Shu kunlarda yana bir juda gʻalati gap aylanib yuribdi. Nima emish, "Boychechak" qoʻshigʻi jadidlarga, xususan, Choʻlponga atab yozilgan emish.

Boychechakni tutdilar
Tut yogʻochga osdilar
Qilich bilan chopdilar
Baxmal bilan yopdilar

Ayni mana shu toʻrtlik va Choʻlponni otishga oʻq qolmasdan uni bolta bilan chopib oʻldirishgani haqidagi gap birlashib "Boychechak" qoʻshigʻi aslida Choʻlpon haqida degan gap urchidi.

Keling, miyani biroz sovitib, faktlarga tayanib oʻylab koʻramiz.

Choʻplon rostdan ham bolta bilan chopib tashlanganmi?

Jadidlarning otuv hukmi bajarilayotgan vaqtda NKVDchilarda oʻq tugab qoladi, Choʻlpon esa hali tirik. Uni bolta bilan chopib oʻldirishadi. Umuman olganda, bu gap qiziq, hissiyotlarimizni oʻynatadi. Ammo Choʻlponning boltalangani haqida biror aniq fakt yoʻq. Adabiyotshunos Naim Karimovning aytishicha, Choʻlpon otuvga olib ketilayotganda men ustozlarim otilishini koʻrishni istamayman, meni birinchi boʻlib oʻdiringlar deb "janjal" koʻtargan. Keyin uni askarlar ura boshlagan. Qoʻllarida teshami, boltami boʻlgan.

Eʼtibor bering, chopib tashlash haqida gap yoʻq. Choʻlponni oʻsha yerda urib oʻldirishgani ham fakt emas. Tasavvur qiling, oʻsha paytdagi eng yirik oʻlim mashinasida oʻq tugab qolishi aqlga sigʻadigan ishmi? Biror hujjat bormi Choʻlponning boltalangani haqida? Choʻlpon haqida eng koʻp maʼlumot biladigan Naim Karimov fakt yoʻq deb turibdi-ku. Boltalanganiga ishonmayman deb turibdi-ku.

"Boychechak" qoʻshigʻi Choʻlpon haqidami?

Kechirasizlar, shu maʼlumotni tarqatgan odam yo matematikani bilmaydi, yo Choʻlponni tanimaydi. Axir bu qoʻshiq Choʻlpondan kamida 300 yil katta (agar 1000 boʻlmasa) boʻlsa kerak. Dono xalqimiz 300 yildan keyin tugʻiladigan odam haqida qoʻshiq yozmagandir. Mana shu argumentning oʻziyoq bu gaplarning haqiqatga zid ekanini isbotlashga yetarli.

"Boychechak" qoʻshigʻi nima haqida?

Bu qoʻshiqning mazmuni haqida ikki xil qarash bor. Biri, qoʻshiqni bahor elchisiga bagʻishlab kuylangan mavsum qoʻshigʻi ekaniga ishora qiladi, ikkinchisi, boychechak oʻgʻil bola farzandning beshikka belanishi jarayoni haqidagi qoʻshiq ekanini taʼkidlaydi.

Shaxsan menga bu qoʻshiq avval oʻgʻil bolaning beshikka belanishi haqida boʻlgan, keyinchalik odamlar bu mazmunni unuta borgan va bahor elchisi haqidagi qoʻshiqqa aylanganday tuyuladi.

Qani, siz ikkinchi qarash boʻyicha qoʻshiqni tahlil qilib koʻring-chi?

Agar siz ham bu qoʻshiq Choʻlpon haqida deydiganlardan boʻlsangiz, oʻz fikringizni himoya qilishingiz mumkin. Maydon beraman.

@birgap

Oʻquvchini sinfdan sinfga qoldirish tartibi qanday?

Nimalar qilish kerak? Batafsil ma’lumot bera oladiganlar bormi?

@birgap

O‘qituvchilarga chegirma bermaslik to'g'risida qaror loyihasi e’lon qilinibdi

Ha, to‘g‘ri o‘qidingiz — chegirma bermaslik to'g'risida qaror loyihasi! O‘qituvchilarga yiliga bir marta samolyot va poyezd chiptalari narxiga chegirma berish bo‘yicha e’lon qilingan hujjat loyihasini o‘qib, “undan ko‘ra, shu chegirmani umuman bermay qo‘ya qolishmabdi-da?”, degan xayol o‘tdi.

Chegirma ham juda katta — 15 foiz. Bu chegirmani olish uchun esa o‘qituvchi ishlayotgan maktab TOP-100 talikka kirgan bo‘lishi kerak. Qiziq tomoni, maktablar reytingi ham 2023-yildan buyon yuritilmaydi. Xullas, o‘qituvchi TOP-100 talikka kirgan maktabda ishlashini isbotlash uchun bir qancha xat-hujjatlarni rasmiylashtirishi kerak bo‘ladi.

Bundan tashqari, bu chegirmalar tezyurar (qimmatroq) poyezd chiptalari uchun amal qilmas ekan. Ya’ni chegirma faqat ekonom klass hamda platskart yoki kupe vagonlari uchun amal qiladi.

P.S: Xalqtaliminfo.uz'da buni yangilik sifatida yozgani biroz uyaldim, ochig'i.

@u_pulatoff

Rosa mashhur boʻlgan voqeaning boshlanishi.

Oʻqituvchi bolani urgani uchun jazolanishi, oʻquvchi mana bu qilmishlari uchun jazolanishi shart. Faqatgina oʻqituvchi jazo olsa adolatimiz ishlamayotgan boʻladi.

P.s. videodagi yozuvlar meniki emas.

@birgap

Oʻquvchiga 2 qoʻysangiz yoki unga umuman baho qoʻyishdan bosh tortsangiz nimalar boʻladi?

@birgap

Agar oʻquvchi dars oʻtishga xalaqit beraversa, ichki ishlar nozirini chaqirish sizga foyda beradimi?

Oʻzi bu vaziyatda nimalar qila olasiz, amaliy?

@birgap

Mansur Siddiq ustoz bilan birgalikda boshlagan loyihamiz Sandiq: attestatsiya darslari boshlanishiga bir kun qoldi.

Rasmda birinchi hafta dars jadvali aks etgan.

1-iyundagi darsni hamma uchun ochiq tarzda tashkillaylikmi?

Kurs haqida ma’lumot olish uchun @shtmenejer ga yozing.

Aytganday, ertaga chegirmaning oxirgi kuni.

@birgap

“Bolaga hatto ota-onaning kuchi yetmayapti” — maktablardagi intizom haqida suhbat

O‘quv yili yakunida Toshkentdagi maktablardan birida intizomsiz o‘quvchini kaltaklagan o‘qituvchiga jinoiy ish ochildi, lekin yakunda u aybsiz deb topildi. Tarmoqlarda kimdir o‘qituvchini qoraladi, kimdir esa o‘quvchi va uning ota-onasini.

Kun.uz shu maktab direktori va jamoatchilik faollari ishtirokida bu kabi holatlarga olib kelayotgan sabablarni muhokama qildi.

Ekspertlar fikricha:

- o‘qituvchining qo‘lida birorta richag yo‘q;
- ko‘p bolalarga ota-onaning ham so‘zi o‘tmayapti;
- ajrimlar ko‘p, ayrim sinflarda hatto har ikkita o‘quvchidan birining ota-onasi ajrashib ketgani vaziyatni murakkablashtiradi.

📹 TO'LIQ VIDEONI TOMOSHA QILING

Sandiq: attestatsiya jamoasidan yana bir bepul dars!

Mavzu: Xalq ogʻzaki ijodi: janrlar

Maʼruzachilar: Mansur Siddiq, Shokir Tursun

Boshqalarga ham yuborish yodingizdan chiqmasin.

P.S. dars zoom va youtube platformalarida tashkillanishi rejalashtirilgan.

👉 Kanalga ulanish

Sezgan boʻlsangiz, 11-sinflarning davlat imtihoni (ona tili va adabiyot fanidan) jarayonlarida ham mana shu xatoni aynan takrorlashdi. Oʻz ustilarida ishlamayotganliklaridan darak bu.

Eng qizigʻi, men Kaltaminor haqidagi matnni oʻqimasdan yechdim va ikkalasini ham toʻgʻri topdim.

@birgap

Davlat imtihoni, 11-sinf, ona tili va adabiyot, 8-variant, 9-savol.

Koʻrib turibsizki, savolda takroriy fikr soʻralyapti. Keyingi postni oʻqisangiz, yoqa ushlaysiz.

@birgap

Axir bu takroriy fikr emas, soʻzma-soʻz takrorlangan jumla-ku.

Agar koʻr boʻlmasang 10 ball beramiz deganimi bu?

Bunchalik emas-da endi!

Shuni oʻqish savodxonligini aniqlaydigan/tekshiradigan test deb tuzishgan, ekspertizadan oʻtkazishgan va taqrizlar olishganmi shunda?

Hammasi qoʻshtirnoq ichida boʻlganmi deyman.

@birgap

Aytgandek, buning nimasi qoʻllash, bilish ham emas-ku bu!

@birgap