Şokir Tursun qaraşlari
5.47K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
Xullas, fecebookda yangi ish boshlanibdi. Sizga biror doʻstingiz nomidan xat keladi. "Falonchi 😳 rostdan shu senmisan?" degan. Shu xabar ostida videoga yoʻnaltma boʻladi. Shu yoʻnaltmaga kirsangiz bir guruhga kirib qolasiz. U yerda videolarga havola turadi. Siz ularning birini bosasiz, keyin sizdan facebook login parolini soʻraydi. Shu joyiga kelsangiz sizda hali muammolar yoʻq. Lekin, shu yerda login va parolni berib qoʻysangiz tamom! Ularning bazasiga saqlanib qoladi. E'tibor bersangiz u facebookka oʻxshaydi lekin manzili facebook emas. Facebookning har qanday sahifasi facebook.com/.... shaklida boʻladi. Shuni unutmang! Ular sizning profilingiz ustidan hukmronlik qila olishadi. Sizning nomingizdan boshqalarga yuqorida sizga kelgan xabarlarni yuboradi.

Yechim keyingi bildirgida.

Kanalga ulanish: @birgap
Yechim:
1. Bunday xabarlarga e'tibor bermaslik, xatto onagizdan kelsa ham.
2. Agar yoʻnaltmaga bosib lekin login va parolni termagan boʻlsangiz sizda muammo yoʻq, hech nima qilmaydi.
3. Agar siz login va parolni terib qoʻygan boʻlsangiz, unda darhol parolni almashtiring. Shunda kamroq muammo boʻladi.

Ehtiyot boʻling!

Yana bir eslatma, agar sizdan profilingiz ma'lumotlarini soʻrashsa, iltimos, yaxshiroq tushunadigan odamdan soʻrab keyin harakat qiling. Hozir facebook nomidan yozib ish qiladiganlar ham bor. Oʻzingizni ehtiyot qiling!

Xabarni doʻstlaringizga ham ulashib qoʻying!

Kanalga ulanish: @birgap
E'lon!

Hurmatli guruh sardorlari, qadrli talabalar!
Bugun 18-avgust, soat 15:00 da Alisher Navoiy nomidagi ToshDO'TAU rektori, filologiya fanlari doktori, professor Sirojiddinov Shuhrat Samariddinovich bilan onlayn suhbat bo'lib o'tadi. Siz o'zingizni qiziqtirgan barcha savollarni izohlarda qoldirishingiz va bevosita uchrashuv davomida fikr bildirishingiz mumkin.

Onlayn suhbatga quyidagi link orqali ulanasiz:

Тема: Rektor va talabalar uchrashuvi
Время: 18 авг 2020 02:45 PM Исламабад, Карачи, Ташкент

Подключиться к конференции Zoom
https://us04web.zoom.us/j/9438003806?pwd=ZmNheE1ibzM3Vi95NFB1OEk2WXdWZz09

Идентификатор конференции: 943 800 3806
Код доступа: 2vDTHw
Forwarded from SAFAR
Media is too big
VIEW IN TELEGRAM
👨‍💻👩‍💻Onlayn Digital Camp "Raqamli Avlod-2020"!

“Digital Generation Uzbekistan” nodavlat notijorat muassasa va Muhammad al-Xorazmiy AKT maktabi bilan birgalikda O'zbekiston Respublikasi AKT rivojlantirish vazirligi ko'magida butun O‘zbekiston yoshlarini Online Digital Camp – “Raqamli avlod – 2020” onlayn oromgohiga taklif etamiz.

5 kun davom etuvchi mazkur motivatsiyaga boy tadbirda ishtirokchilarni AKTning eng dolzarb yo'nalishlari bo'yicha onlayn darslar hamda, xalqaro va mahalliy ekspertlar bilan uchrashuvlar kutmoqda!

✅Yo'nalishlar
Veb-dasturlash, Mobil-dasturlash, Desktop-ilova dasturlash, Media va Raqamli marketing, Dizayn, Robototexnika hamda Frilans.

🗓Qachon?
24-28-avgust

📝Ro'yxatdan o'tish
camp.digitalgeneration.uz

⏳Ro'yxatdan o'tish muddati
23-avgust, 21:00

Imkoniyatni qo'ldan boy bermang, bizni kuzatishda davom eting!
______
Digital Generation Uzbekistan 🤳🏼
Telegram | Instagram | Facebook | YouTube | Videodarslar
Assalomu alaykum, kanalimning hurmatli oʻquvchilari! Sizlarga shuni aytib qoʻyishim kerakki, ertadan boshlab bu kanal mening shaxsiy blogimga aylanadi. Unda faqat ilm, ta'limga oid qarashlarim, takliflarim, muammolar haqida yoziladi. Ba'zan ijtimoiy masalalar ham koʻtarilishi mumkin.

Til oʻqitish metodikasi, kompyuter lingvistikasi sohasidagi tarjima maqolalarni ham shu kanaldan oʻqiysiz.

Endi universitet masofaviy ta'lim tizimi haqidagi yangiliklarni qayerdan oʻqiymiz deb soʻrashingiz aniq. Hammasi oddiy, universitetning matbuot xizmati mavjud. Bu vazifani ular toʻliq eplashiga ishonaman. Mana bu yoʻnaltma orqali ulanib olishingiz mumkin:

https://t.me/prTSUULL

Bilaman, bu xabardan keyin koʻpchilik kanalni tark etadi. Lekin men bilan qoladiganlar boʻlishiga ishonaman, oʻsha insonlarga oldindan rahmat!

Hurmat bilan Shokir Yoʻldosh (Shokirjon Tursunov)
Channel name was changed to «Ilm va taʼlim»
#etimologiya #oʻzbekcha_soʻz

1886-yil H. Yule va A. S. Burnell tomonidan "Hobson-Jobson Anglo-Indian Dictionary" nomi ostida lugʻat tuzilgan. Ushbu lugʻat Hindistondagi Britaniya mustamlakachilari nutqida faol qoʻllanadigan soʻzlarga asoslanib tuzilgan. Bu lugʻatda men sanab koʻrgan turkiy (xususan oʻzbek tilida ham bor) soʻzlar soni 30ta ekani aniqlandi. Kuzatishlar shuni koʻrsatdiki, shulardan ba'zilari hamon ingliz tilida qoʻllaniladi. Bu soʻzlar, taxminimcha Boburiylar sulolasi orqali Hindistonga borib qolgan, hind tilidan esa ingliz tiliga koʻchib oʻtgan. Eng qiziq tomoni ayni soʻzlarning ingliz tilidagi ishlatilish oʻrni va ma'nosi turkiy tillar bilan teng keladi.

1. BOSH (oʻqilishi boʻsh) - "boʻsh, behuda, foydasiz, ma'nosiz, ma'nisini yoʻqotgan". Bizning tilda ham BOʻSH soʻzi borligi va uning ma'nolari sizga ma'lum. Merriam-Webster Dictionaryga ishonsak, bu soʻz hozir ingliz tilida "ma'nisiz suhbat yoki faoliyat, bema'nilik, ma'nosiz" semalarini ifodalaydi.

2. CHOUSE (oʻqilishi chovus) chiause shakli ham mavjud - "serjant (armiya)". Koshgʻariyning "Devonu lugʻotit turk" lugʻatida bu soʻz aynan bor. CHOVUSH - jangda saflarni tuzatuvchi, dam olish vaqtida askarni zulm qilishdan saqlovchi boshliq.

Ana shunaqa, davomi bor...

Kanalga ulansish: @birgap
Mendan koʻpchilik ilmiy ishga nima mavzu tanlasam ekan deb soʻraydi. Yoki maqolaga mavzu soʻrashadi. Tilshunoslikka qiziqadiganlarga asosan lugʻatshunoslik bilan bogʻliq mavzularni taklif qilaman. Shu paytgacha birortasi amal qilganini eslolmayman. Eng koʻp maslahat beradiganim "Oʻzbek tilida haqorat soʻzlar" va shu doiradagi mavzular boʻladi. Ishoning bu tilshunoslik uchun juda kerakli mavzu. Andishani bir chetga surib ishlasa sud-tergov ishlari uchun eng kerakli sohaga aylanadi.

Shariatda sharm yoʻq deganlariday ilmda ham andisha qilish, uyalish kerak emas. Koshgʻarlining "Devonu lugʻatit turk" asarida ham shunday soʻzlar talaygina, andisha qilinadigan uyat soʻzlarning anchaginasi berilgan. Chunki u inson tilni yetkazishni maqsad qilgan edi. Uni bor boʻyicha oʻrganishga majbur boʻlgan. Hozir nima oʻzgardi? Hech nima, tilshunoslik ilmi tilning hamma sohasini qamrab olishi kerak.

Tilshunoslikka qiziqsangiz, etimologik lugʻatlardan foydalana olsangiz marhamat shu mavzuni tanlang. Oʻzingizdan yaxshi manba qoldirasiz.

Balkim hozir kimdir bu mavzuni ishlayotgandir, bundan xabarim yoʻq, katta ehtimol bu hech kim ishlamayapti.

Nega oʻzingiz qilmaysiz deyotgan boʻlsangiz, uzr, men boshqa mavzuni tanlab boʻlgandim. Agar bu ishimni tugatgunimchayam hech kim shu haqorat soʻzlar mavzusini ishlamasa oʻzim qilaman.

Kanalga ulanish: @birgap
Oʻzim tugʻilgan tuman - Uchkoʻprik (Fargʻona viloyati) tumanidagi ba'zi soʻzlar bilan sizlarni tanishtirmoqchi edim. Biroz uzun lekin qiziq bildirgi boʻladi.

1. So‘ltamat – biror ishni eplamay, doim bo‘shashib yuradigan odam.

2. Sumalanmoq – lapashanglik, lanjlik qilmoq. Menimcha, bu so‘z “sumalak” so‘zi bilan o‘zakdosh. Sumalak juda sekin pishadi, suyuq bo‘ladi. Odatda, lavangtabiat odamlar atalaga ham o‘xshatiladi.

3. Uchelish – “T” shaklidagi uch yo‘l tutashmasi, bir tomoni berk chorraha.

4. Qapishtirmoq – futbol o‘yinida to‘pni raqibga qarata qattiq zarb bilan yo‘naltirmoq. Ko‘pincha katta yoshlilar kichiklarni qapishtirib, qo‘rqitadi. Shu orqali oson aldab o‘tib, gol urishga harakat qiladi.

5. Qiyratmoq – sho‘xlik qilib qiynamoq.

7. G‘ijirqum – ariq ostida yig‘ilib qoladigan mayda qum. Bu so‘z o‘rnida “shilqum” so‘zi ham ishlatiladi.

8. Ho‘pitmoq – cho‘milmoq.

9. Po‘nka – qarg‘ani shu nom bilan ham atashadi.

10. Polpis – kir-chir, o‘ziga e’tiborsiz yuradigan odam.

11. Poldir – dovdir, qo‘pol harakat bilan yon-atrofidagi narsalarni ag‘dar-to‘ntar qilib yuradigan odamga nisbatan ishlatiladi.

12. Palg‘ari – uzum navdasini yerga ko‘mib, boshqa joyga o‘tqazish. Yerga ko‘milgan qism kelajakda tomirga aylanadi va tok kuchli oziqlanadi.

13. Otaqari – kattalarning gapiga aralashib, aql beradigan bolaga nisbatan ishlatiladi.

14. Ozitqi – adashtirib, yo‘ldan ozdiruvchi maxluq, ajina.

15. Nushqut – nishxurd, yem-xashak, o‘t qoldig‘i.

16. Katta – boboga shunday murojaat qilinadi. “Katta ota” iborasining qisqartmasi bo‘lsa kerak. Biroq bu so‘z hozir iste’moldan chiqib ketyapti. Uning o‘rniga “opoqi”, “opoqdada”, “bobo” so‘zlari ishlatilyapti.

17. Lashim – yirik-mayda aralash, yoppasiga.

18. Kesmaldak – bargsiz, quruq tut novdasi.

19. Jippang‘ – to‘la, labigacha to‘ldirilgan, to‘kilay-to‘kilay deb turgan.

20. Yemgish – til-jag‘li, o‘zining gapini ma’qullab turaveradigan odam.

21. Dimiqtirmoq – boshini suvga tiqib, suv yuttirmoq, shu yo‘l bilan qiynamoq.

22. Bo‘riq – makka yoki jo‘xori poyasining mol-qo‘y yeganidan so‘ng qolgan bargsiz qismi.

Orif Tolib ma'lumotlaridan foydalanildi.

Kanalga ulanish: @birgap
KFSQ (ko‘makchi fe’lli so‘z qo‘shilmasi) modellari

Izohlar:
* belgisi soʻzni yoki harflarni bildiradi;

*a, *y, *b, *ib, shaklida tugaydigan soʻzlardan keyin , (vergul) qoʻyilmagan boʻlsagina ushbu formulalar amal qiladi;

*di + bilan boshlanadigan har qanday formulada *di bilan tugagan soʻzdan keyin - (chiziqcha) qoʻyilgan boʻlishi kerak, ya’ni ikki soʻz oʻrtasida, albatta, chiziqcha boʻlishi kerak;

*b shakli ot soʻz turkumi boʻlmasligi kerak. Ya'ni kitob+yot* formulasi ishlamaydi.

Bu yakuniy xulosa emas. Kuzatishlarim natijasi xolos.

Kanalga ulanish: @birgap
Bilamizki, Ona tili fani oʻquv dasturlarida har bir chorak oxiri va yil soʻngida takrorlash darslari uchun soatlar ajratilgan. Choraklar orasidagi takrorlash darslariga umuman e'tirozim yoʻq. Lekin, yil oxiridagi umumiy takrorlash soatlari oʻqituvchi va oʻquvchi vaqtining bekor sarflanishiga olib kelmoqda. Undan koʻra 4-chorakning soʻnggi 2-haftasini oʻqituvchi ixtiyoriga berish kerak. Xoʻsh, mana shu 2 haftada oʻqituvchi nimalar qiladi?

1. Oʻquvchilar sinf bitiruvchisi uchun qoʻyilgan malaka talablarini bajara olyaptimi-yoʻqmi? Mana shu savolga javob topish uchun nazorat ishlari oʻtkazadi.

2. Nazorat ishlarining tahlili asosida oʻquvchilar bilimidagi muammoli oʻrinlarni aniqlab 4-chorak tugagunicha mana shu boʻshliqlarini toʻldirishni maqsad qilib oladi.

3. Bunday usul bilan har bir oʻquvchiga alohida topshiriq berish ham mumkin. Mana shu jihat eng muhim hisoblanadi. Ya'ni oʻqituvchi qaysi oʻquvchisida qanday boʻshliq borligiga qarab topshiriq beradi. Ular bilan ishlaydi.

Bir qarashda bu takrorlashga oʻxshaydi, lekin unday emas, bu takrorlash emas, aynan kamchiliklar ustida ishlash hisoblanadi.

Lekin, bunda oʻqituvchidan yaxshigina salohiyat va ijodkorlik talab etiladi. Sizningcha oʻqituvchilarimiz shunday salohiyat va ijodkorlikka egami? Bilaman, toʻla ishonch bilan "Ha", deyolmaysiz. Men ham shunday, lekin qachongacha oʻqituvchini yuqoridan keladigan doirada mahkam ushlab turamiz. Ularga erkinlik beraylik, ijod qilishlari uchun sharoit yaratib beraylik.

Kanalga ulanish: @birgap
Ona tili fanini oʻqitish dasturida 4-chorakning oxirgi 2 haftasini mavzusiz qoldirish, va uni oʻqituvchi ixtiyoriga qoldirish amalda oʻzini oqlaydimi? Bu 2 xaftada oʻqituvchi nimalar qilishi haqida yuqorida aytdim.

Kanalga oʻtish: @birgap
Anonymous Poll
38%
Ha, oʻzini oqlaydi
21%
Boshlanishiga 2 emas, 1 hafta yetarli
13%
Oʻqituvchilar salohiyatiga ishonmayman
17%
Yoʻq, oʻzini oqlamaydi
11%
Tushunmadim