Şokir Tursun qaraşlari
5.47K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
​​#tahlil

Yana bir mansabdor gapni toʻgʻri anglay olmaslik va oʻz gapini toʻgʻri yetkazib bera olmaslik sabab butun xalqni qoʻzgʻatib yubordi.

Ha, bu safar gap Fargʻona viloyati hokimi Shuhrat Gʻaniyev haqida.

U oʻz nutqida majlislarda roʻmol oʻragan xotinni koʻrsa kim boʻlishidan qatʼiy nazar roʻmolini yechib oʻsha yer hokimini ogʻziga tiqishini aytdi.

Aslida u roʻmolni faqat koʻzini ochib oʻragan "ninzya"sifat ayollarni koʻrsam deb aytishi kerak edi. Ana shunda hammasi toʻgʻri boʻlardi.

Oltiariqda hamma taniydigan, prezidentning alohida eʼtiboriga tushgan fermer ayol bor, u "Oʻzbekiston Qahramoni". Doim roʻmolda yuradi va doim majlislarda qatnashadi. Shuhrat Gʻaniyevning gapidan kelib chiqsak, endi Oltiariq hokimi oʻsha ayolning roʻmolini chaynaydi. Gʻaniyev bunday qila olishiga ikki dunyo ishonmayman.

HALIYAM BOʻLSA TIL OʻRGATISHNI OʻZGARTIRAYLIK!!!

Haliyam boʻlsa ikkita gapni eplab bir-biriga toʻgʻri ulab, boshqacha maʼno chiqmaydigan qilib ayta olmaydigan "Gʻaniyevsifatlar"ni ishdan olaylik.

Kanalga ulanish: @birgap
​​Washington University olimlari internetga ulanadigan, video oladigan linzalarni ixtiro qilganmish.

Biz esa yuribmiz, roʻmol oʻraylikmi, soqol qoʻyaylikmi deb.

Kanalga ulanish: @birgap
​​#kulgi

Ishonavering siz chiroyli tabassum qilasiz
​​Nafasova Gulbahorga tegishli pasport topib olingan. Taniganlar bo'lsa xabar qiling. olib ketish uchun @shokiryuldash telegram manziliga murojaat qilishlari mumkin.

Kanalga ulanish: @birgap
4-kurs va magistrlar diqqatiga. Kim xorijda taʼlim olishni istasa bugun ilmiy boʼlimga uchrashsin. El-yurt umidi jamgʼarmasidan imkoniyat taqdim qilinmoqda. Talab: bormoqchi boʼlgan davlati tilini yaxshi bilish kerak.

Kanalga ulanish: @birgap
Ulugʼbekning soʼnggi soatlari haqidagi juda batafsil hikoyani tarixchi Mirxond (Hirotda Navoiyning homiyligida mashhur “Ravzat us-safo” kitobini yozgan) yozib qoldirgan. Bu tafsilotlarni u Ulugʼbekka soʼnggi safarda yoʼldoshlik qilgan Hoji Muhammad Xisravning oʼzidan eshitgan.

1449-yil oktabrining oxirgi kunlarida Ulugʼbek kichik jamoa qurshovida Samarqanddan chiqib, Makka sari yoʼl oldi – otasini taxtdan agʼdargan Аbdullatif Mirzo u Hoji Muhammad Xisrav bilan birgalikda ziyoratga ketishiga rozi boʼldi.

Musofirlarning otlari charchashga ulgurmay, Taxti Qoracha dovonida bir chigʼatoy ot choptirib yetib keldi-da, sobiq hukmdor yaqin atrofdagi qishloqqa kirib oʼtishi buyurilganini yetkazgan – rasmiy sabab sifatida temuriyzodani safarga munosib tayyorlash koʼrsatilgan.

Musofirlar qishloqdagi bir uyda toʼxtadi. Sovuq kecha edi. Dovongacha boʼlgan yoʼlda Ulugʼbekning kayfiyati chogʼ edi, u har xil mavzularda suhbatlashib keldi. Аmmo xilʼatiga gulxandan uchqun tushib, yona boshlaganida, Ulugʼbek olovga qarab “Sen ham bildingmi?” dedi (Mirxondning kitobi fors tilida boʼlishiga qaramay, olim hukmdorning bu soʼzlari turkiy tilda yozilgan). Hoji Muhammad Xisrav tund qiyofada oʼtirgan Ulugʼbekni tinchlantirishga harakat qildi.

Shu payt Samarqandda koʼzga koʼringan diniy arbob Said Oshiqning oʼgʼli Аbbos notanish bir kishi bilan oʼtirganlarga yaqinlashdi. Ulugʼbek ularni koʼrishi bilan sakrab turib, Аbbosning koʼksiga musht tushirdi. Аmmo notanish odam Ulugʼbekning qoʼllarini orqasiga qayirib, ushlab qoldi. Bu payti Аbbos arqon olib kelib, taxtdan tushirilgan hukmdorni bogʼladi. Ulugʼbekning yoʼldoshlari – Hoja va navkarlar, bu Аbdullatifning buyrugʼi ekanligini tushunib, aralashishmadi va burchaklarga qochib, qotillikni kuzatdi.

Аbbos Ulugʼbekni yonib turgan chiroq oldiga oʼtqazib, bir qilich zarbi bilan uning jonini oldi. 55 yoshli hukmdor va olim shu tariqa hayoti bilan xayrlashdi. Uning sheriklari Samarqandga qaytib ketdi.

1449-yil 27-oktabr – Mirzo Ulugʼbek oʼldirilgan kun. Bu voqeaga yaqinda 570 yil toʼladi.

Filolog va jurnalist Eldor Asanov mana shu voqeani aytib berar ekan bizning tarixga nisbatan yondashuvimizdan noliydi. Ha, u haq, biz tarixni faqat faktlar va raqamlar bilan o'rganamiz. Uning hissiyotlarga ta'sir eta oluvchi voqealarini esa tashlab o'tamiz. Nega darsliklarda mana shu voqea to'liq aks etmaydi. Ulug'bek o'g'li tomonidan o'ldirilgan degan gapdan ko'ra mana shu voqea ta'sirliroq va esda qolarliroq-ku!

Kanalga ulanish: @birgap
👏1
Bugun Prezidentning "Davlat tili toʻgʻrisida"gi Qonun qabul qilinganining 30 yilligini keng nishonlash toʻgʻrisidagi qarori eʼlon qilindi. Ushbu qarordagi bir jumlaga avvaldan qarshi boʻlganman hozir shu haqida gapirmoqchiman.

Qarorda "oʻzbek adabiy tilining asoschisi, buyuk mutafakkir shoirimiz Alisher Navoiyga Toshkent shahridagi Milliy bogʻda, shuningdek, viloyat va shaharlarda oʻrnatilgan haykallar poyiga gul qoʻyish marosimini uyushtirsin" degan jumla bor. Alisher Navoiyning buyuk mutafakkir ekani, oʻzbek adabiy tili oldidagi xizmatlarini qadrlagan holda uning oʻzbek adabiy tili asoschisi deyilishiga eʼtirozim bor.

Navoiygacha ham turkiy tilda hozir ham hech qanday lugʻatlarsiz tushunish mumkin boʻlgan bitiklar bitilgani fakt-ku.

Bilga xoqon, Kul Tegin toshbitiklaridan tortib Ahmad Yassaviy, Yusuf Xos Hojib, Nosuriddin Rabgʻuziy, Xorazmiy, Atoiy, Lutfiylarning asarlari ham turkiy, hozirgi oʻzbek adabiy tiliga yaqin tilda bitilgan-ku.

Navoiy esa oʻziga yaratilgan zamindan unumli foydalandi va turkiy badiiy tilni kulminatsiya choʻqqisiga olib chiqdi. Bu uning asoschi deyilishiga asos boʻla olmaydi. Shaxsan men (Navoiyshunoslardan uzr soʻragan holda) Navoiyning "Xamsa"sidan koʻra yuqorida sanab oʻtgan ijodkorlarimning asarlariga osonroq tushunaman. Bular hali bizgacha saqlanib yetib kelgani, yetib kelmagani qanchadir.

Xullas, real koʻz bilan qaraganda Navoiy oʻzbek adabiy tilining asoschisi emas, uni yuqori choʻqqiga olib chiqqan ijodkor. Bu tushunchalar oʻrtasida katta farq borligini mensiz ham tushunasiz.

Bu gaplarim bilan faqat tarixiy shaxslarga bunday qaramaylik, tarixni bunday oʻrganmaylik va oʻrgatmaylik demoqchiman xolos.

Kanalga ulanish: @birgap
Etiket nimaligini bilamiz. Xoʻsh netiket nima?

Netiket — bu onlayn-muloqot davomida amal qilish kerak boʻlgan etiket qoidalari.

Quyidagi 15 netiket qoidalariga amal qilishni tavsiya etaman.

- Onlayn-muhokama forumida savol joylashdan oldin, kimdir shu savolni yuqorida berganligini va savolga javobni olgan-olmaganligini tekshiring. Haqiqiy hayotda hozirgina yechimini topgan savolingizni yana qaytadan muhokama qilmaganingiz kabi, forumlarda ham shunga amal qiling.

- Mavzudan chetga chiqmang! Keraksiz havolalar, sharhlar, fikrlar yoki rasmlarni joylashtirmang.

- Toʻliq BOSH HARFLARDA yozmang! Aks holda boshqalarda xuddi qichqirayotgan yoki baqirayotgandek tushuncha uygʻotasiz.

- Gʻazabli yoki kinoyali tushunish mumkin boʻlgan hech nima, hatto, hazil ham yozmang. Chunki sizning ovozingizni eshitmasdan tengdoshlaringiz hazil qilayotganingizni tushunmasliklari mumkin.

- Boshqa oʻrganuvchilardan yordam soʻrab murojaat qilganingizda, “Iltimos” va “Rahmat” soʻzlarini aytishni unutmang.

- Boshqa oʻrganuvchilarning fikrlarini hurmat qiling. Agar bahs-munozaraga duch kelsangiz, bahs davomida boshqalarga hurmat bilan munosabatda boʻling va ular tomonidan keltirilgan dalillarni toʻgʻri qabul qiling. Boshqalarning ham mavzu boʻyicha oʻz qarashiga ega boʻlishga haqqi borligini yodda tuting.

- Guruhdoshingizning savoliga javob berayotganingizda, javobingiz aniq ekanligiga ishonch hosil qiling! Agar 100 % ishonchingiz komil boʻlmasa, TAXMIN QILMANG! Aks holda, guruhdoshlaringiz uchun barchasini chigallashtirib yuborishingiz mumkin va buning uchun ular minnatdor boʻlishmaydi, albatta.

- Agar savol berganingizda koʻpchilik javob bersa, barcha javoblarni umumlashtirib, butun guruhga foyda keltirishi uchun oʻz xulosangizni joylashtiring.

- Qisqacha fikr bildiring. Agar oddiy savolga javoban uzun dissertatsiya yozsangiz, kimdir bularning barchasini oʻqishga vaqt ajratishi ehtimoli juda past.

- Boshqalarni haqorat qilmang va ularni ahmoq demang. Siz ularning fikrlariga qoʻshilmasligingiz mumkin, lekin insonni shaxsiyatiga tegishi mumkin boʻlgan soʻzlarni ishlatmang.

- Agar suhbat davomida guruhdoshingiz aytganlariga ishora qilmoqchi boʻlsangiz, boshqalar orqaga qaytib, qaysi xabarga ishora qilayotganingizni qidirmasliklari uchun oʻsha postdan qisqacha iqtibos keltiring.

- Savol berishdan oldin, javob aniq yoki topish oson ekanligini aniqlash uchun guruhning tez-tez soʻraladigan savollar (FAQ)ini tekshirib koʻring.

- Eski sharhga javob berishdan oldin eng yangi sharhlarni tekshirganingiz ma’qul, chunki muammo allaqachon hal qilingan yoki fikrlar oʻzgargan boʻlishi mumkin.

- Kechirimli boʻling. Agar guruhdoshingiz xato qilsa, buning uchun uni ayblamang. Shunchaki, xulosa chiqaring va muammo hal.

- Forumda biror narsa joylashdan oldin imloviy va grammatik tekshiruv oʻtkazing. Bu kam vaqt oladi hamda sizning bilimsiz inson sifatida koʻrinishingizning oldini oladi.

Bosh barmoq qoidasi: Agar haqiqiy hayotda nimanidir qilmasangiz yoki aytmasangiz, bunga onlayn-jamiyatda ham amal qiling.

Manba: Touro College

Kanalga ulanish: @birgap
👍1
Mendan internet tarmogʻi orqali biror narsani topib berishimni koʻp soʻrashadi. Men 99% holatlarda oʻzimni qoniqtiradigan maʼlumotlarni topganman. Hozir esa buning sirlarini sizga ham ulashmoqchiman. Bu ham shaxsiy tajriba🙈.

Xullas, google.com qidiruv tizimidan foydalanaman. Boshqa tizimlar ham bor, ammo google.com eng yaxshisi. Yandex.ru ham yaxshi, uning doirasi kamroqligi, virus fayllarning koʻpligi koʻnglimni sovutgan.

Sehrli soʻz

Oʻzim uchun yangilik boʻlgan biror narsani qidirmoqchi boʻlsam, how to... , "sehrli soʻzni" ishlataman. Masalan, how to create mobile app

Internetdan maʼlumot qidirganda kalit soʻzlar juda muhim. Masalan, sizga uyushiq boʻlaklar haqida maʼlumot kerak, siz uyushiq boʻlaklar haqida deb yozing va qidiring. Ishoning siz topasiz. Agar sizga uyushiq boʻlaklar haqida kitobdagi maʼlumotlar kerak boʻlsa, uyushiq boʻlaklar pdf deb yozing. Yoki aynan muallif ismini ham qoʻshib qidiring, uyushiq boʻlaklar Shavkat Rahmatullayev Shunda qidiruv tizimi uyushiq, boʻlaklar, shavkat, rahmatullayev soʻzlari qatnashgan hamma matnlarni topib beradi.

Kitob yoki maqola izlayotgan boʻlsam, kitob nomiga pdf download degan soʻzni qoʻshib yozaman.

Eng koʻp maʼlumotni youtube.com saytidan olaman. Chunki u yerda hamma oʻz bilganini amaliy namunalar bilan joylaydi. Siz ham youtubega kirib oʻsha sehrli soʻz how to orqali koʻp narsani oʻrgansangiz va topsangiz boʻladi. Masalan, how to search in google - googleda qidirish haqida toʻliq maʼlumotlarni topasiz.

Xullas, hammasi kalit soʻzlarni, tilni bilishingiz bilan bogʻliq.

Biror narsani qanday qidirishni va topishni bilmayotgan boʻlsangiz @shokiryuldash ga murojaat qiling men topib bermasam ham sizga yoʻlini oʻrgatishga harakat qilaman. Chunki baliq tutib bergandan, baliq tutishni oʻrgatish foydaliroq.

Kanalga ulanish: @birgap
Alisher Navoiy nomidagi Toshkent davlat O'zbek tili va adabiyoti universiteti talabasi Ergasheva Nilufar Erkin qiziga tegishli talabalik guvohnomasi yo'qolgan. Topib olganlar +998974092104 raqamiga murojaat qilishingizni iltimos qilamiz.

Xabarni tarqatishda yordam bersangiz ham xursand bo'lamiz!

Kanalga ulanish: @birgap
Indamay deymanuuuuu....

Bu nimasi endi? Qayerdadir ilinib turibdi shu🤦‍♂️

Kanalga ulanish: @birgap
Shu o'rinda MA'NAVIYAT haqida o'z qarashlarimni ikki og'iz aytib o'tsam. Maqsadim bahslashish emas, o'z qarashlarimni sizga ham aytib qo'yish. Oxirigacha erinmay o'qisangiz yaxshi bo'lardi.

Izohli lug'atda ma'naviyatga axloqiy holat, barcha axloqiy narsalar, xususiyatlar deya ta'rif beriladi.

Ma'naviyatga nisbatan qarashlarim Xurshid Yo'ldoshevning qarashlari bilan deyarli kesishadi:
“Ma’naviyat” atalmish “idish”ga xohlagan narsangizni – ta’bingiz, didingiz, kayfiyatingiz, siyosiy va iqtisodiy manfaatlaringizga ko‘ra – joylayverasiz. Liberal o‘z liberal axloqini, konservator konsevatorcha axloqini, dindor diniy axloqini, millatchi “milliy ruh”ini (natsistlarda bo‘lgani kabi) joylashi mumkin.

Men ham shu “idish”ni o‘z bilganimcha, ko‘nglim tusaganicha to‘ldirishni istayman. Men uni shunday to‘ldiramanki, “idish”ning borligidan ma’no qolmaydi.

O‘z maqsadi, aytayotgan gapining ma’nosini anglagan inson borki, hammasida ma’naviyat bor. Aqli zaiflarni hisobga olmaganda hamma – o‘g‘riyu to‘g‘ri, boyu kambag‘al, hatto manyakda ham, shoiru olimda ham birdek ma’naviyat bor. O‘g‘rining qilmishida ma’no borligini bilish uchun uning maqsadini anglash kifoya. Ma’no bormi, bor. Shoirning she’r yozishida-chi? Ochig‘i ko‘p she’rlaridagi shoir nazarda tutgan ma’noni anglamayman. Bundan shoir ma’naviyatsiz deb xulosa chiqarishim kerakmi? Yo‘q, albatta. Bizning kimningdir ishlaridan ma’no topolmasligimiz o‘sha odamning ma’naviyatsizligini anglatmaydi, balki u nazarda tutgan ma’no, motivni anglamaganimizni anglatadi.

Kimdir rok musiqa eshitib maza qilayotgan bo‘lsa-yu, biz buni tushunmasak, bu bizning nuqsonimiz. O‘sha rok ixlosmandi sizning maqomni tinglashingizni tushuna olmasligi mumkin. Qaysi tomonning qiliqlarida ma’no bor? Aslida ikkisida ham bor. Bunaqa vaziyatda tor fikrli odamgina o‘zgani ma’naviyatsizlikda ayblashi mumkin.

Ma’noni tushunmasligimiz ma’noning yo‘qligini anglatmaydi. Ma’noni tushunmaslik ayb emas. Ammo men ma’no ko‘rmayapmanmi, demak ma’no yo‘q deyishimiz aybdir.

Ma’naviyatli degani o‘z qilmishining ma’nosini anglash degani.

Agar “ma’naviyat” keraksiz so’z bo’lsa, nega unga bunchalik e’tibor berilyapti? Nega konstitutsiyasi muayyan mafkuraga ustunlik berishni taqiqlagan bir davlatda “ma’naviyat” markazlari davlat tomonidan tashkil qilingan? Nega davlatning “tili” bo’lmish bir axborot agentligi “ma’naviyat”ga zid deb o’zgacha fikrlilarga qarshi maqolalar uyushtiradi? Nega borgan sari odamlar erkinlikni yomon ko’radigan, bir-birini nazorat, taftish qilishni xush ko’ruvchi olomonga aylanib boryapti?

Odamlar o’zlari to’qib chiqargan va davlat tomonidan maxsus urchitilgan quruq so’zlar ustida bahslashadilar, bir-birlarini tanqid qiladilar, real muammolar qolib, mayda ikir-chikirlar bilan o’ralashib qoladilar. Bunday vaziyatda odamlar muammolar uchun hukumatni emas, bir-birlarini ayblaydilar. (Bizni xalqqa erkinlik berib bo’lmaydi; haydovchilarda madaniyat yo’q; bekorga qamashmagandir, bir balosi bor; zo’rlagan bo’lsa, o’zi aybdor, ko’zini suzgandir kabi gaplar shunchaki paydo bo’lmagan.) Odamlar bir-birini ayblash bilan ovora bo’lsa, hukmfarmolar xotirjam yashaydi.

Ammo odamlar bir-birini ayblashi uchun bahona kerak. Bahona real mavjud bo’lmasa, uni tasavvurda paydo qilish, soxta tushunchalar yaratish mumkin. “Ma’naviyat” ana shunday soxta tushunchalardan biridir. Bu tushuncha orqali istalgan odamni tanqid qilish, erkinligini cheklash, nimalarnidir taqiqlash mumkin. Eng yomoni bu kabi soxta so’zlar “vatan xoini”, “millat dushmani” kabi ko’p hollarda asossiz bo’lgan ayblovlarni avj oldiradi.

“Ma’naviyat” keraksiz quruq so’z ekan, nega u yo’q bo’lmayapti? Negaki bundan manfaatdor tomon bor. Bu so’zni tinimsiz takrorlaydiganlarni ikki turga ajratish mumkin: ma’naviyat aslida keraksiz matohligini biladigan, ammo undan o’z manfaati yo’lida unumli foydalanadigan populistlar va uning kerakligiga astoydil ishonadigan samimiy soddalar.

davomi keyingi xabarda

Kanalga ulanish: @birgap
❤1
Birinchi toifaning muhim belgisi – ma’naviyat nomi bilan qoralanayotgan ishlarni o’zlari qilib yurishidir. Deylik, G’arbni ma’naviyatsizlikda ayblaydi, ammo bolalarini G’arb oliygohlarida o’qitadi. 5-10 yil ma’naviyatni targ’ib qiladi-da, so’ng imi-jimida o’zi ham G’arbga ketadi. Ma’naviyatga zid deb aroqni taqiqlashga chaqiradi, ammo ziyofatlarda sarasini uradi.

Ikkinchi toifaning muhim belgisi esa o’chib qolmasidan burun elektrdan foydalanib, yoki tappida qizdirilgan pechka yonida o’tirib, G’arb tamom bo’lyapti, biz buyuk ajdodlar avlodimiz deb o’tiradiganlardir. Ular samimiy, ammo aldanganlardir.

Oxirigacha o'qiganingiz uchun rahmat! Balkim meni ma'naviyatsiz deb atarsiz, mayli, bunga haqqingiz bor, sizning ma'naviyatingiz menikiga mos kelmasa ikkimizda ham ayb yo'q.

Kanalga ulanish: @birgap
​​Ayronchi qiz Minhojiddin Mirzo degan Maʼnaviyat va maʼrifat markazi rahbari, ijodkor odamning facebook sahifasini titkilab oʻtirib shu rasmni topib olibdi. Balkim u ham shu rasmni yasagan odamni yomon koʻrganidan qoʻygandir, aniq bilmayman.

Tfu-ee, sendaqalarga!

Kanalga ulanish: @birgap
​​Respublika ilmiy-amaliy konferensiyasi.

Barcha xohlovchilar qatnashishi mumkin.
Maqola va tezislar filconfuz@gmail.com pochta manzili orqali qabul qilinmoqda.

Ko'p berilayotgan savollar:
Viloyatdan keladigan uchun 1 kunlik yotoq beriladimi?
Ha beriladi.

To'plam kitob holida nashr etiladimi?
Ha nashr qilinadi.

Kimlar qatnashishi mumkin?
Bakalavr, magistr va doktorantura tinglovchilari.

Barchaningizni kutib qolamiz!

To'liq ma'lumot uchun:
https://drive.google.com/open?id=1XsFJjmvQbgnEP8CwZb36qr5BLnYg3O-W
Televideniyada ishlashni istovchilar uchun!

Bugun soat 9.30-10 oraliqlarida 212-xonaning (1-bino) yoniga MTRKdan odam keladi va suhbat o'tkazadi.

Kanalga ulanish: @birgap
Toshkent City ochildi!

13.10.2019 dan boshlab kirish mumkin ekan. Hammamiz boramiz-a! Shaxsan Toshkent shahar hokimi taklif qilyapti.

Kanalga ulanish: @birgap
Bugun soat 15:00 da 208-xonada bo'lib o'tadi. Hammani taklif qilamiz. Qiziq bo'lishiga va'da berishyapti.

Kanalga ulanish: @birgap
​​Men aytdim, bu yilgi saylovlarga tayyorgarlik qiziq ketyapti deb. Mana shu rasmdan xulosa chiqaring.

Kanalga ulanish: @birgap
Mana sizga bahona!

Kanalga: @birgap