📌 Xalqaro hamkorlik rivojlanmoqda:
🤝 Boshqarmada 🇰🇷 Janubiy Koreya vakillari ishtirokida uch tomonlama memorandum imzolandi

Bugun 🏛️ Buxoro viloyati sog‘liqni saqlash boshqarmasi, 🎓 Buxoro innovatsion ta’lim va tibbiyot universiteti hamda 🇰🇷 Koreya Respublikasining Rivojlanish yordami markazi o‘rtasida muhim ahamiyatga ega bo‘lgan uch tomonlama hamkorlik memorandumi imzolandi.

🖋️ Hujjat viloyat Sog‘liqni saqlash boshqarmasi boshlig‘i Oltiyev Elyor Doniyorovich, universitet asoschisi Umurov Feruz Fahriddinovich va Koreya ODA (Official Development Assistance) rahbari Kim De Kyung tomonidan imzolandi.

📑 Memorandum doirasida tibbiyot, hamshiralik ishi, sog‘liqni saqlash va IT yo‘nalishlarida qator ilmiy-tadqiqot loyihalarini amalga oshirish, o‘zaro tajriba almashish, mutaxassislar almashinuvi, o‘quv seminarlar va master-klasslar tashkil etish belgilandi.

🔽 Shuningdek, ko‘plab amaliy yo‘nalishlarda hamkorlik kuchaytiriladi:

🩺 Smart-stetoskop va smart-glyukometr uskunalarini mamlakatimizda ro‘yxatdan o‘tkazish, klinik sinovlardan o‘tkazish va tibbiy amaliyotga tatbiq etish;

📊 Buxoro viloyatidagi ixtisoslashtirilgan tibbiyot markazlarida 100 tadan ortiq bemor ishtirokida ilmiy tekshiruvlar o‘tkazish;

🎓 Universitetda tibbiy ta’lim dasturlarini rivojlantirish va 🇰🇷 Koreya tajribasini joriy etish;

💰 Loyiha­lar uchun zarur moliya va texnik yordam masalalari bo‘yicha o‘zaro kelishuvlar.

⏳ Memorandum 5 yil muddatga tuzildi va kelgusi davrda mavjud tartiblar asosida avtomatik ravishda uzaytirilishi mumkin.

🌍 Mazkur hamkorlik hujjati Buxoroda tibbiyot va innovatsiyalar sohasida xalqaro aloqalarni yangi bosqichga olib chiqishi, amaliyot va ilmiy tadqiqotlar samaradorligini yanada oshirishga xizmat qiladi.

📍Buxoro innovatsion ta’lim va tibbiyot universiteti

📞 Telefon: +998652205545
🌐 Web-saytimiz: www.bimu.uz
📍 Manzil: Buxoro shahri, Namozgoh ko'chasi, 112

🌐 Telegram |🌐 Instagram  |🌐 YouTube