Boshlangʻich sinf ustozlari ham yodda tutingki, ona tili va adabiyotdan milliy sertifikat olgan boʻlsangiz faqatgina alifbe, yozuv, ona tili, oʻqish savodxonligi fanlari uchun toʻlanadigan haqqa 50 foizlik ustama olasiz, hamma soatingizga emas.

@birgap

Mana bu kanalda 3-chorakni boshlab olish uchun bir necha metodlar tavsiya qilingan maqola chiqdi.

@birgap

Bu yerda qiziq holat bor. Oʻzi ona tili va adabiyot oʻqituvchilari uchun ustama toʻlanishi haqidagi gap Oʻzbek tili bayramida aytildi (adashmasam). Shunday boʻlsa-da rus tili va adabiyoti fani uchun berilayotgan ustama, oʻzbek tili (oʻzga tilli guruhlarda) uchun berilmayotgani gʻalati. Juda gʻalati.

@birgap

Gʻazo uchun xursandman!

@birgap

Mana shunaqa uslublar ishlamasligi haqida keyinroq tushuntirib beraman, ugacha oʻz taxminlaringiz yoki qarashlaringizni izohlarda yozib turing.

@birgap

Oʻrganish – bu yangi bilimlar, koʻnikmalar va malakalarni olish jarayoni. Bu jarayon davomida odam biror ma'lumotni qabul qiladi, oʻrganadi, lekin hali uni toʻliq qoʻllash yoki mustahkamlash darajasiga yetmagan boʻladi.

Oʻzlashtirish – bu oʻrganilgan bilimlarni amalda qoʻllay olish darajasiga yetish jarayoni. Bu jarayon oʻrganilgan maʼlumotlarning mustahkamlanib, inson faoliyatida qoʻllanishini ifodalaydi.

Ushbu videodagi suhbat ishtirokchilari oʻrganish va oʻzlashtirish orasidagi farqni yaxshi his qilishmaydi. Ayniqsa, bir yarim soatda ingliz tili grammatikasi oʻrgatish uslubini yaratgan repititor opa. Nega uni oʻqituvchi yoki ustoz demayapman, oʻqituvchi yoki ustoz oʻrganish va oʻzlashtirish orasidagi farqni yaxshi anglaydi va ikkisini almashlab qoʻllash orqali boshqalarni chalgʻitishga urinmaydi.

Repititor opamiz aytganday, istalgan tilning grammatik qoidalarini bir yarim-ikki soatda oʻrganib chiqish mumkin. Hamma grammatik qoidalar yozilgan kitobni oʻqib chiqasiz yoki biror videoni koʻrasiz. YouTubeda bunday videolar qalashib yotibdi. Qoidalarni koʻrib chiqish – bu oʻrganish, ulardan hayotimiz davomida oʻrinli foydalanishimiz – oʻzlashtirish. Oʻzlashtirish har doim uzoq vaqt oladi.

Bolangizga oʻqituvchi sifatida bilim oʻrgatadiganlarni emas, oʻzlashtirishiga koʻmaklashadiganlarni qidiring, yutasiz. Mana bu opaga oʻxshab daʼvo qiladiganlardan esa uzoqroq yuraveringlar.

@birgap

Aksar ingliz tili oʻqituvchilari ismi oldidan miss yoki mister qoʻshib olishlari mantigʻini kimdir tushuntirib ketsin?

@birgap

4 ta gapda 4 ta xato qiladiganlar xususiy universitetlarni tanqid qilmasa-da.

Masalan, davlat universitetlariyam bemaza qovunning urugʻiday koʻp.

Xususiy universitetlarga sal imkon berish kerak, ozroq vaqt ishlasin, oʻzini koʻrsatishga imkon boʻlsin. Voydod, savodsizlar bosib ketadi, deyishdan oldin davlat universitetlariyam goʻrmasligini unutmanglar. Farqi shundaki, davlat universitetida rivojlanish va yaxshilanish uchun motiv yoʻq, xususiyda bor. Ular oʻsa oladi.

@birgap

“Anor” hikoyasidagi mana bu parcha juda muhim:

Turobjon bu gapni aytdi-yu, xotinining ahvolini ko‘rib achchig‘idan tushdi, agar izzat-nafs qo‘ysa hozir borib uning boshini silar va: “Qo‘y, xafa bo‘lma, jahl ustida aytdim”, der edi.

Koʻplab masalalar mana shu bir tomonning oldinga yurmasligidan, or-nomus deyishidan kelib chiqadi. Ayniqsa, bizning jamiyatimizda erkak kishi oʻz xotinidan uzr soʻrashi normal qabul qilinmaydi. Koʻplab erkaklarda bu juda yoshligidan shakllanib qolgan dunyoqarash. Uni oʻzgartirish ogʻir. Agar shu yerda Turobjon oʻzi aytgan izzat-nafsni yengib, “Qo‘y, xafa bo‘lma, jahl ustida aytdim”, deya olganda voqealar rivoji butkul boshqacha kechgan boʻlarmidi...

@birgap

2025/2026-o‘quv yiliga qadar B2 darajadagi sertifikatlarga ega bo‘lmagan chet tili oʻqituvchilari dars oʻtish huquqiga ega boʻlmaydi.

2025/2026-oʻquv yiliga qadar umumiy oʻrta, oʻrta maxsus va professional taʻlim muassasalarida faoliyat yuritayotgan barcha xorijiy tillar oʻqituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi lozim.

P.S. bu safar choʻzib berishmas ekan
@birgap

ChatGPT oʻqituvchilar uchun ajoyib yordamchi boʻla olishini bilarmidingiz?

Mana bu yerda uning oʻqituvchilar ishini yengillatadigan bir qator imkoniyatlari haqida soʻz boradi.

P.S. barcha fan ustozlari uchun foydali maqola

@birgap

Maktab maʼmuriyatidagilar, iltimos, hech yoʻq ota-onaga xabar yozganda matnni savodli odamga yozdiring yoki tekshirtiring.

@birgap

Oxirgi 5 yilda taʼlim ustida juda koʻp tajriba qilindi. Oʻqituvchilar hayotiga taʼsir qiladigan koʻplab qarorlar chiqdi.

Siz qaysi qarorni eslaysiz? Oʻsha qaror sizning hayotingizni qanday taʼsir qilgan?

Qaysi qaror sizning ustingizdan muzdek suv quygandek boʻlgan, seskantirgan? Sizning hayotingizni qiyinlashtirgan?

Agar izohlarda yozishga iymansangiz @shtursunreklama_bot ga yozing. Bu yerda shaxsingiz ochiqlanmaydi.

@birgap

Bizning maktabda bir ustoz bor. Tarix fanidan dars beradi. Qizigʻi shundaki, tarix fanini ingliz tilida oʻtadi (yuqori sinflarga). Nima uchun bunday ekanini mana bu yerda tushuntirib berganlar.

Ana shu ustoz, oʻz kanalida mana bunga oʻxshash hamma uchun foydali boʻlgan postlar va maʼlumotlar joylab boradi.

Tavsiya qilaman!

@birgap

eMaktab.uzʼga ota-ona nomidan kirib chiqishingiz maktab rahbariyatiga nima uchun kerak?

Ular bunga qanday asos keltirishadi?

Ularga kim shunaqa degan

@birgap

Ushbu suhbat universitetda birga oʻqigan kursdoshlar guruhidan olingan.

Aytilishicha, Samarqand shahri maktablarida shu ahvol emish.

Sizning tumaningizda qanday ahvol? Sizlarda ustamalarni olib qoʻyish masalasi koʻtarildimi?

Bu masalani kengroq yoritish, oʻqituvchilar haqini olib qolish uchun vaziyat aniqroq koʻrib chiqilishi kerak.

Kimda shunday holatlar bor, @shtursunreklama_bot ga yozing. Shaxsingiz 1000% sir saqlanadi.

Sizdan soʻraladigani:
Nima boʻlyapti?
Nima deyishyapti?
Qaysi tumanning qaysi maktabi?

Bu juda ham absurd holat. Vaziyatni oʻrganish va ijobiy hal etish zarur.

Qoʻramasangiz izohlarga ham yozavering.

P.S. borib haqingizni tortib olib bera olmasam ham, kerakli manzillargacha shaxsan yetkazishga urinaman. Qoʻlimdan kelgancha yordam beraman. Bu masalada taʼlim boʻyicha yozadigan barchani yordamga chaqiraman.

@birgap

❓Darsda multfilm koʻrsa boʻladimi?

Ha, lekin oʻzbek tilida kam, borlari uzun va darsdan chalgʻitadi.

Ammo baʼzi multfilmlar soʻzsiz boʻladi, 5–10 daqiqaligi ham bor va mavzuni tushuntirishda foyda beradi. Bunday animatsiyalar bor eʼtiborini tortib, darsni amaliyot bilan oʻtishga yordamlashadi.

Bu safargi maqolada ularni qayerdan topib, qanday ishlatish haqida tushuntirganmiz.

👉 Maqolani oʻqing.

#mualliflikMaqolasi

@ochirdarsuz

Meni eng koʻp azoblaydigan narsa – bolalar adabiyoti.

Bolalar adabiyoti deganda odatda juda tor doirada ertaklar, hikoyalar va sheʼrlarni tushunamiz. Aslida esa bu juda katta qora qozon. Shanba kuni Respublika bolalar kutubxonasiga bordim. Odam gavjum. Bir tomondan xursand boʻlasan kishi, ammo bir tomondan diling ranjiydi.

Oʻzbek tilidagi bolalar uchun kitoblarning asosiy qismi “Hurmacha polvon” ertaklaridan iborat. Sal nariroqda esa rus tilli bolalar uchun Rembrandni oʻrgatishayapti, Rim tarixi oʻqitilyapti, koinot va texnologik kashfiyotlarning asoslari tushuntirilyapti.

Boshqa millat bolalari kosmos, sayyoralar, sanʼat va maʼdaniyat, tarix, tabiiy fanlar, aniq fanlar, shaxslar haqida oʻqiyotgan bir paytda, bizning bolalarimiz arzon didaktikaga oʻrgatilyapti.

Oʻsha qaynotasining boyligi meros qolishini orzu qiladigan “Uch ogʻayni masheyniklar”u, birovning suhbatini tinglab, oʻzganing mehnatini oʻzlashtirgan “Toʻgʻrivoy”lar haqidagi ertaklar bilan rivojlana olamizmi? Kimdir qallob koʻpaydi, firibgar koʻpaydi dedi. Tabiiyki koʻpayadida, mustaqillikka erishibmizki bolalar uchun tayinli biror narsa yaratmadik. Oʻqitganimiz esa qalloblar, muttahamlar, ayyorlar toʻgʻrisidagi ertaklar boʻldi.

Biz shularni odob-ahloq normasi sifatida koʻrdik, shular bizga ibrat qilib koʻrsatildi. Hech kim bizga ilm-fan, adabiyot-sanʼat, koinot va falsafa nimaligini tushuntirmadi.

Maktab qurishga eringan xalq, qamoqxona qurishga erinmaydi deydilar. Bolalariga zamona ilmini oʻqitmagan xalq ham xuddi shunday, oʻrtoqlar.

©️ Oddiy yoʻlovchi

@birgap

Rost boʻlsin!

@birgap

✅Pedagogik so‘rovnomada ishtirok eting va ta’lim rivojlanishiga hissa qo‘shing.

So‘rovnoma pedagog-o‘qituvchilarning kasbiy kompetentikligini oshirishga bo‘lgan talab va ehtiyojlarini o‘rganish maqsadida tashkil etilmoqda.

Sizlar quyidagi yo‘nalishlar bo‘yicha so‘rovnoma savollariga javob berasiz degan umiddamiz
🔹Zamonaviy metodik yondashuvlar
🔹Sun'iy intellekt – o‘qituvchi dastyori
🔹Auditoriyani boshqarish mahorati
🔹Pedagog etikasi va nutqi
🔹Raqamli savodxonlik
🔹Baholash savodxonligi
🔹Kontent tayyorlash mahorati
🔹Ta’lim dasturlarini ishlab chiqish metodologiyasi
🔹Darsliklardan foydalanish metodikasi
🔹Ilmiy maqola yozish ko‘nikmalari
🔹Pedagogik keyslar muhokamasi

🟢 So‘rovnoma havolasi: https://forms.gle/gtvMTppkEpvAnVzd7

PS. Iltimos kimning kanali bo‘lsa, tarqatishda yordam beringizlar!