🇺🇿 O‘zbekiston raqamli so‘m bo‘yicha dastlabki bosqichga o‘tmoqda — CBDC nima o‘zi?

Markaziy bank O‘zbekistonning raqamli valyutasi — raqamli so‘m (CBDC)ni yaratish imkoniyatlarini o‘rganishni boshlamoqda. Markaziy bank raisi Timur Ishmetov 24-avgust kuni Silk Road Finance & Technology Forum’da bu borada “oq kitob” — White Paper tayyorlanishini ma’lum qildi.

Hujjatda raqamli so‘mning qanday ishlashi, texnik arxitekturasi, undan foydalanish ssenariylari, moliya tizimiga ta’siri hamda banklar va to‘lov infratuzilmasi bilan integratsiyasi o‘rganiladi. Keyingi bosqichda pilot sinovlar o‘tkazilishi, shundan keyingina raqamli so‘mni to‘liq muomalaga chiqarish yoki chiqarmaslik bo‘yicha qaror qabul qilinishi kutilmoqda.

CBDC — Central Bank Digital Currency, ya’ni markaziy bankning raqamli valyutasi. Oddiy qilib aytganda, bu naqd so‘m yoki bank kartasidagi pulning yana bir raqamli shakli bo‘lishi mumkin. Eng muhim farqi — CBDCni tijorat banki emas, bevosita Markaziy bank chiqaradi va uning qiymati milliy valyutaga teng bo‘ladi. Masalan, 1 raqamli so‘m = 1 oddiy so‘m.

CBDC odatda blokcheyn yoki unga o‘xshash taqsimlangan texnologiya asosida ishlashi mumkin, lekin bu majburiy emas. U markazlashtirilgan tizimda ham ishlashi mumkin. Asosiy maqsad — to‘lovlarni tezlashtirish, xarajatlarni kamaytirish, iqtisodiyotdagi pul oqimlarini raqamlashtirish va moliyaviy xizmatlardan foydalanishni kengaytirish.

Raqamli so‘m joriy qilinsa, u kundalik to‘lovlarda, davlat xizmatlari, subsidiyalar, ijtimoiy to‘lovlar, bizneslar o‘rtasidagi hisob-kitoblar va ehtimol transchegaraviy to‘lovlarda ishlatilishi mumkin. Nazariy jihatdan, ayrim CBDC’lar internet bo‘lmagan holatda ham kichik to‘lovlarni amalga oshirish imkonini berishi mumkin.

Bizni kuzatib boring!
YouTube | Instagram | Website | Donate

USDC steyblkoini emitenti Circle so‘nggi bir hafta ichida jami 5 milliard USDC emissiya qildi.

USDC’ning katta hajmda chiqarilishi odatda kriptobozorda dollar likvidligiga talab oshayotganini ko‘rsatishi mumkin. Yangi steyblkoinlar birjalarga va DeFi bozoriga kirsa, bu Bitcoin, Ethereum va boshqa kriptoaktivlarni xarid qilish uchun qo‘shimcha kapital manbaiga aylanishi mumkin.

Bizni kuzatib boring!
YouTube | Instagram | Website | Donate

AQSH hukumati FTX birjasidan musodara qilingan Bitcoinlarni sotmoqda

AQSH hukumatiga tegishli, FTX/Alameda’dan musodara qilingan aktivlar saqlanayotgan hamyon 5 soat avval 24,41 BTC — taxminan 1,92 million dollarlik Bitcoin’ni boshqa manzilga o‘tkazdi.

Bunday hukumat hamyonlaridagi harakatlar bozorda ko‘pincha ehtimoliy sotuv signali sifatida kuzatiladi.

Bizni kuzatib boring !!!
Telegram | Instagram | Website | Donate

🇺🇿 Qoraqalpog‘istonda 5 milliard dollardan ortiq mayning va data-markaz loyihalari rejalashtirilmoqda

Qoraqalpog‘istonda umumiy qiymati 5 milliard dollardan ortiq bo‘lgan uchta mayning kompleksi va uchta data-markaz qurish rejalashtirilmoqda.

Hudud rasmiylariga ko‘ra, Qoraqalpog‘istonning butun hududi maxsus mayning zonasi maqomini olgan. Bu yirik mayning loyihalari va xorijiy investitsiyalarni jalb qilish uchun alohida sharoitlar yaratishi mumkin.

Avvalroq “Besqala Mining Valley” maxsus mayning zonasi rezidentlari 2035-yil 1-yanvargacha kriptoaktivlar sohasidagi ayrim yig‘imlardan ozod etilishi ma’lum qilingan edi.

Agar rejalashtirilgan loyihalar amalga oshsa, Qoraqalpog‘iston Markaziy Osiyodagi yirik kripto-mayning va data-markaz infratuzilmasi hududlaridan biriga aylanishi mumkin.

Bizni kuzatib boring !!!
Telegram | Instagram | Website | Donate

Bithumb kriptobirjasi texnik xato sabab foydalanuvchilar hisobiga tasodifan 620 ming BTC — taxminan 40 milliard dollarlik aktiv yozib qo‘ygan.

Birja xatoni aniqlagach, operatsiyalarning katta qismini bekor qilgan. Biroq ayrim mijozlar xato hisoblangan BTClar orqali savdo qilib foyda olishga ulgurgan va ushbu foydani qaytarishdan bosh tortgan.

Shundan so‘ng Bithumb bir nechta foydalanuvchiga qarshi sudga murojaat qilgan. Hozirgacha ikki ishda sud Bithumb foydasiga qaror chiqardi, yana ikkita ish bo‘yicha sud jarayoni davom etmoqda.

Bizni kuzatib boring !!!
Telegram | Instagram | Website | Donate

💰 12 yil oldin yo‘qotilgan Bitcoinlar britaniyalikni millionerga aylantirdi

Britaniyalik erkak 2011-yilda Bitcoin’ga 1 500 funt sterling sarmoya kiritgan, biroq uch yil o‘tib Intersango kriptobirjasi yopilgach, o‘z aktivlariga kirish imkoniyatini yo‘qotgan.

U yillar davomida Bitcoinlarini qaytarishga harakat qilgan, keyinchalik esa mablag‘ni deyarli yo‘qotilgan deb hisoblagan. Bu vaqt davomida Bitcoin narxi bir necha baravar o‘sishda davom etgan.

Joriy yilda u advokatlar yordamida aktivlarga bo‘lgan huquqini isbotlashga muvaffaq bo‘ldi. Bir necha oylik jarayondan so‘ng Bitcoinlariga kirish tiklandi — bugungi kunda ularning qiymati qariyb 3,3 million funt sterlingga yetgan.

Endi u mablag‘ning bir qismini oilasi uchun yangi uy sotib olish va nogironligi bor qaynonasiga yordam berishga sarflashni rejalashtirmoqda.

Oddiy qilib aytganda, 1 500 funtlik investitsiya 12 yillik majburiy “HODL” natijasida 3,3 million funtlik boylikka aylangan.

Bizni kuzatib boring!
YouTube | Instagram | Website | Donate

Yirik investor BTC va ETH o‘sishiga katta pul tikdi

Yirik treyder bozor o‘sishi davom etishiga ishonib, Bitcoin va Ethereum’da yuqori leverage bilan long pozitsiyalar ochdi.

Uning pozitsiyalari:

ETH: 100 million dollar — 25x leverage
BTC: 5 million dollar — 40x leverage

Hozircha ikkala pozitsiya ham realizatsiya qilinmagan zararda turibdi. Yuqori leverage sabab narxning kichik pasayishi ham treyder uchun jiddiy zarar va likvidatsiya xavfini oshiradi.

Sizningcha, bu treyderning savdosi qanday yakunlanadi?

🔥 — Foyda bilan yopadi
👍 — Zarar bilan yopadi

Avgust oyida 2010–2017-yillarga tegishli eski Bitcoin hamyonlaridan 6 427 BTC — qariyb 500 million dollarlik aktiv ko‘chirildi.

Bu iyul oyidagi ko‘rsatkichga nisbatan qariyb 5 baravar yuqori.

Eng katta faollik 2014-yilda yaratilgan hamyonlarda kuzatilgan. Qizig‘i, ularning ayrimlari Bitcoin’larni deyarli bir vaqtda harakatlantirgan.

Bizni kuzatib boring!
YouTube | Instagram | Website | Donate

🚀 Bitcoin avgustni 25,3 foizlik o‘sish bilan yakunladi

Bitcoin avgust oyida 25,3 foizga qimmatlashdi — bu so‘nggi yillardagi eng kuchli avgust natijalaridan biri.

BTC shu tariqa ketma-ket ikkinchi oyni o‘sish bilan yakunlamoqda:

iyul — +7,4 foiz
avgust — +25,3 foiz

Ethereumda o‘sish yanada kuchli bo‘ldi — ETH avgust davomida 32 foizdan ko‘proqqa qimmatlashdi.

Bu ko‘rsatkichlar yozning ikkinchi yarmida kriptobozorda xaridorlar faolligi sezilarli kuchayganini ko‘rsatmoqda.

Bizni kuzatib boring!
YouTube | Instagram | Website | Donate