Vazirlar Mahkamasining Davlat tilini rivojlantirish departamentining rasmiy sayti – til.gov.uz bir necha kundan beri ishlamayapti.

Sababini bilmayman. Departamentning telegram kanali ishlab turibdi. Kanalda xabar yuborish uchun manzil yoʻq ekan.

@birgap

Oʻqituvchiga chumoliday ish haqi berib, filday matonat hamda malakali boʻlishni kutish borib turgan adolatsizlik, menimcha.

@birgap

Aytganday, 2025-yil 1-yanvardan boshlab Milliy sertifikat olgan ona tili va tarix oʻqituvchilari 50% ustama olishni boshlashi kerak.

Bu 2024-yil 21-fevralda kuchga kirgan PF-37-son qarorida belgilangan. Toʻliq bajarilishi Hilola Umarovaga yuklatilgan.

@birgap

– Byudjetni yeb tugatdik, behuda sarflab boʻldik. Qanday qilib toʻldiramiz?

– Taʼlimdan yulvolamiz? Shuyam oʻylaydigan masalami?

– Qanday yulvolamiz?

– Soliq solamiz, universitetlar har bir talabasidan oladigan pulidan 4 foizini bizga bersin.

– Iya, soliq qonunchligi degan narsalar bor-ku?

– Haliyam yosh bolasiz-ey...

Voqea mutlaqo toʻqima. Har qanday oʻxshashlik tasodifdan boshqa narsa emas.

https://oyina.uz/uz/posts/26116

@birgap

Umumiy o'rta va o'rta maxsus ta'lim tizimlarida (maktab, litsey) faoliyat yuritayotgan ona tili va adabiyot o'qituvchilari uchun so'rovnoma

Hurmatli ustozlar! Ona tili va adabiyot fanlarini o'qitishda qo'llanilayotgan baholash usullarining ta'lim samaradorligiga ta'sirini o'rganish hamda ta'lim samaradorligini oshirishi mumkin bo'lgan baholash usullarini taklif qilishga qaratilgan ilmiy tadqiqot doirasida so'rovnoma o'tkazilmoqda. So'rovnomani to'ldirish uchun bir oz vaqtingizni ayamasdan, tadqiqotga hissa qo'shishingizni iltimos qilaman.

So'rovnoma doirasida yig'ilgan barcha ma'lumotlar faqat umumlashtirilgan holda ilmiy ish doirasida ishlatiladi. Ilmiy etiket qoidalariga muvofiq, so'rovnomada qatnashganlarning shaxsini aniqlashga yordam berishi mumkin bo'lgan ma'lumotlar oshkor qilinmaydi.

So'rovnoma havolasi: https://xalqtaliminfo.uz/questionnaires/14/uform

"Aloqabank"da aloqa yaxshimas shekilli.

@birgap

Eshitdingizmi, Sa'dulla aka endi doktor.

Qutlayman! Xayrli qilsin!

O'zining aytishicha, endi asarlarni qatorlashtirib tashlarkan. Kutamiz.

@birgap

Yilni mana bunday niyatlar bilan yakunlashga nima yetsin.

Kirib sinab koʻring-chi.

Yoqsa boshqalarni han xursand qilarsiz.

@birgap

Xoʻpni hoʻp yoki hop deb yozadiganlar yumshoqqina xoʻp degan boʻladimi?

@birgap

Bu yil kitoblar yozib tashlaydigan kayfiyatdaman.

Sizga qanday kitoblar kerak?

P.S. baxtingizga badiiy kitob yozmoqchi emasman

P.S2. darsliklar borasida ham nimadir deya olmayman, xohishimdan tashqarida bu masala

@birgap

Endi tushuntirib beringlar, bola otasi yoki bobosi bilan borsa, maktabga qanday gap tegadi? Maktab nima qila oladi?

It akillasayam maktab aybdor, mushuk suykalsayam.

@birgap

Qiziq, ommaviy axborot vositasini roʻyxatdan oʻtkazadigan tashkilot guvohnoma soʻzini toʻgʻri yozolmagan ekan.

Yana bir xato bor, oʻtkazilganligi deganda -lig ortiqcha, oʻtkazilgani desayam yetadi.

@birgap

Toʻgʻrisi, mana shu gap efirga ketmaydi deb oʻylagandim, KunUzga rahmat!

@birgap

2025-yil 1-yanvardan ona tili va tarix o‘qituvchilariga milliy sertifikat uchun 50% ustama to‘lanar ekan. Shunda milliy sertifikatga ega boshlang‘ich sinf o‘qituvchilariga ham o‘zbek tili va adabiyotidan boshlang‘ichlarda dars o'tgani uchun 50 foiz to‘lanadimi?

Javob:
Ha

Bunda:
Ta’lim tili o‘zbek tili bo‘lgan maktablarda dars beruvchi pedagoglarga o‘zbek tili va adabiyoti sertifikati uchun ona tili va adabiyot faniga;

Ta’lim tili rus tili bo‘lgan maktablarda dars beruvchi pedagoglarga rus tili va adabiyoti sertifikati uchun ona tili (rus tili) va adabiyoti faniga;

Ta’lim tili qoraqalpoq tili bo‘lgan maktablarda dars beruvchi pedagoglarga qoraqalpoq tili va adabiyoti sertifikati uchun ona tili (qoraqalpoq tili) va adabiyoti faniga tegishli dars soatlari uchun ustama to‘lanadi.

Shuningdek, boshlang‘ich ta’limda ona tili bo‘yicha dars beruvchi ustozlarga sinflar kesimida quyidagi fan soatlari uchun 50 foiz miqdorida ustama to‘lanadi:

1-sinfda o‘quv yilining 1-2-choraklarida 4 soat “Alifbe”, 4 soat “Yozuv”, 3-4-choraklarida 4 soat “Ona tili”, 4 soat “O‘qish savodxonligi” fani;

2-4-sinflarda 4 soatdan “Ona tili”, 3 soatdan “O‘qish savodxonligi” fani.

Manba: Xalq taʼlimi info

@birgap

❗️Eslatib oʻtamiz, ustama B+, A va A+ va eski baholash asosida 80 va undan yuqori ballga ega sertifikatlar uchun qoʻllaniladi.

Manba

@birgap

"Astir" animatsion studiyasidan yangi film – "Uy"

https://youtu.be/Fbb9ORcLHpI?si=5wIDxFn86atCmtG0

@birgap

Oʻqituvchilar adolat istamoqda

Vazirlikdagi manbaga koʻra, ona tili va adabiyot hamda tarix fanidan Milliy sertifikat olinganda toʻlanadigan 50 foizlik ustama oʻzbek tilidan dars beruvchi oʻqituvchilar uchun amal qilmas ekan.

Ochigʻi, men buning sababini umuman tushunmadim. Prezident qarorining maqsadi oʻzbek tili obroʻsini oshirish edi. Oʻzbek tili fani boshqa tilli fuqarolar orasida oʻzbek tilini yoyishning eng oson usuli hisoblanadi. Ularga ustama toʻlanmasligini tushunishim qiyin kechmoqda. Tushuna olmayapman.

Adashmasam, oʻzbek tilidan dars beradiganlar ham ona tili va adabiyotdan dars beradigan oʻqituvchi topshiradigan imtihonni topshiradi.

Bora-bora izohli lugʻatda adolat soʻzi izohida faqatgina qizlar ismi degan maqola qoladi xolos shekilli.

@birgap

Boshlangʻich sinf ustozlari ham yodda tutingki, ona tili va adabiyotdan milliy sertifikat olgan boʻlsangiz faqatgina alifbe, yozuv, ona tili, oʻqish savodxonligi fanlari uchun toʻlanadigan haqqa 50 foizlik ustama olasiz, hamma soatingizga emas.

@birgap