🟦🟦🟦
“Buxoro viloyati IIB boshlig‘i kubogi” sohiblari aniqlandi.

Buxoro viloyati Ichki ishlar boshqarmasi tashabbusi bilan o‘tkazilgan davlat va nodavlat oliy ta’lim muassasalari o‘rtasidagi voleybol musobaqalari o‘z yakuniga yetdi. “Viloyat IIB boshlig‘i kubogi” uchun kechgan ushbu bellashuvlar yoshlar o‘rtasida sog‘lom raqobat, do‘stlik va sport ruhini yanada kuchaytirdi.

Musobaqaning asosiy maqsadi yoshlar orasida sog‘lom turmush tarzini targ‘ib etish, ularni sportga keng jalb qilish, jamoaviylik va g‘alabaga intilish fazilatlarini shakllantirishdan iborat bo‘ldi.

Bellashuvlar davomida jamoalar o‘zining yuqori sport mahorati, jismoniy tayyorgarligi va bir-biriga bo‘lgan ishonchi bilan tomoshabinlarga unutilmas lahzalar tuhfa etdilar. Har bir o‘yin halollik, do‘stlik va sport ruhidagi kurash asosida o‘tdi.

🏆 Musobaqa natijalari quyidagicha:

Qizlar o‘rtasida:
🥇 1-o‘rin — Buxoro davlat universiteti jamoasi;
🥈 2-o‘rin — Buxoro innovatsiyalar universiteti jamoasi;
🥉 3-o‘rin — Buxoro innovatsion ta’lim va tibbiyot instituti jamoasi.

Tantanali yakuniy marosimda g‘olib va sovrindor jamoalarga “Viloyat IIB boshlig‘i kubogi”, faxriy diplomlar hamda esdalik sovg‘alari topshirildi.

Mazkur sport tadbiri yoshlarning bo‘sh vaqtini mazmunli o‘tkazish, ularni sog‘lom raqobat va Vatanga sadoqat ruhida tarbiyalash, shuningdek, voleybol sportini Buxoro viloyatida yanada ommalashtirish yo‘lida muhim qadamlardan biri bo‘ldi.

💎 “Viloyat IIB boshlig‘i kubogi” musobaqalari Buxoro yoshlari hayotida sportni, sog‘lom raqobatni va jamoaviy g‘alabani ulug‘lovchi yorqin voqea sifatida tarixda qoladi.

🟦🟦🟦
Buxoro innovatsion ta’lim va tibbiyot universitetida O‘zbek tiliga davlat tili maqomi berilgan kun munosabati bilan tadbir bo‘lib o‘tdi!

Bugun, 20-oktyabr — O‘zbek tiliga davlat tili maqomi berilgan kun munosabati bilan Buxoro innovatsion ta’lim va tibbiyot universitetida “Ona tilim, buyuklikda eng baland tog’san!” shiori ostida ma’naviy-ma’rifiy tadbir tashkil etildi.

Tadbirda universitet rahbariyati, professor-o‘qituvchilar, talabalar hamda mehmonlar ishtirok etishdi. Ishtirokchilar o‘zbek tilining tarixiy ahamiyati, milliy qadriyatlarimizni asrashdagi o‘rni va uning jahon miqyosida nufuzini oshirish yo‘lida amalga oshirilayotgan ishlar haqida fikr almashdilar.

Shuningdek, talabalar tomonidan o‘zbek tiliga bag‘ishlangan she’rlar, sahna ko‘rinishlari, badiiy chiqishlar hamda kechaga ko’tarinki ruh berish uchun raqslar ham namoyish etildi.

Tadbir so‘ngida O‘zbek tili — millatimiz g‘ururi, xalqimiz iftixori ekani, uni e’zozlash har birimizning burchimiz ekani ta’kidlandi.

📍Buxoro innovatsion ta’lim va tibbiyot universiteti
📅 20-oktyabr, 2025-yil

📞 Telefon: +998652205545
🌐 Web-saytimiz: www.bimu.uz
📍 Manzil: Buxoro shahri, Namozgoh ko'chasi, 112

🌐 Telegram |🌐 Instagram  |🌐 YouTube