HARAKAT XAVFSIZLIGI VA ISHCHI-XODIMLAR UCHUN YARATILGAN SHAROITLAR — E’TIBOR MARKAZIDA

Buxoro mintaqaviy temir yo‘l uzeli rahbari tomonidan hududlarda faoliyat olib borayotgan ishchi-xodimlarning mehnat faoliyati, ish jarayonlarining tashkil etilishi hamda ular uchun yaratilgan mehnat sharoitlari yuzasidan navbatdagi o‘rganish ishlari olib borildi.

O‘rganishlar davomida 3972-kilometr 6-piketda joylashgan temir yo‘l kesishmasida bo‘lib, mazkur hududda poyezdlar harakat xavfsizligini ta’minlash borasida amalga oshirilayotgan ishlar ko‘zdan kechirildi.

Xususan, temir yo‘l kesishmasida xavfsizlik talablariga rioya etilishi, ishchi-xodimlarning xizmat vazifalarini belgilangan tartibda bajarishi hamda harakat xavfsizligini ta’minlash bo‘yicha amalga oshirilishi lozim bo‘lgan qo‘shimcha choralar muhokama qilindi.

Shuningdek, Buxoro elektr ta’minoti masofasining 39-sonli Buxoro kontakt elektr tarmoqlari bo‘limida ham o‘rganish ishlari olib borildi.
O‘rganish jarayonida bo‘lim hududi atroflicha ko‘zdan kechirilib, mavjud texnik vositalar, ish jarayonida foydalaniladigan jihozlar hamda ehtiyot qismlarning mavjudligi va belgilangan tartibda saqlanishiga alohida e’tibor qaratildi.

Bundan tashqari, ishchi-xodimlarning mehnat faoliyatini samarali tashkil etish, ular uchun yaratilgan sharoitlarni yanada yaxshilash, texnik vositalardan oqilona foydalanish hamda mavjud kamchiliklarning oldini olish masalalari yuzasidan tegishli vazifalar belgilab berildi.

Harakat xavfsizligini ta’minlash — barcha bo‘g‘inlarda izchil nazorat, mas’uliyat va fidokorona mehnatni talab etadi.

Rasmiy sahifalarimiz⤵️
Site | Telegram | YouTube | Instagram | Facebook | Virtual murojaat

NAVOIY TEMIR YO‘L VOKZALIDAGI REKONSTRUKSIYA ISHLARI O‘RGANILDI

“O‘zbekiston temir yo‘llari” AJ boshqaruv raisining temir yo‘l obyektlarini ta’mirlash va qurish bo‘yicha o‘rinbosari E. Rizayev boshchiligida, Buxoro mintaqaviy temir yo‘l uzeli filiali rahbari ishtirokida Navoiy temir yo‘l vokzalida olib borilayotgan rekonstruksiya ishlari joyiga chiqqan holda atroflicha o‘rganildi.

O‘rganish davomida loyiha hujjatlari asosida olib borilayotgan qurilish-montaj ishlarining borishi va sifati, belgilangan muddatlarga rioya etilishi, shuningdek, rekonstruksiya doirasida yo‘lovchilar uchun yaratilayotgan zamonaviy, qulay va xavfsiz sharoitlar muhokama qilindi.

Shuningdek, vokzal infratuzilmasini zamonaviy talablar asosida rivojlantirish, qurilish jarayonida texnik me’yor va talablariga qat’iy rioya etish, bajarilayotgan ishlarning sifatini ta’minlash hamda rekonstruksiya jarayonlarini belgilangan muddatlarda yakunlash masalalariga alohida e’tibor qaratildi.

Yakunida mas’ullarga rekonstruksiya ishlarini sifatli, puxta va o‘z vaqtida yakunlash, aniqlangan masalalarni tezkor bartaraf etish hamda vokzalni yo‘lovchilar uchun yanada zamonaviy va qulay maskanga aylantirish yuzasidan tegishli ko‘rsatma va topshiriqlar berildi.

Bosh maqsad — yo‘lovchilarga zamonaviy, qulay va sifatli xizmat ko‘rsatish uchun munosib sharoit yaratish.

Rasmiy sahifalarimiz⤵️
Site | Telegram | YouTube | Instagram | Facebook | Virtual murojaat