✅ AQSh Senati Kevin Uorshni Federal Rezerv raisi lavozimiga tasdiqladi!

Senat ovoz berishda 54-45 hisobida Kevin Uorshni yangi Fed raisi etib tasdiqladi.
Faqat bitta demokrat — Pensilvaniya senatori John Fetterman uning nomzodini qo‘llab-quvvatlagan.
J. Pauellning muddati tugagach (juma kuni), Uorsh 4 yillik muddatga ish boshlaydi.

@bitcoinjon

🇮🇷🚢 Eron “Hormuz Safe” platformasini ishga tushirdi!

Bu — Hormuz bo‘g‘ozidan o‘tuvchi kemalar uchun dengiz sug‘urtasi platformasi. Sug‘urta to‘lovlari Bitkoin orqali amalga oshiriladi!
Eron Iqtisodiyot vazirligi aprel oyidan beri ushbu tizim ustida ishlagan. Rasmiylarning taxminiga ko‘ra, loyiha mamlakatga $10 milliarddan ortiq daromad keltirishi mumkin.

@bitcoinjon

🇹🇼 Chamath Palihapitiya: 18 oydan keyin Tayvan muhim suhbat mavzusi bo‘lmay qolishi mumkin.

AQSh o‘z chip fabrikalarini 1-2 nanometr darajasiga yetkazgandan so‘ng, Tayvanni himoya qilishning strategik zarurati yo‘qoladi. AQSh chip ishlab chiqarishdagi farqni yopib, Tayvanga qaramlikni kamaytirsa, geosiyosiy o‘yin o‘zgaradi.
U Eron urushini “test holati” deb atab, Tayvan keyingi shaxmat donasi bo‘lishi mumkinligini aytdi. ♟️

@bitcoinjon

🇺🇸🇨🇳 AQSh va Xitoy oʻrtasida yangi savdo kelishuvlari e’lon qilindi!

Tramp va Si Szinpin uchrashuvidan keyin Oq uy bir nechta muhim kelishuvlarni ma’lum qildi:
✅ Xitoy nodir yer elementlari va strategik minerallar yetkazib berish boʻyicha AQSh xavotirlarini bartaraf etishga va’da berdi.
✅ Xitoy aviakompaniyalari uchun 200 ta Amerika Boeing samolyotlarini sotib olishini tasdiqladi.
✅ Xitoy har yili (2028 yilgacha) kamida $17 milliardlik AQSh qishloq xoʻjaligi mahsulotlarini sotib oladi.
✅ Xitoy AQSh mol goʻshti yetkazib beruvchilariga bozorni ochdi (400+ korxona roʻyxatga qoʻshildi).
✅ Xitoyda AQSh parranda goʻshti importi qayta tiklandi.
🇨🇳✈️ Xitoy raisi Si kuzda Oq uyga tashrif buyuradi.

@bitcoinjon

🇺🇸🇮🇷 7 marta muvaffaqiyatsiz urinishdan so‘ng, AQSh Senati nihoyat Eron bo‘yicha Harbiy Kuchlar Vakolati rezolyutsiyasini oldinga surdi.

Ovoz berish natijasi — 50 ga qarshi 47. Bu rezolyutsiya, agar qabul qilinsa, AQShning Eron hududidagi harbiy harakatlarini davom ettirish uchun Kongressning roziligini talab qiladi. Ya’ni, Prezidentning mustaqil ravishda uzoq muddatli harbiy operatsiyalar o‘tkazish huquqini cheklashi mumkin.

• Bu hali yakuniy qaror emas — faqat rezolyutsiyani qo‘mitadan chiqarib, umumiy muhokamaga o‘tkazish uchun protsedural ovoz.
• Rezolyutsiya Senatning to‘liq yig‘ilishida qabul qilinishi, keyin Vakillar Palatasidan o‘tishi kerak.
• Prezident veto qo‘yishi mumkin, uni bekor qilish uchun esa ikkala palatada ham 2/3 ovoz talab etiladi (buni amalga oshirish juda qiyin).

Bu voqea joriy geosiyosiy keskinlik fonida muhim signal: Kongressdagi ba’zi respublikachilar ham urushni davom ettirishga qarshi chiqayotgani ko‘rinmoqda. Shu bilan birga, ko‘pchilik tahlilchilar bu qarorni siyosiy teatr deb hisoblamoqda, chunki amalda uni to‘liq ishlatish juda murakkab.

@bitcoinjon