Eng dahshatlisi, qaysidir ahmoq shuni oladi, ichiga sovgʻa solib, kimgadir beradi ham🤦‍♂

@birgap

Izohlarni oʻqib bildimki, kinoyani tushunmabsizlar-a?

@birgap

Ilmiy maqola va esse tanlovi bugun yakunlanadi

Avval xabar berganimizdek, YUNESKO ishlari bo‘yicha O‘zbekiston Respublikasi Milliy komissiyasi tashabbusi asosida O‘zbekiston Respublikasi Madaniy meros agentligi va hamkor tashkilotlar tomonidan “Madaniy merosni saqlash: huquqiy va iqtisodiy yondashuvlar” mavzusidagi eng yaxshi ilmiy maqola hamda “Madaniy merosni saqlash” mavzusidagi eng yaxshi esse tanlovlari e’lon qilingan edi. Mazkur tanlovda mutaxassislar uchun ilmiy maqola yo‘nalishi, talabalar uchun esa esse yo‘nalishi belgilangan.

Madaniy meros agentligi tanlovda ishtirok etmoqchi bo‘lgan barcha mutaxassislar va yoshlarni ijodiy ishlarini qabul qilishning yakuniy muddati joriy yilning 10-dekabr soat 24:00 gacha ekanligini eslatadi. Tanlov bugun yakunlanishi bois, ishtirokchilarning o‘z ishlarini belgilangan muddatdan kechiktirmasdan taqdim etishlari so‘raladi.

Bugun xoʻjakoʻrsin soʻziga monand yangi soʻz oʻylab topdim – xalqkoʻrsin.

Juda koʻp xalqkoʻrsinga qilinadigan ishlar bor ekan, oʻylab qarasam.

@birgap

Reja boʻyicha yanvarda tayyor boʻlishi kerak.

Pedagogikaga oid kitoblarni oʻqib chiqishga hojat qoldirmaydigan manba tayyorlashga kirishganman.

@birgap

Maktabda oʻquvchilarimiz tadqiqot boshlashibdi. Mavzusi juda qiziq – havo sifatining oʻquvchilarga taʼsirini oʻrganish.

Iltimos, oʻquvchilaringizga yuborib, shu tadqiqot yanada sifatli chiqishiga koʻmaklashib yuboring.

Soʻrovnomaga oʻtish havolasi:

https://docs.google.com/forms/d/e/1FAIpQLSeIx7PBzrUh-a_tWluuibcJra1y2YuAufs5MjNkiMTbCa_saQ/viewform?usp=header

@birgap

"Google"ning Gemini 3 Pro sunʼiy idroki oʻzbek tilini juda yaxshi oʻrganib olibdi. Sunʼiy idroklarning oʻzbekchani yaxshi gapirayotgani odamni quvontiradi. Oʻqituvchi sifatida ishim yana koʻpayyapti, endi oʻquvchilar yozib kelgan matnlar sunʼiy idrokdan koʻchirilmaganini sezish borgan sari qiyinlashmoqda. Nima ham deymiz, chidaymiz va oʻrganamiz.

@birgap

Yozayotganim "Pedagogik mahorat+" qoʻllanmasidan bir parcha.

@birgap

#banan #OITS #feyk #qon

"OITS odamning qoni shprits bilan yuborilgan bananlar tarqalmoqda"

Barchasi haqida ushbu videoda aytib o‘tdim. Ehtiyot bo‘lamiz, feyk xabar.

@hujayrauz

5-sinf ona tili fanidan o’qituvchi uchun metodik yordam

“So’zlar tilsimi” bobi 6-12-darslar uchun mo’ljallangan.

Manba

@birgap

Ona tili darslarida oʻqituvchi kitobidan foydalanish holatini aniqlash yuzasidan soʻrovnoma oʻtkazilayotgan ekan. Kirib toʻldirib qoʻysangiz.

https://forms.gle/sh1R3gSHECV7BQS59

@birgap

Odamlar hayotimni oʻzgartirgan kitob deb 2-3 kitobning roʻyxatini berishadi-yu... Oʻsha roʻyxatlardan doim "Alifbe"ni qidiraman. Tan olaylik, axir hammamizning hayotimizni shu kitob oʻzgartirgan-ku.

@birgap

Qaysi taʼlim vaziri islohotchiroq edi degan soʻrovnoma ostida qoldirilgan izoh.

Toʻgʻri-da, oʻqituvchi dars oʻtishdan boshqa hamma ish qilardi, maza edi.

2004-yilda chiqqan kitob bilan 2014-yilda chiqqanining zarracha farqi boʻlmasdi. Yangilik degan soʻz lugʻatlarda yoʻq edi. Rohat edi, hech narsa oʻrganishga, oʻz ustingda ishlashga majbur boʻlmasding.

@birgap

Ozroq kitoblashaylikchi📚

O‘zbek adabiyotining aybi boshqa tillarga tarjima qilinmaganida deb o‘ylayman. Adabiyotimizda shunday yaxshi asarlar borki, nomi chiqqan ba’zi jahon adabiyoti namunalaridan ancha yaxshiroq.

Masalan, Salingerning 1 million nusxada chop etilgan, 65 million tirajda sotilgan, ko‘plab tillarga tarjima qilingan va 2005-yilda ingliz tilida o‘sha vaqtgacha yozilgan eng yaxshi asarlar 100 ligidan o‘rin olgan "Javdorzordagi xaloskor" kitobining 70% ini o‘qidim, tugata olmadim. Chunki juda zerikib ketdim va kitobni maqtalganchalik zo‘r asar deb ayta olmayman.

Ammo yozda Erkin Azamning "Shovqin", Luqmon Bo‘rixonning "Jaziramadagi odamlar", Shukur Xolmirzayevning “Bulut to‘sgan oy” asarlarini o‘qigan edim. Javdarzordagi xaloskordan farqli o‘laroq ular qandaydir juda silliq o‘qildi, o‘qiyotganda to‘xtatib turish, boshqa narsaga chalg‘ish qiyin bo‘ldi. Uchala asarni tugatganimdan keyin ham ularning ta’siridan chiqib ketolmadim. Tili, uslubi xuddi shunday yana boshqa asarlarni o‘qigim kelaverdi.

🧩Masalan, Erkin Azamning "Shovqin" asarida mustaqillik arafasidagi o‘zbek kinematografiyasi va kinoga daxldor odamlar misolida o‘zligi, qadriyatlarini yo‘qotgan, tashqi dunyo shovqinida ichki ovozini unutib qo‘ygan insonlar taqdiri qalamga olingan. Asar voqealari juda qiziq, Erkin Azamning yozish uslubi esa o‘zga bir dunyo, o‘qib maza qilasiz.

🧩"Jaziramadagi odamlar"da esa inson tabiati zamon va makon kabi beqaror ekanligi, uni o‘zgartirish, uni jilovlashga urinish hech kimni baxtli qilmasligi, fojialarga sabab bo‘lishini isbotlashga urinadi. Bir guruh tog‘liklar farovon hayot ilinjida cho‘lni o‘zlashtirish, u yerni gullatish uchun ko‘chib ketishadi, cho‘lda posyolka tashkil qilishadi. Biroq ular qancha harakat qilishmasin, cho‘l cho‘lligini qiladi. Barobarida katta shahardan cho‘ldagi kichik posyolkaga kelin bo‘lib tushgan, eri armiyaga ketib halok bo‘lgan yosh kelin Lolaxondan hamma narsadan kechib, o‘lgan erining xotirasi bilan yashayotgan sadoqatli beva, ayol-qizlarga namuna yasamoqchi bo‘lishadi. Lekin Lolaxon qahramon bo‘lishni emas, ehtiyojlari bor, sevishni, sevilishni xohlaydigan oddiy inson bo‘lishni tanlaydi - o‘lik erga xiyonat qiladi.
Asar ancha katta, muallif erinmasdan har bir qahramonning fe’l-atvorini qiziqarli usulda yaratishga, bunda har bir voqeaga batafsil to‘xtalishga harakat qilgan. Buni uddalagan ham. Hech zerikmasdan o‘qiysiz.

🧩Bulut to‘sgan oy esa o‘z nomi bilan aytganda kibr, shubha soyasida qolgan sevgi, yoki qiyinchiliklar tufayli o‘ziga munosib hayotni topa olmayotgan ayol haqida. Chiroyli bir muhabbatning jamiyat normalari, asar qahramonlari Gulsara va Tavakkalning murakkab xarakteri tufayli halok bo‘lganini ko‘ramiz.

Bu asarlarning mutolaada audio versiyasi ham bor. Har bir qahramon alohida dublyaj ustasi tomonidan jonlantirilgan, juda jonli, qiziqarli chiqqan.

Baʼzan pitirchilash va tipirchilashning nima farqi borligi haqida oʻylayveraman.

@birgap

#shunchaki

YALDO kechasi-bugun eng uzun tun

🔹️Yaldo kechasi yoki Chilla kechasi Eronning eng qadimiy bayramlaridan biridir. Yaldo so‘zi suryoniy tilida tug‘ilish ma’nosidagi so‘zdan olingan.

🔹️Ushbu so‘zning nomi Yaldo kechasi va qishning birinchi kunida quyosh chiqqandan keyin kechaning davomiyligi asta-sekin qisqarganligi va kunlarning davomiyligi uzoqroq bo‘lganligi bilan bog‘liq bo‘lib, ma’lum ma’noda yer qayta tiklanadi.

🔹️Bu kechaning Chilla kechasi deb atalishiga sabab, qishning birinchi qirq kuni «Buyuk Chilla» va undan keyingi yigirma kuni «Kichik Chilla» deb nomlanadi.

🔹️Mutaxassislarning fikriga ko‘ra, Yaldo kechasi deb nomlanuvchi narsa miloddan avvalgi 500-yil va uning Doro I davrida qadimgi forslarning rasmiy taqvimiga kiritilgan sanasi bilan bog‘liq.

🔹️Yaldo kechasi ko‘plab tarixiy kitoblarda ham tilga olingan. Buyuk olim va taqvimshunos bobomiz Abu Rayhon Beruniy Yaldo kechasini Milodi Akbar deb eslagan va uni quyoshning tug‘ilishi deb nomlagan

Do'stlaringizga ham ulashing:

@toponomik

Kanal izohlari guruhida turli gʻalati odamlar paydo boʻlib qolavergani uchun guruhni yopiq holatga oʻtkazdim. Endi izoh yozish uchun mana bu havola orqali oʻtib guruhga aʼzo boʻlishingiz kerak:

https://t.me/+OqHqsY_POQtkY2Iy

@birgap

Milliy sertifikat imtihonlarida essening borligini qoʻllab-quvvatlayman. Juda yaxshi tashabbus.

Eshitishimcha, endi husnixat uchun ham ball berilar ekan. Husnixat uchun 50 ballning 2 balli ajratilar ekan. Bu juda kam tuyulishi mumkin. Ammo baribir 2 ball ham ball.

Menda ayrim savollar tugʻila boshladi:

1. Esse husnixat talabida yozilgan boʻlsa, 2 ball. Xoʻsh, husnixat talablari degani nima? Qanday yozuv husnixat-u, qanday yozuv bunday emas? Masalan, boshlangʻich sinf pedagogikasiga oid kitoblarda husnixat talablaridan biri harflarning 45 daraja qiyalikda yozilishi edi.

2. Agar 1-2 tuzatishlar boʻlsa, 1,5 ball berilar ekan. 1-2 tuzatish degani nima? Shunda odam oʻz xatosini toʻgʻrilagani uchun ball yoʻqotyaptimi?

3. Nega oʻzi abituriyentlarning chiroyli yoki xunukroq yozishi ularni qabul qilayotgan universitetlar uchun qiziq boʻlishi kerak?

Agar esselar xunuklashib, ularni tushunish qiyin boʻlayotgan boʻlsa, husnixat boʻyicha talab kiritishdan koʻra, esseni kompyuterda yozishni tashkil etish toʻgʻriroq va zamonga mosroq emasmi?

@birgap

Bu borada aytarlarim bisyor. Keyinroq yozaman.

Hozircha maqolani oʻqib turing.

@birgap

Tuzatish

Bu olimpiada uchun ekan. Milliy sertifikat emas ekan.

Lekin Milliy sertifikatda esseni kompyuterda yozishga oʻtaverish kerak.

@birgap