🇰🇿 Darknetda Qozog‘istonning qariyb 15 million fuqarosiga tegishli ma’lumotlar bazasi 0,5 BTC evaziga sotuvga qo‘yilgani aytilmoqda.

Sotuvchi ma’lumotlar eGov tizimiga qilingan kiberhujum natijasida qo‘lga kiritilganini da’vo qilmoqda.

Bizni kuzatib boring!
YouTube | Instagram | Website | Donate

O‘zbekistonliklar ham avval faol investitsiya qilgan loyihalardan biri — Harmony (ONE) jiddiy inqirozga yuz tutdi. Token 2021-yildagi 0,38 dollarlik tarixiy maksimumidan qariyb 99,8 foizga arzonlagan.

On-chain tadqiqotchi Juiceberg ma’lumotiga ko‘ra, tarmoqdagi xavfsizlik zaifligi orqali qariyb 4 milliard yangi ONE ruxsatsiz chiqarilgan. Bu hodisagacha mavjud bo‘lgan umumiy taklifning taxminan 26 foiziga teng. Shundan 2,8 milliard ONE qisqa vaqt ichida kriptobirjalarga o‘tkazilgan.

Natijada sotuv bosimi keskin kuchayib, 12-avgust kuni ONE narxi 0,00056 dollargacha tushdi va qisqa vaqt ichida qariyb 53 foiz qiymatini yo‘qotdi.

Bizni kuzatib boring!
YouTube | Instagram | Website | Donate

AQSHda iyul oyidagi yillik iste’mol narxlari indeksi (CPI) 3,4 foizni tashkil etdi.

Prognoz: 3,4%
Avvalgi: 3,5%

Inflyatsiya kutilgan darajada chiqdi va oldingi oydagi 3,5 foizdan biroz pasaydi. Bu kripto bozori uchun mo‘tadil ijobiy signal, ammo kuchli o‘sishni boshlash uchun yetarlicha katta surpriz emas.

Sababi oddiy: inflyatsiyaning pasayishi Federal rezervga foiz stavkalarini pasaytirish uchun ko‘proq imkoniyat beradi. Stavkalar tushishi yoki bozor bunga ko‘proq ishona boshlashi Bitcoin va boshqa riskli aktivlar uchun odatda ijobiy omil hisoblanadi.

Biroq CPI aynan bozor kutgan 3,4 foiz darajasida chiqqani sabab keskin reaksiya bo‘lmasligi mumkin. Endi investorlar Fedning keyingi qarorlari va boshqa iqtisodiy ko‘rsatkichlarga e’tibor qaratadi.

Bizni kuzatib boring!
YouTube | Instagram | Website | Donate

Bitcoin foydalanuvchilaridan biri bitta tranzaksiyani amalga oshirish uchun 1,6 BTC, ya’ni taxminan 103 ming dollar komissiya to‘ladi.

Bunday holatlar odatda komissiya miqdorini noto‘g‘ri kiritish yoki tranzaksiya sozlamalaridagi xato bilan bog‘liq bo‘ladi.

Bizni kuzatib boring!
YouTube | Instagram | Website | Donate

Bitcoin savdo faolligi 2019-yil darajasiga tushdi

Bitcoin’ning spot bozordagi savdo hajmi 2019-yil boshidan beri eng past darajalarga tushgani qayd etilmoqda.

Shu bilan birga, Bitcoin-ETF’larga kapital oqimi va birjalarga BTC kirimi ham past bo‘lib qolmoqda. Bu bozorda, ayniqsa institutsional investorlar orasida faollik sustligini ko‘rsatadi.

Tahlilga ko‘ra, past savdo hajmi fonida Bitcoin hozirgi yonlama harakatdan pastga chiqib, korreksiyani davom ettirish xavfi ostida qolmoqda.

Biroq bu ssenariy bozorning pastdagi likvidlikni yig‘ib olishi uchun zarur bo‘lgan vaqtinchalik harakat ham bo‘lishi mumkin.

Bizni kuzatib boring!
YouTube | Instagram | Website | Donate

Glassnode: Bitcoin 58 500 dollargacha tushishi mumkin

Glassnode tahlilchilariga ko‘ra, Bitcoin hozir muhim narx oralig‘ida “siqilib” qolgan. Asosiy chegaralar — 63 000 dollarlik qo‘llab-quvvatlash va 68 700 dollarlik qarshilik.

Agar BTC 68 700 dollardan yuqoriga chiqsa, yaqinda Bitcoin sotib olgan investorlarning katta qismi yana foydaga kiradi va bu bozor tiklanishining dastlabki ijobiy signali bo‘lishi mumkin.

Aksincha, 63 000 dollar ushlab qolinmasa, Glassnode Bitcoin’ning iyundagi minimum — 58 500 dollargacha tushish xavfini ko‘rmoqda. Kuchliroq pasayish holatida keyingi muhim zona 52 800 dollar atrofida.

NOT. Blockchain Texno axborot berish bilan chegaralanadi. Nashr hech qanday moliyaviy investitsiya kafolati bermaydi.

Bizni kuzatib boring!
YouTube | Instagram | Website | Donate

🇺🇿 O‘zbekistonda kripto birjalar mijozlarni uchinchi tomon orqali tekshirishi mumkin

Istiqbolli loyihalar milliy agentligi (ILMA) kriptoaktivlar xizmatlari provayderlari uchun ichki nazorat qoidalarini yangilashni taklif qilmoqda.

Loyihaga ko‘ra, kripto birjalar va kripto-do‘konlar mijozlarni identifikatsiya va verifikatsiya (KYC) qilish uchun ixtisoslashgan uchinchi tomon tashkilotlari xizmatlaridan foydalanishi mumkin bo‘ladi.

Shuningdek, kriptoprovayderlar rahbarlari va ichki nazorat uchun mas’ul xodimlarga talablarni kuchaytirish, shubhali operatsiyalar haqidagi ma’lumotlarni himoyalangan kanallar orqali Bosh prokuraturaga yuborish tartibini aniqlashtirish taklif etilmoqda.

Hozircha bu yakuniy qoida emas — loyiha jamoatchilik muhokamasiga qo‘yilgan.

Bizni kuzatib boring!
YouTube | Instagram | Website | Donate

20-noyabr Bitcoin uchun ehtimoliy tub nuqta bo‘lishi mumkin

Bitcoinning tarixiy 4 yillik sikli asosidagi tahlilga ko‘ra, BTC bozor tubini taxminan har 1 460 kunda shakllantirib kelgan.

Agar bu sikl yana takrorlansa, 2026-yil 20-noyabr atrofida Bitcoin navbatdagi minimumini shakllantirishi mumkin.

Shundan so‘ng yangi o‘sish sikli boshlanib, BTC kelajakda yangi tarixiy maksimum (ATH) tomon harakatlanishi haqidagi ssenariy ilgari surilmoqda. Bu faqat oldingi sikllarga asoslangan taxmin.

Bizni kuzatib boring!
YouTube | Instagram | Website | Donate

“Gambler 0xff84” nomi bilan tanilgan treyder 2 000 BTC, taxminan 125,37 million dollarlik short pozitsiya ochdi.

Bitcoin narxining pasayishi hisobiga treyder hozircha 1,4 million dollar realizatsiya qilinmagan foydada.

Biroq pozitsiyaning likvidatsiya narxi 63 528,92 dollarni tashkil etadi. Agar BTC ushbu darajagacha ko‘tarilsa, yirik short pozitsiya majburiy yopilish xavfi ostida qoladi.

Bizni kuzatib boring!
YouTube | Instagram | Website | Donate

⚠️ Binance ayrim kriptoplatformalar bilan tranzaksiyalarni cheklamoqda

Binance yangi talablar va sanksiyalar sabab qator kriptoplatformalardan mablag‘ qabul qilish va ularga mablag‘ yuborishni to‘xtatmoqda.

Cheklovlar ayrim servislar uchun allaqachon kuchga kirgan. 23-avgustdan yana 11 ta platforma, jumladan Rapira, WhiteBird, ABCeX, Exnode, EXMO va HTX bilan bog‘liq tranzaksiyalar cheklanishi kutilmoqda.

Bu ushbu platformalarning Binancedan delist qilinishini emas, balki ular o‘rtasidagi ayrim kriptotranzaksiyalar qayta ishlanmasligini anglatadi.

Bizni kuzatib boring!
YouTube | Instagram | Website | Donate

⛏️ Oxirgi Bitcoinni qazib olish uchun yana 100 yildan ko‘proq vaqt kerak

Bitcoin tizimi shunday yaratilganki, dastlabki BTC’lar tezroq, qolgan qismi esa tobora sekinroq chiqariladi. Hozir maksimal 21 million BTC’ning 95,57 foizi allaqachon qazib olingan.

Prognozlarga ko‘ra, 2035-yilga kelib Bitcoin’larning 99 foizi muomalaga chiqariladi. Qolgan so‘nggi 1 foizni qazib olish esa keyingi 100 yildan ortiq vaqtni talab qiladi.

Buning asosiy sababi — halving. Maynerlar mukofoti 2009-yildagi 50 BTC’dan hozirgi 3,125 BTC’gacha kamaygan. 2028-yilgi halvingdan so‘ng mukofot 1,5625 BTC, 2032-yilda esa 0,78125 BTCgacha tushadi.

Shu mexanizm tufayli so‘nggi Bitcoin taxminan 2140-yilda qazib olinishi kutilmoqda.

Bizni kuzatib boring!
YouTube | Instagram | Website | Donate

📢 2011-yilda BTC dasturchilaridan biri Gavin Andresen Bitcoin faucet (Bitcoin jumragi) nomli sayt yaratadi.

Istalgan kishi ushbu saytga kirib, tekinga 5 ta BTC olishi mumkin edi.
Sayt orqali Bitcoin olganlarning aksariyati keyinchalik hamyon parolini unutib qoʻyishgan yoki hard diskni formatlab yuborgan.

2012-yilda BTC narxi koʻtarila boshlagach, Gavin miqdorni asta-sekin kamaytirib bordi va u sayt butunlay yopilguncha umumiy 19 700 ta BTC tarqatishga ulguradi.
Bugungi kurs boʻyicha oʻsha 5 ta Bitcoin taxminan $315 ming turadi.

Bizni kuzatib boring !!!
Telegram | Instagram | Website | Donate