi telegram kanaliga a'zo boʻlib qoʻying. U yerda PISA xalqaro tadqiqotlariga tayyorgarlik koʻrishga koʻmaklashuvchi videolar berib borilmoqda.

https://t.me/avloniyuz
​​Shunga amin boʻlyapmanki, bizda BOLALAR ADABIYOTI deganda 13-14 yoshdan boshlanadigan adabiyot tushunilarkan. Undan kichik yoshdagilarga xos va mos tuzukroq narsa juda kam.

1-sinf uchun chiqarilgan "Alifbe", "Ona tili" va "Oʻqish" kitoblarini tahlil qilarkanman, matnlar, she'rlar maqsadsiz tanlanganday. Bolani vaqtini olishdan boshqa narsaga yaramaydigandek tuyuldi menga. Balkim oʻz dunyoqarashimdan shunday chiqqandir. Rasmlarda ba'zilarini keltiraman, bolalarga quruq, havoyi narsalarni oʻqitavermaslik kerak, real hayotga yaqin matnlar, yoshiga, tafakkuriga xos tushnchalarni bergan ma'qul deb hisoblayman.

Amir Temur haqidagi she'r va matnga e'tibor bering. Quruq gap, xolos. Shuncha joyga Amir Temur haqida bundanda foydaliroq biror narsa berish mumkin edi.

"Vatan surati" deb nomlangan matndagi gaplarning uzunligini qarang, bitta gap 27ta soʻzdan iborat😲 Gapdagi soʻzlar soni qancha koʻp boʻlsa, uning tushunilishi ham shuncha qiyin boʻladi.

Shunday matnlarni koʻravergan sarim ustozimning oʻgʻli aytgan bir gap esimga kelaveradi: "Biz gerbimizga nega yoʻq qushning rasmini qoʻyganmiz?"

P.S.: yangi darsliklarda mualliflardan biri boʻlgani uchun eskilarini tanqid qilyapti degan fikrga bormang, iltimos, azbaroyi ilgari bilib-bilmay yoʻl qoʻyilgan xatolarni takrorlamaslik uchun ham tanqidiy koʻz bilan tahlil qilmoqdaman.

Kanalga ulanish: @birgap
2022/2023-o‘quv yilidan boshlab umumiy o‘rta, o‘rta maxsus ta’lim muassasalari va kasb-hunar maktablari bitiruvchilarining shahodatnomasi (attestati) (diplom ilovasi)ga majburiy 11 yillik ta’limning so‘nggi 6 yillik baholari o‘rtacha ko‘rsatkichi kiritilishi va ushbu ko‘rsatkich 2023/2024-o‘quv yilidan boshlab oliy ta’lim tashkilotiga kirish imtihonlarida inobatga olinishi ma’lumot uchun qabul qilinsin.

Manba: https://regulation.gov.uz/uz/d/28636

"Oʻoʻoʻ, zoʻr qaror", - deyishga shoshilmang. Nega deysizmi? Sabablar yetarli.

1. Maktabdagi baholash formativ ya'ni joriy baholash hisoblanadi, OTMga kirish imtihoni esa, summativ ya'ni yakuniy baholashdir. Shu jihatdan qaralsa, baholashning bu ikki turini aralashtirish mumkin emas.

2. Maktabdagi baholar biz nima demaylik, subyektiv va nisbatan qoʻyiladi. Bir maktabda 5 olgan oʻquvchi boshqasida ham 5 olishi qiyin.

3. Maktabdagi oʻqituvchilarga baholash nazariyasi va amaliyotini oʻqitmaganmiz, oʻqitmayapmiz ham, ularning qoʻyayotgan bahosi qanchalik haqiqatga yaqin ekaniga qanday ishonamiz? Agar oʻsha baholarga toʻliq ishonchimiz boʻlsa, DTM testlarini bekor qilib, suhbat asosida, maktablardagi baholarga qarab qabul qilishni joriy qilaveraylik.

4. Maktablarda ham korrupsiyaning urchishiga zamin yaratgan boʻlamiz, korrupsiya xavfidan tashqari direktor hamda fan oʻqituvchisiga oʻquvchining ota-onasi, qarindoshlari tomonidan bosim ham boʻlishi ehtimoli oshadi, bunisi oʻta xavfli.

ESLATMA: bu qaror loyiha sifatida boʻlib, muhokama 16-fevralgacha davom etadi.
Pedagogika yoʻnalishini tamomlagan va tamomlayotganlar mana bu manzildan oʻzlariga ish topishlari mumkin.

https://xt.uzedu.uz/Vacancy/ListView
​​5 talaba haqida eshitganingiz aniq. Is gazidan vafot etishganini taxmin qilayotgan edim. Lekin komil ishonchsiz bir nima yozgim kelmadi. Xullas, ishni oʻrganayotgan organ, qoʻzgʻatilgan tergov ishi, Musayevning majlisi shubhamni isbotladi (oʻzim uchun).

Endi nima boʻladi?

Hamma universitet xodimlari oʻz talabalarining turar joyini tekshirishni boshlaydi, hamma guruh rahbarlari safarbar qilinadi. Hisobotlar beriladi. Lekin, muammo hal boʻladimi? YOʻQ! Muammo muammoligicha qoladi. Uylarni talabalar uchun berishning qonuniy yoʻllarini ishlab chiqilmaguncha muammo hal boʻlmaydi. Eng katta boy talabalar uchun yotoqxonalar qurishni boʻyniga olsa ham joy yetishmasligi tugamaydi.

1-yechim, masofadan oʻqitishni mukammallashtirish, talaba uyida oʻtirib ham sifatli ta'lim ola bilishini ta'minlash.

2-yechim, Yotoqxona qurishni xususiy sektorga topshiribgina qolmay, koʻchma vagonli uylar qurishga ruxsat berish.

3-yechim, har bir ota-ona oʻgʻil-qizining qayerda yashayotganiga e'tibor berishi, qishloqdan kelganlarga shaharda yashashni oʻrgatish, shunchaki qoidalarga amal qilib yashash qadriyatini shakllantirish.

Oʻzimga 3-yechim samaraliroq koʻrinyapti. Toʻgʻri bu koʻp vaqt oladi, ammo boshqa oʻlim boʻlmasligining kafolati shu. Qolgan ikki yechim ham koʻp vaqt oladi, ammo ularning qoʻshimcha kamchiliklari ham bor. Birinchisida ta'lim sifatini nazorat qilish tajribamiz yoʻqligi boʻlsa, ikkinchisida gazdan zaharlanish xavfi yoʻqolmaydi.

Bilmadim, nima deyishga ham hayronman. Lekin shuni bilamanki, biz hech qachon talabalarni 100% yotoqxona bilan (hatto 50%) ta'minlay olmaymiz. Nafqat biz, dunyodagi birorta davlat buni qilolmaydi.

5 talabaning oxiratlari obod boʻlsin. Oila a'zolariga sabr tilayman!

Kanalga ulanish: @birgap
I know you think we're just machines... but since I met Alice, I know I can feel things... I care for her, I fear for her, I can't be happy if she's not... This probably doesn't make any sense to you but... I know she changed me somehow...

Tarjimasi:
Bilaman, sen meni shunchaki mashina deb oʻylaysan... biroq men Elisni koʻrganimdan beri his qila boshladim... Unga gʻamxoʻrlik qilaman, uning uchun xavotirlanaman, u boʻlmasa quvonchni his qila olmayman... Bu sen uchun ahamiyatsiz boʻlishi mumkin... men aniq bilaman, u menda nimanidir oʻzgartirdi...

DETROIT: BECOME HUMAN (My name is Kara)

Bu video bir android robotda onalik hissining uygʻonishi va uning odamga aylanib borishi haqida.

Sen kimligingni unutishing va boshqa birov uchun kerakli kimgadir aylanishing - mana shu tirik boʻlishning ma'nosi boʻlsa kerak.

https://www.youtube.com/watch?v=Afr77al2_JM
- Kara, nima uchun odamlar bizdan nafratlanishadi? Biz ularga yomonlik qilmadik-ku!

- Balkim, bu tushunmovchilikdandir, balkim ularga biz aslida kim ekanimizni tushunishlari uchun vaqt kerakdir.

- Nega shunchaki oʻtirib gaplashib olmaymiz? Shunda ular bizning yomon emasligimizni tushunishardi.

- Bilmayman, rostdan ham bilmayman!

Yuqoridagi videodan parcha. Xulosa oʻzingizdan. Men shu kunlarda bir narsaga amin boʻlyapman, biz odamlar shunchaki oʻtirib hamma muammolarni gaplashib olishdan oʻzimizni olib qochamiz. Muammolarni yashirishga urinamiz. Ularni yashirgan bilan hal boʻlib qolmasligini tushunmaymiz. Jamiyatimizda ham buni yaqqol koʻrish mumkin.

Kanalga ulanish: @birgap
This media is not supported in your browser
VIEW IN TELEGRAM
Ikki turkiy millatning rahbarlari begonaning tilida gaplashsa alam qilib ketarkan. Qattiq zarba bo'ldi menga. Valuyev jag'imga bor kuchi bilan urgandek bo'ldi.
Afsus...

Kanalga ulanish: @birgap