🤝Yangi hamkorlik sari muhim qadam!

Mir Arab oliy madrasasi va Buxoro innovatsion ta’lim va tibbiyot universiteti o‘rtasida o‘zaro hamkorlik memorandumi imzolandi.

⚡️Mazkur memorandum ikki tomonlama ilmiy, ta’limiy va ma’naviy aloqalarni yanada mustahkamlash, tajriba almashish hamda yoshlar uchun keng imkoniyatlar yaratishga xizmat qiladi.

💫Hamkorlik doirasida qo‘shma loyihalar, ilmiy-amaliy tadbirlar va innovatsion tashabbuslarni amalga oshirish rejalashtirilgan.

✨ Yangi marralar, yangi imkoniyatlar sari birgalikda!

#Янгиликлар

Бухоро инновацион таълим ва тиббиёт университети (БИТУ)да таълим олаётган хорижлик талабалар билан Мир Араб олий мадрасаси устозлари ўртасида маънавий-маърифий тадбир ташкил қилинди.

📝 Хабар берганимиздек Олий мадраса ҳамда БИТУ ўртасида меморандум имзоланган эди.

📆 Бугун Мир Араб олий мадрасасида дарс бераётган Мисрнинг “ал-Азҳар” университети доктори Аҳмад Ражаб Адавий ва Олий мадраса “Диний фанлар” кафедраси ўқитувчиси устоз Улуғбек Жияновлар иштирокида БИТУда таълим олаётган Миср ва бошқа хорижий давлатлардан келиб таълим олаётган талабалар ўртасида давра суҳбати ташкил қилинди.

🔹 Учрашув давомида илм олишнинг фазилати, одоб-ахлоқ қоидалари, хорижлик талабаларнинг Ўзбекистон қонунчилик нормаларига амал қилишлари, ўзаро ҳурмат, бағрикенглик ва ҳамжиҳатлик муҳитини мустаҳкамлаш масалалари тўғрисида маъруза қилинди.

✅ Дўстларингизга ҳам улашинг!!!
🚀 https://t.me/Mirarabuz

👨‍💻 Бизни ижтимоий тармоқларда кузатинг
🚀 telegram |🔵 facebook |🎬 youtube
💬 mirarab.uz |📷 instagram

#Янгиликлар #меморандум
#ҳамкорлик

📁 Oliy madrasa va BITU o‘rtasida memorandum imzolandi

🔹 Buxoro shahrida Mir Arab oliy madrasasi hamda Buxoro innovatsion ta’lim va tibbiyot universiteti (BITU) o‘rtasida memorandum imzolash marosimi bo‘lib o‘tdi.

🔹 Mazkur tadbirda Mir Arab oliy madrasasi rektori Jobir Elov, o’quv ishlar bo’yicha prorektori Uchqun Avliyoqulov, “Yoshlar bilan ishlash, ma’naviyat va ma’rifat bo’limi” boshlig’i Mustafo Xodjayev, rektor yordamchisi Vahobiddin Bozorov, BITU tomonidan esa universitet rektori Matluba Muxtorova, xalqaro masalalar bo‘yicha prorektor Suxrob Babaev hamda universitet mas’ullari Ilxom Bafoev va Dilmurod Xodjaev ishtirok etdilar.

🔹 Marosim davomida ikki oliy ta’lim muassasalari o‘rtasidagi hamkorlik aloqalarini o’rnatish, xususan, ilmiy-tadqiqot va ma’naviy-ma’rifiy yo‘nalishlardagi hamkorlikni kengaytirish, qo‘shma loyihalar, ilmiy nashrlar, xalqaro konferensiyalar masalalari muhokama qilindi.

🔹 Tomonlar mazkur memorandum kelgusida ikki muassasa o‘rtasidagi o‘zaro manfaatli hamkorlikni yanada mustahkamlashga xizmat qilishini ta’kidladilar.

🔹 Rasmiy marosimlardan so‘ng oliy madrasa rektori Jobir Elov Buxoro innovatsion ta’lim va tibbiyot universiteti va ushbu oliy ta’lim dargohida yaratilgan imkoniyatlar bilan yaqindan tanishtirildi.

🔹 Ma’lumot o’rnida aytish joizki, Buxoro innovatsion ta’lim va tibbiyot universitetida bugungi kunda 4 mingga yaqin talaba tahsil olayotgan bo’lib, ularning 200 ga yaqinini Misr, Pokiston kabi davlatlardan kelgan fuqarolar tashkil qiladi.

✅ Дўстларингизга ҳам улашинг!!!
🚀 https://t.me/Mirarabuz

👨‍💻 Бизни ижтимоий тармоқларда кузатинг
🚀 telegram |🔵 facebook |🎬 youtube
💬 mirarab.uz |📷 instagram