BMB HOLDING Чехия бозорига чиқиш бўйича янги ҳамкорликни йўлга қўймоқда

12 август куни BMB HOLDING бош директори ўринбосари Хайрулла Набижонов Ўзбекистон Республикасининг Чехиядаги Элчихонаси кўмагида Чехиянинг йирик улгуржи импортёр компанияси — “NEGOCIO s.r.o.” ташқи савдо бўйича тижорат директори Шимон Чернохоус (Šimon Černohous) билан учрашув ўтказди. Мулоқотда холдингнинг агросаноат соҳасидаги фаолияти, мева-сабзавот маҳсулотларини етиштириш ва қайта ишлаш, замонавий сақлаш-қадоқлаш имкониятлари ҳамда экспорт салоҳияти тақдим этилди.

Маълумот учун: 2006 йилда ташкил этилган “NEGOCIO s.r.o.”компанияси музлатилган мева-сабзавот, парранда гўшти, балиқ ва бошқа озиқ-овқат маҳсулотларини импорт қилиш ҳамда улгуржи сотиш билан шуғулланади.

Мулоқот давомида BMB HOLDING жорий йилда Бельгия, Латвия, Польша, Норвегия, Германия ва бошқа Европа мамлакатларига маҳсулот етказиб бериб, экспорт географиясини изчил кенгайтириб келаетганини ҳамда Чехия янги экспорт бозори сифатида ушбу йўналишга қўшилаетганини таъкидланди. Шунингдек, томонлар Ўзбекистонда етиштирилаётган мева-сабзавот маҳсулотларини Чехия бозорига етказиб бериш, қайта ишланган маҳсулотлар экспортини йўлга қўйиш ва узоқ муддатли савдо-иқтисодий ҳамкорликни ривожлантириш масалаларини ҳам муҳокама қилдилар.

Чехиялик компания вакиллари IQF технологияси асосида музлатилган малина, ўрик, олхўри, олча, қизил ва қора смородина импорт қилишга қизиқиш билдирди. “NEGOCIO s.r.o.” янги лойиҳалари доирасида музлатилган ҳолда қадоқланган лимон шарбатини Чехия бозорига олиб кириш имкониятларини ҳам ўрганмоқда.

Учрашув якунида “NEGOCIO s.r.o.” раҳбариятининг Ўзбекистонга бизнес ташрифини ташкил этиш, BMB HOLDINGнинг ишлаб чиқариш ва қайта ишлаш қувватлари билан танишиш ҳамда истиқболли ҳамкорлик йўналишларини белгилаб олиш бўйича келишувга эришилди.

Бир сўз билан айтганда, BMB HOLDING учун Европанинг янги бозорларига кириш - нафақат экспорт ҳажмини ошириш, балки Ўзбекистонда етиштирилаётган сифатли қишлоқ хўжалиги маҳсулотларини халқаро бозорларда янада кенг намоён этиш демакдир.

Telegram l Website l Facebook l Instagram l YouTube l LinkedIn

BMB HOLDING ҚАШҒАРДА ХИТОЙ ТОМOНИ БИЛАН ЯНГИ ҲАМКОРЛИК ЛОЙИҲАЛАРИНИ МУҲОКАМА ҚИЛДИ
 
Хитойнинг Қашғар шаҳрида Ўзбекистон ва Хитой ўртасидаги савдо-иқтисодий, инвестицион ва технологик ҳамкорликни янада кенгайтиришга қаратилган бизнес-форум доирасида BMB Holding ташқи иқтисодий алоқалар департаменти директори Бобир Яхяев Хитойнинг турли компания ва ташкилотлари вакиллари билан ўзаро манфаатли ва истиқболли ҳамкорлик массалалари юзасидан бир қатор музокаралар ўтказди.
 
Мазкур тадбир давомида Ўзбекистонда хорижий инвесторлар учун яратилаётган имкониятлар ҳамда BMB Holdingнинг инвестиция ва экспорт салоҳияти, чуқур қайта ишлаш йўналишларида амалга оширилган лойиҳалар туғрисида ўтказилган тақдимот бир қатор Хитойлик компаниялар орасида катта қизиқиш уйғотди ва улар томонидан ҳамкорлик ўрнатиш юзасидан ташаббуслар билдирилди.
 
Жумладан, Guangdong Yuanchuang Industrial Development Co., Ltd. директори Винсент Хуань, Гуандун халқаро илмий-техник ҳамкорлик уюшмаси халқаро ҳамкорлик лойиҳалари раҳбари Сюй Хуаньюй ҳамда Шинжон илм-фан ва маданий алоқалар ассоциацияси ташқи алоқалар бўлими бошлиғи Ян Цзиньхуа (Yang Jinhua) билан ўтказилган музокараларда икки томонлама инвестиция ва экспорт қўшма лойиҳаларни амалга ошириш, илмий-технологик ва инновацион ҳамкорликни кенгайтириш, юқори технологияли компаниялар билан алоқаларни йўлга қўйиш, шунингдек, Ўзбекистон ва Шинжон ўртасидаги савдо-иқтисодий ҳамда маданий-гуманитар ҳамкорликни янги босқичга олиб чиқиш масалалари муҳокама қилинди.
 
Шунингдек, бизнес-форум доирасида ташкил қилинган Қашғар шаҳрига ташриф доирасида сунъий интеллект (AI) технологиялари интеграция қилинган техникалар ва IT-компаниялар учун яратилган Марказ билан танишилди.
Учрашувларнинг амалий натижаларидан бири сифатида Ўзбекистон маҳсулотлари учун ажратиладиган махсус ҳудудда BMB Holding маҳсулотларига алоҳида стенд ташкил этиш, шунингдек, онлайн савдо платформалари орқали Ўзбекистон маҳсулотларини Хитой бозорига чиқариш бўйича ҳамкорликни йўлга қўйиш масалалари бўйича келишувларга эришилди.
 
Умуман олганда, Қашғар шаҳридаги музокаралар BMB Holdingнинг Хитой билан савдо-иқтисодий, инвестицион ва технологик ҳамкорликни янги босқичга олиб чиқиш, янги шериклар ва лойиҳаларни жалб қилиш ҳамда миллий маҳсулотларимизни Хитой бозорига экспортини кенгайтиришга қаратилган амалий қадам бўлди.

Telegram l Website l Facebook l Instagram l YouTube l LinkedIn

Қашғарда BMB Holding ва Хитой компаниялари ўртасида музокаралар ўтказилди

Жорий йилнинг 15 август куни BMB Holding ташқи иқтисодий алоқалар департаменти директори Бобир Яхяев Хитойнинг Қашғар шаҳрида ўтказилган 16-"Қашғар — Марказий ва Жанубий Осиё товар ярмаркаси"да иштирок этди.

Ташриф доирасида Хитойнинг қатор компаниялари раҳбарлари билан учрашувлар ўтказилиб, саноат, қурилиш материаллари, электротехника ва иссиқхона технологиялари бўйича ҳамкорлик масалалари муҳокама қилинди. Шунингдек, бир қатор завод ва фабрикаларнинг ишлаб чиқариш жараёнлари билан танишилди.

Учрашувларда Хитой томонига BMB Holdingнинг асосий фаолият йўналишлари, Ўзбекистонда хорижий инвесторлар учун яратилаётган имкониятлар ва холдингнинг халқаро тажрибаси ҳақида маълумот берилди.

Шунингдек, BMB Holding маҳсулотлари 40 дан ортиқ мамлакатга, жумладан Хитойга ҳам экспорт қилинаётгани, сўнгги йилларда эса 1000 дан ортиқ хорижий компания холдинг хизматларидан фойдалангани қайд этилди.

Мулоқот давомида Changhui Power Kahui Cable, Xinjiang Xiaode Electrical Technology Co., Ltd. ҳамда Baoding Xinhai Plastic Sheet Co., Ltd. компаниялари билан ҳамкорлик истиқболлари кўриб чиқилди.

Музокаралар якунига кўра, Ўзбекистонда қўшма инвестициявий лойиҳаларни амалга ошириш масалалари юзасидан келишувларга эришилди.

Telegram l Website l Facebook l Instagram l YouTube l LinkedIn