O'qituvchilar uchun xushxabar

Prezident Shavkat Mirziyoyev pedagoglarni yanada qo‘llab-quvvatlashga qaratilgan yangi tashabbuslarni ilgari surdi:

✅ yangi yildan boshlab kamida 15 yil stajga ega bo‘lgan oliy toifali pedagoglarga ipoteka krediti boshlang‘ich badalining 25 foizi qoplab beriladi;

✅ kelgusi o‘quv yilida davlat oliygohlariga o‘qishga kirgan pedagoglar farzandlarining kontrakt summasiga 30 foiz chegirma beriladi;

✅ o‘qituvchilar yangi ta’lim texnologiyalarini keng qo‘llashi uchun kompyuter xaridiga 10 million so‘mgacha imtiyozli kredit ajratiladi;

✅ kelasi yildan pedagoglar uchun davlat xizmatlari to‘lovi 2 karra kamaytiriladi;

✅ boshlang‘ich ta’lim o‘qituvchilari uchun ham milliy sertifikat berish tizimi joriy qilinadi. Sertifikat olganlarga har oyda 15 foiz ustama to‘lanadi;

✅ bakalavr bosqichini imtiyozli diplom bilan bitirib, maktabga ishga kirganlarga avtomatik ravishda 2-malaka toifasi, magistrlarga esa 1-malaka toifasi beriladi;

✅ dunyodagi TOP-300 talik oliygohlarga o‘qishga kirgan pedagoglarga 20 ming dollargacha imtiyozli ta’lim krediti ajratiladi;

✅ reytingda 100 talikka kirgan maktab va bog‘cha, 20 talikdagi texnikum, TOP-10 ta oliygoh pedagoglariga yiliga bir marta O‘zbekiston bo‘ylab sayohat qilish uchun samolyot va poyezdlar chipta narxlariga 15-20 foiz chegirma beriladi.

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

👨‍🏫 O‘qituvchilar o‘rtasida “Zakovat” musobaqasi bo‘lib o‘tadi!

📣 Joriy yilning 27-sentabr kuni soat 10:00 da O‘qituvchilar o‘rtasida “Zakovat” musobaqasining hududiy bosqichi o‘tkaziladi!

❗️ Musobaqada O‘zbekiston Respublikasida faoliyat ko‘rsatayotgan umumiy o‘rta va o‘rta maxsus, kasbiy
hamda oliy ta’lim tashkilotlari o‘qituvchilaridan tuzilgan jamoalar qatnashishi mumkin.

1️⃣ Musobaqada har bir ta’lim muassasasi nomidan faqat bitta jamoa ishtirok etishi mumkin.

❗️ Unda ishtirok etuvchi jamoalar tarkibi 6 nafar asosiy va 1 nafar zaxira ishtirokchidan iborat bo‘ladi. Jamoalar tarkibida 2 nafardan ortiq professional bilimdonlar boʻlishiga ruxsat berilmaydi. Professional bilimdon deyilganda, 2023–2025-yillarda “Zakovat” intellektual koʻrsatuvida jamoalar tarkibida qatnashgan, shuningdek “Zakovat” intellektual klubining Toshkent shahri va hududlardagi klublarida 2024-yilgi kuzgi mavsumidan 2025-yilgi kuzgi mavsumigacha Professional ligalarda ishtirok etgan bilimdonlar tushuniladi.

2️⃣ Musobaqa quyidagi ikki bosqichda o‘tkaziladi:
- saralash bosqichi
- respublika bosqichi

🔝3️⃣ Har bir hududdagi saralash o‘yinlaridan o‘tgan 3 tadan jamoa Respublika bosqichida ishtirok etadi.

✏ Musobaqada ishtirok etish uchun o‘qituvchilar jamoasi dastlab zakovatklubi.uz saytidan o‘z hududidagi musobaqani tanlab ro‘yxatdan o‘tishi, shuningdek musobaqa nizomiga ilovada keltirilgan ariza namunasini to‘ldirgan holda, ta’lim muassasasi rahbari imzosi hamda tashkilot muhri bilan birgalikda ustoz@zakovat.tv elektron pochtasi orqali 25-sentabr kuniga qadar (shu kuni ham) ariza yuborishlari lozim

💵 Musobaqaning respublika bosqichida g‘olib bo‘lgan jamoalar quyidagi miqdorda pul mukofotlari bilan taqdirlanadi:

🥇1-o‘rin uchun - 100 mln so‘m
🥈2-o‘rin uchun - 60 mln so‘m
🥉3-o‘rin uchun - 40 mln so‘m

Telegram I Facebook I Instagram I YouTube I TikTok