Ayni paytda O‘zbekiston Respublika shoshilinch tibbiy yordam ilmiy markazi Buxoro filiali direktori, t.f.d. Musoyev Tohir Yaxyoyevich va 18 nafar markaz xodimlari hamda Sankt-Peterburg tibbiyot turizmini rivojlantirish uyushmasining Oʻzbekistondagi rasmiy vakili Umurov Farrux Faxriddinovichdan iborat delegatsiya Sankt-Peterburg shahrida bo‘lib turibdi.
Tashrifdan maqsad:
- ta'lim va tibbiyot turizmi bo'yicha hamkorlik;
- Sankt-Peterburglik mutaxassislarning tibbiy ta’lim dasturlari bilan Buxoroga sayohati, jarrohlik texnologiyasi bo‘yicha mahorat darslari o‘tkazish, konferensiyalarda ishtirok etish;
- O'zbekistondan Sankt-Peterburgga shaxsiy malaka oshirish, shu jumladan jarrohlik amaliyotlarida yordamchi sifatida qatnashish uchun mutaxassis shifokorlarning kelishi;
- teletibbiy maslahatlar va konferentsiyalar o'tkazish;
- masofaviy ta'lim - jarrohlik amaliyot xonasidan online video konferensiyalar tashkil qilish masalalari nazarda tutilgan.

Shu jumladan amaliy dastur davomida:
-Akademik I.P.Pavlov nomidagi birinchi Sankt-Peterburg davlat tibbiyot universitetida muassasa faoliyati bilan tanishtirildi va Buxorodan kelgan tibbiyot xodimlari jarrohlik amaliyotlarida qatnashishdi.
-Sankt-Peterburg davlat byudjeti sog'liqni saqlash muassasasi "Shahar Aleksandrovskaya kasalxonasi" mintaqaviy qon tomir markazining e'tiborga molik tibbiy asbob-uskunalar bilan jihozlangan gibrid rentgen - endovaskulyar operatsiya xonasidagi jarrohlik imkoniyatlari, shifokor va bemorlarning qulay ishlashi uchun yaratilgan sharoitlar bilan tanishtirildi.
-Sankt-Peterburg davlat sog‘liqni saqlash muassasasi ko‘p tarmoqli “Svyatitel Lyuka" klinik shifoxonasi tibbiyot markazi bilan urologiya bo'yicha tibbiy turizm va oʻzaro hamkorlik masalalari muhokama qilindi, bu muassasada DaVinci uskunasidan foydalangan holda robot yordamida jarrohlik usuli bilan endoskopik texnologiyalarni qo'llash birinchi oʻrinda turadi.