Toʻgʻri aytibdi shu Isʼhoqjon Azim.

Shu joyida bir gʻalatilik esga keldi. Shu Ayzek Azimovning ismi Isaac Asimov. Gʻalatilik shundaki, biz Isaak Nyutonni Isak Nyuton deymiz, ammo Isaak Asimovni Ayzek Azimov deymiz.

Birini ruslar orqali olganmiz, desak, ikkalasini ham ruslar orqali olganmiz, menimcha.

@birgap

"Otamdan qolgan dalalar" filmini koʻryapman. Topinglar-chi, nima asabimni buzyapti.

Buzganda ham juda qattiq buzyapti.

@birgap

Eng koʻp buzadigani rus tilidagi suhbatlar, gaplarning umuman tarjima qilinmagani. Ushbu holat film ijodkorlarida oʻzbeklar ham bu gaplarni tushunadi / tushunishga majbur degan qarash borligini anglatadi. Men uchun fojia shu.

@birgap

Oʻqish savodxonligi testlarimizning navbatdagisi ham sotuvga chiqdi.

Demak bizda 3 ta matn bor:

1. Yemagimiz xavfsizmi? (ilmiy-ommabop)

2. Hayvonlar ongiga sayot (ilmiy-ommabop)

3. Soʻnggi saboq (badiiy)

Tariflarimiz quyidagicha:
4 000 – 1 ta matn + test
6 000 – 1 ta matn + test + kalit
11 000 – 1 ta matn + test + kalit + tahlil
155 000 – 20 ta matn + test + kalit + tahlil uchun obuna

Testlarni sotib olish uchun: @shtmenejer ga yozishingiz mumkin. Bu bot emas, odam javob beradi.

Qiltanoq – baliq suyagi

Qiltiriq – 1) ozgʻin; 2) baliq suyagi

Qiltomoq – kasallik turi (qiziloʻngach torayib, ovqat oʻtmay qoladi)

@birgap

“Yil oʻqituvchisi” tanlovining 1-bosqichi natijalari  pedagog.uzedu.uz platformasidagi shaxsiy kabinetlarga yuborilibdi.

Natijalar bilan Pedagog platformasida "Murojaatlarim" boʻlimidagi "Yil oʻqituvchisi natijasi" qismi orqali tanishish mumkin.

Tanlovning ikkinchi bosqichida nomzodlarning oʻz fanidan dars oʻtish mahorati mazkur bosqich baholash mezonlari asosida hakamlar hayʼati hamda taʼlim tashkilotlarida faoliyat yuritayotgan pedagoglar tomonidan baholanadi. Bunda:
sinov darslari oʻtkaziladigan maktablar roʻyxati Vazirlik tomonidan tasdiqlanadi;
hakamlar hayʼati tomonidan nomzod dars beradigan fan boʻyicha qurʼa tashlash yoʻli bilan tanlab olingan sinfda tasodifiy mavzu (taqvim-mavzu rejaga muvofiq) tanlab olinib, ikkinchi bosqichga oʻtgan oʻqituvchi tomonidan dars mashgʻuloti oʻtiladi hamda 60 ballik tizimda baholanadi;

taʼlim tashkilotlarida faoliyat yuritayotgan nomzodlar tomonidan maxsus platformaga joylashtirilgan darsning videoyozuvlari 40 ballik tizimda baholanadi.

Ikkinchi bosqich yakunidan har bir tuman (shahar)dan eng yuqori ball toʻplagan 2 nafardan nomzod tanlovning uchinchi bosqichiga oʻtkaziladi.

Tanlovning uchinchi bosqichida nomzodning maʼnaviy-maʼrifiy faoliyati samaradorligi hamda kitobxonligi baholash mezonlari asosida taqdimot orqali 100 ballik tizimda baholanadi.

Bunda nomzodlarning ushbu bosqichda olgan ballari, avvalgi bosqichlarda olgan ballariga qoʻshiladi hamda tuman miqyosida eng yuqori ball toʻplagan nomzod gʻolib deb topiladi.

@domlajon
t.me/domlajon

Bugun Alisher Navoiy nomidagi Toshkent davlat oʻzbek tili va adabiyoti universiteti Oʻzbek tili va adabiyoti yoʻnalishini 2-kurs magstrantlarining yakuniy imtihonlarida qatnashdim.

Lingvodidaktika asoslari fanidan boʻlgan yakuniyda talabalar xorij davlatlari ona tili darsliklarini tahlil qilishlari kerak ekan.

Juda koʻp davlatlarning darsliklarini koʻrdim. Xulosam shuki, bizning yangi darsliklarimiz ham dizayn, ham mazmun, ham metodika borasida bemalol istalgan davlat ona tili darsliklari bilan bellasha olar ekan.

@birgap

Metodik yordamlar masalasida:

Men materiallarni darslik mualliflaridan olib uzatayotgan edim. Hozir ular bunday fayllarni ishlab chiqishmayotgan ekan.

Mualliflar bilan gaplashdim, tez orada birgalikda shu ishni tiklaymiz.

Ijtimoiy tarmoqlar platformasi asosan tezkor emotsiyalar ustiga qurilgan.
"Moskvani bosib olaylik" kabi gaplar insonning birlamchi his-tuyg'ularini (gʻazab, vatanparvarlik, hayrat) qoʻzgʻatadi. Bunga munosabat bildirish uchun 1 soniya va 0 intellektual energiya kifoya.

Kitob haqida oʻylash, uni tahlil qilish va fikr bildirish uchun inson diqqatini jamlashi, miyasini ishlatishi kerak. Ijtimoiy tarmoq foydalanuvchisi esa koʻpincha dam olish uchun kiradi. Muallif ikki xil energiya talab qiladigan narsani bir taroziga qoʻymoqda.

Postda "Men sizlarga yaxshi narsa beryapman, sizlar esa buni tushunmayapsizlar" degan yashirin ohang bor. Bu menimcha, manmanlik sifatida qabul qilinadi. Odamlarni past sanaydiganlardan odamlar ham uzoqlasha boradi.

Bu turdagi postlar koʻpincha aybdorlik hissini uygʻotish orqali eʼtibor qozonishga urinishdir.

"Mana, kitobimga qiziqmayapsizlar, demak sizlarga maʼnaviyat kerak emas" qabilidagi gaplar oʻquvchini kitobga yaqinlashtirmaydi, aksincha, unda qarshilik uygʻotadi.

Muallifning oʻzining shaxsiy umidlarini oʻquvchilarning majburiyatiga aylantirib qoʻyyapti va xato qilyapti. Chinakam intellektual mahsulot hech qachon shov-shuvli post bilan bir xil darajada ommalashmaydi va buni toʻgʻri qabul qilish kerak.

@birgap

Yaxshi boʻlyapti deb umid qilgandik. Afsus, har doimgidek chiqib qolibdi.

@birgap

Yana oʻqituvchilar ishlatilyapti ekan-da. Hamma narsaga biz oʻqituvchilar balogardon. Bola yaxshi oʻqimasa ham biz aybdor, bola betarbiya boʻlsa ham biz aybdor, bola birovni ursa ham, oʻldirsa ham biz aybdor. Saylovda ishlaydigan ham biz, mana bunaqa roʻyxatbozliklarda ham biz. Yana gap eshitishimiz ortiqcha.

Aholini roʻyxatga olish uchun mablagʻ ajratilgan, marhamat oʻqituvchini ishlatsangiz, haqini ham toʻlab qoʻying.

Oʻqituvchi = tekin ishchi falsafasidan voz keching.

@birgap

Hozir sotuvda mavjud matnlar:

1. Yemagimiz xavfsizmi? (ilmiy-ommabop)
2. Hayvonlar ongiga sayohat (ilmiy-ommabop)
3. Soʻnggi saboq (badiiy matn)
4. Toʻgʻri gap yaxshi ekan (badiiy matn)
5. Issiqlik almashinuvi (ilmiy)

Sotib olish uchun @shtmenejer akkauntiga murojaat qiling, toʻlovni amalga oshiring va testni oling.

@birgap

Obuna tarifimiz haqida yozgandim. Unda 20 ta matnli testni (haftasiga ikkitadan) tahlili bilan birga olishingiz mumkin. Narxi 155 000 soʻm. 20 ta matnni donalab sotib olgandan koʻra foydali.

Endi shu tarifni sotib olganlarga qoʻshimcha qulaylik joriy qilyapman. Obuna tarifi uchun ochilgan yopiq kanalda oʻqish savodxonligiga oid koʻnikmalarning taʼrifi, ularga oid testlarni qanday yechish haqida maʼlumotlar ulashib boraman.

Masalan, bugun matndagi eksplitsit maʼlumotni tushunish koʻnikmasi haqida yozdim.

Kanalga qoʻshilishni istasangiz @shtmenejer ga murojaat qiling.

@birgap

#book
#kitob

"Talaba"ni tugatganim haqidagi postni ko‘rgan bir tanishim o‘ta motivatsion asar emasmikan, ishqilib deb so‘rab qoldi. Aslida kitobning nomidan o‘zim ham biror muvaffaqiyatga erishib qo‘ygan odamning mehnatkashligini maqtab o‘zingni aybdor, ishyoqmas-dangasa his qildiradigan asarlardan biri bo‘lsa kerak deb o‘ylagandim. Biroq o‘qishni boshlagach xato o‘ylaganimni tushundim.

Tara Vestover maktab ta’limini ko‘rmagan, mormonlar jamiyati vakili bo‘lishiga qaramay universitet talabasi bo‘ladi, magistraturani Kembridjda o‘qiydi va doktorlik dissertatsiyasini yoqlaydi. Ma’lumot o‘rnida mormonlar zamonaviy jamiyatlar qulab, oxirzamon kelishiga, Isoning qaytishiga ishonadigan va bunga pul, qurol-yarog‘ va oziq-ovqat g‘amlab tayyorlanadigan, zamonaviy dunyo qulayliklarini rad etadigan, maktab ta’limi va tibbiyotdan foydalanmaydigan kishilardir.

Kitob nomini va Taraning muvaffaqiyati haqidagi bu qisqa ma’lumotni eshitgan har bir kishi asarni qahramonning qanday qilib shunday konservativ jamiyatdan chiqib ketolgani, qanday qiyinchiliklarni ko‘rib o‘qigani, ilm yo‘lida nimalar qilgani haqida deb o‘ylashi tabiiy. Lekin uni o‘qiganingiz sari aslida bu narsalar haqida emasligiga guvoh bo‘lasiz.

Voqealarni bayon qilar ekan, Tara hatto bakalavrda o‘qib yurgan kezlarida ham otasining qarashlarini eng to‘g‘ri yo‘l deb hisoblagani, zamonaviy dunyoqarash bilan yashaydigan dugonalarini shaytonning vakillari deb hisoblaganini yozadi. Asarda u qancha ko‘p dars qilgani, qanday qiyinchiliklarga duch kelganiga deyarli to‘xtalmaydi. U asosan o‘zi va ota-onasi, akasi Shon va opasi Odri o‘rtasidagi munosabatlar, akasi tomonidan unga yetkazilgan jismoniy va ruhiy jarohatlar, ota-onasining unga ishonmasligi, va ishonchsizlik ortidan qanday qilib shaxsiyati ikkiga ajralgani haqida yozadi.

G‘ishtin devorli Kembrijning talabasi bo‘lgan bu qiz doimo o‘zini zamonaviy dunyoga munosib emasdek his qiladi, ichidagi bir qiz haliyam konservativ, xunuk va didsiz mormon qizi bo‘lib qolaveradi, qaror qabul qilishga kelganda doim shu ikki shaxsiyat orasida kurash ketadi. U oilasini birlashtirishga, ota-onasining ishonchini qozonishga, akasini to‘g‘ri yo‘lga solishga ko‘p harakat qiladi. harakati besamar ketgan paytlarda esa o‘zi yashayotgan yangi dunyoning vakili bo‘lishga, oilasining ta’siridan chiqib ketishga urinadi va alaloqibat u buni uddalaydi. Tara doktorlik dissertatsiyasini qila olgani uchun "talaba" emasdi, o‘z o‘tmishidan qochib qutula olgani, o‘sha ikki shaxsiyatdan birini yenga olgani uchun ham "talaba" edi.

Muallif asarni shunday yakunlaydi: "Siz bu o‘zgarishni istagancha atashingiz mumkin. Transformatsiya, Metamorfoza, Soxtalik, Xiyonat. men esa buni ta’lim deb atayman."

©️ Maftuna Aliyeva