🇰🇿 Binance Qozog‘istonda bank orqali dollar kiritish va yechib olish imkoniyatini ishga tushirdi

Binance Kazakhstan Alatau City Bank bilan hamkorlikda foydalanuvchilar uchun yangi bank xizmatini yo‘lga qo‘ydi.

Endilikda foydalanuvchilar o‘z hisoblariga Qozog‘iston tengesi (KZT) va AQSh dollarida (USD) mablag‘ kiritishi hamda ularni komissiyasiz yechib olishi mumkin.

Eng muhim yangilik — Binance Kazakhstan foydalanuvchilari ilk bor bank orqali to‘g‘ridan-to‘g‘ri dollar kiritish va dollar yechib olish imkoniyatiga ega bo‘ldi.

Bizni kuzatib boring!
YouTube | Instagram | Website | Donate

Yirik investor 42,3 million dollarlik kriptoaktiv sotib oldi

Kriptobozorda yirik investor tomonidan 42,3 million dollarlik aktivlar BitGo platformasidan chiqarib olindi.

Hamyon manziliga quyidagi kriptovalyutalar o‘tkazilgan:

Ethereum (ETH): 14 600 dona — 34,24 million dollar
Chainlink (LINK): 415 690 dona — 4,81 million dollar
Aave (AAVE): 16 570 dona — 2,23 million dollar
Uniswap (UNI): 144 840 dona — 1,02 million dollar

Bizni kuzatib boring!
YouTube | Instagram | Website | Donate

Keltirilgan ma’lumotlarga ko‘ra, muomaladagi barcha Bitcoinlarning 37,4 foizi so‘nggi to‘rt yildan ortiq vaqt davomida hamyonlardan ko‘chirilmagan.

Bu davrda Bitcoin narxi bir necha bor tarixiy rekordlarni yangiladi, keskin pasayishlarni ham boshdan kechirdi. Shunga qaramay, katta miqdordagi BTC harakatsiz qolmoqda.

Bizni kuzatib boring!
YouTube | Instagram | Website | Donate

📢 Strategy aksiyadorlari kunlik dividendni maʼqulladi.

Maykl Seylorning Strategy kompaniyasi aksiyadorlari muomalada boʻlgan 4 ta imtiyozli aksiyalari — STRF, STRC, STRK va STRD uchun dividendni har kuni hisoblashni maʼqulladi.

Ovoz berishda qatnashganlarning 99,3 foizi buni yoqlab chiqqan. Yaʼni bu dividend stavkasini yoki toʻlov miqdorini oʻzgartirmaydi — faqat toʻlash chastotasi oʻzgaradi.

Bizni kuzatib boring !!!
Telegram | Instagram | Website | Donate

Google xodimi sifatida o‘zini tanishtirib, 13 million dollarlik Bitcoin o‘g‘irlagan yigit 25 oyga qamaldi

Kanadalik 20 yoshli Trenton Jonston kriptovalyuta firibgarligi uchun 25 oylik qamoq jazosiga hukm qilindi.

Xabarga ko‘ra, u o‘zini Google texnik yordam xizmati xodimi sifatida tanishtirib, foydalanuvchilarni aldash orqali ularning kriptohamyonlariga kirish imkoniyatini qo‘lga kiritgan.

Shu usulda jami 185 BTC — taxminan 13 million dollar o‘g‘irlangan.

Firibgarlikdan tushgan pullar Lamborghini avtomobillari, xususiy samolyotlarda parvozlar va Mayamidagi qimmatbaho kechalar uchun sarflangan.

Eng qizig‘i, Jonston o‘z firibgarlik usullari haqida Discord’da ochiqchasiga maqtanib yurgan. Hashamatli Rolls-Royce avtomobili politsiya tomonidan to‘xtatilganidan keyin esa huquq-tartibot organlarining e’tiboriga tushgan.

Bizni kuzatib boring !!!
Telegram | Instagram | Website | Donate

💰 Binance asoschisi boyligi bo‘yicha Alibaba asoschisi Jek Madan o‘zib ketdi

Hurun tadqiqot kompaniyasi Xitoyning eng boy insonlari reytingini yangiladi.

Reytingda birinchi o‘rinni yana ByteDance (TikTok) asoschisi Chjan Imin egalladi. Uning boyligi bir yil ichida 43 foizga oshib, 99,7 milliard dollarga yetgan.

Binance hammuassisi Chanpen Chjao (CZ) esa 27,7 milliard dollarlik boyligi bilan 12-o‘rinni egalladi. U Alibaba asoschisi Jek Ma oilasini ortda qoldirdi. Jek Ma oilasining boyligi 27,5 milliard dollar deb baholangan.

Sun’iy intellekt sohasida faoliyat yuritayotgan DeepSeek asoschisi Lyan Venfen esa ilk bor reytingga kirib, birdaniga 7-o‘rinni egalladi.

Bizni kuzatib boring!
YouTube | Instagram | Website | Donate

Binance xakerlik hujumiga uchradi: 6,3 milliard dollarlik kriptoaktivlar zarar ko‘rdi, bozorda 1,5 milliard dollardan ortiq pozitsiya likvidatsiya qilindi

Birjaning dastlabki ma’lumotlariga ko‘ra, xavfsizlik hodisasi 6,3 milliard dollarlik kriptoaktivlarga ta’sir qilgan. Binance blokcheyn hamkorlari bilan birgalikda ushbu mablag‘larning qariyb 3 milliard dollarini muzlatishga muvaffaq bo‘lgan.

Hujum haqidagi xabar ortidan kriptovalyutalar narxi keskin pasaydi. Bozor bo‘yicha 1,5 milliard dollardan ortiq fyuchers pozitsiyalari likvidatsiya qilindi. Asosiy zarar narx o‘sishiga pul tikkan treyderlarga to‘g‘ri keldi.

Bizni kuzatib boring!
YouTube | Instagram | Website | Donate

🚨 Binance Uzbekistan kriptoaktivlarni yechib olishni vaqtincha to‘xtatgani haqida xabar berildi

Tarqatilgan bayonotga ko‘ra, Binance Uzbekistan foydalanuvchilarining barcha aktivlari xavfsiz ekani bildirilgan.

Platformadagi xizmatlar holati quyidagicha:

Kriptovalyuta savdosi — uzluksiz davom etmoqda.
Mablag‘ kiritish va yechib olish — bank orqali amalga oshiriladigan operatsiyalar faol ekani aytilmoqda.
Kriptoaktivlarni hisobga kiritish — davom etmoqda.
Kriptoaktivlarni tashqi hamyonlarga yechib olish — ehtiyot chorasi sifatida vaqtincha to‘xtatilgan.

Xabarda texnik va xavfsizlik bilan bog‘liq zarur choralar ko‘rilayotgani, yangiliklar rasmiy kanallar orqali e’lon qilinishi ta’kidlangan. Mijozlarga yordam xizmati esa 24/7 rejimida ishlashi bildirilgan.

Bizni kuzatib boring!
YouTube | Instagram | Website | Donate

AQShda 9 million dollarlik kriptovalyuta uchun butun oilani garovga olgan aka-ukalar 15 yilga qamaldi

AQShda ikki aka-uka bir oilani garovga olib, 9 soat davomida kriptohamyonlarining parollarini berishni talab qilgan.

Xabarga ko‘ra, jinoyatchilar oilaning kriptoaktivlarini qo‘lga kiritgach, mablag‘ yetarli emasligini bilib, oila a’zolaridan birini qo‘shimcha pul olish uchun dala hovliga borishga majbur qilgan.

Natijada aka-ukalar 9 million dollarlik kriptoaktivlarni o‘g‘irlashga muvaffaq bo‘lgan.

Biroq ular keyinchalik qo‘lga olinib, har biri 15 yil muddatga ozodlikdan mahrum etilgan.

Bizni kuzatib boring!
YouTube | Instagram | Website | Donate

Agar 2011-yildan boshlab har oy atigi 10 dollardan Bitcoin (BTC) sotib olib borganingizda, bugunga kelib jami 1 820 dollar investitsiya qilgan bo‘lardingiz.

Keltirilgan hisob-kitoblarga ko‘ra, ushbu Bitcoin’larning hozirgi qiymati 2,5 million dollarga yetishi mumkin edi.

Ya’ni dastlabki investitsiya qariyb 1 374 baravarga oshgan bo‘lardi.

Bizni kuzatib boring!
YouTube | Instagram | Website | Donate

Rossiyada bir guruh jinoyatchilar 22 yoshli dasturchini o‘g‘irlab, undan 10,39 BTCni tortib olgani xabar qilinmoqda.

Ma’lumotlarga ko‘ra, jinoyatchilar yigitning ijtimoiy tarmoqlardagi hashamatli hayotiga e’tibor qaratgan. U Ferrari va BMW avtomobillari, xorijiy sayohatlari haqidagi suratlarni muntazam joylashtirib kelgan.

Jinoyatchilar dasturchini garajga olib borib, besh soat davomida kaltaklagan va kriptohamyonlarining parollarini berishga majbur qilgan. Shundan so‘ng uni qo‘l-oyoqlari bog‘langan holda o‘rmonda tashlab ketishgan.

Hodisa yuzasidan besh nafar gumonlanuvchi qo‘lga olingan. Xabarlarga ko‘ra, ular o‘g‘irlangan mablag‘larning bir qismini uy-joy va avtomobillar sotib olishga sarflashga ulgurgan.

Bizni kuzatib boring!
YouTube | Instagram | Website | Donate

So‘nggi 10 kun ichida yirik kriptovalyuta egasi bir nechta birjaga jami 1,49 million SOL o‘tkazdi.

Ushbu Solana tokenlarining umumiy qiymati 148,77 million dollarni tashkil etmoqda. Bunday yirik transferlar bozorda sotuv bosimi kuchayishi mumkinligidan darak beradi.

Bizni kuzatib boring!
YouTube | Instagram | Website | Donate

43,4 million kriptotoken chiqarilgan, ammo atigi 691 tasi 100 ming dollarlik qiymatga yetgan

2024-yildan buyon kriptobozorda 43,4 millionta yangi token yaratilgan. Biroq ularning atigi 691 tasi bozor kapitallashuvini 100 ming dollardan oshirishga muvaffaq bo‘lgan.

Platformalar kesimida vaziyat yanada qiziq:

PumpFun — 24,4 millionta token yaratilgan, 312 tasi 100 ming dollarlik chegaraga yetgan.
Zora — 13,2 millionta token chiqarilgan, biroq birortasi 100 ming dollarlik kapitallashuvga yetmagan.

Hisob-kitoblarga ko‘ra, yaratilgan tokenlarning 99,998 foizi ushbu chegaraga chiqa olmagan.

Bizni kuzatib boring!
YouTube | Instagram | Website | Donate

Binance kriptovalyutalarni yechib olish imkoniyatini bosqichma-bosqich tiklamoqda

6,3 milliard dollarlik xakerlik hujumiga uchragani Binance ba'zi kriptoaktivlarni yechib olish imkoniyatini qayta ishga tushirgan.

3-noyabr kuni Toshkent vaqti bilan soat 09:00 dan boshlab BNB Smart Chain (BSC), Ethereum, Solana va boshqa blokcheyn tarmoqlari orqali kriptoaktivlarni yechib olish operatsiyalari tiklangani bildirilmoqda.

Bizni kuzatib boring!
YouTube | Instagram | Website | Donate