ПРЕСС-РЕЛИЗ: ЖИЗЗАХ ВИЛОЯТИДА ЗАМОНАВИЙ ИНТЕНСИВ ГИЛОС БОҒИ БАРПО ЭТИЛМОҚДА

Маълумки, Давлатимиз раҳбари 2025 йил 2 декабрь куни Жиззах вилоятига амалий ташрифи доирасида ҳудуднинг Бахмал ва бошқа туманларида замонавий интенсив боғлар яратиш масаласига алоҳида эътибор қаратилган эди. Шу асосда, BMB HOLDING томонидан Жиззах вилоятида қишлоқ хўжалиги соҳасини янада ривожлантириш, айниқса, боғдорчилик тармоғини янги босқичга олиб чиқиш мақсадида йирик инвестицион лойиҳалар амалга оширилмоқда.

Жумладан, Холдингнинг BMB GARDENS шуъба корхонаси томонидан Жиззах вилоятининг Ғаллаорол ва Шароф Рашидов туманларида икки йил давомида қаровсиз қолган, сув чиқмаган 500 гектар ер майдони ўзлаштирилиб, замонавий интенсив боғларга айлантириляпти. Эътиборлиси, яқин уч йил ичида ушбу боғ майдонларини 2000 гектаргача кенгайтириш режалаштирилган.

2026 йил 9 апрель куни Ғаллаорол тумани Кўкбулоқ массиви, Чаёнли ҚФЙ ҳудудидаги 115 гектар ер майдонида гилос кўчатлари экиш ишларига старт берилди.

Тадбирда Жиззах вилояти ҳокими ўринбосари Зафар Рўзиев, Ғаллаорол туман ҳокими Жалолиддин Оқбоев, BMB HOLDING Таъсисчилар кенгаши аъзоси Азиз Маматқулов, нуронийлар, қишлоқ фаоллари, матбуот ва ОАВ ходимлари қатнашди.

Лойиҳа доирасида илғор агротехнологиялар қўлланилиб, маҳаллий ҳамда хориждан келтирилган, инвитро усулида етиштирилган юқори экспортбоп гилос навлари экиляпти.

Хусусан, биринчи босқичда Нидерландия ва Польша давлатларидан олиб келинган ва “Самарқанд Шарқ саноати” корхонаси лабораторияларида инвитро усулида кўпайтирилган “Батирма” навли аччиқ гилос кўчатларидан 50 минг донаси 4х2,5 схемада экилмоқда.

Йиллик қуввати 1000 тонна гилос етиштиришдан иборат бўлган лойиҳанинг умумий қиймати қарийб 350 млрд. сўмни ташкил қилса-да, ҳозирда Холдингнинг ўз маблағлари ҳисобидан 26,2 млрд сўмлик ишлар тўлиқ амалга оширилди. Мазкур лойиҳанинг қолгани қисми инвестициялар ҳисобидан йўлга қўйилади.

Ушбу ташаббус ижтимоий аҳамиятга ҳам эга бўлиб, 50 нафар доимий ва 800 нафарга яқин мавсумий иш ўринлари яратилиши кўзда тутилган.

Шуни таъкидлаш лозимки, лойиҳани самарали амалга ошириш мақсадида замонавий инфратузилма яратилди. Жумладан, қишлоқ хўжалиги техникалари учун машина-трактор парки, автомобиллар тўхташ жойлари қурилди. Томчилатиб суғориш тизими жорий қилинди, 3 та янги артезиан қудуғи қазилди, 12 минг кубометр сиғимга эга сув ҳовузи барпо этилди, 5 км янги электр тармоғи тортилиб, 250 кВт лик 3 та трансформаторлар ўрнатилди, 5 км шағал йўл ҳамда битта кўприк бунёд этилди.

Шунингдек, лойиҳа доирасида ишчи-хизматчилар учун зарур шароитлар яратилган. Хусусан, маъмурий бино, 50 ўринли ётоқхона ва ошхона, ювиниш ва дам олиш хоналари қад кўтарди.

BMB GARDENS лойиҳаси қишлоқ хўжалигида кластер тизимини ривожлантириш, маҳсулот ишлаб чиқаришдан тортиб уни қайта ишлаш, сақлаш ва экспортгача бўлган ягона занжирни шакллантиришга хизмат қилади. Бу эса ўз навбатида мамлакатимизда озиқ-овқат хавфсизлигини таъминлаш ва мева-сабзавот маҳсулотлари экспорти ҳажмини оширишга муносиб ҳисса қўшади.

Мазкур лойиҳа BMB HOLDINGнинг аграр соҳадаги стратегик йўналишларидан бири бўлиб, унинг тўлиқ ишга туширилиши ҳудуд иқтисодиётини ривожлантириш, янги иш ўринлари яратиш ва экспорт салоҳиятини юксалтиришда муҳим омил бўлиб хизмат қилади.

BMB HOLDING
Ахборот хизмати

Telegram l Website l Facebook l Instagram l YouTube l LinkedIn

#masofadan
#8_son

Ҳурматли обуначилар!

Эътиборингизга “Masofadan” медиалойиҳасининг 8-сонини ҳавола этамиз.

Лойиҳамизнинг бугунги сонида BMB AGRO дала майдонларида помидор кўчатларини экиш жараёни билан яқиндан танишамиз.

Telegram l Website l Facebook l Instagram l YouTube l LinkedIn