ЯНГИ ҚОВУН ПАРТИЯСИ ХИТОЙ БОЗОРИГА ЭКСПОРТ ҚИЛИНДИ

Жорий йилнинг сентябрь ойида BMB HOLDING таркибидаги корхоналарда етиштирилган юқори сифатли қовунлар Хитой бозорига етказиб берилди. Маҳсулотларни экспортга тайёрлаш ва жўнатиш жараёни BMB-NRC AGROLOGISTICS мажмуаси орқали самарали амалга оширилди.

​Экспорт партиясини шакллантиришда маҳсулотнинг нафақат ташқи кўриниши, балки ички ҳолатига ҳам алоҳида эътибор қаратилди. Жўнатишдан аввал янги узилган қовунлар қабул қилиниб, зарур намуналар олинди. Бу жараён маҳсулотнинг етилиш даражаси, ички сифати ва узоқ масофага ташишга яроқлилигини холис баҳолаш имконини берди.

​Бундай ёндашув, айниқса, экспорт географияси кенгайиб бораётган шароитда муҳим аҳамиятга эга. Чунки қовуннинг ташқи кўриниши унинг ички сифатини ҳар доим ҳам тўлиқ акс эттирмайди. Шу боис экспортга йўналтирилаётган маҳсулотни олдиндан саралаш ва сифатини пухта назорат қилиш етказиб бериш жараёнининг энг муҳим босқичларидан бири ҳисобланади.

​Хитой бозорига қовун юборилиши BMB HOLDING корхоналарида етиштирилган маҳсулотларни ушбу истиқболли йўналишда экспорт қилиш учун яна бир кенг имконият очди. Эндиликда асосий эътибор қовун экспорти кўламини ошириш, жўнатмалар мунтазамлигини таъминлаш ва маҳсулотни Хитой бозорига барқарор етказиб беришга қаратилади. Бу борада зарур Хитой сертификатларининг мавжудлиги муҳим омил бўлиб хизмат қилмоқда.

​Хитойга йўл олган ушбу экспорт партияси маҳсулотни етиштиришдан тортиб, қабул қилиш, сифатини баҳолаш, саралаш ва жўнатишгача бўлган жараёнларни ягона ва тизимли ташкил этишнинг амалий натижасидир.

​Бу жараёнда BMB-NRC AGROLOGISTICS мажмуасининг ўрни алоҳида аҳамият касб этмоқда. Мажмуа орқали маҳсулотларни халқаро экспорт талаблари асосида тайёрлаш ва ташқи бозорларга тизимли етказиб бериш тўлиқ мувофиқлаштирилмоқда.

Telegram l Website l Facebook l Instagram l YouTube l LinkedIn

BMB ZOMIN AGRO FOOD'ДА ПИЁЗ ЙИҒИМ-ТЕРИМИ ҚИЗҒИН ДАВОМ ЭТМОҚДА

Бугун мамлакатимизда озиқ-овқат хавфсизлигини таъминлаш, аҳоли фаровонлигини ошириш ва ички бозорда барқарор нарх-наво ҳамда маҳсулот таъминотини йўлга қўйиш амалга оширилаётган аграр ислоҳотларнинг муҳим йўналишларидан бири ҳисобланади. Шу мақсадда қишлоқ хўжалигида ер ва сув ресурсларидан оқилона фойдаланиш, замонавий агротехнологияларни кенг жорий этиш, сифатли ва мўл ҳосил етиштириш, уни ўз вақтида йиғиб-териб олиш ҳамда ички бозорга барқарор етказиб беришга алоҳида эътибор қаратилмоқда.

Айни пайтда BMB HOLDING га қарашли Зомин туманидаги BMB ZOMIN AGRO FOOD корхонаси дала майдонларида пиёз ҳосилини йиғиб олиш ишлари қизғин давом этмоқда. Пиёзни йиғиш, саралаш ва махсус қопларга жойлаш жараёнлари тизимли ташкил этилган бўлиб, тайёр маҳсулотни сотиш ва истеъмолчиларга етказиб бериш ишлари ҳам мунтазам амалга оширилмоқда. Барча агротехник тадбирлар белгиланган талаблар асосида самарали олиб бориляпти.

Етиштирилган ҳосилни сифатли йиғиб олиш ва бозорга узлуксиз етказиб бериш орқали ички бозорда озиқ-овқат маҳсулотлари барқарорлигини таъминлаш, аҳоли эҳтиёжини қондириш ва озиқ-овқат хавфсизлигини мустаҳкамлашга муносиб ҳисса қўшилмоқда.

Хулоса қилиб айтганда, ердан самарали фойдаланиш, мўл ва сифатли ҳосил етиштириш ҳамда уни истеъмолчига ўз вақтида етказиб бериш - озиқ-овқат хавфсизлигини таъминлашнинг муҳим бўғинидир. BMB ZOMIN AGRO FOOD'да бу йўналишдаги ишлар изчил йўлга қўйилган.

Telegram l Website l Facebook l Instagram l YouTube l LinkedIn

ЎЗБЕКИСТОН–ХИТОЙ: BMB HOLDING ВА “SHANKO INTL SC” ЯНГИ ҲАМКОРЛИК БОСҚИЧИНИ МУҲОКАМА ҚИЛДИ

​Жорий йилнинг 28 сентябрь куни BMB Holding Инвестиция лойиҳаларига консалтинг хизмати кўрсатиш департаменти директори Бобир Яхяев ҳамда Хитой–Ўзбекистон “SHANKO INTL SC” қўшма корхонаси бош директори, Шинжон-Уйғур автоном райони Халқ сиёсий маслаҳат кенгашининг хорижий аъзоси Малия Хуопуэр ўртасида учрашув бўлиб ўтди.

Мулоқотда икки мамлакат ўртасидаги стратегик шериклик муносабатларини мустаҳкамлаш, савдо-иқтисодий ва инвестициявий алоқаларни ривожлантириш ҳамда янги амалий лойиҳаларни илгари суриш масалалари диққат марказида бўлди.

​Учрашувда BMB Holdingнинг агросаноат салоҳияти, экспорт ва туризм соҳасидаги имкониятлари тақдим этилди. Хусусан, Жиззах заминида етиштирилган юқори сифатли қовунларнинг навбатдаги партияси BMB-NRC AGROLOGISTICS мажмуаси орқали Хитой бозорига тизимли равишда экспорт қилингани алоҳида таъкидланди.

Шунингдек, дуккакли ҳамда бошқа мева-сабзавот ва полиз маҳсулотлари экспорти ҳажмини ошириш, турларини кенгайтириш ва логистикани такомиллаштириш бўйича аниқ истиқболлар кўриб чиқилди.

​Мулоқот давомида Хитой инвесторларини Ўзбекистондаги истиқболли лойиҳаларга жалб этиш, уларга консалтинг ва информацион кўмак кўрсатиш ҳамда икки мамлакат бизнес вакиллари ўртасида тўғридан-тўғри алоқаларни кенгайтириш масалаларига эътибор қаратилди.

Бундан ташқари, Хитойдан Ўзбекистонга сайёҳлар оқимини кўпайтириш, мамлакатнинг туристик салоҳиятини кенг тарғиб қилиш ва янги туристик маҳсулотларни шакллантириш бўйича ҳамкорлик қилишга келишиб олинди.

​Музокаралар якунида томонлар инвестицияларни жалб қилиш, экспорт ҳамда туризм имкониятларини ривожлантириш, шунингдек, қўшма инвестициявий лойиҳаларни амалга ошириш бўйича ҳамкорликни изчил давом эттириш истагини билдирдилар.

Telegram l Website l Facebook l Instagram l YouTube l LinkedIn

BMB AGRO PLUS: ТАЖРИБА ВА МЕТОДИК КЎМАК - РИВОЖЛАНИШНИНГ МУҲИМ ОМИЛИ

Жорий йилнинг 29 сентябрь куни BMB HOLDING Таъсисчилар кенгаши фахрий раиси Акмал Жабборқулович Маматқулов BMB AGRO PLUS корхонасига ташриф буюриб, ишлаб чиқариш жараёнлари билан яқиндан танишди.

Ташрифнинг асосий мақсади корхона фаолиятини янада такомиллаштириш, мавжуд салоҳият ва имкониятлардан самарали фойдаланиш, шунингдек, истиқболдаги ривожланиш йўналишларини белгилашдан иборат бўлди.

Амалий ташриф давомида Акмал Маматқулов ўзининг бой тажрибаси ва кўп йиллик амалий билимларига таянган ҳолда, ишлаб чиқариш жараёнларини янада самарали ташкил этиш, маҳсулот сифатини ошириш, янги имкониятлардан фойдаланиш ва экспорт салоҳиятини кенгайтириш бўйича методик тавсия ҳамда амалий таклифларини билдирди.

Бугунги кунда қишлоқ хўжалиги маҳсулотларини нафақат етиштириш, балки уларни чуқур қайта ишлаш, қўшимча қиймат яратиш ва экспортбоп тайёр маҳсулотга айлантириш муҳим аҳамият касб этмоқда.

Шу нуқтаи назардан, BMB AGRO PLUSда қишлоқ хўжалиги маҳсулотларини замонавий технологиялар асосида чуқур қайта ишлаш, уларнинг сифатини ошириш ва ички ҳамда ташқи бозорлар учун рақобатбардош маҳсулотлар тайёрлашга алоҳида эътибор қаратилмоқда.

Корхонада амалга оширилаётган ишлар, ишлаб чиқариш жараёнлари ва келгусидаги режалар муҳокамаси давомида билдирилган тавсиялар фаолият самарадорлигини ошириш, мавжуд имкониятларни янада тўлиқ ишга солиш ва янги истиқболли йўналишларни белгилашга хизмат қилади.

BMB AGRO PLUSда чуқур қайта ишлаш, юқори қўшимча қийматга эга маҳсулотлар ишлаб чиқариш ва экспорт салоҳиятини оширишга қаратилган ишлар изчил давом этмоқда.

Telegram l Website l Facebook l Instagram l YouTube l LinkedIn