➡️Kitob – zamonlar toʻlqinida suzuvchi, oʻzidagi ma’nolar xazinasini ajdodlardan avlodlarga avaylab yetkazuvchi tafakkur kemasidir. Uning har bir sahifasi hikmatlarga boy va dillarga roʻshnolik kiritib, ezgu tuygʻularni uygʻotmoqqa qodir. Shu bois soʻnggi yillarda mamlakatimizda kitob mutolaasi va targʻiboti, kitobxonlik madaniyatini oshirishga oid qator qarorlar va farmonlar qabul qilinib, yurtimizning barcha hududlarida, xususan OTMlarda talabalar orasida kitobxonlikni keng targʻib qilishga asosiy e’tibor qaratilmoqda.

⚡️O’zbekiston Respublikasi Prezidentining 2019-yil 19-martdagi yoshlar bilan ishlashni samarali tashkil etishda madaniyat, san’at, sport, axborot texnologiyalari , kitob o’qishga qiziqishini oshirish bo’yicha ilgari surgan 5ta muhim tashabbusning ijrosi, iqtidorli yoshlarni aniqlash, ularning jamiyat hayotidagi ijtimoiy faolligini oshirish, ularning bo’sh vaqtini mazmunli tashkil etish uchun imkoniyat yaratish, iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb qilish,  talabalarning intellektual salohiyatini yuksaltirish maqsadida universitet talaba yoshlari o’rtasida haftaning har payshanba kuni Zakovat intellektual o'yinlari o'tkazilmoqda.

➡️Barchaga manzur bo'lgan intellektual o'yin qiziqarli savollari bilan yoshlarga o'zgacha atmosfera bag'ishladi. Eslatib o'tamiz; 2-tur musobaqalari davom etmoqda.

➡️Mamlakatimizda jismoniy tarbiya va sportni ommalashtirish ijtimoiy siyosatning muhim yo‘nalishlaridan biri etib belgilangan. Chunki sport aholi salomatligini mustahkamlash, yosh avlodni sog‘lom va barkamol etib tarbiyalash orqali jamiyatda sog‘lom turmush tarzini qaror toptiradi. Turli kasalliklar, yoshlar o‘rtasida zararli odatlarning oldini oladi. Sport yuksak madaniyat, vatanparvarlik tuyg‘ularini shakllantirishda ham muhim o‘rin tutadi. Bu sohada erishilayotgan yutuqlar esa  mamlakatni dunyoga tanitadi, barcha yurtdoshlarga g‘urur-iftixor bag‘ishlaydi.