Mening ustozim. (BITI hayotidan)

Kunlardan bir kun avtobusda chamasi bobom tengqur odam bilan yonma-yon o'tirib qoldim. U kishi qiziqib, men bilan tanishdilar, qayerda o'qishim, Buxoroda nima qilib yurganimni surishtirdilar. O'zlari haqida so'rasam, Buxoro muhandislik-texnika institutida 20 yildan ortiq kafedra mudiri bo'lib ishlagan professor ekanlar. ( O'zi gap-so'zlaridan anchagina ziyoli odamliklari bilinib turar edi).

Institutimiz haqida savollar berib, suhbatni qizdirdilar. Keyin mavzu ustozlarning pedagogik salohiyatiga borib taqaldi. U kishi mendan xolis baho berishimni iltimos qildilar.

Savollariga dadil javob qaytarib, o'z o'qituvchilarimning dars o'tishlariga hech qanaqa e'tirozim yo'qligini ta'kidladim. Fikrimning isboti sifatida bizda 80 daqiqa bir zum o'tirmasdan dars o'tadigan ustoz borligini ham aytib berdim. Hattoki, 5 para darslari bo'lsa ham shu hol takrorlanadi deb so'zimni urg'uladim.

U kishi qiziqib, ham ajablanib ustozimni tanishtirishimni aytdilar.
— Ro'ziyeva Maftuna Jo'rayevna, tibbiy kimyo fanidan dars beradilar.
O'ylanib turib: "Tanimas ekanman, ustozingiz professor yoki dotsentmi" deb savolni davom ettirdilar.
— Yo'q, u kishi magistrant.
Professorning yuzi battar o'zgardi.
—Hech nima uchun shunday qilishlarini so'raganmisiz?
—Albatta, ustozim aytadilar: "80 daqiqa bu talabalarning haqqi. Men esa bunga hurmat sifatida tik turib dars o'taman" deganlar dedim.

Shundan so'ng professor o'ylandilarda, ustozingizning qadriga yeting, chunki bunday yuqori ma'naviyatli, madaniyatli yosh pedagoglar kam. Sizning haqqingizga hurmat bajo keltirayotgan ustozning oliy mehnatiga siz ham yuqori marralarni zabt etib, malakali kadr bo'lib javob qaytaring, mendan esa alohida tashakkur bildirib qo'ying deb gapni muxtasar qildilar.


Oradan vaqt o'tib o'ylayman, ustozim yosh bo'lishlariga qaramay ko'p jihatdan malakali pedagog ekanlar, albatta. Chunki mayda detal sifatida bee'tibor qoldiriladigan qaysidir jarayonlarning ham pedagogik mahoratga ta'siri katta va men Buxoro innovatsion tibbiyot institutida mana shunday qator fidoyi ustozlardan saboq olayotganimga shukrona bildiraman. O'ylaymanki, jonkuyar ustozlar sababidan institutimiz talabalarining yangroq ovozi yaqin 10-15 yil ichida nafaqat Respublikaning balki dunyoning turli mintaqalaridan baralla eshitilishiga katta umid bog'layman.
Kun kelib kafedra a'zolari boshqa oliygohlar ustoz-murabbiylariga pedagogik master-klasslar o'tishiga ham, albatta, ishonaman.

Kecha menga taqdim etilgan grand esa, har bir ustozimning mislsiz mehnatlari samarasi deb bilaman va o'zim hamda oilamiz a'zolari nomidan chuqur minnatdorchilik bildiraman.

Oxxooo. Institutimizda yomon bilim darajasi past ustozni uzi yoq. Hamma ustozam birdek kuradila birdek dars beradila. Hammalariga rahmat. Davlat institutidan yeru osmon farq qiladi. Hamma ustozlarimiz izlanuvchan talim berishlariga ham gap yoq. Yangi innovatsiyala bilan utishga harakat qiladila. Ingliz tili darslariyam juda qiziq utadi tarixam barcha barchasi. Hammasi uchun tashakkur😊