Strategy yana 1 691 BTC, ya’ni taxminan 109 million dollarlik Bitcoinni sotuvga qo‘ydi.

Shu paytda Shvetsiyaning H100 Group kompaniyasi aksincha, 2 455 BTC qo‘shimcha xarid qildi. Natijada kompaniyaning umumiy Bitcoin zaxirasi 3 506 BTCga yetdi.

Bizni kuzatib boring!
YouTube | Instagram | Website | Donate

Bybit Shimoliy Koreyani 1,5 milliard dollarlik kripto o‘g‘irligi bo‘yicha sudga berdi

Kriptobirja Bybit 2025-yil fevralida sodir bo‘lgan 1,5 milliard dollarlik xakerlik hujumi yuzasidan Shimoliy Koreyaga qarshi sudga murojaat qildi.

Mazkur hodisa kripto sanoati tarixidagi eng yirik o‘g‘irliklardan biri hisoblanadi. Hujum ortida Shimoliy Koreya bilan bog‘langan xakerlik guruhlari turgani haqidagi xulosalar ilgari ham bildirilgan edi.

Bizni kuzatib boring!
YouTube | Instagram | Website | Donate

Andijon shahrida yashovchi fuqaro xonadonining yerto‘lasida elektr tarmog‘iga noqonuniy ulangan holda mayning qurilmalaridan foydalangani aniqlangan.

Tekshiruv davomida 12 dona Asic F3 Plus rusumli mayning qurilmasi va boshqa texnik vositalar topilib, belgilangan tartibda rasmiylashtirilgan.

Hozirda noqonuniy sarflangan elektr energiyasi hajmi va yetkazilgan zarar miqdorini aniqlash bo‘yicha tergovga qadar tekshiruv ishlari olib borilmoqda.

Bizni kuzatib boring!
YouTube | Instagram | Website | Donate

⚠️ Binance 5 ta tokenni delist xavfi ostidagi ro‘yxatga kiritdi

Binance GLMR, ICX, MOVR, RARE va SOPH tokenlariga “Monitoring Tag” belgisini qo‘shdi.

Bu tokenlar endi birja tomonidan kuchaytirilgan nazorat ostida bo‘ladi. Agar loyihalar Binance’ning listing talablari va standartlariga javob bermasa, kelajakda delist qilinishi mumkin.

Hozircha tokenlar Binance’dan chiqarilgani yo‘q — bu faqat delist xavfi oshganini bildiruvchi ogohlantirish.

Bizni kuzatib boring!
YouTube | Instagram | Website | Donate

Noma’lum yirik investor Binance birjasida birdaniga 93,6 million dollarlik ETH sotib oldi.

Bunday yirik xarid bozorda “kitlar” Ethereum’ni faol yig‘ayotganining navbatdagi signali sifatida kuzatilmoqda. Biroq bitta yirik xarid ETH narxi albatta o‘sishini anglatmaydi.

Bizni kuzatib boring!
YouTube | Instagram | Website | Donate

🇰🇿 Qozog‘istonda maynerlar 7 200 BTC qazib oldi

2023-yildan buyon Qozog‘istondagi akkreditatsiyadan o‘tgan maynerlar jami 7 200 BTC qazib olgan. Eng yuqori ko‘rsatkich 2024-yilda — 3 400 BTC qayd etilgan.

Hozir mamlakatda 78 ta mayning kompaniyasi faoliyat yuritmoqda va ularning ixtiyorida 465 mingdan ortiq qurilma mavjud.

Shu davrda mayning sohasi Qozog‘iston byudjetiga qariyb 35 milliard tenge soliq tushumini ta’minlagan. Bu kripto-mayning mamlakat uchun nafaqat raqamli aktiv, balki sezilarli soliq manbaiga ham aylanganini ko‘rsatadi.

Bizni kuzatib boring!
YouTube | Instagram | Website | Donate

Solana tarmog‘i tarixiy maksimumni yangiladi — 24 soat ichida 172 milliondan ortiq real tranzaksiya amalga oshirildi. Bunda validatorlarning ovoz berish tranzaksiyalari hisobga olinmagan.

Tarmoqning amaldagi o‘tkazuvchanligi esa soniyasiga qariyb 2 000 tranzaksiyaga (TPS) yetgan.

Bu ko‘rsatkich Solana tarmog‘idagi faollik va blokcheyn infratuzilmasiga tushayotgan real yuk sezilarli darajada oshganini ko‘rsatmoqda.

Bizni kuzatib boring!
YouTube | Instagram | Website | Donate

🇰🇿 Darknetda Qozog‘istonning qariyb 15 million fuqarosiga tegishli ma’lumotlar bazasi 0,5 BTC evaziga sotuvga qo‘yilgani aytilmoqda.

Sotuvchi ma’lumotlar eGov tizimiga qilingan kiberhujum natijasida qo‘lga kiritilganini da’vo qilmoqda.

Bizni kuzatib boring!
YouTube | Instagram | Website | Donate

O‘zbekistonliklar ham avval faol investitsiya qilgan loyihalardan biri — Harmony (ONE) jiddiy inqirozga yuz tutdi. Token 2021-yildagi 0,38 dollarlik tarixiy maksimumidan qariyb 99,8 foizga arzonlagan.

On-chain tadqiqotchi Juiceberg ma’lumotiga ko‘ra, tarmoqdagi xavfsizlik zaifligi orqali qariyb 4 milliard yangi ONE ruxsatsiz chiqarilgan. Bu hodisagacha mavjud bo‘lgan umumiy taklifning taxminan 26 foiziga teng. Shundan 2,8 milliard ONE qisqa vaqt ichida kriptobirjalarga o‘tkazilgan.

Natijada sotuv bosimi keskin kuchayib, 12-avgust kuni ONE narxi 0,00056 dollargacha tushdi va qisqa vaqt ichida qariyb 53 foiz qiymatini yo‘qotdi.

Bizni kuzatib boring!
YouTube | Instagram | Website | Donate

AQSHda iyul oyidagi yillik iste’mol narxlari indeksi (CPI) 3,4 foizni tashkil etdi.

Prognoz: 3,4%
Avvalgi: 3,5%

Inflyatsiya kutilgan darajada chiqdi va oldingi oydagi 3,5 foizdan biroz pasaydi. Bu kripto bozori uchun mo‘tadil ijobiy signal, ammo kuchli o‘sishni boshlash uchun yetarlicha katta surpriz emas.

Sababi oddiy: inflyatsiyaning pasayishi Federal rezervga foiz stavkalarini pasaytirish uchun ko‘proq imkoniyat beradi. Stavkalar tushishi yoki bozor bunga ko‘proq ishona boshlashi Bitcoin va boshqa riskli aktivlar uchun odatda ijobiy omil hisoblanadi.

Biroq CPI aynan bozor kutgan 3,4 foiz darajasida chiqqani sabab keskin reaksiya bo‘lmasligi mumkin. Endi investorlar Fedning keyingi qarorlari va boshqa iqtisodiy ko‘rsatkichlarga e’tibor qaratadi.

Bizni kuzatib boring!
YouTube | Instagram | Website | Donate

Bitcoin foydalanuvchilaridan biri bitta tranzaksiyani amalga oshirish uchun 1,6 BTC, ya’ni taxminan 103 ming dollar komissiya to‘ladi.

Bunday holatlar odatda komissiya miqdorini noto‘g‘ri kiritish yoki tranzaksiya sozlamalaridagi xato bilan bog‘liq bo‘ladi.

Bizni kuzatib boring!
YouTube | Instagram | Website | Donate

Bitcoin savdo faolligi 2019-yil darajasiga tushdi

Bitcoin’ning spot bozordagi savdo hajmi 2019-yil boshidan beri eng past darajalarga tushgani qayd etilmoqda.

Shu bilan birga, Bitcoin-ETF’larga kapital oqimi va birjalarga BTC kirimi ham past bo‘lib qolmoqda. Bu bozorda, ayniqsa institutsional investorlar orasida faollik sustligini ko‘rsatadi.

Tahlilga ko‘ra, past savdo hajmi fonida Bitcoin hozirgi yonlama harakatdan pastga chiqib, korreksiyani davom ettirish xavfi ostida qolmoqda.

Biroq bu ssenariy bozorning pastdagi likvidlikni yig‘ib olishi uchun zarur bo‘lgan vaqtinchalik harakat ham bo‘lishi mumkin.

Bizni kuzatib boring!
YouTube | Instagram | Website | Donate

Glassnode: Bitcoin 58 500 dollargacha tushishi mumkin

Glassnode tahlilchilariga ko‘ra, Bitcoin hozir muhim narx oralig‘ida “siqilib” qolgan. Asosiy chegaralar — 63 000 dollarlik qo‘llab-quvvatlash va 68 700 dollarlik qarshilik.

Agar BTC 68 700 dollardan yuqoriga chiqsa, yaqinda Bitcoin sotib olgan investorlarning katta qismi yana foydaga kiradi va bu bozor tiklanishining dastlabki ijobiy signali bo‘lishi mumkin.

Aksincha, 63 000 dollar ushlab qolinmasa, Glassnode Bitcoin’ning iyundagi minimum — 58 500 dollargacha tushish xavfini ko‘rmoqda. Kuchliroq pasayish holatida keyingi muhim zona 52 800 dollar atrofida.

NOT. Blockchain Texno axborot berish bilan chegaralanadi. Nashr hech qanday moliyaviy investitsiya kafolati bermaydi.

Bizni kuzatib boring!
YouTube | Instagram | Website | Donate

🇺🇿 O‘zbekistonda kripto birjalar mijozlarni uchinchi tomon orqali tekshirishi mumkin

Istiqbolli loyihalar milliy agentligi (ILMA) kriptoaktivlar xizmatlari provayderlari uchun ichki nazorat qoidalarini yangilashni taklif qilmoqda.

Loyihaga ko‘ra, kripto birjalar va kripto-do‘konlar mijozlarni identifikatsiya va verifikatsiya (KYC) qilish uchun ixtisoslashgan uchinchi tomon tashkilotlari xizmatlaridan foydalanishi mumkin bo‘ladi.

Shuningdek, kriptoprovayderlar rahbarlari va ichki nazorat uchun mas’ul xodimlarga talablarni kuchaytirish, shubhali operatsiyalar haqidagi ma’lumotlarni himoyalangan kanallar orqali Bosh prokuraturaga yuborish tartibini aniqlashtirish taklif etilmoqda.

Hozircha bu yakuniy qoida emas — loyiha jamoatchilik muhokamasiga qo‘yilgan.

Bizni kuzatib boring!
YouTube | Instagram | Website | Donate