Şokir Tursun qaraşlari
5.47K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
Qiziq bir holat bor. Oliy taʼlim vazirligi universitetlar yotoqxonalarini taʼmirlash, ularni qurish uchun pul ajratadimi? Agar ajratmasa nega yotoqxonalar ustidan qaror chiqaradi? Ularni istaganda ochib, istaganda yopadi?

Koʻplab universitetlarda yotoqxonalar 5-6-yanvardan ochilishi eʼlon qilingan.

Tasavvur qiling, talaba Xorazmda turadi, uning kelishi uchun poyezd har kuni yurmasligi mumkin, bundan tashqari yoʻl ham uzoq. Tabiiyki, u 3-4-kuni Toshkentga qaytishni istaydi. Lekin YOTOQXONA YOPIQ.

Meni qiynayotgan eng katta savol, oʻsha talabalar yotoqxonaga pul toʻlayotganda 10 oyga toʻlaydi. Puli toʻlandimi demak u istagan kuni qaytib kelib yashashi mumkin. Hozirgi qishki taʼtil ham 10 oyning ichiga kiradi-ku.

Yoki talabalarni indamay yotoqxonaga kiriting, yoki taʼtil vaqtida yashatmagan kunlaringiz uchun pul olmang, olganingizni qaytaring.

Insoniylik va adolatni unutmang!

Kanalga ulanish: @birgap
Biznikilar misol qilishga juda ustada:

Tinchlik haqida gap ketsa Suriya, Iroq, Afgʻoniston misol qilinadi;

Infilyatsiya haqida gap ketsa Venesuella misol qilinadi;

Taʼlim haqida gap ketsa Afrika misol qilinadi.

Misol qilishda ham adolatsizmiz. Oʻzimizga mosini topib misol qilamiz. Tinchlik haqida gap ketganda nega reytingi eng yuqori davlatlarga solishtirmaymiz? Taʼlim haqida gap ketsa nega Finlyandiya yoki Germaniyadan misol olmaymiz?

Ha yana bir ogʻriqli misol, jarimalar narxi va ularning turi boʻyicha Yevropani misol qilamiz, lekin oylik va ijtimoiy himoya haqida gap ketsa Yevropa esimizdan chiqib u chiriyotgan gʻarbga aylanadi.

Maʼnaviyatizmning, mutelik orqali singgan fikrlashning achchiq asorati bu.

Mayli shunday misollarni keltiravering, siz keltirgan misollarni eshitgan yosh avlod "Oʻoʻoʻ Oʻzbekistonimiz zoʻr, rivojlangan, reytingi yuqori" - deb yuraveradi. Hech narsa qilmaydi, hech narsa oʻylab topmaydi.

Sizlar yoshlar ongini shunaqa misollar bilan toʻldirishda davom etar ekansiz, xalqimiz turmush tarzi ham mana shunday davom etaveradi.

Kanalga ulanish: @birgap
Saylov kompaniyalari, debatlar sabab yuzingizga ozgina kulgu yugurtirgan boʻlsak, xursandmiz, maqsadimizga erishdik.

Hurmat bilan deputatlar!

Kanalga ulanish: @birgap
Esingizda boʻlsa bu yildan kutayotgan oʻzgarishlarim haqida bildirgilar qilaman degandim. Mana birinchisi:

menimcha bu yil hukumat darajasida yakka alifbo, yagona yozuv tizimiga oʻtamiz.

Bu gapni qayerdan olding demang, yaqinda hukumatda ishlovchilarga lotin grafikasi va imlosini oʻrgatish kurslari ish boshlaydi. Davlat oʻzi moliyashtirmoqchi. Shundan xulosa qildim.

Menimcha buning vaqti allaqochon kelgan edi.

Kutayotgan ikkinchi oʻzgarishim:

Nodavlat notijorat tashkiloti koʻrinishida qandaydir partiyaga oʻxshash bir narsaning tashkil etilishi. Muxolifat sifatida, albatta.

Uchinchisi:

OAVlarning tili yanada burro boʻlishi va qoʻrqmay Prezidentni ham tanqid qila oladigan jurnalist yoki blogerning paydo boʻlishi.

Bularning hammasi taxminlarim. Lekin bugungi real vaziyat shularni taqazo etadi.

Yuqoridagilarning barchasi ijtimoiy oʻzgarishlar edi. Demak hali davomi bor...

Kanalga ulanish: @birgap
Namunaviy.pptx
174.3 KB
ESLATMA!

Alisher Navoiy nomidagi Toshkent davlat oʻzbek tili va adabiyoti universiteti tomonidan tashkil etilgan STARTAP GʻOYALAR TANLOVI uchun hujjatlarni qabul qilish 10-yanvar kuni yakunlanadi.

Hujjatlarni universitetning Ilmiy innovatsion ishlanmalarni tijoratlashtirish bo‘limiga topshiring (1-bino 424 xona).
Batafsil ma'lumot uchun: +99897 740 34 96 // +99891 136 42 59.

Kanalga ulanish: @birgap
Hozirgina Ukraina Prezidentining bayram tabrigini koʻrib qoldim. Umuman siyosiy gaplardan, termin-u musaffo osmonlardan holi tabrik. Ukrainaning hamma shaharlaridan ham vakillar ishtirok etgan. Zelenskiy ukrainlarni birlashishga, bir-birini sevishga chaqirgan. Shu tabrikdan misollar keltiraman:

Men kimman? Men hammangiz qatori odamman, ukrainalikman! (Zelenskiy)

Agar koʻchalar yorugʻ, asfaltlangan boʻlsa kimning nomi berilgani unchalik muhim emas (Zelenskiy).

Siyosatdonlarimizdan iltimos, nonimizni yarimta qilmang, kelgusi yilda odamlar sizning emas, bizning ustimizdan kulsin! (Qiziqchilar, masxarabozlar guruhi).

Kanalga ulanish: @birgap
Hilolnashr nashriyoti tomonidan chop etilayotgan Qur'oni karim kitobi 11-yanvar kuni sotuvga chiqishi kutilmoqda. Mamlakatimizdagi Hilolnashr savdo doʻkonlaridan sotib olishingiz mumkin.

Narxi: 35 000 soʻm.

Kanalga ulanish: @birgap
Parlament tasdigʻidan oʻtishi kutilayotgan yangi qarorga koʻra nikoh bekor qilinganda, farzand kim bilan qolishini oʻzi hal etadi. Sudlar ruhiy kasalligi boʻlmagan va ongi shakllangan har qanday bolaning fikrini hurmat qiladi.

Bundan tashqari endi yosh bolalar ham davlat organlariga murojaat qila oladi va toʻliq javob va muzokara talab qila oladi.

Yana bir muhim oʻzgarish shuki, bolaning doimiy yashash manzili qayer boʻlishidan qatʼiy nazar unga ijtimoiy xizmatlar koʻrsatiladi. Yaʼni bolani oʻzining tumani yoki qishlogʻidagi poliklinikaga olib borish shart emas. Ijtimoiy xizmatlar deyilganda shunga oʻxshash narsalar tushuniladi.

Bola huquqlarini yuksaltirish borasida katta qadam boʻlayotgan ekan, parlamentga rahmat.

Kanalga ulanish: @birgap
Ha aytganday, bola haqida gap ketganda aytib qoʻyay:

bolangizga fikrlarni emas fikrlashni oʻrgating;

bolangizga baliq olib bermang unga baliq tutishni oʻrgating;

bolangiz qanday savol bersa ham faqat rost maʼlumotlarni ayting, shunchaki aldab qoʻymang, yotigʻi bilan tushuntiring.

Kanalga ulanish: @birgap
Bugun Bosh vazir o‘rinbosari A. Abduxakimov bilan talabalarga stipendiya tayinlash tartibi bo‘yicha hukumat qarori loyihasini muhokama qildik.

Koʻpchilik talabalarning murojaatlarini inobatga olgan holda men tomonimdan bildirilgan takliflar ham loyihada aks ettirilib, ushbu qaror qabul qilinishi bilan a’lochi, faol, besh bahoga oʻqiyotganlar ilgarigidek yuqori, toʻrtga oʻqiyotganlar esa oʻz nomi bilan toʻrtlik, uch bahoga o‘qiganlar esa uchlik stipendiya olishi kutilmoqda.

Oddiy aytganda har kim oʻz intilishi va izlanishiga qarab stipendiya oladi.

Loyihada yana bir qator yaxshi yangiliklar bor. Yaxshisi tez kunlarda qabul qilingach bilib olamiz.
Nasib boʻlsa hujjat tez kunlarda qabul qilinadi.

Rasul Kusherbayev
Parlament deputati

Kanalga ulanish: @birgap
Qonuniy baho berilganda, agar stipendiya berishning eski tartibiga qaytilsa, OTM 4 va 5 ga yopganlarga oldingi oylar uchun ham pul toʻlab berishi kerak.

3 ga yopganlar esa oʻtgan olti oy uchun OTMdan 120 000 soʻm atrofida qarz boʻladi.

Stipendiyasiz oʻqishga shartnoma tuzganlarning taqdiriga huquqiy baho bera olmadim.

Kanalga ulanish: @birgap
Amerika statistikasining malumotlariga koʻra 1 yillik oliy ta'lim kelajakdagi daromadni 10% oʻstirar ekan. Ya'ni odatda, 4 yil oliy ta'limda oʻqigan odam oʻqimagan odamdan koʻra 40% koʻroq daromad olarkan. Ish topishi oson, topilgan ishda diplomiga qarab ish haqi turlicha.

Bu koʻrsatkich Rossiyada 4%ni tashkil etarkan.

Oʻzbekistonda bunday statistikaning oʻzi yoʻq. Nima deb oʻylaysiz, sizningcha bizda shu foiz qanchani tashkil qiladi?

Kanalga ulanish: @birgap
Bir ichakuzdi hangoma eshitdim.

Aytishlaricha, UzMobile 5G internetni ishga tushirmoqchi ekan.

Kanalga ulanish: @birgap
Yuqoridagi bildirgida UzMobiledan hazil eshitgandik.

Bu yoqda Oliy va oʻrta maxsus taʼlim vazirligi ham shedevr namoyish qilmoqda. Kecha vazirlikning rasmiy kanalida diplomlarga QR-kod joylashtirishga qaror qilingani, "katta loyiha" 4 bosqichda amalga oshirilishini yozishibdi.

Malades, boplabsizlar!

Axir oliy taʼlimda diplomni soxtalikdan saqlashdan boshqa muammo qolmadi.

Ehh, shuncha kattakonlardan birortasi joʻyali taklif bermaydi. Diplomingni qiymati bir ahvol, yana QR-kod deysan-a. Qoʻyinglarey!

PS: qiymat deyilganda diplom olgan odamlarning saviya va raqobatbardoshligi nazarda tutildi.

Kanalga ulanish: @birgap
This media is not supported in your browser
VIEW IN TELEGRAM
Vazir: Stipendiya islohotidan zarar ko‘rgan talabalarga pullar qaytariladi.

Bu qonunchilik jihatidan toʻgʻri qaror boʻladi.

Ya'ni 4-5 bahoga yopgan talabalarga 6 oylik berilmagan summa toʻlanadi.

Kanalga ulanish:@birgap
Vatan qanday himoya qilinadi?

Menimcha, vatanni himoya qilish deganda, chegarada turish, askarlik vazifalarini bajarishni tushinish juda tor. Aslida, vatani rivoji uchun hissa qoʻshayotgan hamma uning himoyachisi hamdir.

Vatanim deb yonib-kuyadigan barchani bugungi bayram bilan qutlayman. Shijoatingizga koʻz tegmasin.

Kanalga ulanish: @birgap
Saylangan yangi deputatlardan ilk siyosiy irodasizlik namoyish etildi.

Kecha viloyatlarga hokimlarni qayta tayinlash "marosimi" boʻlib oʻtdi. Unda amaldagi barcha hokimlar oʻz oʻrnida qoldi. Saylangan deputatlar Prezident kiritgan taqdimnonami bir ovozdan yakdillik bilan qoʻllab-quvvatlashgan.

Fargʻona viloyati hokimi ham oʻz vazifasida qolgan. Birorta mard deputat bunga ovoz bermayman demagan.

Prezident taklif sifatida kiritgan nomzodlarga umuman qarshi chiqmaslikni yuqorida aytganimday SIYOSIY IRODASIZLIK deb baholayman va qoralayman.

Tirik boʻlsak, koʻraveramiz!
Hozirgina internetdan bir narsa topib oldim. Meni juda gʻalati ahvolga soldi shu narsa.

Tatariston tilshunoslari tomonidan Tatar tili milliy korpusi ishlab chiqilgan ekan. Ushbu korpus sayti oʻzbek tilida ham xizmat koʻrsatishi bilan birga, Oʻzbekcha-Qoraqalpoqcha, Oʻzbekcha-Turkcha, Oʻzbekcha-Qirgʻizcha tarmoqdagi tarjimon dasturni ham oʻz ichiga olarkan.

Shularni koʻrib, MEN HAM YURIBMAN-DA, OʻZBEK TILI OBROʻSINI OSHIRAMAN deb oʻylab qoldim. Nega olimlarimiz shunday ishlarni qilmaydi. Tatariston umuman davlat sifatida ham deyarli mavjud emas.

Olimlarimiz qilayotgan ishlar tilimizni eniga oʻstirishdan nariga oʻtmayapti, endi uni boʻyiga ham oʻstirish payti kelgandir.

Nega sen qilmaysan dersiz? Mening oʻzim nima qila olaman. Katta va birlashgan jamoa kerak. Tilshunoslar esa bir-birini rad etish, tushunarsiz bahonalar keltirib alifboni almashtirish bilan ovora. Ba'zi olimlar bor ishlayotgan, ular ham ochilgisi, ishlarini xalqqa havola qilgisi kelmaydi. Xuddi birov oʻgʻirlab oladiganday🤔.

"Xalq boʻl elim", - degan edi Muhammad Yusuf. Men esa, Xalq boʻling tilshunoslar demoqchiman.

https://beta.apertium.org/index.uzb.html?dir=uzb-kaa#translation

Kanalga ulanish: @birgap
Monopoliyalar orasiga "Humo" ham qoʻshilmoqda. Avvaliga "Humo arena", keyin "Humo card", endi esa "Humo air".

Taxallusimni Humo Yoʻldosh qilsammikin🤔.

Kanalga ulanish: @birgap