Bitta yirik Bitcoin investori kriptobirjadan 1 286 BTC sotib oldi. Ushbu aktivlarning umumiy qiymati taxminan 98 million dollarni tashkil etadi.

Ma’lumotlarga ko‘ra, investor bir yildan ko‘proq vaqt avval birjaga o‘rtacha 89 291 dollar narxda jami 5 699 BTC kiritgan. O‘sha paytda ushbu Bitcoinlarning umumiy qiymati qariyb 509 million dollar bo‘lgan.

Bizni kuzatib boring!
YouTube | Instagram | Website | Donate

Aziz obunachilar,
Sizga muhim bir qarorni aytmoqchiman: Blockchain Texno va Invest24 o’z faoliyatini yakunlaydi.

Blockchain Texno O’zbekistondagi birinchi kripto va blokcheyn mediasi sifatida ish boshlagan edi. O’shanda bu mavzuda o’zbek tilida ishonchli manba deyarli yo’q edi. Invest24 esa investitsiya va moliyaviy savodxonlik haqida sodda va tushunarli gapirish uchun ochilgan. Bu vaqt ichida ikki loyiha atrofida 40 000 dan ortiq odam yig’ildi. Bu biz uchun hech qachon shunchaki raqam bo’lmagan.

Shu yillarda:
— murakkab texnologiyalarni oddiy tilda tushuntirdik;
— yangiliklar, tahlillar va bozor sharhlarini muntazam yetkazdik;
— qiziqqan, savol beradigan va o’rganishdan to’xtamaydigan jamoa shakllantirdik.

Loyihalarni yopish qarori oson bo’lmadi. Hozir vaqt va kuchni boshqa ustuvor yo’nalishlarga jamlash kerak, ikki loyihani esa yarim yo’lda qoldirib, sifatsiz yuritishni xohlamadim.

Shu bilan birga, bu loyihalarning hikoyasi shu yerda tugashi shart emas, deb o’ylayman. Agar ularni yangi kuch bilan davom ettirishga tayyor jamoa yoki inson bo’lsa, loyihalar uchun o’zini takliflarini, info@invest24.uz manziliga yozishi mumkin, bemalol gaplashamiz.

Hozircha kanallar arxiv sifatida qoladi, avvalgi materiallarni o’qishingiz mumkin. Yangi postlar endi chiqmaydi.

Har bir o’qiganingiz, izohingiz, savolingiz va qo’llab-quvvatlaganingiz uchun rahmat. Ayniqsa boshidanoq birga bo’lganlarga alohida minnatdorchilik bildiraman. Shu yerda olgan bilim va tajribangiz sizda qoladi.

Keyingi loyihalarda yana uchrashamiz.

Hurmat bilan,
Jamshid Xoliqulov
Blockchain Texno va Invest24 asoschisi