Mana bunisi ham koʻzqonatar ekan.

Attestatsiya natijalari ustidan yozilgan appelyatsiyaga kelgan javob emish.

Kim yozdi appelyatsiya, sizlarga ham shunaqa silliq yozilgan, bexato xabar keldimi?

@birgap

Ochigʻi, men bunday matn kelishiga ishonmayapman, bu yerda brauzerda qandaydir muammo bor. Agar sizlarga ham kelgan boʻlsa, ulashing. Xatosi yoʻq boʻlsa ham, bor boʻlsa ham.

@birgap

Attestatsiyadagi yana bir katta xatoni aytaymi?

Nechta toʻgʻri yechganingizga qarab natijangiz chiqishi.

Bu adolatsizlik. Qanday deysizmi?

Testda juda ham koʻplab variantlar bor. Bu variantlarning qiyinchiligi ham har xil. Aytaylik, A variantni 80 foizga yechish uchun 40 ta toʻgʻri javob kerak. B variantni 80 foizga yechish uchun 38 ta toʻgʻri javob yetarli boʻlishi mumkin. Chunki variantlarning qiyinlik darajasini bir xil holatga keltirish imkonsiz. Dunyoda unaqasi boʻlmagan.

Testologiya sohasida bu xom ballarni haqiqiy ballarga aylantirish, yagona shkalaga keltirish deyiladi. Attestatsiyamiz xom ballar bilan xulosa chiqarib hammaga nisbatan adolatsizlik qilmoqda.

Yagona shkalaga keltirish uchun testlar aprobatsiyadan oʻtgan boʻlishi lozim. Aprobatsiyadan oʻtkazilmay, testning qiyinlik darajasi, kognitiv yuki taxminiy qoʻyilsa, yana adolatsizlik.

P.S. bu masalani yanada batafsil yozishga harakat qilaman.

@birgap

Ona tili va adabiyot fani oʻqituvchilari diqqatiga!

Hurmatli ustozlar! Sizni “Ona tili taʼlimida diskursiv yondashuv metodikasi” mavzusidagi ilmiy tadqiqot doirasida oʻtkazilayotgan soʻrovnomada ishtirok etishga taklif qilamiz.

Soʻrovnomani toʻldirish atigi 2 daqiqa vaqt oladi. Sizning javoblaringiz maktab oʻquvchilarining muloqot koʻnikmalari hozirgi holatini, ushbu koʻnikmalarning ahamiyati, mavjud muammolar va ularni hal etish yuzasidan tavsiyalarni shakllantirishda muhim ahamiyat kasb etadi.

Oʻquvchilarga ona tili va adabiyot fanidan dars berayotgan yoki ilgari dars bergan mutaxassis sifatida sizning tajribangiz va fikrlaringiz biz uchun juda muhim.

📌 Havola: https://docs.google.com/forms/d/e/1FAIpQLScyeepNXKaP9k8wD8UItvvIUPnOA2vst22qDV7PEzrJBuJkYg/viewform


Yordam va hamkorligingiz uchun oldindan minnatdorchilik bildiramiz!

Attestatsiya haqida koʻpchilik gapiryapti. Bu safar "Gapiring+"da chiqibdi.

Vazirlik xodimlari esa har doim shablon javoblar berishmoqda.

Test tuzishning buzish mumkin boʻlgan hamma qoidasini buzganlarini tan olgilari yoʻq.

@birgap

Bizga bahor begonadur borgan sari...

@birgap

Kelinglar, turli vaziyatlarda oʻquvchilarimizga aytadigan kesatiq gaplarimizdan yozib ketamiz:

Dars payti ikki oʻquvchi gaplashib qolsa, pichirlab, "Keyin-chi, nima boʻpti, oʻlibdimi?" deyman.

P.S. odam tajriba almashib turishi ham kerak-ku😁

P.S2. har xil vaziyatlarga yozaveringlar, oʻrganib olamiz-da.

@birgap

Menga maʼlum axborotlarga koʻra, bu yilgi PISAda prezident taʼlim muassasalari tizimidagi maktablarning barcha oʻquvchilari qatnashmoqda (kamida prezident maktablarining 15 yoshli barcha oʻquvchilari).

Bu nima ekanini bilasizmi?

Oʻrtacha ballni sunʼiy oshirishga urinish. Qisqa aytsa, firibgarlik.

Nimasi firibgarlik dersiz. Hammasi oddiy, bu maktablar eng sara oʻquvchilarni oʻqitadi, ularning natijalari yaxshi chiqish ehtimoli yuqori. Ammo ular butun Oʻzbekiston oʻquvchilarining 1 foizini tashkil etadi (yoki undan ham kam). Bu reprezentativlik – haqiqiy voqelikni aks ettirishga qaratilgan guruhni tanlab olish jarayoniga zid hisoblanadi.

Taʼlim sifatini yolgʻondan baland koʻrsatish, oʻzimizni aldash nega kerak, tushunmayapman.

Yana ham tushunmayotganim, OECD bunga qanday qilib yoʻl qoʻyib berdi?

Yoki hamma axborotlarim yolgʻonmikin?

@birgap

Hurmatli ustozlar!

Bugun biz o‘zgarish arafasidamiz. Biz, oddiy o‘qituvchilar, ta’lim tizimida adolat va sifat uchun birlashdik. Test tizimidagi nohaqlik, ilmiy asoslardan yiroq savollar va faqat yodlashga asoslangan baholash – bular ta’lim kelajagini xavf ostiga qo‘ymoqda.

Bilaman, bizni kuzatayotgan ayrim fikr egalari: “Endi hech narsani ortga qaytarib bo‘lmaydi, bizning qo‘limizdan hech narsa kelmaydi, endi kuzgi attestatsiyaga tayyorgarlik ko‘rish kerak”, degan fikrdalar. Ammo bir narsani unutmaylik: kuzgi attestatsiyada ham ayni holat takrorlanmasligiga kim kafolat beradi? Siz tayyorlandingiz deylik, lekin bu tayyorgarlik jarayoni nimaga asoslanadi? Kitobning boshidan oxirigacha yod olishgami? Bu bilimmi? Bu holatda bor bilimimizni ham, matn bilan ishlash ko‘nikmamizni ham yo‘qotamiz-ku!

Bizning maqsadimiz isyon emas, balki yechim topishdir. Shu bois bizga Respublika markazidan o‘z bilimiga ishongan professional advokatlar yordam bermoqda. Har bir viloyatdan bittadan o‘qituvchiga davlat tomonidan order ajratilmoqda. Bu order uchun to‘lov advokatga emas, balki bankga amalga oshiriladi.

Huquqiy kurashni davom ettirish uchun ixtiyoriy tarzda moliyaviy yordam yig‘moqdamiz. Bu har birimizning kelajagimizga qo‘shgan hissamiz bo‘ladi. Biz minimal miqdorni 20 ming deb belgilagan edik. Ammo 10 ming bo‘lsa ham, 15 ming bo‘lsa ham – sizning qo‘llab-quvvatlovingiz zarur.

Kecha maktabdagi ikki kasbdoshim ham quyidagi hisob raqamga: 9860 1201 8338 8343 pul o‘tkazishdi. Ularning biri nafaqaga chiqishiga ikki yil qolgan, yaqinlashayotgan attestatsiyalarda qatnashmaydi. Ammo millat kelajagiga befarq bo‘lmadi.

Befarq bo‘lmang!

Sud jarayoni bu kurashning muhim bosqichidir. Agar biz sudgacha borsak va sud ijobiy qaror chiqarsa, test tuzish hamda baholash tizimini isloh qilish majburiyati yuklatilsa, o‘qituvchilar quyidagi yutuqlarga erishishlari mumkin:

Shaffoflik oshadi – Test natijalari qanday aniqlanayotgani, ballar qanday qo‘yilayotgani aniq va tushunarli bo‘ladi. Bu o‘qituvchilarga o‘z o‘quvchilari bilimini adolatli baholash imkonini beradi.

Testlar sifatli bo‘ladi – Testologiya talablariga mos tuzilgan testlar:

noto‘g‘ri javoblar bilan chalg‘itmaydi, balki bilim darajasini aniqlaydi;

murakkablik darajasi muvozanatlangan bo‘ladi;

faqat eslab qolishga emas, balki fikrlash, tahlil qilish, qo‘llay olishga yo‘naltiriladi.


Sohaviy mutaxassislar ishtiroki – Testlar amaliyotchi o‘qituvchilar, olimlar va fan mutaxassislari ishtirokida yaratiladi. Bu esa test savollarining mazmunan chuqur va dolzarb bo‘lishini ta'minlaydi.

O‘qituvchining maqomi oshadi – Baholash tizimiga nisbatan ishonch ortadi. Natijada, o‘qituvchilar o‘z mehnatining haqiqatda to‘g‘ri baholanayotganini ko‘radi.

Ta’lim sifatining oshishiga hissa qo‘shadi – O‘qituvchilar bilim berish jarayonini faqat faktlarni yodlash emas, balki chuqur tushunishga asoslangan tarzda tashkil qilishga rag‘batlantiriladi.

Jamoatchilik nazorati yo‘lga qo‘yiladi – Bunday holat boshqa test(faqat ona tili va adabiyot emas) jarayonlarida ham ochiqlik va islohotlarga yo‘l ochadi. Tizim doimiy ravishda jamoatchilik ishtirokida takomillashadi.

Va eng muhimi – bu bizning kasbiy sha’nimizni tiklaydi!

Karta raqami:
9860120183388343

https://t.me/tilchilardan_murojaat

Ustozlar sudlashayotgan ekan, sud jarayonini moliyaviy qoʻllab-quvvatlamoqchi boʻlganlar uchun karta raqami qoldirilgan.

@birgap

Menimcha, bu safargi attestatsiya oʻqituvchilarning kayfiyati, ishchanligi, tizimga boʻlgan hurmatini qanday oʻzgartirgani borasida tadqiqot qilinsa, qoʻrqinchli natijalar chiqadi.

@birgap

Hilola Umarova PISAda ishtirok etayotgan maktablarni OECD tasodifiy tanlaganini, vazirlik aralashmaganini aytmoqda.

Tasodifni qarangki, tanlangan 233 maktab orasida PIIMAga qarashli 14 ta prezident maktabining barchasi bor, qoʻshimchasiga 3 ta ixtisoslashtirilgan maktab ham.

Tasodifan, barcha prezident maktablari roʻyxatga kirib qolishi gʻalati emasmi? Yo men shunchalik vahimachi boʻlib ketdimmi?

@birgap

Menimcha, PISAdagi koʻzboʻyamachiliklarimiz ancha koʻp, muammolarimiz ancha chuqur.

@birgap

Masalan, prezident maktablarining mamlakatdagi barcha maktablar ichida ulushi 0.1%, PISAdagi ulushi esa 6%.

Reprezentativlik buzilishi deb shuni aytyapman.

@birgap

Agar Rashid Tojiboyevning gapi rost boʻlsa, unda vazir aldagan boʻladi, chunki Hilola Umarova tasodifiy tanlab olingan deb ochiq-oydin aytgan.

Agar maqsad Prezident maktablari sarflangan mablagʻni oqlayaptimi degan savolga javob olish boʻlsa, unda Komil aka aytganday ularning natijasi alohida aks ettirilishi lozim.

Avvallari Xitoyda shunday amaliyot uchragan. Turli viloyatlari alohida-alohida qatnashgan, umumiy jadvallarda ham bir-biriga qoʻshilmagan. Bizda ham prezident maktablari alohida qaralishi, jadvallarga alohida ishtirokchi sifatida kiritilishi lozim.

Agar prezident maktablari Oʻzbskistonning umumiy natijasiga qoʻshilsa, ball sunʼiylashishi tabiiy. Qancha balliigi ahamiyatsiz, bir pogʻona koʻtarsa ham koʻtargan boʻladi.

@birgap

Gazeta.uz barcha prezident maktablarining PISA tadqiqotlarida qatnashishi borasida tadqiqot asoschisi Andreas Shlyayxerga soʻrovnoma yuborgan ekan. Javob kelibdi.

Asosiy oʻrinlar:

– prezident maktablarining barchasini qoʻshishni vazirlik soʻragan (ularning natijalarini koʻrmoqchi boʻlishgan), demak vazir hamma maktab tasodifiy tanlangan, vazirlik aralashmagan deganda chalgʻitgan (yoki aldagan) ekan;

– prezident maktablarining natijasi alohida kategoriya sifatida eʼlon qilinmaydi (Xitoyda provinsiyalar alohida eʼlon qilinadi, bizda PMlar umumiyda boʻladi);

– prezident maktablari umumiyga qoʻshilgani bilan ularning mamlakatdagi foiziga proporsional holda vazn beriladi va umumiy natijaga kuchli taʼsir oʻtkazishi oldi olinadi.

P.S. shu gaplarni Hilola Umarova aytganda ham ishonardim.

@birgap

Prezidentga biz oʻtkazadigan attestatsiya zoʻr, oʻqituvchilarning xotirasi chatoq degan xabar kiritishgan shekilli.

Podkastda shaffof, raqamlashgan, yangi, ilgʻor xorijiy tajriba asosida deyilgan attestatsiyani sogʻlom aql tarozisidan oʻtkazgan edik.

Attestatsiyadan oʻta olmaganlarni bilimsiz deyishni bas qilishimiz kerak, chunki aksar testlar bilimni emas, xotirani sinashga qaratilgan. Ularning validligi (oʻqituvchining malakasini aniqlashga yaroqliligi) katta soʻroq ostida.

@birgap