🌸Navro‘z bayrami va uning kelib chiqish tarixi 🌸

Navro‘z — insoniyat tarixidagi eng qadimiy bayramlardan biri bo‘lib, u tabiatning uyg‘onishi va yangi yilning boshlanishini anglatadi. Har yili 21-mart kuni nishonlanadigan bu bayram Sharq xalqlari, jumladan o‘zbek xalqining boy madaniy merosining ajralmas qismidir.

🌿 Navro‘z so‘zining ma’nosi
“Navro‘z” so‘zi fors tilidan olingan bo‘lib, “yangi kun” degan ma’noni bildiradi. Aynan shu kunda tun bilan kun tenglashadi va bahor fasli rasman boshlanadi.

📜 Kelib chiqish tarixi
Navro‘zning ildizlari juda qadim zamonlarga borib taqaladi. U taxminan 3 ming yildan ortiq tarixga ega bo‘lib, dastlab Zardushtiylik davrida shakllangan. Bu bayram yaxshilik va yomonlik kurashi, yorug‘likning zulmat ustidan g‘alabasini ifodalagan.

Tarixiy manbalarda Navro‘z Abu Rayhon Beruniy asarlarida ham tilga olinadi. U Navro‘zni qadimgi xalqlarning eng muhim va ulug‘ ayyomlaridan biri sifatida ta’riflagan.

🏛 Keyinchalik Navro‘z Ahamoniylar davlati, Sosoniylar davlati davrida davlat bayrami sifatida keng nishonlangan. Hatto podshohlar bu kunda xalqni tabriklab, sovg‘alar ulashgan.

🌍 Bugungi kunda esa Navro‘z nafaqat Markaziy Osiyo, balki Yaqin Sharq, Kavkaz va boshqa hududlarda ham keng nishonlanadi. 2009-yilda UNESCO tomonidan Navro‘z insoniyatning nomoddiy madaniy merosi ro‘yxatiga kiritilgan.

🌱Navro‘z an’analari
— uylarni tozalash, poklanish
— sumalak va milliy taomlar tayyorlash
— daraxt ekish va tabiatni asrash
— qarindosh-urug‘lar bilan diydorlashish

✨Navro‘z — bu faqat bayram emas, balki yangilanish, mehr va ezgulik timsolidir. U insonlarni yaxshilikka, birlik va totuvlikka chorlaydi.

🌷Navro‘z muborak bo‘lsin!

BITUda xalqaro hamkorlik doirasida muhim uchrashuv bo‘lib o‘tdi.

Yevropaning yetakchi ta’lim kompaniyalaridan biri — Klett Edu ning O‘zbekistondagi direktori Jalilova Oydin universitetimizga tashrif buyurdi.

Uchrashuvda, shuningdek, Vazirlar Mahkamasi qoshidagi Migratsiya agentligi ning Buxoro viloyat hududiy filiali rahbari Holiqova Nozima hamda
“Base 33” o’quv markazi rahbari Emil ishtirok etdilar.

Tashrif davomida sog‘liqni saqlash sohasida tahsil olayotgan yosh mutaxassislar uchun Germaniyada o‘z karyerasini boshlashga yo‘naltirilgan maxsus dastur taqdim etildi. Mazkur dastur orqali talabalar va bitiruvchilar Germaniyada ishlash, malaka oshirish, zamonaviy tibbiyot tizimida tajriba orttirish hamda xalqaro darajada kasbiy ko‘nikmalarini rivojlantirish imkoniyatiga ega bo‘ladilar.

Klett Edu Yevropada ta’lim sohasida keng faoliyat yurituvchi, innovatsion o‘quv dasturlari va xalqaro loyihalari bilan tanilgan kompaniya bo‘lib, turli mamlakatlar bilan hamkorlikda kadrlar tayyorlash va ularni global mehnat bozoriga olib chiqishda faol ishtirok etadi.

Mazkur uchrashuv BITU talabalari uchun yangi imkoniyatlar eshigini ochib, ularning xalqaro maydonda o‘z o‘rnini topishiga xizmat qiladi.

📞 Telefon: +998553059999
🌐 Web-saytimiz: www.bimu.uz
📍 Manzil: Buxoro shahri, Namozgoh ko'chasi, 112

📌Rasmiy tashrif

Respublika Ma’naviyat va ma’rifat markazi Buxoro viloyat bo‘limi boshlig‘i Z.Z.Sharipov hamda markazning ijtimoiy-ma’naviy muhit holatini monitoring qilish bo‘yicha rahbar o’rinbosari M.O. Safoyeva BITU faoliyati bilan yaqindan tanishish maqsadida tashrif buyurdilar.

Tashrif davomida mehmonlar ta’lim muassasasida yaratilgan zamonaviy infratuzilma, talaba va tarbiyalanuvchilar uchun yaratilgan qulay shart-sharoitlar hamda olib borilayotgan bunyodkorlik ishlari bilan atroflicha tanishdilar. Jumladan, kutubxonada yaratilgan bilim olish muhiti, faollar zalidagi ijtimoiy-ma’naviy tadbirlar imkoniyati, stomatologiya markazining amaliy ahamiyati, bolalar bog‘chasida yosh avlod tarbiyasiga qaratilgan e’tibor hamda qurilish jarayonidagi zamonaviy klinika loyihasi alohida e’tirof etildi.

Shuningdek, tashrif jarayonida ta’lim sifati, yoshlar tarbiyasi, ma’naviy muhitni yanada mustahkamlash hamda innovatsion loyihalarni rivojlantirish borasida fikr almashildi.

✨Mazkur tashrif ta’lim va ma’naviyat uyg‘unligini ta’minlash, yosh avlodni har tomonlama yetuk insonlar etib tarbiyalash yo‘lida olib borilayotgan ishlarning amaliy ifodasi bo‘lib xizmat qildi.

📞 Telefon: +998553059999
🌐 Web-saytimiz: www.bimu.uz
📍 Manzil: Buxoro shahri, Namozgoh ko'chasi, 112