Test manbasi sifatida hech qanaqa darslik, oʻquv dasturi asos boʻlmasligi kerak. Aniq test spetsifikatsiyalari koʻrsatilishi lozim.

Bilishimcha, OTMga kirish imtihonlarining spetsifikatsiyalari eʼlon qilinmaydi. Agar qilinsa, aytinglar, tanishib chiqay. Faqatgina Milliy sertifikat spetsifikatsiyalarini koʻrganman.

Test oʻtkazadigan tashkilot spetsifikatsiya eʼlon qilmasa, hech yoʻq qaysi manbalardan test tuzayotganini aytishi shart. Bu uning toʻgʻridan toʻgʻri vazifasi. Bu bizning ish emas deyish, vazifasidan qochish yoki nima qilayotganini bilmaslikdan boshqa narsa emas, menimcha.

Bu gaplar ushbu manbaga munosabatdir:
https://kun.uz/news/2024/08/09/test-tuziladigan-adabiyotlar-royxatini-elon-qilish-agentlikning-vazifasi-emas-bilimlarni-baholash-agentligi

@birgap

Test deganda faqat A, B, D, E variantli, faktni soʻraydigan savol turini tushunadigan odamgina shunaqa deyishi mumkin.

https://kun.uz/news/2024/08/09/huquq-fanidan-test-tuzish-testologiya-qoidalariga-togri-kelmaydi-bmba-masuli

Agar sal izlanilsa huquqshunoslikdan ham sifatli test tuzsa boʻladi. Koʻp emas, sal-pal izlanilsa yetadi.

@birgap

Spetsifikatsiyalar mana shu sahifada bor ekan:

https://www.uzbmb.uz/page/tafsilot

@birgap

Inson oʻzi ishlayotgan tashkilot bilan birga oʻsishi, rivojlanib borishi kerak. Davlat taʼlim muassasalarining 95 foizida aynan shu narsa yoʻq. Maktab rahbarlari rivojlanishni emas, birxillikni, qoliplashishni, avvaldan amal qilinganlarga toʻliq amal qilishni istaydi.

Xususiy taʼlim mana shu qobiqni yorish uchun ham kerak. Xususiy taʼlimda ishlagan oʻqituvchi, rahbar davlat maktablarida ishlagisi kelmay qolishi ham shundan. Oʻsishga imkon borligi.

Davlat maktablarida muhit yomon demayapman, rivojlanishga intilish, imkon yoʻq demoqchiman.

Davlat oʻsishga motivatsiya yaratishni ham bilmayapti, masalan, attestatsiya chiqdi. Rahbarlarning fikricha, u motivatsiya ham boʻlishi kerak edi. Afsuski, bu ishlamadi. Oʻzi davlat oʻqituvchiga kasb standarti, pedagogik nazariya boʻyicha yetarli va maqsadli treninglar tashkil qilmadi. Oʻrgatilmagan narsa (bu yerda oliy taʼlimning ham aybi juda katta) soʻraldi, natijada bu stressni yuzaga keltirdi. Oʻzi shundoq ham charchagan oʻqituvchilarni koʻproq charchatdi.

Davlat taʼlim tashkilotlari ham oʻzlarining rivojlanish strategiyalariga ega boʻlishi kerak.

Fikrlarim ancha chalkash yozildi, tartiblab yana yozaman.

@birgap

Resource.uz - internetda o'zbek tilidagi ilmiy manbalarni ko'paytirishni maqsad qilgan platforma.

Resource.uz o'zbek tilidagi ilmiy adabiyotlar manbayidir. Loyiha orqali insonlarda o’zbek tilidagi ilmiy kontentga bo'lgan qiziqishni oshirish hamda bo'lajak ilmiy ish va loyihalarga poydevor bo'lish istagidamiz! Biz ilm yordamida o’zbek tilini rivojlantirmoqchimiz!

Maqolalar yozuvchi yoki ilmiy ishlar bilan shug’ullanuvchi insonlarni hamkorlikka chorlaymiz. Ona tilimiz rivojiga hissa qo’shing!

www.resource.uz | @blog_resource_uz

Biz 26 qavatli uyning 22-qavatida turamiz. Bir necha oyki, uyning lift va zinasi oraligʻidagi ayvonga chiqish imkonidan mosuvomiz. Chunki ayvonga kirish eshigi qoʻshnilar tomonidan qulflab qoʻyilgan.

Atrofimizdagi 7 va 9 qavatli uylarda yashaydigan bolalar baland binoga qiziqib, yuqori qavatlarning ayvoniga chiqishardi, jumladan, bizning qavat ayvoniga ham. Bir necha marta oʻshanday bolalar ayvon toʻsiqlari ustiga chiqishga urinayotganini koʻrishibdi. Kimdir yiqilib tushmasin degan oʻyda yuqori qavatlarda hamma ayvonlar yopib tashlandi. Hozir men na zinadan foydalana olaman, na ayvonga chiqib, shahar chiroyidan bahra ololaman, chunki kalitim yoʻq.

Asosiy masala bu ham emas. Taqiq bu tarbiya emas, demoqchiman. Toʻgʻri, taqiqdan maqsad bolalarni himoya qilish, ammo bu bilan ularda koʻnikma (xulq-atvor) shakllanib qolmaydi. Ular ayvon toʻsiqlari ustiga chiqish yoki chiqmaslik mohiyatini anglashmaydi. Taqiqlashdan koʻra ularda xavfsizlikka oid koʻnikmalar(xulq-atvor)ni shakllantirishga uringan yaxshiroq. Ha, bu uzoq vaqt talab qiladi, ha, bu qiyin, ammo taqiqlash bilan qayergacha bormoqchimiz. Balkim koʻpqavatli uylarni ayvonsiz qurarmiz. Borib-borib uylar derazasiz boʻlar. Bilmadim...

@birgap

⚡️Kitobxonlar uchun yana bir ajoyib yangilik.

"Akademnashr" nashriyoti bilan hamkorlikda bolajonlarimiz uchun yana bir mega loyiha ishga tushadi. Yodingizda bo'lsa "jajji akademik" nomli jurnal boʻlardi. Endi ana oʻsha jurnalni yangilangan, kitobcha shaklida chop etmoqchimiz.

Bu kitobchalar bolalarimizning ilm-fanga qiziqishini orttirish, unga mehr qoʻyishi uchun ilk qadamlarimizdan.

Qaysi kitobcha Sizda qiziqish uygʻotdi? Yoki qaysi sohalar qoʻshilishini xohlar edingiz?

Manba: Alisher Saʼdullayev

@birgap

Menimcha, maktabda olimpiadalar oʻylab topib, ragʻbatlar belgilasak, maqola egasi aytganday taʼlim sifati yaxshilanib qolmaydi. Bu sifat yaxshilangani haqidagi illyuziya boʻladi xolos.

Taʼlim sifatini samarali oʻquv dasturi, sifatli kadrlar tayyorlash tizimi, minimaldan yuqori darajadagi taʼlim muhiti (bino, texnikalar), taʼlim beruvchilarga yetarli ish haqi bilangina oshirish mumkin. Olimpiadalar bir necha bolanigina yaxshi oʻqishga motivatsiyalaydi. 6 million atrofidagi oʻquvchidan taxminan, 100 tasi olimpiadada gʻolib boʻla oladi. Shu yuz oʻrin uchun 10.000 bola bellashganda (haqiqiy bellashuvni aytyapman) 1 foizga ham bormaydi (yuz ming bola qatnashsa, 1.7 foiz boʻladi). Chunki olimpiada nima ekanini hamma biladi, qatnashsa yutish ehtimoli juda pastligini ham biladi va oʻrtacha oʻqiydiganlarga bu qiziq boʻlmaydi.

Taklif shunchaki samarasiz.

@birgap

Bu yil 5-sinf darsliklari yangilanishi kutilyapti.

Ammo vazirlik hamon dastur-u mavzularni eʼlon qilgani yoʻq. Oʻquv yili boshlanishiga esa 10 kun qoldi.

Hurmatsizlik ham evi bilan-da endi.

@birgap

Sentyabr boshidan darsliklarni partaga yetib borishi ham soʻroq ostida boʻlsa kerak.

Deputatlarimiz olimpiadada boks tushganlarning jinsini kovlashtirish oʻrniga mana shu masalaga diqqat qilib, vazirlik va Taʼlimni rivojlantirish ilmiy-metodika markazi giribonidan olsa boʻlardi.

@birgap

Icebreakerni muzyorar deymiz, Warm-Upni nima deymiz oʻzbekchada?

@birgap

"Ochiq dars" degan ajoyib loyiha bor. Biroz tanaffusdan soʻng qaytdi.

Qaytganda ham juda dolzarb maqola bilan qaytdi.

Bundan keyin ham shunday dolzarb maqolalar berib boriladi. Maqsadlar katta, niyat xolis. Mendan soʻragan, soʻraydigan koʻp savollaringizga shu loyiha doirasida javob berib boriladi.

Barcha oʻqituvchilarga tavsiya qilaman. Telegram kanaliga obuna boʻlib qoʻying – @ochiqdarsuz

Boshqalarga ham ulashish esdan chiqmasin. Chunki kanaldagi maqolalar har qanday fan ustozi uchun foydali boʻladi.

"Ochiq dars" bilan birgalikda rivojlanamiz.

@birgap

Izohga hojat yoʻq

@birgap

Bolalar necha yoshdan maktabga tayyor boʻladi? Uning tayyor ekani nimalarda koʻrinadi? Oʻzbekiston maktabga chiqish yoshini nega 7 yosh etib belgilagan? Mamlakatimiz maktabga chiqish yoshini pasaytirishi mumkinmi?

Quyidagi videoda shu kabi savollarga javob berilgan.

https://youtu.be/C0IVxE_82Pw?si=oXYiI0TzhYuN5nPi

@birgap