BMB IMPEX - ИЧКИ БОЗОР ВА ЭКСПОРТ УЧУН ИШОНЧЛИ ЕЧИМ

BMB HOLDING таркибидаги BMB IMPEX корхонасида замонавий технологиялар асосида пластик қутилар ишлаб чиқариш йўлга қўйилди. Мазкур йўналиш, аввало Холдингнинг экспортёр корхоналар эҳтиёжини қондиришга қаратилган бўлиб, мева-сабзавот ва полиз маҳсулотларининг сифатини сақлаган ҳолда ички ва ташқи бозорларга етказиб беришни таъминлашга хизмат қилади.

Бугунги кунда маҳсулотни етиштириш билан бир қаторда уни хавфсиз, йўқотишларсиз ва талаб даражасида истеъмолчига етказиш ҳал қилувчи аҳамият касб этмоқда. Шу нуқтаи назардан, BMB IMPEXда йўлга қўйилган янги ишлаб чиқариш қуввати логистика занжирида муҳим бўғинга айланди.

Эндиликда корхона нафақат Холдинг таркибидаги экспортёр субъектларни, балки юртимизнинг бошқа ишлаб чиқарувчи ва қайта ишловчи корхоналар эҳтиёжини ҳам таъминлаш имконига эга.

Мазкур ташаббус маҳаллий тадбиркорлар учун юқори сифат ва ҳамёнбоп нарх кафолати бўлиб, янги иш ўринлари яратиш ва маҳаллий саноат салоҳиятини оширишга хизмат қилади.

Яқин истиқболда ишлаб чиқариш ҳажмини кенгайтириш режалаштирилгани эса BMB IMPEXнинг нафақат Холдинг тизимида, балки республика миқёсида бошқа корхоналар билан ўзаро ишончли ҳамкор сифатидаги ўрнини янада кучайтириши кутилмоқда.

Telegram l Website l Facebook l Instagram l YouTube l LinkedIn

BMB AGRO PLUS: СИФАТ ВА ТАЛАБ УЙҒУНЛИГИ

BMB AGRO PLUS корхонасида сублимация (freeze-drying) усулида музқаймоқни қуритиш технологияси йўлга қўйилгани ҳақида аввал хабар берган эдик. Бугунги кунда ушбу маҳсулот ички ва ташқи бозорларда катта қизиқиш уйғотмоқда.

Сублимация усули маҳсулот таркибидаги намликни паст ҳароратда буғлантириш орқали олиб ташлашни назарда тутади. Натижада музқаймоқнинг табиий таъми, ҳиди ва озуқавий қиймати сақланиб қолади.

Маҳсулот енгил, узоқ муддат сақланиши ва ташишга қулайлилиги билан ҳам аҳамиятлидир. Айни пайтда республикамиз бўйлаб ушбу маҳсулотга талаб тобора ортиб бораяпти.

Савдо тармоқлари ва тадбиркорлар томонидан буюртмалар сони кўпайиб, янги ҳамкорлик алоқалари йўлга қўйилмоқда. Бу эса маҳаллий ишлаб чиқаришнинг рақобатбардошлиги ва сифат кўрсаткичлари юқори эканини яна бир бор тасдиқлайди.

Мутахассисларнинг  таъкидлашича, сублимация усулида тайёрланган музқаймоқ маҳсулоти дунё миқёсида, айниқса, болалар ва ёшлар ўртасида машҳур бўлиб бормоқда. Инновацион ёндашув, юқори сифат ва ички бозордаги ортиб бораётган талаб - мазкур лойиҳанинг муваффақиятли ривожланаётганидан далолат беради.

Telegram l Website l Facebook l Instagram l YouTube l LinkedIn

ЗАЪФАРОН ЕТИШТИРИШДА ИЛМИЙ АСОСЛАНГАН ТАДҚИҚОТЛАР ДАВОМ ЭТАДИ

Жорий йилнинг 5 март куни BMB HOLDING Илмий тадқиқотлар бўлими бошлиғи, қишлоқ хўжалиги бўйича фалсафа фанлари доктори (PhD) Бумайрам Усмонова ва фармацевтика фанлари доктори, профессор Абдуқодир Тўлаганов ўртасида учрашув бўлиб ўтди.

Музокаралар доривор ўсимликлардан фойдаланишда уларнинг таркибини илмий асосда стандартлаштириш, шунингдек, заъфарон хомашёсининг фармакологик имкониятларини чуқур ўрганиш масалаларига бағишланди.

Учрашув давомида BMB OPERA ZAFFERANO қўшма корхонаси плантацияларида етиштирилаётган заъфарон ўсимлигини илмий тадқиқ этиш, унинг таркибидаги биологик фаол моддаларни аниқлаш ва турли касалликларни даволашда қўллаш имкониятларини ўрганиш юзасидан ҳамкорлик истиқболлари муҳокама қилинди.

Хусусан, заъфарон таркибида мавжуд бўлган фаол компонентларни чуқур таҳлил қилиш, уларнинг тиббий ва профилактик аҳамиятини илмий асослаш масалаларига алоҳида эътибор қаратилди.

Шунингдек, заъфарон етиштириш жараёнида қўлланилаётган ўғитлар ва агротехник усулларнинг маҳсулот таркибига таъсирини таҳлил қилиш, ўғит қўлланилган ва қўлланилмаган ҳолатлардаги биологик фаол моддалар миқдорини таққосий ўрганиш бўйича илмий тадқиқотлар олиб бориш режалаштирилди.

Музокаралар якунида профессор раҳбарлигида заъфарон ўсимлигининг таркибий таҳлилларини амалга ошириш, шу асосда хорижий биологик фаол қўшимчалар (БАД) ишлаб чиқарувчи компаниялар учун талаб этиладиган лаборатория хулосалари ва таҳлилларини тайёрлаш масалалари ҳам кўриб чиқилди.

Telegram l Website l Facebook l Instagram l YouTube l LinkedIn