МИЛЛИЙ МАҲСУЛОТЛАР ХАЛҚАРО БОЗОРДА

Мамлакатимизда ташқи савдони диверсификация қилиш ва маҳаллий брендларни хорижий бозорларга олиб чиқиш борасидаги тизимли ишлар ўз натижасини бермоқда. Хусусан, BMB-NRC AGROLOGISTICS корхонаси томонидан Россия, Латвия ва Украина давлатларига навбатдаги сархил қовун ҳамда карам маҳсулотларининг экспорти муваффақиятли йўлга қўйилди. Яъни, юқори сифат ва миллий стандартларга мос равишда қадоқланган ушбу қишлоқ хўжалиги маҳсулотлари хорижлик истеъмолчилар томон йўл олди.

Бундай амалий натижалар давлатимиз раҳбари томонидан соҳа вакиллари олдига қўйилаётган стратегик вазифалар ижросининг ёрқин намунасидир. Юртбошимиз доим тадбиркорлик ҳаракати Янги Ўзбекистон тараққиётини таъминлайдиган энг катта куч эканини қайд этиб, бизнес вакилларининг ташқи бозорга чиқишини ҳар томонлама қўллаб-қувватлаш бўйича янги имтиёзларни эълон қилмоқда.

Давлатимиз раҳбари таъкидлаганидек, маҳаллий маҳсулотларнинг жаҳон бозорида ўз ўрнига эга бўлиши ҳамда экспорт ҳажмининг ўсиши мамлакат иқтисодий барқарорлигининг асосий кафолати ҳисобланади. BMB-NRC AGROLOGISTTICS корхонаси ҳам мазкур йўналишда логистика ва савдо механизмларини тўғри йўлга қўйиб, юртимиз довруғини хорижда кенг ёйиб келаяпти.

​Бугунги кунда корхона нафақат маҳсулот етказиб бериш географиясини кенгайтирмоқда, балки фермер ва деҳқонларимиз етиштирган ҳосилни нобуд қилмай, халқаро талаблар даражасида саралаш ва сақлаш тизимини ҳам яхши йўлга қўйган. Бу каби дадил қадамлар яқин истиқболда ўзбек бренди остидаги маҳсулотларнинг Европа ва МДҲ бозорларидаги улушини янада салмоқли қилишга хизмат қилади.

Telegram l Website l Facebook l Instagram l YouTube l LinkedIn

BMB HOLDING МИЛЛИЙ МЕДИА ҲАМКОРЛИКНИ ЯНГИ БОСҚИЧГА ОЛИБ ЧИҚАДИ

Бугунги кунда мамлакатимизда очиқлик ва шаффофлик тамойилларини мустаҳкамлаш, тезкор, холис ҳамда ишончли ахборотни кенг жамоатчиликка етказиш, шунингдек, миллий медиа маконида самарали ҳамкорликни ривожлантириш устувор вазифалардан бирига айланган. Бу борада корпоратив медиа салоҳиятини янада ошириш, профессионал журналистика тамойилларини қўллаб-қувватлаш ҳамда ахборот соҳасида ўзаро манфаатли ҳамкорликни кенгайтириш мақсадида BMB HOLDING ҳамда Ўзбекистон Миллий медиа ассоциацияси ўртасида ҳамкорлик меморандуми имзоланди. Шунингдек, BMB Media Markazi расман Ўзбекистон Миллий медиа ассоциацияси аъзолари сафига қўшилди.

Ўзбекистон Миллий медиа ассоциацияси мамлакатнинг етакчи оммавий ахборот воситалари, электрон ва рақамли медиа платформалари, ахборот хизматлари ҳамда соҳа вакилларини бирлаштирувчи нуфузли тузилма ҳисобланади. Ассоциация медиа соҳасида илғор тажрибаларни оммалаштириш, профессионал кадрлар малакасини ошириш, медиа ташкилотлар ўртасида ҳамкорликни мустаҳкамлаш, қўшма лойиҳаларни амалга ошириш ҳамда миллий ахборот маконини янада ривожлантиришга хизмат қилади. Унга аъзо бўлиш BMB Media Markazi учун ҳам замонавий медиатехнологиялар ва илғор тажрибалардан самарали фойдаланиш, ахборот маҳсулотлари сифатини янада юксалтириш ва ҳамкорлик доирасини кенгайтиришга янги имкониятлар яратади.

Бугунги кунда BMB Media Markazi BMB HOLDING таркибидаги саноат, қишлоқ хўжалиги, экспорт, логистика, қурилиш, инвестиция ва ижтимоий йўналишларда амалга оширилаётган кенг кўламли лойиҳаларнинг ахборот таъминотини профессионал даражада ташкил этиб келмоқда. Марказ замонавий медиа технологиялари асосида тезкор янгиликлар, таҳлилий материаллар, фото ва видеорепортажлар, мультимедиа контентлари тайёрлаш, рақамли платформалар орқали кенг жамоатчиликка сифатли ахборот етказиш борасида тизимли фаолият юритмоқда.

Мазкур меморандумнинг имзоланиши ва BMB Media Markaziнинг Ўзбекистон Миллий медиа ассоциациясига аъзо бўлиши миллий медиа ҳамжамияти билан ҳамкорликни янада мустаҳкамлаш, ахборот соҳасидаги замонавий ёндашувларни амалиётга кенг жорий этиш, ҳамда мамлакат ахборот маконида сифатли ва ишончли контент улушини оширишга хизмат қилади. Бу эса BMB HOLDINGнинг очиқлик, ижтимоий масъулият ва жамоатчилик билан самарали мулоқотни таъминлашга қаратилган стратегик мақсадларини изчил амалга оширишда муҳим аҳамият касб этади.

Telegram l Website l Facebook l Instagram l YouTube l LinkedIn