МУСТАҚИЛЛИГИМИЗНИНГ 35 ЙИЛЛИГИ МУНОСАБАТИ БИЛАН МУНОСИБ ЭЪТИРОФ

Ўзбекистон Республикаси Президентининг 2026 йил 22 августдаги “Ўзбекистон Республикаси мустақиллигининг 35 йиллиги” эсдалик нишони билан тақдирлаш тўғрисидаги Фармонига мувофиқ, BMB HOLDING жамоасида узоқ йиллардан буён самарали меҳнат қилиб келаётган бир қатор фидойи ходимлар тақдирланди.

Тақдирлаш маросимида Холдинг Таъсисчилар кенгашининг фахрий раиси Маматқулов Акмал Жабборқулович иштирок этиб, эсдалик нишонларини ўз эгаларига топширди.

Мазкур эътироф BMB HOLDING жамоаси вакилларининг ўз вазифаларига юксак масъулият ва фидойилик билан ёндашиб, самарали меҳнат қилиб келаётгани, янги ташаббус ва лойиҳаларни амалга оширишга қўшаётган муносиб ҳиссаси, шунингдек, юртимизнинг ижтимоий-иқтисодий тараққиёти ва юксалишига хизмат қилаётган меҳнат фаолиятининг муносиб эътирофи бўлди.

Ходимларнинг хизмат сафарлари, иш кўламининг кенглиги ва бошқа ўзига хос айрим сабабларга кўра мукофотларнинг топширилиш маросими кейинроқ ўтказилди.

BMB HOLDING жамоаси мукофотланган ходимларни самимий муборакбод этиб, уларга келгуси фаолиятида янада улкан муваффақиятлар тилайди.

Telegram l Website l Facebook l Instagram l YouTube l LinkedIn

ЯНГИ МАВСУМГА ПУХТА ТАЙЁРГАРЛИК

Бахмал заминида янги заъфарон мавсумига тайёргарлик аллақачон бошланган. BMB OPERA ZAFFERANO ҳамда BMB SHIFO корхоналарида далалардаги ҳар бир жараён келгуси ҳосилнинг пойдевори сифатида қаралмоқда. Ерни тайёрлаш, пиёзбошларни парваришлаш ва бошқа зарур агротехник тадбирлар ўз вақтида амалга оширилиб, янги мавсумни юқори натижалар билан бошлаш учун изчил ишлар олиб борилмоқда.

Хабарингиз бор, заъфарон - оддий зиравор эмас. У дунёдаги энг қимматбаҳо қишлоқ хўжалиги маҳсулотларидан бири бўлиб, озиқ-овқат, фармацевтика ва косметика саноатида кенг қўлланилади. Шунинг учун уни етиштиришда ҳосил миқдори билан бир қаторда, пиёзбошдан тортиб, гулни йиғиб олишгача бўлган ҳар бир босқичда сифат ва зарурий технологияларга риоя қилиш муҳим.

Бугунги кунда корхоналар олдида янада катта мақсад бор. Бу ҳам бўлса, заъфарон плантацияларини кенгайтириш. Шу мақсад йўлида сифатли пиёзбошларни BMB HOLDING мутахассисларининг ўзлари етиштиришга алоҳида эътибор қаратишмоқда. Бу эса келгусида янги майдонларни барпо этиш, сифатли пиёзбошилар билан барқарор таъминланиш ва заъфарончиликни узоқ муддатли, тизимли йўналиш сифатида ривожлантириш имконини яратади.

Албатта, ҳар бир мавсум ўз натижасини беради, аммо сифатли маҳсулот олдиндан қилинган меҳнатдан бошланиши табиий. Бахмалда бугун амалга оширилаётган агротехник тадбирлар - эртанги олтинранг заъфарон ҳосилининг гаровидир.

Telegram l Website l Facebook l Instagram l YouTube l LinkedIn